اقتراح مقابلة شم النسيم

اية رئيكوا يا جماعة طالما احنا مش عرفين بعض كدة خالص غير على المنتدى
فرصة نتقابل ونتجمع فى مكان فى النادى بالنهار قبل الحفلة
لأن اكيد الحفلة هتكون بليل
فأية رائيكوا نتقابل بالنهار ونتعرف على بعض وبليل كل واحد يروح الحفلة
هاااااااااااااااااااااااااااااااااا قلتوا اية Question

وانا سايبة ليكوا انتوا اللى تحددوا مكان المقابلة

انا عن نفسى معنديش اى مانع
ممكن تحددوا المكان و الموعد و تقولولى
و شكرا جدا

اسف المعاد اكيد هيبقى يوم الحفلة

طبعا موافقين
بس انتى صاحبة الفكرة علشان كدة انتى اللى لازم تحددى المكان
واحنا علينا الموافقة
وهى فعلاً فكرة رائعة

هى فعلا فكرة كويسة جدا ودى فرصة يوم شم النسيم
وأقترح أن مكان المقابلة بالدور العلوى امام المسجد
وحمام السباحة واترك الميعاد لتحديده من قبل الاعضاء
ان كان المكان مناسب شكرا للاخت كريمة الشاعرة
وبالمناسبة نرجوا منها ان تعرض علينا بعض أشعارها
وان يكون بيننا كلمة سر ولتكن مثلا ( مستر ميمو)

تتصوري يا اخت/كريمة .. الكريمه ---------اننا فكرنا في ان نتقابل من اجل التعارف من مده طويله لكن لم نتفق [size=18]على شيء وكل واحد يرمي الكوره في ملعب الآخر وطبعا ده طبيعي علشان احنا في نادي النصر يعني اساس الكوره لكن حقيقي لازم نتفق على ان المقابله دي لها معنى كبير و هي لا تتوفر في منتديا ت كثيره ولذلك انا موافق على الموعد و المكان الجميل اعلى حمام السباحه مش في الميه طبعا وستكون فرصه للتعارف وتبادل الاراء واتمني تكون حفلة شم النسيم على النحو الذي نتمناه جميعا ونستمتع بحفل واسع المكان واجمل مما كان عليه زمان[/size]

بس خد بالك يا استاذ نزار
انا مش بتاع كلام وانت طبعاً عارف انا اقصد ايه

واضح ان مفيش ناس كتير متحمسة للموضوع دة شكله هيتلغى

شكرا لكل من ساهم فى الموضوع ورد

ان شاء الله اكون معاكوا

على فكره فى ناس كتير قرات الموضوع ومستنيه المكان والزمان وهيكونوا موجودين باذن الله معانا

حددوا انتوا المكان والله انا مش عرفة النادى اوى لانى لسة فيه جديدة تقريبا ومش انا هقدر اجى ولا لا اصلا
لو سمحتوا حددوا انتوا انا اسفة

ان شاء الله فى ميعاد لأعضاء المنتدى يوم الجمعة القادم الموافق 10/4/2009 الساعة 5 عصراً أمام بوابة ملعب التنس وسوف يحضر المقابلة مجموعة كبيرة من الاعضاء ما يقرب من ستة أعضاء وسوف تكونى انتى العضوة السابعة نتمنى حضورك
اخوكى أحمد ابوزيد

سبقتنى يا استاذ احمد كنت لسه هقول للاستاذه الشاعره عن موضوع المقابله

جزاك الله خيرا

طب هو احنا مش قلنا يوم شم النسيم
هو انا كلامى مالوش معنى

من غير زعل يا استاذة كريمة احنا اصلا كنا متفقين على الميعاد دة من حوالى اسبوع
ومفيش مشكلة لو مش هتقدرى تيجى ممكن نتقابل تانى يوم شم النسيم ودة طبعاً تنفيذاً لرغبتنا القوية فى التعرف عليكى

لا طبعا يا استاذه كلمك على العين والراس ولكننا بالفعل قمنا بعمل ميعاد يوم الجمعه القادم بين بعض اعضاء المنتدى وعموما نتقابل مره اخرى يوم شم النسيم

حددوا المكان والزمان وانا موافق أنشاء الله

شكرا يا كينجوا على ردك الجميل

شكرا يا استاذ احمد على ردك الجميل

والله يا استاذه احنا هنا كلنا اخوه وبنحاول نكون مع بعض وده علشان خاطر نبقى احسن نادى

فكرة جميلة لانى مشترك فى النادى من سنة ولكن لا ازورة لانى مش عارف حد فية لكن منتظر يكون لى اصحاب ومعارف فية علشان اروح النادى واتعرف علية فياريت يكون فية تعارف والاجتماعيات شىء جميل

اهلا بيك يا هيما ونتمنى نتعرف عليك قريب ان شاء الله
ولحين المقابلة نتمنى ان تعرفنا عليك اكتر

تحياتى لكم جميعا

و انا سعيد جدا بهذة الروح التى اراها فى اعضاء النادى فالبعد الاجتماعى هام جدا بنفس درجة الاهمية للانشطة الاخرى

لكن لدى تحفظ على اختيار يوم شم النسيم فهذا من الايام الشديدة الزحام و اعتقد ان كل من زار النادى فى هذا اليوم عانى معاناة شديدة من الزحام لكن اتجاة طيب ان يتواصل اعضاء النادى و المنتدى بهذا الشكل الرائع

تقبلوا تحياتى