صلاح ادريس
نصراوى فعال
عدد الرسائل : 106
العمر : 69
الموقع : دهب ـ جنوب سيناء ـ مصر
نشاط العضو :
الدولة : 
السٌّمعَة : 3
نقاط : 200
تاريخ التسجيل : 10/07/2010
 |  موضوع: دليل الزوجية فى لهف الرئة والكلية .  الجمعة 16 يوليو - 15:19:56 | |
| دليل الزوجية .. فى لهف الرئة والكلية !!ــــــــــــــــــــــــــــــــــــــــــــــــــــــــــــــــــــ قيل فى كتاب ( كيف تسرق قرنية أو رئة أو كلية !! ) أن للخروف كلية واحدة.. وللإنسان كليتان .. وللقرد والديناصوروالضفدع والصرصار كلية واحدة بس ... وأنا قبل ماتتسرق كليتى من كام سنة ..جمعت أربع نساء .. فأصبح مجموع الكلى اللى أملكها ( وبلاش حسد ) 10 كليات .. وبعد ماأكتشفت سرقة واحدة من كلياتى .. بقيت أملك 9 كليات ..ودى ثروة لاتقدر بثمن .. وأنتم عارفين سعر الكلية كام دلوقت فى الأسواق الأوربية اللى بتقدر .. مش عندنا هنا والعياذ بالله ...( المهم شوفوا عيونكم الوحشة حسدتنى قبل ماأكمل المقال ).. فقد أكتشفت إن واحدة من زوجاتى الأربع مسروق منها كلية قبل كدة .. سرقها منها جوزها الأولانى .. هى بتقول سرقنى .. لكننى حاسس إنها أعطتها له بمزاجها .. علشان كان واد حليوة ..وعينه زرقاء ..مش زى حالاتنا والعياذ بالله ... برضه مش مهم لسه عندى ثروة 4 كليات زيادة .. مش شوية برضة .. يعنى أقدر أبقى مليونير بحسبة بسيطة .. فلو قلنا أن سعر الكلية 100 ألف دولار أو حتى 100 ألف جنيه ياسيدى ..مش مهم .. وقدرت أبيع ال4 كليات اللى أملكها .. وتروح النساء فى داهية مش مهم .. وآهو الواحد يعمل ثروة تانية بأربعة نساء غيرهم ..لكن من شهرين وصلتنا أخبار إن إحدى النساء باهرات الجمال .. قد تزوجت من راجل ساذج غلبان فقير دقة .. وكمان دميم الوجه .. وكثير الهبل .. وتعجبت الناس من أمر الفاتنة دى .. اللى رميت جمالها وفتنتها فى الطين !! فى الوقت اللى فيه كتير من الرجالة من علية القوم يتمنوا رضاها !!ولكن لو عرف السبب .. بطل العجب .. فقد تبين أن الست فضلت الرجل الغلبان الأهبل ..علشان ناوية له نية سودة .. فالست ناوية تلهف كليته .. فخططت ..ودبرت .. وفعلت بالمسكين مافعلته ( كيداهن ) فى جوزها( برعى الجعر ).وزى مافعلت ضرة شجرة الدر بها ..وخليتها ماتسواش عود جرجير ..مش شجرة !! | عملت للراجل المسكين توليفة من الأعشاب ... شعر بعدها بمغص شديد فى بطنه ... فاستنجد بها وهو يصرخ قبل أن يغمى عليه .. فأرسلته إلى دكتور شاب كان بينه وبينها علاقة حب موهوجة .. وكان الطبيب الشاب متخصص فى أستئصال وتغيير قطع غيار البنى آدمين اللى بتوردهم الست .. وبيعها ويقسموا حصيلة البيع بينهما بالتساوى ... الطبيب الشاب أستقبله بأهلا وسهلا ..ومرحبا ... وشغل المشارط ....والمناشير والشواكيش فى جسمه .. وحسب بيانات الشرطة فإن هذا الزوج الساذج كان الضحية الرابعة للست هانم !!
وبعد كام شهر حكم لها القاضى بالطلاق ..لأنها أشترطت فى عقد الزواج أن يكون الزوج سليما معافى من الأمراض والأوبئة .. ويكون زى الحصان الرهوان ويقدر يجر عربية وأتنين من غير ماينكسر ... أو يقول آىىىى ..لكن الزوج المسكين أقسم أمام القاضى أنه لما تزوجها كان عنده كليتين ..وشاور على بطنه ..مكان الفتح وقال للقاضى نفس الكلام اللى مراته أقنعته به وهو أن العفاريت قامت بالليل بسرقة كليته ..وتركيبها لعفريت آخر كان محتاجها علشان عنده فشل كلوى ... فأعتقد القاضى أن الزوج مجنون ..وحكم لها بالطلاق الفورى ..مع إلزام الزوج بدفع المصاريف وأتعاب المحاماة .. والقضية ..والمتأخرات ..ونفقة المتعة !!!
لكن الصول أبو المعاطى – ربنا يطول عمره – ماكانش مرتاح للحكاية دى !! وشك إن فيه حاجة غلط فى الموضوع... وبدأ يدس أنفه الكبير المنفوخ فى كل الموضوع .. وجابه من أوله .. وجاب الملفات القديمة والجديدة .. فأكتشف إن الست هانم الفاتنة اللعوب .. أستخرجت 4 بطاقات شخصية .. وكل بطاقة بأسم مختلف .. وأنها تزوجت وتطلقت بنفس الطريقة ..ونفس العقد .. فى 3 محافظات ... فتم القبض عليها ... وبعد أول كف على وشها الحلو .. أعترفت بكل شىء .. وبكل التهم .. وتمت محاكمتهما وحكم عليهما ... ورحلوها لسجن النساء .. وحبيبها الطبيب الشاب لسجن الرجال .. ويقضى كل منهما 15عاما مع الشغل والنفاذ ..
عزيزى القارىء ... أوعى تكون فاكرنى بأخرف .. فهذا هو ماحدث..ومايحدث يوميا ... وبناء على كل اللى فات فقد قررت أمرا هاما .. وهو لماذا العمل والتعب ، والجرى وراء رغيف العيش ، للصرف على زوجات لاهم لهن إلا بروز الكروش ، نتيجة الحمل المتواصل .. والوحم .. وإكتناز الشحم اللى مليان دسم.. وزيوت ..ودهون .. ولحوم بيضاء ، وحمراء ... فى الوقت اللى كلية واحدة منهن تكفينا سنة وسنتين ..وبعد ماتخلص الفلوس .. نتجه للزوجة التانية وناخد كليتها نبيعها ونعيش كام سنة .. ثم الثالثة .. والرابعة ... وبعد مايبقى كل واحدة منهن عندها كلية واحدة.. ومافيش منها فايدة ..نطلقهن كلهن..ونتزوج 4 نساء غيرهن..وكل واحده فيهن عندها كليتين .. وهكذا دواليك 4 نساء ..وراء 4 لغاية نهاية العمر !!
وعجبتنى الفكرة ..وبدأت أخطط لها ليل ونهار .. وأعمل بروفات .. ولم أنتبه وأنا أخطط وأدبر ... أن زوجاتى رضى الله عنهن .. أتفقن على قيام الوحدة فيما بينهن ( عوضا عن المرحومة الوحدة العربية !! ) .. وخططن مثلى ..وأتفقن على أستئصال كليتى وبيعها ..وتقسيم عائد البيع فيما بينهن ... وبين ليلة وعشاها لقيت نفسى بكلية واحدة !!! ولقيت أحلامى تبخر ت فى الهواء ... وأجتمعن الأربعة وطلبن الطلاق لأنى بكلية واحدة ..وإنهن بأسم الله ماشاء الله شابات ..ووجوههن تبخ بالحمرة .. وهن عايزين رجلا سليما معافى .. مافيش على بطنه أى آثار للجروح أو الغرز الطبية .. اللى مرسومة زى خريطة الوطن العربى .. أو زى ثعبان يتلوى بحثا عن فريسته ... ولحسن حظهن فقد تزوجن 4 رجال بدلا من واحد .. يعنى أربع كلى أخرى .. ولكل واحدة كليتها الخاصة بها .. بدلا من أقتسامهن كلية واحدة بين الأربعة ... يعنى هناك 4 كلى ستباع فى سوق الحلال لحل المشكلة الأقتصادية التى تحاصر الناس فى البلاد ..
وأنا دلوقت بكلية واحدة .. يوم مريض ... ويوم نص نص .. وأمشى براحتى خااااالص .. وعلى أقل من مهلى ..ونصيحتى لكل الرجال لما تنام جنب مراتك ..نام بعيبن مغمضة ..وعين مفتحة ..علشان ماتلاقيش نفسك فى الباى باى ... ولما تمرض أطلب الأسعاف .. لأن المسعفين الرجالة حايستأصلوا الكليتين ..مش كلية واحدة .. وبكده حاتروح للقبر مباشرة ..وتدفن على حساب الحكومة ..( وآهو يبقى أخدت حاجة من الحكومة!! )... وثالثا لاتخطط لسرقة كلية زوجتك .. لأنها أسرع منك فى التخطيط والتنفيذ ..ورابعا وأخيرا وهو الأهم .. إذا دعتك كليتك على ظلم زوجتك .. فتذكر كبدك الذى سيباع بالقطعة والفص لمن يرغب ... وإنا لله وإنا اليه راجعون .
بقلـــــــم
صــــــلاح إدريـــــــــــــــس
تم نشرها فى عمودى الأسبوعى ( بالبلدى الفصيح ) فى عدد السبت 30 يونية 2009 . |
| |
|
Hosam Ibrahim
مشرف المنتدى الادبى
عدد الرسائل : 1406
العمر : 59
نشاط العضو :
الدولة :
السٌّمعَة : 14
نقاط : 1584
تاريخ التسجيل : 22/04/2009
| | موضوع: رد: دليل الزوجية فى لهف الرئة والكلية . السبت 17 يوليو - 6:18:27 | |
| ابداع و تالق منقطع النظير
فكم من امور تدور فى حياتنا بلا مراقب او محلل او صاحب قرار
موضوع جميل يحمل العديد من الاسقاطات على الكثير من امو حياتنا المعاصره و سلطت الاضواء على فكر يسرى بين الناس
اعود و اثنى على بديع كلماتك و فى انتظار المزيد
| |
|
mona kabara
رئيس التحرير
عدد الرسائل : 3619
العمر : 109
رقم العضوية : 40
نشاط العضو :
الدولة :
السٌّمعَة : 38
نقاط : 4053
تاريخ التسجيل : 08/03/2008
| | موضوع: رد: دليل الزوجية فى لهف الرئة والكلية . الأحد 18 يوليو - 3:32:32 | |
| أستاذى العزيز..انت قلقتني بمقالتك دى ..!
أنا كده ممكن أكون اتسرقت أنا كمان
ياللا سرقة تفوت ولا حد يموت
نسأل الله العفو والعافية والهداية لكل الرجال
فاحنا اصبحنا في وقتنا هذا ..لا نستغرب شيئا وتوقفنا عن الأندهاش فكل شئ اصبح جائز
فى زمن سرقه الأعضاء البشريه مع إنها ملك لمن خلقها واودعها فينا..الله سبحانه وتعالى
وعلى حد قولك شموع نحن النساء فى انتظار ما هو اسوأ .. ارجو ان يشملنا الله برحمته
مش المقالة بتقول كده برضه ..ولا أنا فهمت حاجة تانية ..هههههههههههههههه
تحياتي وتقديرى لك أيها الرائع
سلمت لنا وسلم قلمك
في انتظار جديدك بشوقٍ دائم
| |
|
Mr:MeMo
المدير الفنى (مؤسس المنتدى)
عدد الرسائل : 1464
العمر : 33
رقم العضوية : 2
نشاط العضو :
الدولة :
السٌّمعَة : 21
نقاط : 2204
تاريخ التسجيل : 01/09/2007
| | موضوع: رد: دليل الزوجية فى لهف الرئة والكلية . الأحد 18 يوليو - 9:47:54 | |
| موضوع رائع
تناولت فيه اكثر من مشكله
فى مجتمعنا المصرى
من سرقه الاعضاء الى الحياه الاجتماعيه الى تحت الصفر
بطريق غير مباشر
الى ممكن توصل الفرد لارتكاب اى شىء من اجل المال
وفى انتظار المقالة القادمة
| |
|
صلاح ادريس
نصراوى فعال
عدد الرسائل : 106
العمر : 69
الموقع : دهب ـ جنوب سيناء ـ مصر
نشاط العضو :
الدولة :
السٌّمعَة : 3
نقاط : 200
تاريخ التسجيل : 10/07/2010
| | موضوع: رد: دليل الزوجية فى لهف الرئة والكلية . الإثنين 19 يوليو - 14:37:25 | |
|
حسام إبراهيم ..
منى كبــارة ..
مستر ميمــو ..
أسعدتمونى بتشريفكم صفحتى .. ورقيق كلماتكم .. لكم كل التقدير والإعزاز .. دمتم لى بخير .. ودامت مشاركاتكم لقيمة .. وواصلوا لنتواصل .
| |
|
