ElnasrClubForum
أهلا وسهلا بك زائرنا الكريم,
أنت لم تقم بتسجيل الدخول بعد!
يشرفنا أن تقوم بالدخول أو التسجيل
إذا رغبت بالمشاركة في المنتدى


منتدي خاص باعضاء نادي النصر المصري
 
الرئيسيةالبوابةس .و .جبحـثالتسجيلدخول

المواضيع الأخيرة
» المجموعه المصريه لتدريب المحاسبين
السبت 14 فبراير - 11:16:46 من طرف egaa abasya

» وقاحة فتاة
الأحد 18 أغسطس - 12:01:01 من طرف pop.hassan

» منحة بي سمارت لتدريب المحاسبين لدفعة 2013
الإثنين 29 يوليو - 12:19:11 من طرف جوجسمارت

» تعليم الكاراتيه بالفيديو المباشر هدية لابنائنا
الجمعة 14 يونيو - 18:07:26 من طرف منى

» هوا عادى ادخل بحيوانات داخل النادى؟؟؟
الثلاثاء 28 مايو - 23:35:58 من طرف xkhaledxmm

» مجموعة ستائر رووووووعه
الإثنين 27 مايو - 4:19:23 من طرف ساجده لله

» كل شئ عن طلاء الحوائط
الأحد 31 مارس - 17:43:11 من طرف بنت مصر

» موضوع هام : عزبة ماما
الأربعاء 30 يناير - 22:47:47 من طرف عابر سبيل

» ادخل بسرعة!! انت لسة بتفكر ادخل بسرعة!!
الأربعاء 26 ديسمبر - 17:50:52 من طرف mohamed saleh

أفضل 10 فاتحي مواضيع
mona kabara
 
ahmed_ays22
 
abo mody
 
مصطفى ابو النجا
 
Mr:MeMo
 
ahmed_abouzid
 
anozae
 
رورا
 
yahia alzamalkwy
 
opra
 
أفضل 10 أعضاء في هذا المنتدى
mona kabara
 
ahmed_abouzid
 
abo mody
 
مصطفى ابو النجا
 
Mr:MeMo
 
Hosam Ibrahim
 
TITO
 
ahmed_ays22
 
hema
 
opra
 
أفضل 10 أعضاء في هذا الشهر

شاطر | 
 

 شهر زاد النصر ..منى كبارة

استعرض الموضوع السابق استعرض الموضوع التالي اذهب الى الأسفل 
انتقل الى الصفحة : 1, 2  الصفحة التالية
كاتب الموضوعرسالة
mona kabara
رئيس التحرير
رئيس التحرير
avatar

عدد الرسائل : 3619
العمر : 102
رقم العضوية : 40
نشاط العضو :
100 / 100100 / 100

الدولة :
السٌّمعَة : 38
نقاط : 4053
تاريخ التسجيل : 08/03/2008

مُساهمةموضوع: شهر زاد النصر ..منى كبارة   الثلاثاء 14 ديسمبر - 15:22:01

[ندعوك للتسجيل في المنتدى أو التعريف بنفسك لمعاينة هذه الصورة]









[ندعوك للتسجيل في المنتدى أو التعريف بنفسك لمعاينة هذه الصورة]






كثير من الأحيان نشتاق إلى النوم..
فنعد أنفسنا لإستقبال ذلك المعشوق الذى نجتمع على عشقه جميعاً ..
..والذى لا نمل صحبته أبداً ..

ولكن يطول انتظارنا لهذا الضيف العزيز الغالي ولا يحضر ..
نظل نتقلب من الجانب الأيسر للجانب الأيمن ومن الأيمن للأيسر ..
نرفع رؤوسنا من فوق الوسادة.. لتحتها ..مامن فائدة ..
يخاصمنا النوم ويعاندنا ..ويطول عناده ..

ولذلك .. جئتكم اليوم لأساعدكم لنقهر معاً عناد ضيفنا المدل ..
جئتكم بحكايات من الشرق والغرب ..
من بلاد الهند والسند ..
من العراق لأدغال افريقيا ..
من بلاد الواق واق
وحتى ألف ليلة وليلة ...سنأتي ببعض لياليها..

سنسدل الستائر الحريرية
وعلى ضوء الشموع سنتجول ونبحر بخيالنا في الآفاق
بعيداً عن عالمنا وواقعنا..

سنذهب معاً لعالم الحكايات ..



[ندعوك للتسجيل في المنتدى أو التعريف بنفسك لمعاينة هذه الصورة]



حكاياتنا بها الكثير من التسلية والتشويق والمتعة ..بها مواقف وعبر ودروس ..
حكاياتنا بها الكثير من القصص العاطفية والمغامرات والإثارة ..

سأحكيكم وأحكيكم ..حتى يغلبكم النعاس..

والآن دعونا نبدأ أولى حكاياتنا....


في أولى ليالينا....










[ندعوك للتسجيل في المنتدى أو التعريف بنفسك لمعاينة هذه الصورة]





_________________





[ندعوك للتسجيل في المنتدى أو التعريف بنفسك لمعاينة هذه الصورة]


[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
mona kabara
رئيس التحرير
رئيس التحرير
avatar

عدد الرسائل : 3619
العمر : 102
رقم العضوية : 40
نشاط العضو :
100 / 100100 / 100

الدولة :
السٌّمعَة : 38
نقاط : 4053
تاريخ التسجيل : 08/03/2008

مُساهمةموضوع: رد: شهر زاد النصر ..منى كبارة   الثلاثاء 14 ديسمبر - 16:29:24


حكايتنا الأولى ..وفي أول ليلة من ليالينا
حكاية :
( الرشيد والدساس )




[ندعوك للتسجيل في المنتدى أو التعريف بنفسك لمعاينة هذه الصورة]





كان ياماكان ياسادة ياكرام ..
ومايحلا الكلام إلا بذكر النبي – صلى الله عليه وسلم

من مئات السنين وفي مدينة بغداد..على شاطئ نهر دجلة ..
كان يعيش طفلين صغيرين ..في بيتين متقابلين ..
وكان الولدين في مدرسة واحدة وحي واحد ..وفي نفس الزمن..
الولدين كانوا بيحبوا العلم جدا ..ويتموا واجباتهم على أكمل وجه ..
كانوا متفوقين على اللي في مثل سنهم في كل شئ ..

وعشان كل اللي قلناه ..كان فيه منافسة شديدة بين الولدين دول من صغرهم لغاية ماكبروا ووصلوا لسن الشباب ..
وكل يوم يمرالمنافسة بينهم بتزيد وتقوى..

واحد منهم كان اسمه " أبوحمزة " وده أصبح أمير شرطة بغداد ..
أما الثاني فهو " أبو ثعلبة " وأصبح حاكم لبغداد..

الاتنين كانوا أذكياء جدا ..لكن هل ياترى كانوا في نفس الأخلاق ..
للأسف لأ..
" أبو حمزة " كان مع ذكائه طيب القلب ولسانه طاهر ماينطقش غير بكل ماهو جميل ..ومايفكرش غير في الخير ..ومايتأخرش أبدا عن تقديم المعروف للي يستحقه ..عمره ما أذى حد ..ولا أساء لحد ..يرد الاساءة بالاحسان ولا يعرف في حياته غير الاحسان ..وعشان كده سموه الناس بــ" الرشيد "..

أما بقى " أبو ثعلبة " فده حكاية لوحده ..كان شخصية تانية خالص غير صاحبنا " الرشيد "..كان عكسه في كل شئ ..انسان مخادع ..يكيد للناس ويوقع بينهم ..كان انسان شرير بمعنى الكلمة ..يوجّه كل ذكاءه وعلمه وشطارته في الاساءة للناس والضرر بهم وأذيتهم ..وعشان كده سموه الناس بــ" الدساس "..

وعشان اختلاف طباعهم الفظيع ده..كان فيه مشاكل كثيرة بينهم من صغرهم ..لأن الخبيث والطيب ذى مااحنا عارفين مايتقابلوش ..ولا الشرير والخيّر ..وبالتالي فالرشيد والدساس ماكانوش بيجتمعوا مع بعض أبداً..ولا فيه أى صداقة بينهم ..والناس كلها سواء كانوا أهلهم أو جيرانهم عارفين منافستهم وخصومتهم لبعض ..

صاحبنا " الدساس " ماهديش له بال .. إلا لما دبّر دسائس ومؤامرات اتسبب في عزل " الرشيد " من منصبه كأمير شرطة بغداد ..
لكن هل ياترى اللي عمله في صاحبه ده شفي غليله وحقده وحسده ..لأ..
حلف وأقسم انه طوال حياته ..كل مايقابل فرصة لازم يستغلها ضد " الرشيد"..
ونسي صاحبنا أن " على الباغي تدور الدوائر "..

وتمر أيام ..وتيجي أيام

وتيجي له فرصة على طبق من بلور
لينتقم من " الرشيد" ..
ياترى ايه اللي حصل وعمل ايه صاحبنا الداهية الماكر ده ..!!..
تعالوا نشوف مع بعض دبّّر ايه ..!..


في يوم من الأيام كان الخفراء وعددهم كان يزيد عن العشرين .. بيمروا ويتجولوا في طرقات مدينة بغداد يومياً كعادتهم ليلا ليحرسوا الناس ....

وكانوا بيقبضوا على أى شخص يشكوا أو يشتبهوا فيه....

وفي ليلة من الليالي ..وأثناء ماكانوا بيطوفوا بضواحي المدينة ..

وصلوا لمنطقة المقابر..
الدنيا ضلمة قوى ..والسكون والصمت والرهبة تغطي المكان..
ولكن لما قرّبوا منها أكتر.............!!

سمعوا أصوات ونمنمات وحوارات غريبة ...
وللحظ كانت قريبة جدا منهم ..
جاية منين الأصوات دى ..!
وراحوا يدوّروا عن مصدر الصوت ..واكتشفوه جاى من مقبرة من المقابر ..
انتبهوا قوى لغرابة المواضيع اللي بيدور عنها الكلام ..
سكتوا الخفراء ..حتى النفس قطعوه عشان يسمعوا كويس ..
رموا ودانهم أكتر ناحية الصوت ....عشان يسمعوا أوضح..
تفتكروا سمعوا ايه !!..

سمعوا عصابة من اللصوص ..قاعدين كل واحد فيهم بيحكي عن اللي عمله طوال يومه ..مغامراته ..مؤامراته ..إيه اللي سرقه ..اللي نهبه ..
وإيه اللي ماعرفش يسرقه وقال لنفسه خليه في وقت وفرصة تانية أنسب ..

وتحكي العصابة وتتحاكى..والخفر يسمعوا..
يسمعوا أفراد العصابة وهما بيرسموا خططهم اللي جاية .. ..حيعملوا ايه بكرة من أول النهار لآخره ..ودور كل واحد إيه ..
والخفر يسمعوا الحكاية من البداية للنهاية ..



وكان من ضمن الأصوات اللي سمعوها الخفر صوت شيخ اللصوص وهو بيتكلم مع شاب واضح من كلامه إنه غريب عن المدينة ..ياترى كانوا بيقولوا ايه ..!!


كان شيخ العصابة بيقنع الشاب انه ينضم لعصابتهم ويصبح فرد منهم..
أما الشاب كان مندهش من اللي بيحصل له.. ييجي يتكلم ..تروح منه الحروف ويتلجلج في الكلام ومش عارف يرد ..
الخوف عقد لسانه وحبس صوته ..
شيخ العصابة يعيد السؤال تاني وتالت ..والشاب ينقل عينيه في حيرة بين أفراد العصابة ومابينطقش .
ويتغاظ شيخ العصابة ويرفع صوته أكتر بالتهديد والوعيد ..

عشان يخوّف الشاب ويضغط عليه أكتر .
وبرضه الشاب مايردش ..
شيخ العصابة قام من مكانه..عاوز يتطاول عليه بالضرب..


وهنا كان لازم الخفر يتدخلوا ..
هاجموا المقبرة بسرعة اللي فيها اللصوص مجتمعين ومستخبيين ..

وقبضوا على العصابة وشيخها ..وأخدوا معاهم كمان الشاب الغريب..
وحطوا المجموعة كلها في السجن ..
وقضوا الليل كله محبوسين حتى الصباح ..

ولما هل اليوم الجديد ونشر نوره على الكون ..


قدموهم للـ " الدساس " حاكم المدينة يحقق معاهم ..
وسأل" الدساس " اللصوص عن حقيقتهم وواجههم باللي سمعه الخفر من حديثهم ..
طبعاً ماقدروش ينكروا جرائمهم ..حينكروها ازاى بعد ماانكشف أمرهم..

واعترفوا بيها كلها ..بعد ماعرفوا إن الإنكار مش ح ينفعهم في شئ..

و جه دور الشاب الغريب ..

وعرف " الدساس " من حديثه معاه ..ومن اللي سمعه من الخفر من حواره مع شيخ العصابة ..
إن الشاب ده غريب عن المدينة فعلاً ومالوش أى صلة بالعصابة ..
في الحال أصدر أوامره بالافراج عنه وتبرئته .. ودخول اللصوص السجن ..

ثم أخذ " الدساس " الشاب على جانب ..وسأله عن اسمه..
فقال له : اسمي " فضل الله "..
قال له " الدساس": متهيألي انك غريب عن المدينة ..
فقال له الشاب : فعلا صدقت ياسيدى ..أنا من ( الموصل ) ولسه واصل بغداد امبارح...ماشفتش بغداد قبل كده ولا اعرف فيها حد..
وكنت جعان جدا ..فقعدت جنب قصر جميل قوى لراجل من بغداد - على مااعتقد -اسمه " الرشيد" ..
ومرت بجانبي جارية من جوارى القصر عجوزة ..وشافت على وجهي علامات التعب والارهاق والكسوف من الحال اللي أنا فيه ..فراحت القصر مسرعة ..وبعد شوية رجعت ومعاه صينية مليئة بأشهى الطعام والشراب ..
ولما جاء المساء ......


[ندعوك للتسجيل في المنتدى أو التعريف بنفسك لمعاينة هذه الصورة]




وأدرك شهر زاد النصر الصباح فسكتت عن الكلام المباح ..
ولنا موعد مع باقي الحكاية بإذن الله .. انتظرونا




[ندعوك للتسجيل في المنتدى أو التعريف بنفسك لمعاينة هذه الصورة]



_________________





[ندعوك للتسجيل في المنتدى أو التعريف بنفسك لمعاينة هذه الصورة]


[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
abo mody
مشرف منتدى محبى مصر
مشرف منتدى محبى مصر
avatar

عدد الرسائل : 1716
العمر : 54
نشاط العضو :
100 / 100100 / 100

الدولة :
السٌّمعَة : 17
نقاط : 2623
تاريخ التسجيل : 28/03/2009

مُساهمةموضوع: رد: شهر زاد النصر ..منى كبارة   الثلاثاء 14 ديسمبر - 22:22:30







[ندعوك للتسجيل في المنتدى أو التعريف بنفسك لمعاينة هذا الرابط] [ندعوك للتسجيل في المنتدى أو التعريف بنفسك لمعاينة هذا الرابط]





الله الله الله



الله عليكى اختى الغالية منى



جزاكى الله خيراً


[ندعوك للتسجيل في المنتدى أو التعريف بنفسك لمعاينة هذا الرابط]


[ندعوك للتسجيل في المنتدى أو التعريف بنفسك لمعاينة هذا الرابط]

موضوع رائع جداً



وحكاية رائعة



ومتابعين حضرتك


حتى الف ليلة وليلة


اتقدم لكى اختنا الرائعة


بأسمى آيات التقدير


والاحترام



[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذا الرابط]

[ندعوك للتسجيل في المنتدى أو التعريف بنفسك لمعاينة هذا الرابط]
الرجوع الى أعلى الصفحة اذهب الى الأسفل
سلوى
نصراوى فعال
نصراوى فعال


عدد الرسائل : 113
العمر : 42
نشاط العضو :
0 / 1000 / 100

الدولة :
السٌّمعَة : 4
نقاط : 166
تاريخ التسجيل : 19/08/2010

مُساهمةموضوع: رد: شهر زاد النصر ..منى كبارة   الثلاثاء 14 ديسمبر - 22:26:30

جميلة اوى انتى والقصة الجميلة دى بس خلتينى اشتاق لباقى الحكاية عاوزة اعرف باقى القصة وازى الخير هينتصر على الشر لان يا اختى العزيزة انا بعانى من الاشرار ودى جت على الجرح وانا فعلا عارفة ان الخير هينتصر فى الاخر ياريت تكملى القصة باسلوبك الاكثر من الرائع انا بقف امام اسلوبك فى الكتابة عجزة من كتر اعجابى بشخصك واسلوبك الجميل الممتع لكى منى ارق الامنيات
الرجوع الى أعلى الصفحة اذهب الى الأسفل
mona kabara
رئيس التحرير
رئيس التحرير
avatar

عدد الرسائل : 3619
العمر : 102
رقم العضوية : 40
نشاط العضو :
100 / 100100 / 100

الدولة :
السٌّمعَة : 38
نقاط : 4053
تاريخ التسجيل : 08/03/2008

مُساهمةموضوع: رد: شهر زاد النصر ..منى كبارة   الأربعاء 15 ديسمبر - 23:40:46





أبو مودى الرائع
سلوى الجميلة

كل سنة وأنتم طيبيين
سعيدة ..سعيدة جدا بمروركم وتشريفكم لموضوعي
وتشجيعكم لي لمواصلة الحكايات ..
مااتحرمش منكم أبدا ً...

وتابعوا معايا
- قبل الديك مايؤذن -
حكاية الليلة الجديدة ...


تحياتي ...


[ندعوك للتسجيل في المنتدى أو التعريف بنفسك لمعاينة هذه الصورة]








_________________





[ندعوك للتسجيل في المنتدى أو التعريف بنفسك لمعاينة هذه الصورة]


[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
mona kabara
رئيس التحرير
رئيس التحرير
avatar

عدد الرسائل : 3619
العمر : 102
رقم العضوية : 40
نشاط العضو :
100 / 100100 / 100

الدولة :
السٌّمعَة : 38
نقاط : 4053
تاريخ التسجيل : 08/03/2008

مُساهمةموضوع: رد: شهر زاد النصر ..منى كبارة   الأربعاء 15 ديسمبر - 23:45:19







الليلة الثانية .........



ولما جاء المساء...
دوّرت على مكان أنام فيه مالقيتش..وأخيرا أخدتني رجلي إلى المقابر..
وجنب قبر من القبور رقدت على الأرض وحطيت تحت راسي صخرة كوسادة..
ورحت سريعاً في النوم من التعب والاجهاد..
ثم بعد ساعات قليلة ..صحيت من النوم مفزوع وخايف ..على صوت ضوضاء وأصوات قريبة مني ..
فيه إيه " بسم الله الرحمن الرحيم "...
قمت من نومي أجرى وأنا مرعوب ..مش عارف أروح فين ..ولا أدرى فيه إيه ..وإيه اللي بيحصل حولي!
وفجأة لقيتني أصطدم بحائط ..
رفعت رأسي ..فماكان الحائط غير رجلين من رجال العصابة والشر يتطاير من عيونهم..



[ندعوك للتسجيل في المنتدى أو التعريف بنفسك لمعاينة هذه الصورة]



منعوني من الحركة ..وسألوني: من أنت ؟..وجيت منين؟ ..وايه اللي جابك المكان ده في الوقت ده؟..
قلت لهم : " أنا غريب ..ماليش سكن هنا في البلد ولا عندى فلوس أشترى طعام ..ومش عارف أروح فين ..مالقيتش غير المقابر أنسب مكان أبات فيه للصبح"..
رد واحد من الرجلين قاللي: " احمد ربنا على الفرصة السعيدة دى ..انت من النهاردة حتلاقي اللي يعتني بيك ..ويوفر لك كل اللي تحتاجه من أكل وشرب ..ياللا معانا "..
ومشيوا وهم يدفعوني قدامهم ..لغاية ماوصلنا لقبر كبير ..فيه مجموعة من زملائهم كانوا يأكلون بنهم أشهى الأطعمة ..
وخمنت من ملامحهم وطريقة حديثهم أنهم مجموعة من اللصوص..وأن المقبرة دى ماهي إلا مخبأهم..
وفعلا تحقق ظني من كلامهم مع بعض ..
بدأوا يتكلمون عن ماسرقوه في يومهم ..وماينوون سرقته ثاني يوم..



وعرض عليّّ شيخ العصابة أن أشاركهم في السرقة ..وأدخل في مجموعتهم..
فارتبكت وخفت أن أرفض طلبهم فيغضبوا ..والله أعلم ساعتها ح يعملوا معايا إيه..فهم أشرار..
وفي نفس الوقت مااقدرش أشترك معاهم في السرقة لأني راجل شريف..مهما يقسى الزمن عليّ ..مش ممكن أسمح لنفسي أن أكون طريد ..صعلوك ...أنتقل من مكان للتاني ..ماليش مكان أستقر فيه..
وانعقد لساني ..مش عارف أرد عليهم أقول إيه..
ويعيدوا عليّ الطلب تاني ..فأرتبك زيادة وأفزع..
وبدأ يظهر على وجوههم الغيظ بسبب رفضي..



وفضلت على الحال ده حتى هئ الله سبحانه وتعالى لي فرصة نادرة فعلا..
فوجئت بالخفر يهجموا على المقبرة ويخلصوني من ايديهم ..يخلصوني من شرهم وأذيتهم ..
وأحسن فرصة اتهيأت لي هي وقوفي بين ايديك سيدى الحاكم "..
وبمجرد ما سمع " الدساس " حكاية ( فضل الله ) ..طرأ على باله فكرة خبيثة ..يقدر بها يكيد لعدوه اللدود " الرشيد"..



وكان من حسن حظ " الرشيد" إن " الدساس " الخبيث عرف من قصة ( فضل الله ) جزء ..وماعرفش الباقي..
لأن ( فضل الله ) ماقالش له قصته كاملة ..كل اللي قاله الجزء اللي يبرأه من تهمة السرقة ..وقال لنفسه مافيش داعي أحكيله قصتي كاملة ..أوجع دماغ الحاكم ليه ببقية قصتي ..وخاصة انه ما سألنيش ..والمثل بيقول : " إذا كان الكلام من فضة ..يبقى السكوت من ذهب ""..
ولو عرف الحاكم قصة ( فضل الله ) كلها .. ماكانتش أحداث قصتنا دى حصلت ..وكانت انتهت بتبرئة ( فضل الله ) ..
وماكنتش أنا هنا النهاردة عشان أحكيهالكم ...
وكانت حكايتنا حتكون حكاية ذى أى حكاية نسمعها النهاردة وننساها بكرة ..



[ندعوك للتسجيل في المنتدى أو التعريف بنفسك لمعاينة هذه الصورة]



وصاح " كوكو " الديك الجميل ...معلناً قدوم فجر يوم جديد....
فأدرك " شهر زاد النصر " النوم ..فسكتت عن الكلام المباح ...
ولنا موعد مع باقي الحكاية ليلة الغد ..بإذن الله ..
لنتعرف على خطة " الدساس" الماكر الخبيث الداهية
انتظرونا .....




[ندعوك للتسجيل في المنتدى أو التعريف بنفسك لمعاينة هذه الصورة]







_________________





[ندعوك للتسجيل في المنتدى أو التعريف بنفسك لمعاينة هذه الصورة]


[ندعوك للتسجيل في المنتدى أو التعريف بنفسك لمعاينة هذه الصورة]


عدل سابقا من قبل mona kabara في السبت 25 ديسمبر - 0:20:24 عدل 1 مرات
الرجوع الى أعلى الصفحة اذهب الى الأسفل
سلوى
نصراوى فعال
نصراوى فعال


عدد الرسائل : 113
العمر : 42
نشاط العضو :
0 / 1000 / 100

الدولة :
السٌّمعَة : 4
نقاط : 166
تاريخ التسجيل : 19/08/2010

مُساهمةموضوع: رد: شهر زاد النصر ..منى كبارة   الخميس 16 ديسمبر - 21:02:33

pale اه وبعدين
الرجوع الى أعلى الصفحة اذهب الى الأسفل
رورا
نصراوى برونزى
نصراوى برونزى
avatar

عدد الرسائل : 587
العمر : 36
نشاط العضو :
80 / 10080 / 100

الدولة :
السٌّمعَة : 5
نقاط : 971
تاريخ التسجيل : 26/06/2009

مُساهمةموضوع: رد: شهر زاد النصر ..منى كبارة   الجمعة 17 ديسمبر - 20:22:03

الله يا استاذه منى ايه الجمال ده فكره جميله اووووووووي
وحكايه جميله اوي
احنا مستنيين باقي الحكيات ماتغيبيش عننا
الرجوع الى أعلى الصفحة اذهب الى الأسفل
mona kabara
رئيس التحرير
رئيس التحرير
avatar

عدد الرسائل : 3619
العمر : 102
رقم العضوية : 40
نشاط العضو :
100 / 100100 / 100

الدولة :
السٌّمعَة : 38
نقاط : 4053
تاريخ التسجيل : 08/03/2008

مُساهمةموضوع: رد: شهر زاد النصر ..منى كبارة   الجمعة 17 ديسمبر - 23:06:34





الجميلات سلوى ..ورورا
نورتوا ليلتنا

ومااقدرش أتأخر عليكم..
حالا ..
حنحكي جزء جديد من حكايتنا...

تحياتي ...



[ندعوك للتسجيل في المنتدى أو التعريف بنفسك لمعاينة هذه الصورة]









_________________





[ندعوك للتسجيل في المنتدى أو التعريف بنفسك لمعاينة هذه الصورة]


[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
mona kabara
رئيس التحرير
رئيس التحرير
avatar

عدد الرسائل : 3619
العمر : 102
رقم العضوية : 40
نشاط العضو :
100 / 100100 / 100

الدولة :
السٌّمعَة : 38
نقاط : 4053
تاريخ التسجيل : 08/03/2008

مُساهمةموضوع: رد: شهر زاد النصر ..منى كبارة   الجمعة 17 ديسمبر - 23:14:37








الليلة الثالثة ................


ذى ماقلنا بمجرد ما " الدساس " المكّار سمع حكاية " فضل الله " وأنه من التعب كان قاعد قدام قصر " الرشيد"..لمعت في عيون " أبو ثعلبة " بريق عجيب ...جت على باله فكرة هايلة ....

يااااه كانت فين الفكرة دى غايبة عني من زمان ..
( طبعاً ده مش رأيي..ده رأى صاحبنا الخبيث أبو ثعلبة الدساس )..

قال " الدساس " لـ " فضل الله " وهو سعيد جدا : " إن السيد " الرشيد " عنده بنت عاقلة وجميلة قوى ..ومعروفة بأدبها وكرمها وأصلها الطيب ..وأنا بصراحة مش شايف حد أحق بالزواج منها غيرك ..فإيه رأيك ؟!"..

اندهش " فضل الله " من اللي قاله " الدساس " ..وقال لنفسه واضح ان الحاكم ده قلبه طيب قوى ..أمال إيه الكلام اللي كنت بسمعه عنه قبل ماآجى لبغداد..ياما سمعت عنه شائعات بتقول انه لئيم وخبيث..بالعكس الراجل ده طلع ذكي جدا ..لأنه قرأ أفكارى وعرف اللي بيدور في بالي "..



[ندعوك للتسجيل في المنتدى أو التعريف بنفسك لمعاينة هذه الصورة]





ويقول ( فضل الله ) لنفسه : " أنا خرجت من بلدى وفي نيتي أتجوز البنت دى ..لكن قطاع الطرق هاجموني وأخدوا مني كل اللي حيلتي ..حتى هدومي ..وسابولي شوية هلاهيل قديمة أستر جسمي بيها ..فإتكسفت اني أروح أقابل أبو البنت وأنا بالحال ده ...

لكن سبحان الله ..ربنا حط في طريقي الحاكم " أبو ثعلبة " الطيب الكريم الذكي ده ..عشان يقرا أفكارى ..ويساعدني في تحقيق مرادى ..ياااه ما أسعدني بيه ..وبمقابلته "..

طبعاً " فضل الله " شكر " الدساس " على معروفه معاه ...


بعد شوية ..يؤمر " الدساس " الخدم انهم ياخدوا الشاب " فضل الله " للحمام ..



ويبعت صاحبنا " الدساس " دعوة لمين تفتكروا !..

للسيد " الرشيد " يدعوه فيها الى داره بخصوص أمر خطير ومستعجل ...

طبعا " الرشيد " جه بسرعة لدار " الدساس "..يشوف إيه الموضوع ..


أول ماشافه " الدساس " قام من مكانه وأخده بالأحضان والقبلات ..قال يعني الحب مقطع بعضه ..

اندهش " الرشيد " للي شافه ..واستعجب !..إيه المقابلة الغريبة دى ..إيه اللي حصل لأبو ثعلبة ..ده طول عمره عدوى اللدود..مايعرفش غير أذيتي ..أكيد في الأمر سر !..".


لكن صاحبنا " الدساس " وعشان عارف اللي بيدور في مخ " الرشيد " ..بسرعة قاله :
" يا " أبو حمزة " لإمتى حنفضل أعداء !..الحمدلله جت فرصة نادرة تطفي نار الحقد في قلوبنا وننهي بيها الخصام اللي بيننا "..

سأله " الرشيد " : " إيه اللي عندك من أخبار ..طمنني "..قال له " ابو ثعلبة " بكل خبث :

" امبارح ..وصل الأمير " فضل الله " " الموصل " ..ونزل في ضيافتي .. وهو ناوى يتجوز بنتك ..سمع عنها الكتير عن جمالها وأخلاقها وذكاءها ..وفاتحني في الموضوع .. فلقيتها فرصة عشان نعيد الود والحب والاخلاص بيننا بدل القطيعة والجفا والخصومة ..فإيه رأيك !..ولا لسه زعلان مني ؟!...




[ندعوك للتسجيل في المنتدى أو التعريف بنفسك لمعاينة هذه الصورة]




وصاح " كوكو " الديك الجميل ...معلناً قدوم فجر يوم جديد...........
فأدرك " شهر زاد النصر " النوم ..فسكتت عن الكلام المباح ...


ولنا موعد مع باقي الحكاية في ليلة أخرى ..بإذن الله ..
انتظرونا ...........



[ندعوك للتسجيل في المنتدى أو التعريف بنفسك لمعاينة هذه الصورة]













_________________





[ندعوك للتسجيل في المنتدى أو التعريف بنفسك لمعاينة هذه الصورة]


[ندعوك للتسجيل في المنتدى أو التعريف بنفسك لمعاينة هذه الصورة]


عدل سابقا من قبل mona kabara في السبت 25 ديسمبر - 0:23:02 عدل 1 مرات
الرجوع الى أعلى الصفحة اذهب الى الأسفل
سلوى
نصراوى فعال
نصراوى فعال


عدد الرسائل : 113
العمر : 42
نشاط العضو :
0 / 1000 / 100

الدولة :
السٌّمعَة : 4
نقاط : 166
تاريخ التسجيل : 19/08/2010

مُساهمةموضوع: رد: شهر زاد النصر ..منى كبارة   السبت 18 ديسمبر - 21:46:51

شكرا لكى يا منمونة على الحكاية المسلية اللى شدانى اوى وانا دخلة على سن الاربعين ومشدودة اوى اعرف اخر القصة لكى منى جزيل الشكر وتصبحى على خير
الرجوع الى أعلى الصفحة اذهب الى الأسفل
مصطفى ابو النجا
مشرف المنتدى الاسلامى
مشرف المنتدى الاسلامى
avatar

عدد الرسائل : 1666
العمر : 48
رقم العضوية : 192
نشاط العضو :
100 / 100100 / 100

الدولة :
السٌّمعَة : 30
نقاط : 2400
تاريخ التسجيل : 13/02/2009

مُساهمةموضوع: رد: شهر زاد النصر ..منى كبارة   الإثنين 20 ديسمبر - 21:51:34

لقد احترت فى لقبك

ففأنتى مرة ملكة المنتدى

واخرى شهر زاد النصر

تترى من انتى

ددائماً ما تثرى المنتدى بروائع مواضيعك

شكرا يا .....

منى



_________________
[bألا بذكر الله تطمئن القلوب
لا اله الا الله محمد رسول الله
اخي المسلم لاتنس ذكر الله


--
إن مرت الايام ولم تروني فهذه مشاركاتي فـتذكروني ، وان غبت ولم تجدوني أكون وقتها بحاجة للدعاء فادعولي
الرجوع الى أعلى الصفحة اذهب الى الأسفل
Mr:MeMo
المدير الفنى (مؤسس المنتدى)
المدير الفنى (مؤسس المنتدى)


عدد الرسائل : 1464
العمر : 27
رقم العضوية : 2
نشاط العضو :
100 / 100100 / 100

الدولة :
السٌّمعَة : 21
نقاط : 2204
تاريخ التسجيل : 01/09/2007

مُساهمةموضوع: رد: شهر زاد النصر ..منى كبارة   الأربعاء 22 ديسمبر - 0:20:36

حكايات رائعه
من مـــلكة المنتدى
وشهرزااد النصر
مدام منى كبارة
تسلم ايدك
يا ملكة

الرجوع الى أعلى الصفحة اذهب الى الأسفل
سلوى
نصراوى فعال
نصراوى فعال


عدد الرسائل : 113
العمر : 42
نشاط العضو :
0 / 1000 / 100

الدولة :
السٌّمعَة : 4
نقاط : 166
تاريخ التسجيل : 19/08/2010

مُساهمةموضوع: رد: شهر زاد النصر ..منى كبارة   الخميس 23 ديسمبر - 19:50:47

منمونة انتى فين بقلك كتير مش بتدخلى تمتعينا بحكاياتك الجميلة لعل المانع خير
الرجوع الى أعلى الصفحة اذهب الى الأسفل
mona kabara
رئيس التحرير
رئيس التحرير
avatar

عدد الرسائل : 3619
العمر : 102
رقم العضوية : 40
نشاط العضو :
100 / 100100 / 100

الدولة :
السٌّمعَة : 38
نقاط : 4053
تاريخ التسجيل : 08/03/2008

مُساهمةموضوع: رد: شهر زاد النصر ..منى كبارة   الجمعة 24 ديسمبر - 23:08:02

سلوى كتب:
شكرا لكى يا منمونة على الحكاية المسلية اللى شدانى اوى وانا دخلة على سن الاربعين ومشدودة اوى اعرف اخر القصة لكى منى جزيل الشكر وتصبحى على خير



سلوى حبيبة قلبي ..أنا سعيدة جدا ان الحكاية عجبتك
وسعيدة أكتر بمتابعتك لها...
وحالاً حينزل الجزء الرابع...

تحياتي لكِ ..


[ندعوك للتسجيل في المنتدى أو التعريف بنفسك لمعاينة هذه الصورة]

_________________





[ندعوك للتسجيل في المنتدى أو التعريف بنفسك لمعاينة هذه الصورة]


[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
mona kabara
رئيس التحرير
رئيس التحرير
avatar

عدد الرسائل : 3619
العمر : 102
رقم العضوية : 40
نشاط العضو :
100 / 100100 / 100

الدولة :
السٌّمعَة : 38
نقاط : 4053
تاريخ التسجيل : 08/03/2008

مُساهمةموضوع: رد: شهر زاد النصر ..منى كبارة   الجمعة 24 ديسمبر - 23:20:28

مصطفى ابو النجا كتب:

لقد احترت فى لقبك

فأنتى مرة ملكة المنتدى

واخرى شهر زاد النصر

ياترى من انتى

دائماً ما تثرى المنتدى بروائع مواضيعك

شكرا يا .....

منى






أهلا بيك يامصطفى..
إيه النور ده!

ليالينا كتير وحواديتنا أكتر
فياريت تتابعنا

كل الشكر لمرورك واطرائك الجميل
مع تحياتي وتقديرى ..



[ندعوك للتسجيل في المنتدى أو التعريف بنفسك لمعاينة هذه الصورة]

_________________





[ندعوك للتسجيل في المنتدى أو التعريف بنفسك لمعاينة هذه الصورة]


[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
mona kabara
رئيس التحرير
رئيس التحرير
avatar

عدد الرسائل : 3619
العمر : 102
رقم العضوية : 40
نشاط العضو :
100 / 100100 / 100

الدولة :
السٌّمعَة : 38
نقاط : 4053
تاريخ التسجيل : 08/03/2008

مُساهمةموضوع: رد: شهر زاد النصر ..منى كبارة   الجمعة 24 ديسمبر - 23:25:21

Mr:MeMo كتب:
حكايات رائعه
من مـــلكة المنتدى
وشهرزااد النصر
مدام منى كبارة
تسلم ايدك
يا ملكة




تسلم يامحمود ويسلم مرورك الجميل
لك خالص تحياتي ..
وياريت تتابع ليالينا وحكايات ليالينا الساحرة ..



[ندعوك للتسجيل في المنتدى أو التعريف بنفسك لمعاينة هذه الصورة]

_________________





[ندعوك للتسجيل في المنتدى أو التعريف بنفسك لمعاينة هذه الصورة]


[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
mona kabara
رئيس التحرير
رئيس التحرير
avatar

عدد الرسائل : 3619
العمر : 102
رقم العضوية : 40
نشاط العضو :
100 / 100100 / 100

الدولة :
السٌّمعَة : 38
نقاط : 4053
تاريخ التسجيل : 08/03/2008

مُساهمةموضوع: رد: شهر زاد النصر ..منى كبارة   الجمعة 24 ديسمبر - 23:28:15



الليلة الرابعة ............





بدون شك الخبر السعيد ده ملأ قلب " الرشيد" بالبهجة والفرحة ..
ويرد ويقول : " ياااه أنا مندهش ..ده أجمل خبر سمعته في حياتي..حاجة عجيبة ..أمير الموصل مرة واحدة يفكر في الزواج من بنتي " زمرد" ..يا سبحان الله ..والخير ده كله ييجي على ايديك انت ياابو تعلبة ..بعد كل الأضرار اللي أذيتني وضريتني بيها.."..

يقول " الدساس " :" خلاص بقى مافيش داعي ننبش في الماضي الأليم يا " ابو حمزة " ..انت راجل كريم مسامح ..وآهي الفرصة جت لغاية عندنا عشان تتصافى القلوب ..وان شاء الله زواج بنتك من الأمير حيكون فاتحة خير بيننا وعهد صداقة جديد بيننا ..وخاتمة لعهد سئ كله مشاكل.. ربنا لا يرجع تلك الأيام السيئة ..
وفرصة اننا نتعاهد على المودة والحب والوفاء "..


ولطيبة قلب " الرشيد " ينخدع بكلام " الدساس " وينسى كل اللي عمله فيه ..وحقده عليه ..ويقوم يحضنه ويعاهده على الاخلاص والوفاء والمودة ..


وخرج " فضل الله " من الحمام ..أخذه الخادم ودخل بيه حجرة تانية ..وألبسه ملابس فاخرة جدا ..ثم أدخله قاعة الجلوس على الحاضرين..


وأول مالمحه " الدساس " قام من مكانه يرحب بيه " أهلا بيك مولاى الأمير ..شرفت بغداد..ودارى زادها شرف بنزولك فيها..والسيد " الرشيد " فرحته أكبر مني بيك وبطلبك الزواج من بنته "..

فقام " البشير " يشكر الأمير " فضل الله " انه تنازل وقبل بنته زوجة له ..وقال له : " لن ننسى لك يامولاى الأمير هذا الجميل طول عمرنا وإنك فضلت بنتي عن كل البنات واختارتها لتكون شريكة حياتك "..


ويتحيّر " فضل الله " ويندهش من اللي بيحصل ..ايه الحفاوة دى كلها ..
واكتفى برد التحية للـ " البشير " بدون أى كلمة زيادة ..


ويلتفت " الدساس " الى " فضل الله " ويقوله: " ياريت يامولاى تتعطف عليّ وتزيدني فضل من أفضالك الكريمة ..بأنك تقبل أن يتم عقد زواجك هنا في دارى عشان ينالها الشرف "..
ومن غير ما يستنى موافقة حد ..ينادى بسرعة على خادمه ويقوله ..روح بسرعة هات الشهود ..وكتب بإيده عقد الزواج ..وقرأه على الشهود ..ثم التفت الى " الرشيد " وهو بيبتسم بخبث ومش بس كده..كانت هناك كمان نظرة تشفي وشماتة في عينيه ..ويقول له:
" كده ربنا أتم نعمته عليك يا " ابو حمزة " ..خد صهرك وروح بيتك ..انت تستحق الشرف العظيم ده .."..



[ندعوك للتسجيل في المنتدى أو التعريف بنفسك لمعاينة هذه الصورة]



شكره " الرشيد " بطيبته المعهودة على معروفه ..وخرج من بيته ..وركبوا بغلتين مزينين بالجواهر الثمينة كانوا في انتظارهم بالخارج..وودعوا " أبوثعلبة " ..وذهبوا الى قصر " الرشيد"..


وبمجرد وصولهم ..نادى " الرشيد" على بنته ومعها كل اللي في القصر ليحكي لهم ما حصل ..
فرحت بنته جدا وعم القصر البهجة والسرور..
ودقت الدفوف وعلقت الزينات وقامت الجوارى لتغني وترقص ...



[ندعوك للتسجيل في المنتدى أو التعريف بنفسك لمعاينة هذه الصورة]




وبعد ما جلس العروسان معاً وتحدثوا وتسامروا ...
حمدوا ربنا ان ربنا ..لأنهم هما الاتنين كانوا يتمتعوا برجاحة العقل وكمال الخلق والذكاء..واعجبوا ببعض ..وارتاحوا لبعض جدا...فشكروا ربنا على ماكتبه لهم من سعادة وسرور..



[ندعوك للتسجيل في المنتدى أو التعريف بنفسك لمعاينة هذه الصورة]



ويصيح الديك " كوكو " الجميل ...كعادته في نفس الموعد..معلناً قدوم فجر يوم جديد....
فأدرك " شهر زاد النصر " النوم ..فسكتت عن الكلام المباح ...


ولنا موعد مع باقي الحكاية في ليلة أخرى ..بإذن الله ..

انتظرونا .....





[ندعوك للتسجيل في المنتدى أو التعريف بنفسك لمعاينة هذه الصورة]




_________________





[ندعوك للتسجيل في المنتدى أو التعريف بنفسك لمعاينة هذه الصورة]


[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
سلوى
نصراوى فعال
نصراوى فعال


عدد الرسائل : 113
العمر : 42
نشاط العضو :
0 / 1000 / 100

الدولة :
السٌّمعَة : 4
نقاط : 166
تاريخ التسجيل : 19/08/2010

مُساهمةموضوع: رد: شهر زاد النصر ..منى كبارة   السبت 25 ديسمبر - 13:41:25

الطيبين للطيبات شكرا لكى اختى الحبيبة منى وياريت تكملى لحسن القصة زادت تشويق
الرجوع الى أعلى الصفحة اذهب الى الأسفل
ahmed_allam825
نصراوى جديد
نصراوى جديد
avatar

عدد الرسائل : 44
العمر : 46
نشاط العضو :
0 / 1000 / 100

الدولة :
السٌّمعَة : 3
نقاط : 49
تاريخ التسجيل : 21/05/2009

مُساهمةموضوع: رد: شهر زاد النصر ..منى كبارة   الأربعاء 29 ديسمبر - 17:41:08

استاذتي الغاليه جداااااااااااااا الاستاذه مني
لوسمحتي وبعد اذنك انا مستعجل جداا علي بقيه الحكايه
وبصراحه لازم تقولي بقيه الحكايه بسرعه ....علشان من الاخر انتي تعبتي قلبي من الانتظار
ويلا بسرعه ربنا يخليكي
وفي انتظار جديدك دوماااااا
احمد علام
الرجوع الى أعلى الصفحة اذهب الى الأسفل
mona kabara
رئيس التحرير
رئيس التحرير
avatar

عدد الرسائل : 3619
العمر : 102
رقم العضوية : 40
نشاط العضو :
100 / 100100 / 100

الدولة :
السٌّمعَة : 38
نقاط : 4053
تاريخ التسجيل : 08/03/2008

مُساهمةموضوع: رد: شهر زاد النصر ..منى كبارة   الإثنين 3 يناير - 21:40:18

سلوى كتب:
الطيبين للطيبات شكرا لكى اختى الحبيبة منى وياريت تكملى لحسن القصة زادت تشويق




فعلا الطيبون للطيبات
وحنكمل قصتنا حالا ....

مرورك دائماً يسعدني ياسلوى

تحياتي وورودى ..


[ندعوك للتسجيل في المنتدى أو التعريف بنفسك لمعاينة هذه الصورة]

_________________





[ندعوك للتسجيل في المنتدى أو التعريف بنفسك لمعاينة هذه الصورة]


[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
mona kabara
رئيس التحرير
رئيس التحرير
avatar

عدد الرسائل : 3619
العمر : 102
رقم العضوية : 40
نشاط العضو :
100 / 100100 / 100

الدولة :
السٌّمعَة : 38
نقاط : 4053
تاريخ التسجيل : 08/03/2008

مُساهمةموضوع: رد: شهر زاد النصر ..منى كبارة   الإثنين 3 يناير - 21:45:27

ahmed_allam825 كتب:
استاذتي الغاليه جداااااااااااااا الاستاذه مني
لوسمحتي وبعد اذنك انا مستعجل جداا علي بقيه الحكايه
وبصراحه لازم تقولي بقيه الحكايه بسرعه ....علشان من الاخر انتي تعبتي قلبي من الانتظار
ويلا بسرعه ربنا يخليكي
وفي انتظار جديدك دوماااااا
احمد علام



أهلا يااحمد ..أسعدني مرورك
نورت الموضوع ذى مانورت حفلة عيد ميلادى
ان شاء الله حتنزل الحلقة الخامسة والسادسة حااااالا ...
ومش ح أتأخر عليكم في باقي الحلقات ..


تحياتي وورودى
..

[ندعوك للتسجيل في المنتدى أو التعريف بنفسك لمعاينة هذه الصورة]

_________________





[ندعوك للتسجيل في المنتدى أو التعريف بنفسك لمعاينة هذه الصورة]


[ندعوك للتسجيل في المنتدى أو التعريف بنفسك لمعاينة هذه الصورة]


عدل سابقا من قبل mona kabara في الإثنين 3 يناير - 22:11:18 عدل 1 مرات
الرجوع الى أعلى الصفحة اذهب الى الأسفل
mona kabara
رئيس التحرير
رئيس التحرير
avatar

عدد الرسائل : 3619
العمر : 102
رقم العضوية : 40
نشاط العضو :
100 / 100100 / 100

الدولة :
السٌّمعَة : 38
نقاط : 4053
تاريخ التسجيل : 08/03/2008

مُساهمةموضوع: رد: شهر زاد النصر ..منى كبارة   الإثنين 3 يناير - 21:48:46








الليلة الخامسة :

[ندعوك للتسجيل في المنتدى أو التعريف بنفسك لمعاينة هذه الصورة]






وتشرق شمس يوم جديد ..وشعاع الشمس الذهبي يدخل من شباك العروسين يغازلهم ويداعبهم ..ويفتح العروسان أعينهم .. فتقع كل منهما عيناه على الآخر..
فتتراقص قلوبهم من الفرحة والسعادة .. فكل منهم استيقظ من نومه مشتاق للآخر كثيرا .. فقد أخذتهم ساعات النوم القليلة وأبعدتهم عن بعضهم لبعض الوقت ..فزاد الشوق واللهفة ..
وقاموا ليتناولوا فطارهم وهم يتسامرون ويضحكون سعداء..

وفجأة ..يسمعوا صوت طرق عالي على باب الدار ..
تقول زمرد : "ياترى مين ده اللي جاى في وقت بدرى كده .. إيه الأمر الخطير اللي يخللي حد يقلق عروسين يوم صباحيتهم بالشكل ده !.. يكونش واحد غريب له عندنا طلب !.."
يرد " فضل الله " : " ح نحيّر نفسنا ليه ..أروح أفتح الباب ونشوف مين ..".

ويفتح " فضل الله " الباب ..ويلاقي زنجي طويل شاي ملاية على كتفه كبيرة ..
ويقول " فضل الله " لنفسه ..أكيد دى هدايا من عند " ابو ثعلبة " .. بيعبر لنا بيها عن فرحته وتهنئته بزواجنا السعيد اللي تم على ايديه ..الراجل امبارح كان فرحان لنا بشكل غريب وكأنه بيجوز ابنه بالظبط ..سبحان الله..

لكن مفاجأة " أبو الفضل " كانت صعبة قوى ..لما فاق من شروده على صوت الزنجي بيقول له بلهجة كلها سخرية واستهزاء :
" سيدى " ابو ثعلبة " بيصبح عليك وبيتمنى لك التوفيق والسعادة في جوازك ..وبيطلب منك ترجع له الملابس الفاخرة اللي استلفتها منه امبارح ..عشان تتظاهر بأنك أمير " الموصل " ..
وباعت لك هلاهيلك القديمة عشان تبان قدام نسايبك على حقيقتك ..وماينخدعوش فيك أكتر من كده "..

والدهشة تلجم لسان " فضل الله " ..والدنيا تدور بيه ..
يااااه للدرجة دى يصل خبث " الدساس " وذكائه.. صدق الناس فعلا في اللي قالوه عنه..
لا حول ولا قوة إلا بالله..

طب إيه العمل دلوقتي ..مافيش باليد حيلة ..ده قضاء الله وقدره..
وقلع كل الملابس اللي عليه وناولها للزنجي ..وأخد منه هلاهيله ولبسها ..

وصاحبتنا "زمرد" كان عندها حب استطلاع ..عاوزة تعرف مين ع الباب ..فقربت من الباب ..وسمعت بعض الحديث..

ولما شافت جوزها لابس الهلاهيل استغربت ..وقالت له مندهشة :
" فيه ايه ! أى مصيبة دى حلت بينا ! قال لك ايه الزنجي !"..

يرد جوزها ويقول لها : " ربنا كان عاوز يكشف خبث الراجل ده وسوء نيته ..فرماني في طريقه ..عشان يظهر على حقيقته.."
تقوله " زمرد" : " قوللي يا" فضل الله " ..كمل كلامك..عاوزة اعرف القصة كلها ..
ومين الراجل اللي تقصده بكلامك !"

يرد " فضل الله " : " الداهية ( أبو تعلبة ) كان عاوز يرميكم بسهم ..لكن ربنا أراد ان السهم يخطأكم ويلف ويرجع له ليستقر بصدره ..

شوفي ياحبيبتي ..الراجل ده كان عاوز يكيد لأبوكي وينتقم منه ..
ظن اني صعلوك متشرد فكذب على ابوكي وادعى اني أمير الموصل وأراد تزويجك مني ليتشفى في أبوكي..لكن ربنا خيّب ظنه ..
فقسم لك إني أكون أمير الموصل فعلاً وولي عهدها ..وتزوجتي من أمير أصيل في الإمارة ..
والحمدلله ...ربنا ألهمني أن أخفي عنه سرى وحقيقة أمرى ..
فأنا قلت له اني من " الموصل " ..لكن ...
ماقلتلوش إني أمير الموصل وولي عهدها ووريث ملكها..

ولما قدمني لوالك وقاله " أمير الموصل " ..أنا كنت مستغرب وقلت إيه الذكاء ده ..ازاى الراجل ده عرف حقيقتي من غير ما أقول له ؟!..
واندهشت أكثر ..لما عرض عليا أتجوزك انتي بالذات ..قلت لنفسي ازاى الراجل ده عرف اني سافرت من الموصل لبغداد ..عشان اتجوز بنت " أبي حمزة الرشيد" ..؟!..
واستغربت ..ازاى عرف من ملامحي إني أمير ؟!..

وبمجرد ما انتهى من قصته كلها ..إلا وزوجته زمرد تقوم من مكانها .. وتحتضنه والفرحة تملأ قلبها .. وتقول له...

" من نبل أخلاقك أنا كنت متأكدة من كرم أصلك ..ولا تحزن ولا تزعل من اللي عمله الحاقد الداهية " ابو تعلبة " إن الله لا يهدى كيد الخائنين )..
شكرها زوجها الأمير " فضل الله " على رجاحة عقلها وأصالة رأيها..

وبسرعة راحت " زمرد " تنادى على واحدة من جواريها ..وأمرتها في الحال تروح للسوق ..وتشترى ملابس فاخرة تليق بالأمير..
وراحت الجارية بسرعة تنفذ أوامر " زمردة "..
وبعد وقت قليل رجعت ومعاها من الملابس أجملها وأفخرها وأغلاها ..
ملابس تليق فعلاً بأمير الأمراء " أبو الفضل "....
ولبسها الأمير ..ورجع له بهاؤه وزاد جماله ..

وتتذكر " زمرد " كل ماحدث من مواقف ..وتضحك..وتقول :
" ياترى إيه ح يكون شعور " الدساس " لما يعرف حقيقتك وإنك فعلاً أمير الموصل !..

آآه لو يعرف هو هيأ لنا سعادة أد إيه بتدبيره ده ..سعادة ماكناش حنشوفها لولاه..
كان عاوز يزوج بنت " أبو حمزة " لص متشرد ..فخيّب الله ظنه وأنقذنا من كيده ..
وزوجها من أمير عظيم ..أصيل في الإمارة والمُلك..
ماهو الشر ما يصيبش إلا أصحابه ..
لكن أنا ح أعرف إزاى أنتقم منه إنتقام ماينساهوش العمر كله ..وأعاقبه عقاب مايخطرش له على بال ..عشان يكون له درس قاسي يمنعه من إنه يكيد للناس..ويبطّل خداع ومكر "..

وحاول الأمير " فضل الله " إنه.................................


[ندعوك للتسجيل في المنتدى أو التعريف بنفسك لمعاينة هذه الصورة]




وصاح " كوكو "...معلناً قدوم فجر يوم جديد....
وإلى هنا لم تستطع " شهر زاد النصر" أن تقاوم النوم ..فسكتت عن الكلام المباح ...

ولنا موعد مع باقي الحكاية في ليلة أخرى ..بإذن الله ..

فحكايتنا من هنا.. بدأت ......


انتظرونا .....
فلنا موعد آخر في ليلة جديدة
من ليالينا ..



[ندعوك للتسجيل في المنتدى أو التعريف بنفسك لمعاينة هذه الصورة]




_________________





[ندعوك للتسجيل في المنتدى أو التعريف بنفسك لمعاينة هذه الصورة]


[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
mona kabara
رئيس التحرير
رئيس التحرير
avatar

عدد الرسائل : 3619
العمر : 102
رقم العضوية : 40
نشاط العضو :
100 / 100100 / 100

الدولة :
السٌّمعَة : 38
نقاط : 4053
تاريخ التسجيل : 08/03/2008

مُساهمةموضوع: رد: شهر زاد النصر ..منى كبارة   الإثنين 3 يناير - 22:09:09

الليلة السادسة :


[ندعوك للتسجيل في المنتدى أو التعريف بنفسك لمعاينة هذه الصورة]




حاول الأمير إنه يردها عن انتقامها من " الدساس" ..
لكن بدون فايدة ..كانت " زمرد " مصممة على الإنتقام..
وحاول إنه يعرف بتفكر في إيه وبتدبر إيه ..
لكن " زمرد" ماقالتلوش سرها..


وصدقت " زمرد في الوعد اللي أخدته على نفسها ..
وكان انتقامها من عدوها وعدو أبوها في شدة العنف والقسوة ..

قالت :
"أنا ح أخليه لقمة في أفواه الناس ..سواء من الخاصة أو من العامة ..خلي كل الناس تضحك عليه وتسخر منه..
ح أخليه حكاية على كل لسان.. يحكيها الأحفاد عن الأجداد .."



وحققت " زمرد " اللي بتتمناه ..على الرغم من رجاء الأمير
" فضل الله " ..لأنه كان مسامح مابيحبش الانتقام ..
ولايحب يقابل الإساءة مهما كان حجمها إلا بالإحسان والغفران..

تعالوا نشوف مع بعض " زمرد" حتنتقم ازاى
من " أبو تعلبة "..




في اليوم التالي ..صحيت " زمرد " من نومها ..لبست هدومها وحطت ( برقع ) على وشها واستأذنت زوجها في الخروج.. ومشت مسرعة حتى وصلت لديوان " الدساس " ..
وفضلت منتظرة ظهور " الدساس " في حديقة الديوان ..
ولما لمحته..تقدمت ووقفت في مكان يمكنه أن يراها فيه..
أول ماوقعت عينه عليها ..بعت رسوله يسألها
عن سبب وقوفها في المكان ده وعاوزة ايه ..

ولما راح لها الرسول ..قالتله " زمرد " عندى سر خطير عاوزة أبلغه لسيدى " أبو تعلبة " ..


فناداها " الدساس " ..جت في الحال ..وقفت بين ايديه وأحنت رأسها تحية له ..متظاهرة باحترامه وتعظيمه..



[ندعوك للتسجيل في المنتدى أو التعريف بنفسك لمعاينة هذه الصورة]




ذهب وذهبت وراه لحجرة في الديوان وأمرها تقعد على دكة بجواره ..
جلست " زمرد" ورفعت ( البرقع ) عن وجهها ..
وقالت بعد ما أذن لها في الكلام " :


" أنا نمت امبارح – ياسيدى " أبو تعلبة - وأنا مشغولة قوى بسوء الحظ اللي ملازمني ..

قال لها " ابو تعلبة " : أى سوء حظ :
قالت له :
شفت – في المنام – حلم عجيب ..
شفت ضب بيتكلم !..



[ندعوك للتسجيل في المنتدى أو التعريف بنفسك لمعاينة هذه الصورة]




ومايمرش من الوقت كتير ..إلا ..وييجي أرنبة وتعلب ويقعدوا يتكلموا كلهم سوا ..
وعرفت من كلامهم إن الأرنبة وجدت تمرة على الأرض وأخدتها لتأكلها ..
ولسه يادوبك ستضعها على فمها ..ييجي التعلب ويعمل حيلة ويخطفها منها ..
ولسه يادوبك التعلب سيضع التمرة على فمه ليأكلها حتى نشبت معركة بينه وبين الأرنبة ..



[ندعوك للتسجيل في المنتدى أو التعريف بنفسك لمعاينة هذه الصورة]






وأخيراً ..اجتمع رأيّهم على الذهاب الى بيت " أبو الحسل " وهو الضبّ ..وتعاهدوا على الرضا بأى شئ سيحكم به " أبو الحسل "..مهما كان حكمه..


فلما وصلوا لبيت الضبّ ..سمعت حوار طريف ..ماسمعتش أعجب منه قبل كده..



قالت الأرنبة منادية : " يا أبو الحسل "
قال الضب ّ : أيوه من هناك..وعاوزين إيه..
قالت الأرنبة : جيناك لتحكم بيننا..
قال الضب : بالعدل أحكم.
قالت الأرنبة : أخرج لنا .
قال الضب ّ : الحكم يتم في بيتي ..
قالت الأرنبة : أنا لقيت تمرة .
قال الضبّ : حلوة كليها .
قالت الأرنبة : خطفها التعلب مني .
قالت الضبّ : أخد الخير لنفسه .
قالت الأرنبة : على وجهه ولطمته .
قال الضبّ : حقك وأخدتيه.
قالت الأرنبة : على وجهي ولطمني .
قال الضبّ: حر وأخد بتاره.
قالت الأرنبة : ياريت تحكم بيننا.
قال الضبّ : ما أنا خلاص حكمت .
ومشي التعلب ومعاه الأرنبة راضيين بحكمه..



وترجع " زمرد " وتكمل للـ " الدساس " كلامها وتقول له :

القصة دى كنت حفظتها من مدرستي وأنا طفلة وكنت معجبة جدا بها ..
لكن اعجابي زاد أكتر لما شفتها في منامي
شفتها أمامي صوت وصورة وكأنها حقيقة..
والجميل ان كل الأشخاص اللي بالقصة كانوا بيتكلموا ويتحاوروا بنفس لغتنا..
وشفت " الضبّ" وهو بيحكم بين التعلب والأرنبة ..
بس الغريبة شفت " أبو الحسل " اللي هو الضبّ في صورة وشكل عجيب :
الجسم جسم ضبّ ..لكن وجهه وجه انسان
ولسانه كمان لسان انسان ..



فقلت لنفسي طيب ما أروح لــ " أبو الحسل " وأحاوره أنا كمان ذى الأرنبة ماحاورته ..



[ندعوك للتسجيل في المنتدى أو التعريف بنفسك لمعاينة هذه الصورة]





وناديته : يا أبو الحسل .
يرد أبو الحسل : تحت أمرك ياكريمة الأصل .
قلتله : جيت لك حزينة وباكية ..ومتألمة .
قال : بل جيتي شاكية ومتظلمّة .
قالت : تسمحلي أحكيلك قصتي ..
قاللي : ماخلاص عرفتها يابنتي.
قلتله " ازاى ..وأنا ماحكيتهالكش !
قال : عرفتها عرفتها وكأني شفتها .
قلتله : كده من قبل ما أحكيهالك !
قالي : بنصّها وفصّها.
قلتله : طيب تحكم فيها بإيه ..
قاللي : أسيبها لقاضيها يحكم فيها ..
قلتله : أى قاضي تقصد ..ومين ده اللي بحكمه انت راضي !
قاللي : راجل عاقل ورشيد ..وهو حاكم " بغداد ..
ده راجل العدل صفته ..و" أبو تعلبة " لقبه ..
الصواب حكمه ..و" زياد " اسمه ..
روحي له بسرعة واحكيله شكوتك ..




[ندعوك للتسجيل في المنتدى أو التعريف بنفسك لمعاينة هذه الصورة]




وصاح " كوكو " الديك الجميل ...
معلناً قدوم فجر يوم جديد....
فأدرك " شهر زاد النصر " النوم ..
فسكتت عن الكلام المباح ...


ولنا موعد مع باقي الحكاية في ليلة أخرى ..
بإذن الله ..


انتظرونا



[ندعوك للتسجيل في المنتدى أو التعريف بنفسك لمعاينة هذه الصورة]




_________________





[ندعوك للتسجيل في المنتدى أو التعريف بنفسك لمعاينة هذه الصورة]


[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
سلوى
نصراوى فعال
نصراوى فعال


عدد الرسائل : 113
العمر : 42
نشاط العضو :
0 / 1000 / 100

الدولة :
السٌّمعَة : 4
نقاط : 166
تاريخ التسجيل : 19/08/2010

مُساهمةموضوع: رد: شهر زاد النصر ..منى كبارة   الإثنين 3 يناير - 22:50:04

بجد الديك دا وحش اوى عشان كان نفسى القصة تكمل لكى منى ارق التحيات
الرجوع الى أعلى الصفحة اذهب الى الأسفل
 
شهر زاد النصر ..منى كبارة
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 2انتقل الى الصفحة : 1, 2  الصفحة التالية

صلاحيات هذا المنتدى:لاتستطيع الرد على المواضيع في هذا المنتدى
ElnasrClubForum :: المنتديات الثقافية والاجتماعية :: ¬°•|المنتدي العام |•°¬-
انتقل الى: