abo mody
مشرف منتدى محبى مصر
عدد الرسائل : 1716
العمر : 61
نشاط العضو :
الدولة : 
السٌّمعَة : 17
نقاط : 2623
تاريخ التسجيل : 28/03/2009
 |  موضوع: مـــين هــــي مصــــر ؟؟؟  الأربعاء 15 أبريل - 3:03:04 | |
|
ده سؤال نسأله واحنا اللي
نجاوب عليه
وبعد ما نجاوب
نقدر نحدد
احنا بنكره مصر ولا بنحبها
مصر مش هي الحكومة ولا الاحزاب
ولا الناس
اللي معاها فلوس كثير
وعايزه تجيب اكتر
مصر هي
الصحيان بدري والشمس لسة
بتفتح عنيها والنور بيتسرسب
من الشيش
و اذاعة القران الكريم طالعة
من الراديو
هي عربية الفول اللي الناس
ملمومين عليها و بياكلو بمزاج
في احلى اصطباحة
وكبايه الشاي بالحليب على
قهوه بلدي
الساعه 7 الصبح
و الواد اللي سايق عجلة
وشايل طاولة العيش السخن
اللي لسة طالع من الفرن
وريحته بتلعب في نخاشيشك ..
وعم سعيد بيفتح الدكان
و بيرش ميه قدامه
وبرضه اذاعة القران الكريم شغاله عنده و البنت
ام مريله كحلي اللي
رايحة المدرسةو العيال الصغيره وشنطة المدرسه
قاطمه ضهرهم وهما متكتفين
جوا المريله
البني ام زراير من ورا
وبرضه بيجروا ورا بعض وعاملين دوشه و تحية العلم
[ندعوك للتسجيل في المنتدى أو التعريف بنفسك لمعاينة هذا الرابط] مصر هي الاتنين الشبابالاصحاب قوي اللي ماشينع الكورنيش في عز الشتاومستخبيين جوه الهدوم التقيلهو بقهم بيطلع بخار م السقعةبس واحد فيهم مطلع ايده م الجاكت وماسك السيجارة
مصر هي الرجاله الكبار اللي
قعدين يفتكروا ايام زمان الحلوة
ويضحكوا ضحكه ترج النجم على
راى الابنودي و ام امين بتاعة الخضار الى قعدة
عالناصيه من و انا في ابتدائي
و الشارع الفاضي بالليل اللي مية
الشتا بتلمع عليه وعسكري المرور
الواقف ف الشارع من زمان قوي
مصر هي كل البيوت اللي فتحة
على بعضها و بتحب بعضها من
غير مصلحة
كل فرح عديت عليه ودخلت باركت
و انت مش عارف اسم العريس و كل عزا دخلته وعملت الواجب
فيه مع انك عمرك ما شوفت
اللي مات
مصر هي كبايه الشاي بالنعناع
و انت لابس الجلابيه الصيفي و قاعد في البلكونه مع نسمهبتهفهف بعد ما اكلت اكله محشيمن ايد الوالدة و بنفسها وحليتبشقتين بطيخ ساقعين فيعز الصيفمصر سيد درويش وشد الحزامعلى وسطك و ام كلثوم بالليلوعبد الحليم لما تحب ومنيبو ام العيال العشرية
ومنير وهو بيصرخ
[ندعوك للتسجيل في المنتدى أو التعريف بنفسك لمعاينة هذا الرابط]
يا مصر و انتي الحبيبه .. انتي اغترابي و شقايا وانتي الجراح الرهيبه ..
وانتي اللي عندك دوايا مصر هي "مولاي اني ببابك
قد بسط يدي" اللي عايش
بيها النقشبندي لحد دلوقتي
وصوت محمد رفعت بيقرا قبل
الفطار ف رمضان و الشيخ
الشعراوي اللي بتزعل اول مايقول
و الى لقاء قادم ان شاءالله مصر الابنودي وصلاح جاهين
و فؤاد نجم والشيخ امام
و فاروق جويده و هيكل وفهمي هويدى
والشيخ الغزالي فى صلاة العيد
و كل الناس اللي بتصلي ورا محمد
جبريل في دعوة الحق و باقي
الناس اللي
ورا الشيخ حاتم في التهجد في
القائد ابراهيم وعبد الوهاب مطاوع
ف اهرام الجمعة و كاريكاتير احمد رجبمصر وريحة الكبدة و امك
بتعملها عشان تفطر
اول يوم العيد بعد م تخلص دبح و الصيادين اللي واقفين على
البحر صيف شتا بيناغشو السمك[ندعوك للتسجيل في المنتدى أو التعريف بنفسك لمعاينة هذا الرابط]وسواق التاكسى اللي بتركب معاه وبيحكيلك عن مشاكله مع ان عمرك ماشفته قبل كدة ولا هاتشوفه بعد كدهو الواد علي اللي بيعدي عم جرجسالشارع وهو خايف عليهمن العربيات و الست الي بتفاصلمع بتاع الخضار علي شلن زياده في الطماطم مصرالسفر و السهر و الشقا و العشق و المعشوق مصر الي عمنا بيرم قال عنهابلدنا دي زي الرصيف وسخ وعايز يتكنس فيه ناس بتعرق ع الرغيف
وناس بتعرق م التنس
هي دى مصر
و اللي ما شفهاش كده و ماشافش فيهاكل ده ممكن ميحبهاش بس اللي شاف دهو محبهاش لازم يراجع نفسهينسى الناس اللي تاعباه و تاعبه البلد و يفتكر البلد نفسها[ندعوك للتسجيل في المنتدى أو التعريف بنفسك لمعاينة هذا الرابط] | |
|
mona kabara
رئيس التحرير
عدد الرسائل : 3619
العمر : 109
رقم العضوية : 40
نشاط العضو :
الدولة :
السٌّمعَة : 38
نقاط : 4053
تاريخ التسجيل : 08/03/2008
| | موضوع: رد: مـــين هــــي مصــــر ؟؟؟ الأربعاء 15 أبريل - 21:14:45 | |
|
خطت يداك أروع المواضيع ورسمت أصدق الكلمات
ليس هناك ما أقوله فأنت كفيت ووفيت
بجد كلامك لمس قلبي قووووى وحسيت بيه جدااا .. حرف حرف وكلمة كلمة
أبدعت يا أبو مودى كالعادة
كل Topic أحلى من اللي قبله
حيرتني أقتبس ايه وأسيب ايه
لك جزيل الشكر على هذا الموضوع الأكثر من رائع
لك كل الاحترام والتقدير وأعذب تحية
ربنا يوفقك ويسعدك
[ندعوك للتسجيل في المنتدى أو التعريف بنفسك لمعاينة هذه الصورة]
عدل سابقا من قبل mona kabara في الأربعاء 15 أبريل - 21:49:53 عدل 1 مرات | |
|
abo mody
مشرف منتدى محبى مصر
عدد الرسائل : 1716
العمر : 61
نشاط العضو :
الدولة :
السٌّمعَة : 17
نقاط : 2623
تاريخ التسجيل : 28/03/2009
| | موضوع: رد: مـــين هــــي مصــــر ؟؟؟ الأربعاء 15 أبريل - 21:34:28 | |
| - mona kabara كتب:
[center]
خطت يداك أروع المواضيع ورسمت أصدق الكلمات
ليس هناك ما أقوله فأنت كفيت ووفيت
بجد كلامك لمس قلبي قووووى وحسيت بيه جدااا .. حرف حرف وكلمة كلمة
أبدعت يا أبو مودى كالعادة
كل Topic أحلى من اللي قبله
حيرتني أقتبس ايه وأسيب ايه
لك جزيل الشكر على هذا الموضوع الأكثر من رائع
لك كل الاحترام والتقدير وأعذب تحية
ربنا يوفقك ويسعدك
اختى الملكة ومشجعتى الغالية استااذة منى[ندعوك للتسجيل في المنتدى أو التعريف بنفسك لمعاينة هذا الرابط] نورتى موضوعى بجد ودايماً منورانىومجاملة فوق الوصف ، انا اعتبر موضوعىجزء بسيط من موسوعة متكاملة فى رابطة محبى مصر بها المبدعينوالمتألقين واتمنى ان اصل لمستوى يرضيكم ، والله اخجلتم تواضعى ومهما سطر قلمى عن بلدنا الحبيبةلم اوفيها حقها علينا وربنا يبارك فيكى اختنا الرائعةيا ام القلب الكبيروتقبلى اختى تحياتى وتقديرى وربنا يخليكى لينا اختنا الغالية
[ندعوك للتسجيل في المنتدى أو التعريف بنفسك لمعاينة هذا الرابط][ندعوك للتسجيل في المنتدى أو التعريف بنفسك لمعاينة هذه الصورة] | |
|
ahmed_abouzid
مشرف منتدى اعضاء نادى النصر
عدد الرسائل : 2216
العمر : 50
رقم العضوية : 143
نشاط العضو :
الدولة :
السٌّمعَة : 21
نقاط : 2537
تاريخ التسجيل : 21/01/2009
| | موضوع: رد: مـــين هــــي مصــــر ؟؟؟ الأربعاء 15 أبريل - 22:43:43 | |
| بارك الله فيك يا ابو مودى
كلامك يقوى العزيمة ويشد الهمة
ربنا يسعدنا بيك وبمواضيعك | |
|
مصطفى ابو النجا
مشرف المنتدى الاسلامى
عدد الرسائل : 1666
العمر : 55
رقم العضوية : 192
نشاط العضو :
الدولة :
السٌّمعَة : 30
نقاط : 2400
تاريخ التسجيل : 13/02/2009
| | موضوع: رد الأربعاء 15 أبريل - 22:50:31 | |
| جزاك الله خير ابو مودى
كلامك السهل الممتنع
كل واحد فينا بيحس انه يقدر يكتب الكلام ده
ولما ييجى يكتب ما يقدرش
سهل بس صعب
| |
|
abo mody
مشرف منتدى محبى مصر
عدد الرسائل : 1716
العمر : 61
نشاط العضو :
الدولة :
السٌّمعَة : 17
نقاط : 2623
تاريخ التسجيل : 28/03/2009
| | موضوع: رد: مـــين هــــي مصــــر ؟؟؟ الأربعاء 15 أبريل - 23:30:26 | |
| | |
|
abo mody
مشرف منتدى محبى مصر
عدد الرسائل : 1716
العمر : 61
نشاط العضو :
الدولة :
السٌّمعَة : 17
نقاط : 2623
تاريخ التسجيل : 28/03/2009
| | موضوع: رد: مـــين هــــي مصــــر ؟؟؟ الأربعاء 15 أبريل - 23:52:48 | |
| | |
|
