برنامج مهم

السلام عليكم ورحمة الله وبركاته
يا جماعة انا عندى فيرس على الجهاز بيخليه ميشغلش اى لعبة ولا اى برنامج ولا حتى برنامج الكاسبر اول ما اسطب الكاسبر ميشتغلش ويهنج الجهاز فياريت ياريت لو حد عندة حل غير انى افرمت الهارد يبلغنى بية بسرعة
ودة اميلى علشان لو حد عندة حل او برنامج حلو يبعتهولى علية
abdelrhman_20002002@yahoo.com

أن شاء الله الحل عندى
وانت عارف الميل بتاعى

شكرا على مرورك لموضوعى واهتمامك

بس حضرتك اميلك مش مفتوح

ياريت والله يا بوحميد تجد له الحل
بس باين كده هتلاقيه فيروس اسمه تروجان

شكرا يا ميدو على مرورك

أنشاء الله احمد ابو زيد يلاقى ليك الحل

يا استاذ عبد الرحمن بذمتك حد يحط طلب زى دة فى منتدى الصور الغريبة والعجيبة
ارجو من جميع الاعضاء وضع كل موضوع فى المنتدى الخاص به وذلك لمزيد من التنظيم ولكى يسهل عملية البحث للأعضاء الآخرين
أما مشكلتك يا عبد الرحمن فحلها بإذن الله بسيط وهو الآتى
يجب عليك خلع الهارد ديسك من الكمبيوتر وتوصيلة بجهاز آخر بشرط أن يكون ذلك الجهاز به نسخة أنتى فيرس محدثة وأياك ان تنسى أن تقلب الجمبر بتاع الهارد ديسك بتاعك ليصبح slaive وبذلك يمكن رؤيته عن طريق الويندوز ولابد عند إجراء عملية الاسكان إياك أن تستعرض ما بداخل الهارد الخاص بك وبعد الانتهاء من عملية ال، scan وعملية الـ clean لابد أن تغلق الجهاز نهائياً لأن بعد عملية تنظيف الفيرس ينتقل الفيرس الى الـ ram ولا يخرج ابداً إلا بعد أغلاق الجهاز

جرب وقل لى على النتيجة

تم نقل الموضوع لقسم البرامج

شكراً لمشرفتنا الرائعة
انتى حقاً تستحقى الاشراف بارك الله فيكى

برنامج مهم Pinkroses01

ولكن يا أختى العزيزة لى تعليق بسيط وهو
ان كل ما يتعلق بالفك والتركيب فهو خاص بمنتدى الهارد وير وليس البرامج
ومع ذلك لكى منى كل التقدير والعرفان

بص يا عبد الرحمن خليك معايا كده ده حل تانى غير اللى تكرم و قال عليهahmed_abouzid

الحل ده شغال لأى نوع فيرس ان شاء الله و هو برضوا عشان متشلش الهرد وتروح بيه عند حد

وممكن الحد ده يقولك يا عم انا خايف على جهازى و بتاع .... المهم

انت كل اللى عليك تشيل الويندز اللى عندك و تنزل واحد جديد و اول ما ينزل متفتحش اى حاجة انت تروح زى

الشاطر تاخد البرنامج اللى انا هديك اللينك بتاعو دلوقتى ذى ما هو مضغوط و هديك البرنامج اللى هتفك بيه ضغطه

متفوكش ضغطه الا بعد ما تنزل الويندز وبعدين تنزله على جهازك و تعمل بيه scan و ان شاء الله

جهازك هينضف

لكن

طبعا انت لو نزلت البرامج دلوقتى ممكن الفيرس يخوشلهم

فا انت هتعمل الاتى :

1- هتنزل الويندز ذى ما قولتلك
2- تخوش هنا على الموضوع هتلاقينى منزلك البرامج
3- هتنزل البرامج وتعمل scan ومبروك عليك

برنامج ال AntiVirus :

http://www.mediafire.com/?uzlnjvmen2j

برنامج فك الضغط :

http://download.cnet.com/WinRAR/3000-2250_4-10007677.html?tag=mncol

دى فعلا فكرة جميلة يا كريم
وانا كنت عايز اقوله عليها بس انا حسيت من كلامه انه قليل الخبرة فى تنزيل الويندوز علشان كدة قلتله على الحل الاول
بس بجد انت شاطر وبرافو عليك
هو دة المشرف العبقرى

شكرا على اهتمامكم بس انا بعرف انزل نسخة وهجرب الحل الثانى ان شاء الله

وانا اسف جدا لانى حطيت الموضوع فى منتدى الصور