مقابلة يوم الجمعة 10/4

anozae كتب:: وانت يا هيما لاتشعر بالندم فاللقاء نصيب و انشاءالله يكون لقاء كبير قريب معنا باذن الله ونري احبابنا الغاليين الذين لم يحالفنا الحظ في لقائهم ولو تواجدوا معنا لشعروا بكل احاسيس السعادة و الراحة في[b] لقاء اليوم وهو بمثابة لقاء النجوم المضيئه في عالم متنتدى نادي النصر واقول للابن الغالي كريم ناجي كانت ستكتمل سعادتي لو رأيتك اليوم لانني اعتز بك وباخلاقك الطيبه وردودك الراقيه واهتمامك بمجاملة الاخرين واسعادهم واشكرك على اغاني ديمس روسيس التى اسعدتني وجعلتني اعود لعمر سابق واشعر انني فى زمن كنت فيه في عمرك الذي ادعو من كل قلبي لك لان تتمتع بشابك انت واحبابي شباب المنتدى

والله و انا كان نفسى اكون معاكوا يا أستاذ نزار بس انا كنت لسه راجع من الأمتحان مش اقدر

اعمل حاجة .... دخلت كلمت محمود و أعتذرتله عن المقابلة ودخلت نمت و مصحتش غير النهارده.

اما بالنسبة لديميس روسيس فأنا اللى كنت عايز اشكر حضرتك لأنى مكنتش اعرفه لحد ماحضرتك قولتلى عليه
حقيقى ديميس روسيس ده فنان وشكرا مرة تانية

Mr:MeMo كتب:: اشكرك يا استاذ نزار على كلامك الفوق رائع بجد وحديثك عن الرئيس انور السادات احببنى فيه اكثر وبجد كان حديث شيق وان شاء الله قريب نلتقى.......مع خالص شكرى وتقديرى

بتتكلم فى السياسة ولا ايه يا محمود أعقل . احنا كلنا على الجبهه مع بعض يعنى لو خدوك هنتاخد معاك و هتبقى ليلة Razz

بينى وبينك انا من اشد المعجبين بالرئيس انور السادات Cool

ahmed_abouzid كتب:: يا احلى نصراوية نحن اتفقنا مع انفسنا اننا سوف نحضر يوم الاربعاء القادم لتشجيع فريق كرة القدم بالنادى

والحق يقال ان صاحب هذة الفكرة هو الاستاذ محمود ضياء - ميمو

يارب اقدر اكون معاكوا فى المتش ده ذى ما كان نفسى اكون معاكوا فى المقابلة اللى فاتت بس هقول ايه انا عارف

كليتنا دى مش هتورد على جنة Smile

المهم تكون معانا بروحك وقلبك يا كريم
يكفينا انك كلك ذوق ورقة فى الحديث
وانا مش ممكن انسى انك حققتلى طلبى فى اغنية الريمكس

انا مش هابقى موجوده يوم الاربع للاسف لان عندى جامعه للساعه 8 ومن 8 الصبح ولو فى ميتنج يوم الجمعه الجاى انا ممكن ابقى موجوده لحد الساعه 4 كدهمعلش يا جماعه والله بجد كان نفسىابقى موجوده معاكو بس تقريبا انا هفضل التيرم ده كله نفسى اقابلكوا ومش عارفه Sad

وبجد كان نفسى اقابلكوا كلكو ومحمود والله بعتلى رساله بس انا كنت ساعتها فى المسرح ومكنش هاينفع انى استئذنان شاء الله تتعوض

اقتباس :: وانت يا هيما لاتشعر بالندم فاللقاء نصيب و انشاءالله يكون لقاء كبير قريب معنا باذن الله

شكرا ياحج

ان شاء الله

ahmed_abouzid كتب:: ان شاء الله يا هيما تكون معانا فى المقابلة القادمة لأننا نتمنى ان يكون بيننا تعارف طيب بين كل الاعضاء

ولكن نأسف لأننا لا نعرض افكارنا وموضيعنا على الفيس بوك لأن منتدى النادى هو الموقع الاساسى لأعضاء النادى وليس الفيس بوك

بس الفيس بوك موقع رئيسي من مواقع العالم

وممكن نشهر النادي ومنتدي النادي علية اكتر

طيب انا ممكن اساعدكم في حكاية الفيس بوك

أنا بشكر كل اعضاء نادى النصر الذين تواجدوا معنا يوم الجمعة و بصراحة انا فخور بمقابلتهم و خصوصا

anozae
mona kabara
ahmed_abouzid
Mr:MeMo
kingo8
eslamatat
ميــــــ((Mido

والله يا استاذ احمد المقابلة نورت بحضرتك

واضح ان انا كمان فاتنى كتير جدا بعد مل مشيت يوم الجمعه

وعلى فكره ميدو ده عفريت على النت وهادى جدا فى الحقيقه

طبعا انا اتشرفت بكل الاخوه اللى قابلتهم يوم الجمعه وكان نفسى اكمل معاكوا علشان اتشرف بالاخوه اللى حضروا اللقاء بعد كده

عموما انا موافق على لقاء الجمعه اللى جايه بس محدش ينسى يوم الاربعاء القادم لتشجيع فريق النصر الساعه3 عصرا ان شاء الله

الف شكر والله يا طاروق على ذقك
وأنشاء الله انا جاى يوم الاربعاء الماتش عشان اشجع الفريق

طبعا يا جماعة أنا حظي و حش لأني كنت ناوي أحضر المقابلة يوم الجمعة و للأسف حدثت ظروف طارئة منعتني من الحضور،

و حتى كان فات الأوان اني أبعث برسالة اعتذار عن عدم الحضور،

و كمان للأسف الجمعة القادم حأكون مسافر،

بس حاحاول أحضر الماتش يوم الأربعاء القادم ان شاء الله،

و ان شاء الله أحضر معكم المقابلة بعد القادمة

تقبلوا تحياتي و اعتذاري

انت فاتك نص عمرك يا احمد
بس شوف الصور بتاعة المقابلة هتعجبك جدا
على فكرة الموضوع موجود فى المنتدى العام ومعمول بمعرفة نورهان

ساء الخير يا أحلى وأجمل ناس عرفتهم

أنا طبعا احساسي كان ذى احساس أى واحد فيكم ..قلق ..خوف من اللقاء .. بس مش خوف منكم لا سمح الله .. الخوف ان تكونوا واخدين عني فكرة كويسة من المنتدى وتتغير مع أول لقاء ..أو مثلا يطلع دمي تقيل ...لأن أكيد كل واحد فينا مكون فكرة عن التاني من المنتدى وعنده له تخيل وتصور معين ..وأكيد في الحقيقة بيطلع شئ تاني خالص.. وربنا يستر..

وكلمت مستر ميمو ( محمود) صديقى الجميل الشفاف وقلت له قابلني على البوابة ..وجاني ميمو قلت له ياترى الناس أخبارها ايه..قاللي الناس كلهم محترمين جدا وشخصيات جميلة فارتاح قلبي نوعا ما..
وبالقرب من حمام السباحة وجدتهم منتظرين..أحمد أبو زيد ( صاحب أجمل قلب) انسان اجتماعي جدا تحس انه بيحب كل الأعضاء وهو بيتكلم عنهم وكأنه يعرفهم من كذا سنة ..ميدوالشاب الجميل ذو الخمسة عشر عاما ( صاحب أجمل ابتسامة) شخصية جميلة وحبوبة ..اسلام كابتن فريق الكشافة الشاب الرزين المحترم ..أحمد سمير ( اللي عيونه - ماشاء الله - الملونة عملت لنا مشكلة في الصور) ربنا يحفظهم له.. وأحمد ناجي الشاب المحترم الهادئ الطباع..

مجموعة رائعة محترمة جميلة ..و أ/ أحمد أبوزيد قاللي ان Kingo
كان موجود ومشي وقاللي انه شخصية ممتازة ..و كريم ناجي أيضا اتصل واعتذر عن الحضور بسبب الامتحانات .

وعشان تكمل فرحتنا باللقاء اتصلنا بالأستاذ الرائع ( صاحب القلب الكبير) anoaze ( أ/ نزار ) وطلبنا منه أنا وأ/ أحمد أبوزيد انه ييجي ضرورى ويجيب نورهان معاه .. وفعلا حضر الأستاذ نزار والمدام( وشادى ونورهان حبيبة قلبي ..وكان لقاء جميل وزاد من روعته حكايات الأستاذ نزار الشيقة .

ومر الوقت سريعا ..

وتحول خوفي من أول لقاء لفرحة وسعادة غامرة

ويارب يجمعنا دائما على خير

وكنا عاوزينك يابسنت معانا ... وحشانا جدا جدا جدا

opra كتب:: انا مش هابقى موجوده يوم الاربع للاسف لان عندى جامعه للساعه 8 ومن 8 الصبح ولو فى ميتنج يوم الجمعه الجاى انا ممكن ابقى موجوده لحد الساعه 4 كدهمعلش يا جماعه والله بجد كان نفسىابقى موجوده معاكو بس تقريبا انا هفضل التيرم ده كله نفسى اقابلكوا ومش عارفه وبجد كان نفسى اقابلكوا كلكو ومحمود والله بعتلى رساله بس انا كنت ساعتها فى المسرح ومكنش هاينفع انى استئذنان شاء الله تتعوض

بسبس حبيبة قلبي انتي غايبة فين ..الناس كلها سألت عنك امبارح .. يعني ينفع يبقى فيه مقابلة مافيهاش بسنت ..

بصراحة يا منى انتى اخجلتى تواضعنا
فأنتى خير من كتب عن اللقاء الاخوى الاسرى الجميل
وطبعاً مش ممكن انسى الحاج نزار لأنه كتب بطريقته المعهودة وقال اجمل ما قيل
بارك الله فيكى فأنتى خير اخت فى اجمل منتدى

ربنا يكرمكم كلكم

والله كان نفسى اكون موجود

بس الظروف

ويا استاذ احمد ابو زيد والله انا مشغول

وأن شاء الله يكون فيه مقابلة تانية وتالتة

بجد انا مبسوط انكوا اتقابلتوا

ربنا يجمعنا ما يفرقنا

وسلامى للكل

ahmed_abouzid كتب:: بصراحة يا منى انتى اخجلتى تواضعنا

فأنتى خير من كتب عن اللقاء الاخوى الاسرى الجميل

وطبعاً مش ممكن انسى الحاج نزار لأنه كتب بطريقته المعهودة وقال اجمل ما قيل

بارك الله فيكى فأنتى خير اخت فى اجمل منتدى

ميرسي يا أحمد ربنا يخليك
وصدقني أنا فعلا كتبت احساسي بالظبط في أول لقاء

وان شاء الله عدد الأعضاء في المقابلات القادمة يكون أكبر وأكبر ونتقابل مع باقي أعضاء المنتدى الكرام

مصطفى ابو النجا كتب:: ربنا يكرمكم كلكم

والله كان نفسى اكون موجود

بس الظروف

ويا استاذ احمد ابو زيد والله انا مشغول

وأن شاء الله يكون فيه مقابلة تانية وتالتة

بجد انا مبسوط انكوا اتقابلتوا

ربنا يجمعنا ما يفرقنا

وسلامى للكل

المقابلة كانت عاوزاك يامصطفى ..

ميرسى يا استاذه منى جدااااوبجد انا اللى كنت عايزة اشوفكم وان شاء الله ده يحصل قرييب ان شاء الله

أنشاء الله ياجماعة كل اللى محضروش المقابلة اللى فاتت و اللى حضر
بعون الله يحضر المقابلة الجاية
وبشكرك جدا يا استاذة منى على كلامك اللى اسعدنى كتير

الله عليكم والله رووووووعة

وعلى فكرة يا جماعة اتا كنت

موجود فى النادى وقت المقابلة

لكن للاسف لم اعلم بها وحصل خير الجايات كتير

وكان نفسى اتعرف بيكوا وبكل اصدقائى الغاليين

ورغم فارق العمر بين البعض الا انى اشعر

بروح الشباب تدب بين الجميع

وانا احترم الجميع واقدر الجميع والحاج نزار له

عندى مكانة عالية

وكان بودى التعرف عليه المهم الجايات كتير

ولكن للاسف

يوم الجمعة القادم 17/4 مسافر الاسماعيلية 3 ايام

فى رحلة شبابية مع اصدقاء العمل

ودوماً نلتقى على خير وسلامى الخاص

لصديقى ميدو

الذى دوماً يهتم بكتاباتى وبيشجعنى لانى جديد

على المنتدى

رغم انك جديد فى المنتدى بس نحن قلنا عليك كلام يشرف يا ابو مودى

والله يا ابو مودى انت متعرفش انا زعلت قد ايه
لما عرفت انك مش هتحضر المقابلة الجاية
وبجد انت عضو نشيط جدا و مجهوداتك كبيرة جدا ولابد ان تشكر وتقدر عليها

opra كتب:: ميرسى يا استاذه منى جدااااوبجد انا اللى كنت عايزة اشوفكم وان شاء الله ده يحصل قرييب ان شاء الله

ان شاء الله يا بوسي نشوفك قريب ..وابعتيلي رقم موبايلك في رسالة خاصة عشان لو اتفقنا على أى ميعاد نعرف نبلغك ..
مع تحياتي حبيبة قلبي ..وربنا يوفقك

مش ملاحظين حاجة جديدة يا جماعة

ان دة أول موضوع يصل عدد صفحاتى الى الصفحة الرابعة

ميــــــ~~Mido~~ـــــدو كتب:: أنشاء الله ياجماعة كل اللى محضروش المقابلة اللى فاتت و اللى حضر
بعون الله يحضر المقابلة الجاية
وبشكرك جدا يا استاذة منى على كلامك اللى اسعدنى كتير

ميرسي يا ميدو .. أنا ماجبتش حاجة من عندى ..انت فعلا شاب ممتاز