أوعى تخلى حد يضحك عليك تانى

أخوانى الاعزاء أوعى حد يضحك عليك تانى ويعطيك ورقة نقود مزورة
لذلك أقدم لكم فى هذا الموضوع معلومات فى غاية الأهمية

والموضوع يتكلم عن كيفية الكشف عن التزوير فى العملات الورقية المصرية
وهى خلاصة ما قمت بدراستة من سنين ولله الحمد فقد حصلت على درجة التخصص فى طرق الكشف عن التزييف والتزوير
واليكم الموضوع واتمنى اسمع رأيكم وأسألتكم
أولاً نبدأ بفئة المائة جنيه

وسائل التأمين فى العملات الورقية >> فئة 100 جنيه مصري >>

وسائل التأمين الموجودة بالعملة
اولاً :- عنصر التطابق وهو عبارة عن شكل زخرفى فى الوجه ومتكامل مع آخر فى ظهر الورقة عند النظر من خلال الضوء النافذ حيث يعطى شكل عبارة عن عين فرعونية ( عين حورس ) بينما لا يظهر الشكل المتكامل فى العملة المقلدة عند النظر من خلال الضوء النافذ
<table class=text width="100%" border=0><tr><td> </TD> <td> </TD> <td> </TD></TR> <tr><td class=title3 vAlign=top> الشكل الذى يظهر فى وجه الورقة </TD> <td class=title3 vAlign=top> الشكل الذى يظهر فى ظهر الورقة </TD> <td class=title3 vAlign=top>الشكل الذى يظهر عند النظر للورقة من خلال الضوء النافذ </TD></TR></TABLE>
<table width="100%" align=left><tr><td> </TD> <td> </TD></TR></TABLE>
ثانياً :- شريط لامع متقطع ظاهريا ويظهر متصل من خلال الضوء النافذ ويعكس الوان طيفية بشكل الهرم المدرج عند إمالته بينما لا يظهر هذا الشريط متصل فى العملة المقلدة ولا يعكس شكل الهرم المدرج عند إمالته
ثالثاً :- علامة مائية عبارة عن صورة قناع توت عنخ آمون وتظهر فقط عند النظر للعملة من خلال الضوء النافذ بينـما لا تظـهر فى العمـلة المقـلدة أو تبدو سطحية على الورق دون الحاجة لتعرضها للضوء النافذ
رابعاً:- طباعة بارزة لرقم 100 بدون أحبار بينما لا تظهر تلك الطباعة فى العملة المقلدة
خامساً :- طباعة بإستخدام حبر يتغير لونة عند إمالة الورقة بينما فى العملة المقلدة لا يعطى أى تغير فى اللون - ويظهر بلون واحد فقط
سادساً:- شريط أمنى مغناطيسى تتعرف علية آلات العد والفرز بالبنوك ومكتوب علية 100 جنية بينما فى العملة المقلدة لا يوجد هذا الشريط وأن وجد فلا توجد بداخلة عبارة ( 100 جنية ) وكذلك يكون غير ممغنط

بهذا يكون قد انتهى عرض أهم العلامات المميزة للورقة السليمة
واذا أعجبكم الموضوع سوف اقوم بعرض باقى اهم العلامات المميزة للفئات الأخرى

ايه الجمال ده يا بوحميد
شكرا يا غالى على النصيحة الغالية
والحمد لله انى ماكنتش هقع فيها
لأنى انا اخرى لما بقول انا معايا فلوس جامدة بتكون 20 جينيه
ف أكيد يعنى اللى بيزور مش هيزور عشرينات صح ولا ايه
ولا فيه تزوير عشرينات دلوقتى
ههههههههههههههههههههههههههههه

اولاً : شكراً يا ميدو على مرورك وردك الجميل
ثانياً : فعلا يا ميدو يوجد تزوير فى فئة العشرين جنيه وأمتد التزوير لفئة الخمسة جنيهات
ثالثاً : علشان خاطرك انا هنزلك العلامات الهامة فى فئة العشرين جنيه

يا لهوووووووووووووووووووووووى
خلاص انا همشى بعد كدة بالجينيهات الفضة دى
دى أكيد مافيهاش تزوير يعنى
والف شكر يا بوحميد على المجهود العظيم

ربنا يعزك ويباركلك يا ميدو انت تستاهل كل خير
بس عايز اقولك على معلومه
كان زمان فى تزوير فى العملات المعدنية بس دلوقتى خلاص بطلو يتعبو نفسيهم واصبح أهتمام المزورين متجه نحو تزوير الشيكات لأن قيمتها أكبر واسهل فى التزوير

لأ ماهوا ممكن يرجعوا يزورا فيها تانى اصل الشعب المصرى ذكى باردوا مش اى كلام
خلاص انا بعد كدة همشى بفيزا كارت
اجى فى التاكسى ادى للراجل الفيزا كارت يقوم ضاربنى عادى
بس انا مش هسيبوا طبعا يضربنى انا هجرى
زى ما عمل احمد مكى فى دبوووووور

هههههههههههههههههههه
طول عمرك دمك عسل يا ميدو
وعلشان تعرف انا هنزلك بردة موضوع عن تزوير الفيزا كارد
انا هفضل وراك لغاية ما تقعد فى البيت وتتعقد
هههههههههههههههههههه

احسن حاجة يا ميدو

اى حد يعملك خدمة
او تشترى حاجة

حول له رصيد

بس خلى بالك
من كروت الشحن المزورة

كدة بردو يا مصطفى انت بترد على ميدو وما قلتلى رأيك فى الموضوع
انا فعلا محتاج رأي الناس فى الموضوع
بس والنبى اوعى تشكر منى زى المرة اللى فاتت

ااااااااااااااسف
والله ما قصدش

الموضوع والله يا احمد جميل

بس عندى واحد صاحبى ضحكوا عليه فى 200 جنيه

شوف لنا حل ال200 جنيه

ولا انت اخرك ال100 جنيه

وبعدين الموضوع ده بتاعك انت ولا بتاع منى

وهى فين منى بقالها مدة مش باينة
ارجو انها تكون بخير

وأأأأأسف مرة تانية

انا بافكر بعد كده اشكر صاحب الموضوع من غير ما اقول اسمه
ايه رأيك

فعلا فكرة حلوة انك تشكر الموضوع من غير ما تكتب اسمة
وصدقنى يا مصطفى موضوع اللغطبة فى موضوع العملات الورقية لم يزعلنى على الاطلاق
بالعكس انه جعل من الموضوع فكاهة لذيذة وخلتنا كلنا نضحك من قلوبنا
أما موضوع الورقة فئة 200 جنية فأنا حالياً أقوم بدراسته وعند الانتهاء منه سوف أقوم بعرضة عليكم بأذن الله
ولك منى كل الشكر على تقييمك

موضوع مهم جدا و طبعا لغير المتخصص ستكون الضحك للركب وبعدين انا بحب اتعامل في الجنيهات الجبس اامن يا ابوحميد وبعدين انت فين؟؟؟

انا موجود وتحت امرك يا حاج نزار بس كنت مسافر ولسة راجع فجر اليوم
وانا سعيد جدا ان الموضوع عجبك

جميلة اوى جملة الحاج نزار
انا بحب اتعامل بالجينيهات الجبس

موضوع رائع كما عودتنا.. ومعلومات جميلة وسهلة ..
وأحب أضيف معلومة :
ان أغلب الدولارات فئة واحد دولار اللي في العالم مزورة
والجميل ان الحكومة الامريكية عارفة ومش مهتمة..قوللي ليه !!
لأن الدولار المزور بيتكلف تزويره واحد دولار..ههههههه
المعلومة التانية ان واحد داهية ..زور عملة تمام التمام
بس برضه قبضوا عليه ..قوللي ليه !
لأنه زور عملة فئة اتنين جنيه ونصف ..ههههههههههه

شكرا يامصطفــى
O
O
O
H
وبعدين في الغلط ده ..!!!!!

شكرا يا أحمد يا أبو زيييييييد..يسلموا الأيادى
بجد موضوع جديد ومهم جداا ..
وسامحني على الخطأ ..ههههه
دمت بكل خير ..وحمدلله على السلامة ..وفي انتظار جديدك

أوعى تخلى حد يضحك عليك تانى WR457733

اسامحك على ايه ولا ايه
انتى ومصطفى جننتونى بس خلاص انا اتعودت على كدة
هههههههههههههههههههه
وعلى العموم انا متشكر جدا على تعقيبك على الموضوع وأحب اشكرك اكتر على الاضافة الجميلة الخاصة بالدولار وأحب أن أوضح ان امريكا تعرف جيدا انه يوجد تزوير فى جميع فئات الدولارات ولكنها تغمض أعيونها لكى تدمر اقتصاديات الدول الفقيرة التى تحتاج الى امريكا فى التعامل بالدولارات والغريب أن الدولار سهل جداً فى تزويرة والحكومة الامريكية لا تريد ان تزيد من عوامل الامان فى نقودها عامدة ومتعمدة
أما العملة المصرية أكاد أن أجزم وأقول أنها ثانى أقوى عملة فى عوامل الامان فى العالم وأعتقد انها بعد ايطاليا

ميــــــ~~Mido~~ـــــدو كتب:: جميلة اوى جملة الحاج نزار
انا بحب اتعامل بالجينيهات الجبس

فعلا يا ميدو كان زمان مفيش العملات الورقية وكمان مفيش العملات المعدنية وكان بدلهم عملات تصنع من مادة الجبس وطبعاً ده كان سهل تزويرة جداً

ولا يهمك يا منى

احمد حبيبنا

الموضوع ليكى او لا
هو فاهم
انى انا مش بتاع السهر

على فكرة انا داخل انام قبل ما الخبط فى الكلام

عن اذنك يا عم احمد
وعن اذنكوا كلكوا

[quote="ahmed_abouzid"]

هههههههههههههههههههه
طول عمرك دمك عسل يا ميدو
وعلشان تعرف انا هنزلك بردة موضوع عن تزوير الفيزا كارد
انا هفضل وراك لغاية ما تقعد فى البيت وتتعقد
هههههههههههههههههههه

[/quote

الف شكر يا بوحميد بس ليه هو انا عملتلك حاجة
بس يا عم احمد انا همشى بربع جنيهــــــــــــــــــــــــات بعد كدة مفيش احسن من الفكة
تديك هيبة كدة من كترها تحس انك معاك الوفات

مصطفى ابو النجا كتب:: احسن حاجة يا ميدو

اى حد يعملك خدمة
او تشترى حاجة

حول له رصيد

بس خلى بالك
من كروت الشحن المزورة

الف شكر يا درش على نصيحتك
دا على كده بقى مفيش حاجة مزوروش فيها

بجد موضوع تحفه واكيد مفيد لكل عضو فى المنتدى عشان يحرس بعد كده بس الشرح العملى كان احسن لما كنا فى المقابله فى النادى

ربنا يخليك يا محمود دة كلة من ذوقك

والله سكر اوى ياعمو احمد
دا حقيقى الناس بتاخد الفلوس وخلاص اسمها فلوس اهم حاجه
أوعى تخلى حد يضحك عليك تانى 415-Ibda3

مفيش سكر غيرك انتى يا نونو
متشكر يا حبيبتى ويارب الموضوع يكون عجبك

بجد بجد
عشره على عشره يا ابوحميد