تقرير مبسط عن مباراه طنطا والنصر

مباراه اليوم والتى كانت على ملعب نادى طنطا كانت بالنسبه لنا هى اهم مباراه

كان اهم ما يميز تشكيل اليوم هو غياب المدافع الافريقى القوى جدا سيلا وذلك لطرده فى مباراه الداخليه الماضيه

لم يشهد الشوط الاول هجمات خطره للفريقين باستثناء بعض المحاولات من الافريقى الاخر اديسا صانع العاب فريق النصر ولكنه كالعاده يفعل كل شئ فى الكره ولكن اللمسه الاخيره عنده سيئه جدا

عند بدايه الشوط الثانى ومن اول دقيقه ضغط فريق طنطا وحصل على اكثر من ركنيه ولكن تصدى فريق النصر للهجمات ويستمر الضغط من طنطا عن طريق الجبهتين حتى اول 10 دقائق ثم يبدا النصر فى السيطره والضغط والتسديد حتى تاتى الدقيقه 20 من الشوط الثانى وركنيه من الجانب الايسر على القائم الاول تلعب للخلف داخل ال6 ياردات على راس عطا لوحده تماما ويضعها فى اتجاه المرمى من الوضع راقدا ولكن تاتى فى جسد حارس المرمى وتخرج ومع مرور الوقت يبدا فاصل من التحكيم السئ جدا والمستفز من حكم المباراه والحكام المساعدين ايضا فيحتسب الحكم اخطاء وهميه علينا ويساعده الحكام المساعدين فى ذلك فى اعطاء رميات تماس وركلات ركنيه ضدنا وهى تكون لنا اصلا

حتى يحرز طنطا هدفه من ضربه حره من على حدود المنطقه لم تكن فاول من الاصل

ويحاول فريقنا التعويض لكن دون فائده مع تضيع الوقت من فريق طنطا بصوره واضحه ومع كل هجمه لنا يقع لاعب على الارض وهكذا والحكم كانه غير موجود

* التقرير مبسط هذه المباراه وذلك لحاله الزعل اللى انا فيها

* بعد المباراه وعند خروج اتوبيسات الجماهير من طنطا وعلى الطريق الزراعى فوجئنا بوابل من الحجاره على الاتوبيسات ولا اعلم لماذا فعلوا هذا مع ان جماهيرنا كانت فى غايه الاحترام طوال المباراه وايضا فريق طنطا هو الفائز ( تصوروا معى ماذا لو فاز النصر عليهم اليوم هل كانوا سيقتلوننا) ولقد قمت بتصوير ذلك وسوف اقوم بتحميله على المنتدى ولقد اصيب بعض الجماهير من الزجاج الذى وقع عليهم (اين انت يا شوبير)

*وضح ان غياب سيلا كان مؤثرا جدا فى المباراه ووضح ان سيد عيد يعتمد عليه بشده فى تنفيذ خططه

واللهى شوبير دة سبب كل مصيبة بتحصل فى الاندية وفى الجماهير
ان شاء الله ربنا مش هيضيع مجهودنا ابداً

والله جماهير طنطا دى منها لله
وشوبير لأ يتكلم الا عندما يكون ال كلام ضد نادى النصر
هنا يبدأ شوبير بالكلام ويعاتب ادارة وجماهير النادى
وأنشاء الله ربنا مبيسبش حق حد و مجهود حد يروح هدر
أنشاء الله ربنا هينصرنا على من ضدنا

ان شاء الله ربنا معانا وينصرنا الماتش الجى عايز بجد استاد النادى يبقى على اخره لازم نكسب الماتش ده بأذن الله

حماسك جميل اوى يا مستر ميمو
طيب ايه رأيك انا علشان كلمتك دى انا لازم أخد أجازة واروح اشجع

الله عليك يا مستر ميمو انت والاستاذ احمد احنا لازم فعلا نملى الاستاد الماتش اللى جاى يوم الاربعاء القادم باذن الله

وان شاء الله نكسب المبارتين اللى جايين ونصعد

يا رب نصعد

أنشاء الله انا كمان يا بوحميد هاجى الماتش الجاى
عشان نشجع فريقنا شوية خصوصا فى هذا الوقت العصيب

بس أوعى تنسى يا طارق
مش معنى اننا نكسب الماتشين كدة احنا ضمنا الصعود
اوعى تنسى ان الانتاج والداخلية لو كسبو هيحصل مشكلة تانية
لو اى فريق منهم خسر او اتعادل يكون الفرصة اكبر بدل ما ندخل دورة معاهم