الدرع يغازل الدراويش بتعادل الأهلي مع إنبي

[ندعوك للتسجيل في المنتدى أو التعريف بنفسك لمعاينة هذا الرابط]

واصل الأهلي نزيف النقاط في سباق قمة الدوري الممتاز بعدما سقط في فخ التعادل مع إنبي بهدفين لمثليهما مساء الاثنين في المرحلة الـ27 من المسابقة.

وظل الفريق الأحمر بعيدا عن قمة جدول الدوري الممتاز للأسبوع الثاني على التوالي، مهديا الإسماعيلي فرصة الابتعاد بالمركز الأول.

رفع الأهلي رصيده إلى 54 نقطة بالاشتراك مع الإسماعيلي في القمة، لكن الدراويش يستضيفون الزمالك في المرحلة الجارية، في لقاء حاسم.

وللأهلي مباراة مؤجلة أمام الترسانة .. ويحتل إنبي المركز الخامس برصيد 45 نقطة.

شهد اللقاء طرد مانويل جوزيه المدير الفني للأهلي مع دقائق الشوط الثاني الأولى إثر احتجاج المدرب البرتغالي على قرارات التحكيم.

كما خرج سيد معوض ببطاقة حمراء قبل نهاية اللقاء بدقيقتين، إثر حصوله على إنذارين في مباراة شهدت احتجاجا كبيرا من جماهير الأهلي ولاعبي الفريق.

الله على التقرير هما دول المشرفين ولا بلاش
مع احترامى وتقديرى لكل المشرفين
لكن انا هسيب التحكيم لاى حد زملكاوى علشان يحسوا بينا وياريت الزمالك ميخيبش ظنى ويلعب غدا كما لعب امام الاهلى اتمنى اتمنى ان الزمالك يلعب زى ما لعب امام الاهلى

شكراً يا احمد على التقرير الجميل والسريع
وسبحان الله مش عارف ليه الكورة كانت معاندة فى دخول الجون
وبالنسبة لعبد الرحمن احب اقولة اوعى تنسى ان الزمالك لازم يرد جميل الاسماعيلى
والحدق يفهم

abdelrhman كتب:: الله على التقرير هما دول المشرفين ولا بلاش
مع احترامى وتقديرى لكل المشرفين
لكن انا هسيب التحكيم لاى حد زملكاوى علشان يحسوا بينا وياريت الزمالك ميخيبش ظنى ويلعب غدا كما لعب امام الاهلى اتمنى اتمنى ان الزمالك يلعب زى ما لعب امام الاهلى

أشـكـرك يـا عـبـدالـرحـمـن عـلـى ذوقـك،

و أنا أعتقد ان الزمالك سيؤدي مباراة الغد بجدية،

لسبب بسيط ان الفريق بيلعب بروح جديدة و مختلفة،

و لكن برضه عايز أقوللك ان الأهلي أيضا بقى بيلعب بروح مختلفة يسيطر عليها الخوف من ضياع البطولة،

و الخوف ده انتقل الى جماهيره أيضا،

أعتقد أننا سنشاهد غدا مباراة مثيرة و ممتعة،

أما النتيجة ففي علم الغيب؟!!

ahmed_abouzid كتب:: شكراً يا احمد على التقرير الجميل والسريع

وسبحان الله مش عارف ليه الكورة كانت معاندة فى دخول الجون

وبالنسبة لعبد الرحمن احب اقولة اوعى تنسى ان الزمالك لازم يرد جميل الاسماعيلى

والحدق يفهم

عـفـوا يـا بـوحـمـيـد،

بس عايز أسألك انتم ليه متأكدين قوي كده ان الزمالك حيسيب الماتش للاسماعيلي،

و ناسيين ان الاسماعيلي بقى بينافس على البطولة،

و مش حيفرط في الثلاث نقاط بسهولة،

خصوصا انه بيلعب على أرضه،

عاوز أقولك كمان انه في آخر ثلاث مواسم،

الاسماعيلي فاز على الأهلي ثلاث مرات مقابل فوز وحيد للنادي الأهلي،

أيضا في آخر ثلاث مواسم الاسماعيلي فاز على الزمالك ثلاث مرات مقابل فوز وحيد لنادي الزمالك،

يعني الاسماعيلي في آخر ثلاث مواسم فريق قوي و عادي انه يكسب الأهلي أو الزمالك خصوصا على أرضه،

نتمناها مباراة ممتعة خالية من الوساوس و الشكوك!!!

طيب يا عم احمد لما انت راجل زملكاوى ليه انت متحيز اوى كدة للأسماعيلى وبتدافع عنه وجايب تاريخة كلة

وبعدين يا سيدى ما تخافش الاهلى مستواه فى النازل

على فكرة أنا مش متحيز و لا حاجة،

و لكن فقط بانظر للأمور بمنطقية،

و باحب أقرأ التاريخ علشان استنتج المستقبل،

و أنا واثق ان الزمالك حيلعب المباراة بجدية،

أما النتيجة ففي علم الغيب،

مثلا الأهلي كان ممكن جدا يكسب ماتش الزمالك،

على الرغم من أداء الزمالك الرائع خلال اللقاء طبقا لرأي الخبراء،

ممكن ايضا الزمالك يكسب غدا و ممكن يتعادل و ممكن يخسر،

عاوز أقولك ان كل النتائج واردة و ممكنة،

و بعدين حكاية زملكاوي دي خليها في سرك،

المفروض اني أكون محايد (كمشرف على منتدى الرياضة)،

و لو انت حاسس اني مش محايد في المواضيع اللي أنا بانشرها في المنتدى،

فأنا باتقبل أي نقد بصدر رحب،

لأني حريص على الحيادية في المنتدى،

و من ضمن الحيادية ألا أعلن عن انتمائي،

هذا و الله أعلم

بصراحة يا احمد انت محايد جدا
بس بردو انا كشفتك

انت بقى يا عم احمد ياابو زيد
عمال تكشفنا
انشاء الله الزمالك هيلعب مبارة قوية
والاسماعيل هياخد الدورى
ومش الزمالك اللى بيفوت
والا نتهم الاهلى ان فوت للزمالك بالتعادل
وفوت لانبى بالتعادل
وبالنسبة للتحكيم من حق الاهلى يزعل لانه
مش متعود على الحيادية
ولاإيه يا استاذ عبد الرحمن
وإيه رايك فى اللى عملو احمد حسن
وجوزيه ولو حد تانى كان عمل كده
شوف كان هيجرالو ايه
وسلملى على كابتن مصر المغرور
اللى فاكر نفسه متعهد الكورة فى مصر