لسة بتودوا اولاكم المدرسة ادخلوا بسرعة وقولوا لى

السلام عليكم ورحمة الله وبركاتة
ازيكم يا نصراوية
وحشتونى اوى
ندخل ف الموضوع عاوزين نعرف كام واحد بيروح والمدرسة وكام واحد لا وكام واحد قاعد ف البيت

ايه يا جماعة فين التصوييييييييييييييييييييت

انا بغيب تلات وخميس

وبروح الحد والاتنين والاربع

انا قررت عدم ذهاب اولادى للمدرسه منذ يومين لظهور حالة انفلوانزا الخنازير بالمدرسه

رغم تاكيد مسؤلى المدرسه ان التحاليل لم تثبت حتى الآن ان الاصابه ايجابيه الا اننى قد قررت عدم المخاطرة بصحة الاولاد

استفتاء جميل يا دوندون و فكرته رائعه حيث انه يتعايش مع الاحداث الراهنه

تحياتى

انا لسه بودى بنتى للمدرسه و ان شاء الله هقعدها من الاسبوع القادم حتى نهاية أجازه العيد

أنا عندى صديقة دكتورة ..قالتلي أنا أولادى منتظمين في مدارسهم وحضاناتهم

وان الحالات اللي بتظهر في المدارس دى اغلبها اشتباه في المرض وليست مؤكدة

لأن دور الانفلونزا حاليا اعراضه تتشابه كثيرا مع انفلونزا الخنازير

ودور المدرسة استبعاد اى حالة مشكوك فيها واغلاق الفصل اللي ظهرت فيه الحالة

لحين التحليل والبت في أمره

وده اللي بيعمل نوع من الذعر عند الأهالي.. لكن هو بيكون مجرد اجراء وقائي من المدرسة

لابد منه..

وقالتلي كمان ان الأهالي من شدة القلق والخوف ..مش بيكون عندهم ثقة في ادارة المدرسة

لما بيقولولهم ان نتائج التحليل طلعت سلبية ..بيشككوا في الكلام ده..

والشائعات بتكتر..واحنا ماشاء الله في نشر الشائعات 100%

وربنا يحفظنا جميعا ويحفظ أولادنا من كل شر

مع كامل احترامي و تقديري للأراء التخصصيه التي تتعامل مع الأمر من منطلق علمي
إلا ان العلاقه بيننا بين الحكومه تتمتع بالكثير من عدم الثفه و افتقاد المصداقيه علي مدار أجيال و أجيال و قد أفرز هذا اننا نفعل عكس النصائح الحكوميه
سنكون في قمه السعادة لو تمكنت الاجهزة الحكوميه من بناء جسور ثقه مع المواطنين بالمصداقيه
لكن مع الأسف أجد نفسي في حيره من امري نظرا لوجود تضارب عنيف بين الواقع الملموس و بين التصريحات الورديه البراقه

تحياتي

والله ياحسام أنا معاك في كل كلمة قلتها

بس أنا استغربت لأن صديقتي دى لها أيضا طفل في حضانة عمره سنتين وبتوديه الحضانة عادى

ولقيتها مش قلقانة ..بتتصرف عادى مع انهم مش واخدين اى تطعيمات

وللعلم ان والدتها تسكن فوقها في نفس المنزل

فده عمللي نوع من الاطمئنان نوعا ما..

فحبيت أنقله لكم..

لكن أنا من رأيي ان الأولاد يقعدوا في البيوت على الأقل حتى بعد انتهاء

اجازة العيد..وبعدين نشوف ايه الوضع..

وان شاء الله خير...

انا بقي بابا مش عاوز يودينى المدرسة خالص وماما عاوزه تودينى
انا بقى صديقتى بابها مدرس ف المدرسة الاحنا فيها انا قلت لو في حاجه ف المدرسة اكيد هيقعدها ولكن البنت بتيجي كل يوم ومش بتغيب خالص وكل لما اجى اقولها ندى انتى مش هتغيبى خالص تقولى لا يا ندى مش هغيب
انا فى مدرسة حدائق القبة القومية الخاصة بس مش ظهر فيها حالات خالص
الحمد لله

الحمد لله

ربنا يستر علي الجميع

موضوع جميل يسلمو حبيبتي تقبلي مروري وتحياتي

اوجة الشكر لك من 1_ الاخ هيما
2-عمو حسام
3-مدام نهى
4-ملكة المنتدى
5-الجميلة سلمى

انا قعدت ابنى من المدرسه من كام يوم
لان المدرسه ظهرت فيها حالتين للمرض
واتقفلت بيقولوا هتفضل مغلقه لمدة 15 يوم
لكن انا لسه ما قررتش اذا كنت هاوديه تانى واللالأ
تقبلى تحياتى يا ندى
ربنا يحفظنا جميعا و يحفظ اولادنا من كل سوء
و شكرا لك على هذا الموضوع

اسعدنى مرورك الكريم
شكرا لكى وتحياتى

توضيح

الإخوه والأخوات

أفيد سيادتكم علماً بأن ما يتم حالياً من تعداد خاطىء للإصابه بإنفلوانزا الخنازير ليس له أساس من الصحه

وعليه فغلق المدارس وتعطيل الدراسه أيضاً ليس بصحيح

والسبب

وعن تجربه مع أحد المقربين

فبمجرد شعورك بالأعراض لا بد لك من التحليل للتأكد من الإصابه

والتحاليل المتوفره لدينا حالياً حتى الموجوده بمستشفيات الحميات الحكوميه

تثبت فقط الإصابه بأحد فيروسات الإنفلوانزا الثلاثه

الخنازير -الطيور - الموسميه

والنتيجه تكون أما سلبيه أو إيجابيه دون تحديد نوع الإصابه إن كانت خنازير أو غيرها

وفى حديث مع نائب وزير الصحه عن توافر كاشف التحاليل لإنفلوانزا الخنازير قال

أن الكواشف غير متواجده وغير متوفره ولو حتى للقادرين مادياً

وهى أزمه عالميه

لأن الكواشف تستخرج من الفيروس نفسه

وعليه فإن كل حاله تثبت بالتحليل إنها إيجابيه من الممكن أن تكون أى من الثلاثه السابقين خنازير-طيور-موسميه

ويتم تعدادها على إنها حالة إصابه بإنفلوانزا الخنازير

أرجو أن أكون قد وضحت الفكره

وما تم ذكره أكيد وعن تجربه لأحد المقربين لى

شكراً لكم

وأتمنى من الله لكم دوام الصحه والعافيه

شوف يا استاذ طارق
انا مش هاتكلم عن الاهمال فى المستشفيات الحكوميه لاننا كلنا عارفينه
ولا عن الاداره السيئه للازمه
فالمستشفيات بها تكدس و اعداد كبيره جدا من الاشخاص يرغبون فى عمل التحاليل
كما ذكر الكثيرون انهم ذهبوا للمستشفى و ان النتائجكانت ايجابيه
اى ثبت اصابتهم بالمرض
و لكن الطبيب طلب منهم العوده الى المنزل
و اخذ مضاد حيوى
و الراحه و المشروبات الدافئه

لكنى سأخبرك عن وجهة نظر الاهالى
كلنا فى حالة قلق شديد
خاصة ان احتمالات الاصابه بالمرض مرتفعه
انا مثلا ابنى ما زال فى الصف الثانى رياض اطفال
فعدم حضوره لن يكون مؤثرا

بينما اهالى الاطفال فى مراحل دراسيه متقدمه
فهم لهم وجهة نظر مختلفه قليلا
فهم لا يستطيعون المذاكره لاولادهم
والقيام بدور المدرسه

عموما انا اعتقد انه سياتى الوقت الذى
ستضطر الدوله الى اغلاق المدارس
مثلما حدث فى العديد من الدول

وربنا يستر
ويحفظ ابنائنا جميعا

شكرا ع التعليقات
وارجو التصويت فوق