جوزيه : سارحل عن الاهلى نهايه الموسم القادم

[ندعوك للتسجيل في المنتدى أو التعريف بنفسك لمعاينة هذا الرابط]

أكد البرتغالي مانويل جوزيه المدير الفني للأهلي أنه سيرحل عن تدريب الفريق الأحمر عقب نهاية عقده، فيما أبدى ضيقه من النقاد الرياضيين المصريين مؤكدا أن 99% من الأخبار التي يقوموا بنشرها عنه تكون أخبار كاذبة.

وقال جوزيه في تصريحات لبرنامج "البيت بيتك" في التليفزيون المصري أنه سعيد بتجربته مع النادي الأهلي ولكنه لن يجدد تعاقده مع النادي وسيرحل عن مصر عقب نهاية عقده بنهاية موسم 2009-2010 رافضا فكرة تولي تدريب منتخب مصر أو تدريب أي نادي مصر أخر عقب رحيله عن الأهلي.

وأكد جوزيه أنه لا يعرف مستقبله عقب رحيله عن الأهلي مشيرا أنه سيحصل على إجازة لمدة أربعة أشهر للحصول على راحة وممارسة حياته الخاصة قبل أن يتخذ قرارا حول وجهته المقبلة.

وشدد جوزيه على أنه قضى في مصر أفضل أوقات حياته مضيفا أنه يشعر أنه مصري وليس أجنبيا ويعيش وسط أهله وعائلته، وأضاف جوزيه "مصر أعطتني الكثير وأعطتني حب الناس الذي أراه في كل مكان أذهب إليه ولك يجعلني فخورا ومهما أعطيت لمصر فلن أوفيها حقها".

واللهى الراجل دة بحس انه مصرى وبيستهبل
الغريب انه بيحب مصر بجد مش تمثيل

الراجل ده ساهم في انجازات كثيرة للنادي الأهلي،

و لكن سلوكياته فيه تحفظ كبير قوي عليها،

بصراحة مالهاش علاقة بمبادئ النادي الأهلي

[ندعوك للتسجيل في المنتدى أو التعريف بنفسك لمعاينة هذا الرابط]

فعلا يا أحمد كلنا حبينا الراجل ده جدااااااااااااااا

وياريت اللي ييجي مكانه يقدر يحوز ولو على نصف الحب ده ..

لأن الحب والشعبية الجامدة اللي حصل عليها جوزيه في مصر.. ..

صعب يقدر يحصل عليها أى مدرب أجنبي تاني ..ربنا يستر

شكرا لمجهودك الرائع ..بارك الله فيك

[ندعوك للتسجيل في المنتدى أو التعريف بنفسك لمعاينة هذه الصورة]

شكرا يا بوحميد بجد موضوع جديد جدا
ولكن الراجل ده خسارة فعلا انه يمشى من الاهلى
لأنه هيسيب فراغ كبير جدا محدش يقدر يسد مكانه خالص

ahmed_ays22 كتب:: الراجل ده ساهم في انجازات كثيرة للنادي الأهلي،

و لكن سلوكياته فيه تحفظ كبير قوي عليها،

بصراحة مالهاش علاقة بمبادئ النادي الأهلي

أنا شايفة يا أحمد ان انجازاته الكبيرة وحبه الكبير للأهلى ومصر

وأعمال الخير اللي كان بيقوم بها في مصر..

وعصبيته الزائدة نتيجة سنه الكبير وغيرته على فريقه الشديدة

يخلينا نسامحه ..

وخاصة ان لاعبي الأهلي نفسهم يحبوه جدا وويعتبروه أخ وصديق وأب..

ودول أكثر ناس قريبة منه..

يبقى أكيد الراجل ده فيه حاجات حلوة كتير ..

وتقبل مرورى يا أحمد

انا اؤيد يا منى فى رأيك لأن الراجل دة كل الناس القريبة منه بتقول عنه انه انسان خير جداً
انتى تعرفى انه اول مدرب النادى الاهلى يحتفل بعيد ميلادة واكيد دة ناتج عن الحب الجارف الحائز علية هذا الرجل

و الله يا جماعة اسمحولي أختلف معاكم،

أنا ما زلت مصر ان الراجل ده أتى بتصرفات لا تليق به كمدرب كبير و لا تليق حتى باسم النادي اللي بيدربه،

احنا ما شفناش التصرفات دي من أرسين فينجر مثلا أو السير أليكس فيرجسون (و هو أكبر في السن من جوزيه) أو غيرهم من المدربين الكبار و اللي بيدربوا أندية كبيرة

طبعا التصرفات دي لا تقلل من انجازاته مع النادي الأهلي،

و لكنها تمثل نقطة رمادية في مسيرته كمدرب