ازاى نعمل خير فى رمضان

اى حد عنده فكرة نعمل بيها خير فى رمضان
يا ريت نطرحها على بعضنا
واكيد هنفيد بعض
لان كتير اوقات الواحد حابب انه يعمل خير
بس مش عارف ازاى وايه الطريقة

والله يا عمرو انه فيه ناس فعلا بيجى ويروح عليها رمضان وهى فعلا مش عارفة تتصرف ازاى ولكن الملحوظة اللى انا عيز اقولها ان الخير ليس مرتبط بشهر ولا وقت ولا زمن ولما تيجى النادى احنا كشباب اعضاء فى النادى عاملين حاجة ظريفة اوى انه فى دار ايتام متكفلين بيه فى كل متطلباته يعنى احتاجوا غسالة بنجمع ونجيب احتاجوا ملابس وهكذا وبنعمل لهم فى رمضان اذن من ادارة النادى بالتواجدللعب واللى عايز يجيب حاجة للاطفال لوحده مفيش مشكلة وبيجى معاهم فى النادى مشرفات من الدار وايضا بيجى معاهم كل واحد متبنى طفل او متكفل بيه بيلعبه ويشترى له لعبة واشياء من هذا القبيل وذلك للعلم على مدار العام ولله الحمد ان ادارة النادى على مختلف المجالات متعاونة معانا تعاون جميل يعنى فى مجموعة بتتمرن سباحة ومجموعة كورة وهكذا

فكرة جميلة ونشكر ادارة النادى عليها
ونتمنى مزيد من الافكار
وشكرا ا/ محمد رسمى

فكرة جميلة جدا وهذه من الاشياء التي تسعد الاطفال اللي فقدوا اهلهم

بص بقى يا عموره

طبعاً كلنا عارفين شنطة رمضان

على فكره يا عمرو جزاء الإطعام كبير قوى

بس الشنطه أغلبها نواشف وبقوليات

والناس الغلابه بطنهم إتهرت منها

فيا ريت نبل ريقهم بشىء من اللحوم مع الشنطه

ممكن نضيف فرخه أو كيلو لحم

وأهو أى شىء يدخل الفرحه على إخواننا المساكين

تقبل الله منا ومنك يا عمرو

وفكرة الموضوع جميله أحييك عليها

شكرا يا طاروق
على الفكرة الجميلة
واتمنى مشاركات اكتر
للاستفادة منها

انا اول مرة اعرف عن اللى بيتعمل فى النادى بخصوص الاطفال ده بجد مجهود يشكر من ادارة النادى وشكرا لنقلك الصورة يا استاذ محمد

يعنى هو اللى احنا بنعمله فى الجامعه اللى هو جمع فلوس كمان في حاجة اسمها شنطة رمضان ب 100 جنيه دى عاملها احمد يونس بتدفع 100 جنيه او اكتر واحمد يونس واللى معاه بيشتروا بيها حاجات للناس المحتاجة ولو عايز انك تقدم المساعدات ى بنفسك طبعا متاح

كمان فى رسالة بيعملوا قوافل كده بتبقى فى محافظات بيوزعوا فيها الحاجات وبتبقى حلوة اوى

وبعدين انا من وجهه نظرى انك ممكن تقدم الخير باى وسيلى حتى لو كانت اللى بمقدورك بس ولو كان قليل المهم اننا نستغل كرم الشهر الفضيل علينا

فيه دكتور صديق عمل حاجه فيها إنسانيه عاليه قوى

إشترى عدد من أجولة البلح

وكمية قمر الدين

وحطهم فى شنطة العربيه

وراح حى شعبى فقير جدا

وفتح شنطة السياره

وقال كيلو البلح بجنيه واحد وقمر الدين ب 2 جنيه

بشرط كل فرد ليه 2 ك بلح ولفة قمر الدين

وعليها فى ظرف نص ساعه كان باع كل اللى معاه

وطبعاً هو كان يقصد عدم جرح الناس بتقديمها كصدقه فقدمها بسعر رمزى

فكرة جميلة جدا

بجد الفكرة دى حلوة اوى .....خصوصا انها مش معمولها بروباجندا عاليه فالناس مش هيتجرح احساسها ....

لو علي الطرق لعمل الخير فاحسن حاجة فعلا هي شنط رمضان

للي عايز يساعد

تحية إعزاز وتقدير لشخصكم الكريم
نحن ندعوكم لمد يدالخيرلكل فقراءمصرومرضاهامن خلال التبرع في مشروعات الجمعية ومنها كر تونة رمضان
وتوزع
على الفقراء والمرضى والأرامل والأيتام في صعيدمصرومن لايجدون العون
والغيرقادرين على التمتع بمافي مدن مصرمن خيرات يتمتع بهاغيرهم.
حيث أنه سوف يتم توزيع (60 ألف) كرتونة ونحتاج مشاركتكم والتعاون معنافي
التبرعات النقدية أو العينية.
تبرع باي حاجه
للإستفســار/ أم نور

0129871359 - 25162433 - 25162414
[ندعوك للتسجيل في المنتدى أو التعريف بنفسك لمعاينة هذا الرابط]

هيه دي الزكـــــاة ... هيه دي الصـــدقـــة الجارية
دار الأورمـــان بوابتــك للخـيــر

شكرا لاوبرا لمشاركتها
وشكرا لهيما
وعايزين مشاركات اكتر والله احنا كدة بنفيد بعض
وكل سنة وانتو طيبين ورمضان كريم

TITO كتب:: فيه دكتور صديق عمل حاجه فيها إنسانيه عاليه قوى

إشترى عدد من أجولة البلح

وكمية قمر الدين

وحطهم فى شنطة العربيه

وراح حى شعبى فقير جدا

وفتح شنطة السياره

وقال كيلو البلح بجنيه واحد وقمر الدين ب 2 جنيه

بشرط كل فرد ليه 2 ك بلح ولفة قمر الدين

وعليها فى ظرف نص ساعه كان باع كل اللى معاه

وطبعاً هو كان يقصد عدم جرح الناس بتقديمها كصدقه فقدمها بسعر رمزى

فكرة جميلة اوي

لكن في ناس كتير شكاكة

هيقولوا ممكن تكون حاجات بايظة او فيها ححاجة مش كويسة

والناس فعلا بتفكر كدا

hema كتب:

TITO كتب:: فيه دكتور صديق عمل حاجه فيها إنسانيه عاليه قوى

إشترى عدد من أجولة البلح

وكمية قمر الدين

وحطهم فى شنطة العربيه

وراح حى شعبى فقير جدا

وفتح شنطة السياره

وقال كيلو البلح بجنيه واحد وقمر الدين ب 2 جنيه

بشرط كل فرد ليه 2 ك بلح ولفة قمر الدين

وعليها فى ظرف نص ساعه كان باع كل اللى معاه

وطبعاً هو كان يقصد عدم جرح الناس بتقديمها كصدقه فقدمها بسعر رمزى

فكرة جميلة اوي

لكن في ناس كتير شكاكة

هيقولوا ممكن تكون حاجات بايظة او فيها ححاجة مش كويسة

والناس فعلا بتفكر كدا

بص يا هيما

ربنا يكفيك شر الفقر

الفقير لا ينظر لذلك لعدم ميوله للفكره وتقبله أكثر لأن تكون السلعه أرخص مهما كانت جودتها

والنتيجه العمليه

أن السلعه نفذت فوراً ووعدهم الدكتور .......بدون ذكر إسمه بعودته غدا بكميه أخرى

مثله مثل أى بياع

ولكن لم يعد وذهب لمنطقه أخرى