كارثة نادى النصر

انا عندى شكوى و للأسف اول مرة اشتكى من النادى و ي}سفنى ان ده يحصل فى ظل الأدارة الجديدة اللى المفروض ان احنا انتخبناها و استأمناها على النادى وعلى ولادنا امبارح 28/10 كنت فى النادى مع ولادى بعد المغرب و ابنى عنده 16 سنة كان بيلعب مع ابن خالته 13 سنة عند الملاعب كالعادة فوجئوا بشباب صغير ما بين 13 و 18 سنة شكلهم غريب بيلعبوا كورة و هم حافيين و كل شوية يخبطوا الكورة فى ابنى طبعا هو راح قالهم بلاش كده بس فضلوا يعملوا كده راح ولد منهم زق ابنى راح ابنى زقه تخيلوا الولد يعمل ايه طلع شرابه من جيبه و حطه فى بق ابنى و قاله شوف كده طعمه حلو طبعا ابنى زقه و قاله ايه اللى انت بتعمله ده رااح اكبر واحد فيهم ضرب ابنى بالقلم على وشه طبعا كل ده فة غياااااب كامل للأمن و لسه ابنى طبعا كلمنى انا و باباه و روحناله و شاور لنا على الولاد دول روحت اسأل الولد انت ضربته ليه لرد بقلة أدب روحت ضربته نفس القلم اللى ضربه لأبنى و قلتله استحالة تبقوا انتو اعضاء فى النادى اصل لو كده يبقى النادى لم تخيلوا يلرد يقول ايه اه ماهو لم اشكالكو المهم روحنا للأمن اللى عند البوبه طلب منه اظهار الكارنيه مارضيوش ضغط عليهم طلعوه و قالولوه بس ماتبصش فى الصورة مما اثبت لى انهم مش اعضاء طب بالله عليكم دول دخلوا ازاى يبقى الأمن متسيب و مشترك معاهم و انا اءمن على ولادى ازاى المره اللى جايه يجيلى متاخد مطوة فى جنبه لأن للأسف النادى بقى متسيب فين الأدارة مفيش متابعة ليه انا كنت فاكرة نفسى مشتركة فى نادى محترم أءمن على ولادى فيه لكن للأسف انا كده عايزة اتخلص من العضوية بأى طريقة و مانصحش حد يشترك فيه بس قبل ده قولت ابعت للأدارة هيقدروا ياخدوا فعل ولا زى فرد الأمن ما قال دول عيال و بيلعبوا و اسفة على الأطالة