صلاح ادريس
نصراوى فعال
عدد الرسائل : 106
العمر : 69
الموقع : دهب ـ جنوب سيناء ـ مصر
نشاط العضو :
الدولة : 
السٌّمعَة : 3
نقاط : 200
تاريخ التسجيل : 10/07/2010
 |  موضوع: هيييييييييه ... النــور جـــه !!  الأحد 3 أكتوبر - 23:30:50 | |
| بســــم الله الرحمـــــن الرحيــــــــم
ــــــــــــــــــــــــــــــــــــــــــــــــــ ــــــ
أسم الموضوع :- هيييييه .. النور جــه !!
أسم الكاتــــب :- صــلاح إدريـــس
رقم الموضوع :- ( 91 )
التاريــــــــخ :- الأثنين 4 أكتوبر 2010
التصنيـــــــــف :- ساخــــــــــــر
**********************
هيييييه ... النور جـــه !!!
ــــــــــــــــــــــــــــــــــــــــــــــــــ
من حوالى تلاتين سنة وأكتر ، أحتفل الأتحاد السوفيتى بجلالة قدره ــ وقتها ــ بمرور 100 عام كاملة على البلاد من غير الكهرباء ماتقطع فى أى مدينة أو قرية أو حتى نجع روسى صغير .. ولو لدقيقة واحدة .. ومش عايز أفكركم أن الأتحاد السوفيتى ده قارة بكاملها ..
أما أحنا ياولداه لو عدى علينا يوم من غير ماتنقطع الكهرباء نرقص على سعدنا وهنانا .. والصبح فى الشغل نبدى سعادتنا لزملاء العمل .. تصدق ياأستاذ برعى أمبارح الكهربا ماقطعتش عندنا .. يرد برعى بحسد وقـّر : أيوة يابختك ياعم أحنا بقالنا تلات أيام من غير كهربا .. وترد الزميلة عنايات وتقول بقالنا 4 أيام من غير كهربا وإمبارح وأحنا بنتعشى الكهربا جت .. وأتفاجئت ياختى بواحد غريب قاعد على الطبلية معانا .. آتارينى فاكراه جوزى من يوم السبت اللى فات .. ودوّرنا على جوزى لقيناه نايم فى شقة أم زكريا .. وفاكر نفسه نايم فى بيته !!
طبعا الصورة كده شكلها أسود مهبب !! بس أنا والنبى مش عايزك تزعل .. وتعال نبص للصورة من الناحية الإيجابية .. أيوة طبعا أنقطاع الكهربا له إيجابيات .. تعال نستعرضها مع بعض علشان تصدقنى :ــ
****************
* يمكن لعينيك تقوى بالنظر فى الظلام .. وتحديد أفراد عائلتك اللى حواليك وحجمهم فى الضلمة .. ووزنهم كمان .. وتبقى أستفدت حاسة سادسة بإمكانية الرؤية والوزن فى الضلمة .
******************
* مافيش كهرباء يبقى حاتقعد مع أهلك .. وتتكلموا وتحكّوا بسبب عدم وجود مايشغلكم من تليفزيون وكمبيوتر وماشابه .. أو لخوفكم من الضلمة فتقولوا أحسن نتكلم علشان نونس بعض بصوتنا .. وحاتكتشف أنك ماتعرفش عائلتك كويس .. ولا هم يعرفوك خالص !! .. المناقشات والأحاديث اللى حاتتم فى الضلمة أكيد .. أكيد حاتعرفكم ببعض كويس .. وعلى الأقل حاتعرف عمر أولادك .. ومراحلهم الدراسية !! و كمان حاتخليكم تعيدوا نظر فى علاقاتكم ببعض .. ورأيكم فى بعض .. ويمكن تحبوا بعض أكتر ...ولله فى خلقه شئون !!
***************
حاتحس بالناس الغلابة اللى ماعندهمش كهرباء .. أو مقطوعة بأستمرار .. بس مش عمومى زيك .. لأ خصوصى لأنهم ياولداه مادفعوش فواتير الكهرباء من شهرين تلاتة فاتوا .. وحاتحمد ربنا على النعمة اللى أنت فيها .. ويمكن الضلمة تفكرك ــ لاقدر الله ــ بظلام القبر .. ويمكن ده يخليك تعيد تفكير فى حياتك .. وخيرك وشرك فيها .. وتصلح أمور دنياك .. إنتظارا لآخرتك !! .
***********
حاتحس بالراحة والهدوء ةالسكينة .. لاصوت تكييف ..ولا صوت تلاجة .. ولاصوت تليفزيون .. ولا مروحة .. الدنيا هس .. هس .. وحاتشعر بالحسد لأجدادك اللى عاشوا فى نفس الهدوء .. وأنت نسيت أى حاجة أسمها هدوء فى المورستان اللى عايشين فيه ليل ونهار !!
**************
لما تفضل الكهرباء مقطوعة 3 ـ 4 ساعات أو حتى يوم أو أتنين أو عشرة حاتتعلم فضيلة الصبر والتحمل .. غصب عنك طبعا !!
************
لأول مرة حايكون لك ولأسرتك وجيرانك وشارعك وحيّكم بالكامل هدف واحد تتطلعون اليه جميعا ألا وهو ( عودة الكهرباء ) !!.
********
* الشموع اللى حاتولعوها فى البيت حاتخلق جو حلو من الرومانسية بينك وبين أهل بيتك .. لأنها حاتفكرك بشعلة النار على عربيات الترمس وحمص الشام والذرة المشوى على النيل أو كورنيش أسكندرية أيام الخطوبة !!
*******
* الفايدة العظيمة لأنقطاع الكهرباء هو القضاء على البطالة !! أيوة طبعا .. مش الضلمة الكحل حاتدى فرصة ذهبية للحرامية القدام يشتغلوا براحتهم ولساعات أطول ومكسب أكتر .. والحرامية الجداد البراعم الصغيرة حايلاقوا فرصة عمل كويسة .
*****
* فى تصريح لمسئول كبير فى الكهرباء قال : " إن الحكومة الرشيدة تسعى بكل جهدها لربط أواصر الود العائلى بين الأسر المصرية .. وقد رأت الحكومة الرشيدة أن ذلك لن يتحقق إلا بقطع الكهرباء .. وتسويد عيشة هذا الشعب الناكر للجميل !!علشان يحس بكل المشاعر المفقودة فى وجود الكهرباء !!"
******
بيتهيألى دلوقت مافيش داعى أبدا للصورة القاتمة اللى فى راسكم دى .. وأفرحوا بأنقطاع الكهرباء .. وأسعدوا مع عائلاتكم .. وسيبوكم من الصورة السودة دى عن الحكومة النظيفة الواعية .. وكفاية ظلم بقى !! لأننا شعب ظنه سىء دايما بحكومته !! ولازم تستمتعوا بإنقطاع الكهرباء .. ولا تفرحوا وتتهافتوا على عودتها لأن أنقطاعها أحسن لكم !!
*********
هييييه .. النور جه ... أسيبكم بقى علشان أشوف إيميلاتى .
بقلـــــم
صـــلاح إدريــــس | |
|
Mr:MeMo
المدير الفنى (مؤسس المنتدى)
عدد الرسائل : 1464
العمر : 33
رقم العضوية : 2
نشاط العضو :
الدولة :
السٌّمعَة : 21
نقاط : 2204
تاريخ التسجيل : 01/09/2007
| | موضوع: رد: هيييييييييه ... النــور جـــه !! الثلاثاء 5 أكتوبر - 19:56:22 | |
| فعلا لما الكهرباء بتقطع الواحد اه بيبقى زهقان
بس فعلا الواحد بيبقى مرتاح نفسيا
انه يبعد عن التكنولوجيا
بس امتى يجى اليوم الى الكهرباء فيه مش تقطع عن مصرنا
مصر السد العالى | |
|
صلاح ادريس
نصراوى فعال
عدد الرسائل : 106
العمر : 69
الموقع : دهب ـ جنوب سيناء ـ مصر
نشاط العضو :
الدولة :
السٌّمعَة : 3
نقاط : 200
تاريخ التسجيل : 10/07/2010
| | موضوع: رد: هيييييييييه ... النــور جـــه !! الخميس 7 أكتوبر - 18:21:36 | |
| مستر ميمو ..
معلوماتى عنك أنت بالذات يامستر ميمو أنك مدمن تكنولوجيا ونت .. وإنقطاع الكهرباء بين الحين والآخر نعمة ورحمة لك فعلا لإراحة ذهنك وعينيك .. لتواصل بعد ذلك بنشاط متجدد .. ولو أعرف عنوانك حاأوصى على إنقطاع الكهرباء عنك 6 ساعات على الأقل يوميا .. شكرا لكريم مرورك ياباشمهندس .. دمت لى بخير .. وواصل لنتواصل . | |
|
Mr:MeMo
المدير الفنى (مؤسس المنتدى)
عدد الرسائل : 1464
العمر : 33
رقم العضوية : 2
نشاط العضو :
الدولة :
السٌّمعَة : 21
نقاط : 2204
تاريخ التسجيل : 01/09/2007
| | موضوع: رد: هيييييييييه ... النــور جـــه !! الخميس 7 أكتوبر - 21:55:56 | |
| ههههههههههههه منا عامل حسابى وجايب 2 بطارية للاب توب  عشان لو النور طول شوية | |
|
amr mohsen
نصراوى جديد
عدد الرسائل : 45
العمر : 41
نشاط العضو :
الدولة :
السٌّمعَة : 3
نقاط : 53
تاريخ التسجيل : 03/09/2010
| | موضوع: رد: هيييييييييه ... النــور جـــه !! السبت 9 أكتوبر - 7:44:50 | |
| مئة سنه بدون انقطاع للكهرباء
ا/ صلاح
حضرتك المعلومة دى بتقول ان كبيرنا نكون من الدول المتخلفة
وده اللى احنا وصلناله فعلا
تحياتى لقلمك الاكثر من رائع | |
|
mona kabara
رئيس التحرير
عدد الرسائل : 3619
العمر : 109
رقم العضوية : 40
نشاط العضو :
الدولة :
السٌّمعَة : 38
نقاط : 4053
تاريخ التسجيل : 08/03/2008
| | موضوع: رد: هيييييييييه ... النــور جـــه !! الأحد 10 أكتوبر - 22:39:04 | |
| | |
|
صلاح ادريس
نصراوى فعال
عدد الرسائل : 106
العمر : 69
الموقع : دهب ـ جنوب سيناء ـ مصر
نشاط العضو :
الدولة :
السٌّمعَة : 3
نقاط : 200
تاريخ التسجيل : 10/07/2010
| | موضوع: رد: هيييييييييه ... النــور جـــه !! الأحد 10 أكتوبر - 23:00:25 | |
| مستر ميمو ..
يعنى مافيش فايدة فيك .. ومش عايز تدى نفسك فرصة ترتاح شوية .. أنت حر ياصديقى .. واللى بيشيل قربة مخرومة بتخر على راسه ..
*******
عمرو محسن ..
أحنا والحمدلله نتوأ مكانه متقدمة فى التخلف .. بعد مورتانيا وزنزبار وبوركينافاسو ..ولكننا بحمدالله نتفوق على اليمن ..
********
منى كبارة ..
طالما عاجباكى الضلمة والهدوء .. وأنا عارفك عاشقة للهدوء .. خليكى بقى فى الركن البعيد الهادى ..
**********
شكرا لكريم مروركم .. لكم خالص ودى وودادى .. وواصلوا لنتواصل . | |
|
