أيـهـمـا أسـعـد الـبـنـت ولا الـولـد

أيهما أسعد البنت ولا الولد

البنت بتتكلم براحتها فى التليفون وأبوها أو جوزها هو أللي بيدفع الفاتورة فى الأخر

البنت مش ملزمة تجهز نفسها ابوها أو البيه (خطيبها) هم أللي هايدفعوا دم قلبهم

مفيش حد بيبص على بدلةالعريس كله بيبص على فستان العروسة

لو واحدة عملت مخالفة وعيطت شوية للضابط هايعديلها لو راجل هاياخد على دماغه

لو واحدة ماأدتش قرايبها عيديه مش هايقولوا عليها بخيلة هايقولوا أصل العيب على جوزها

لو واحدة أتأخرت على المحاضرة ممكن الدكاترة يدخلوها لو ولد هايقولوا روح يابابا كمل نوم بره فى الشمس

لو حصل زعل بين البنت وباباها مش هايطردها برة البيت ...وهى بس يادوب تعيط شوية وبابا هايروح يصالحها على طول .... أما الولد فيدوب يلحق مكان ينام فيه جنب البواب

دلع البنات :

ياختى كميلة ( سنتين)

ياعسولة ( 5 سنين)

ياعروسة ( 12 سنة)

ياقمر ( 18 سنة)

يا هانم ( 40 سنة)

يا أم العيال ( 50 سنة)

يا ست الكل ( 60 سنة)

دلع الاولاد :

أنت ياد ( 10 سنين)

أنت ياشحط بقيت طول الباب ( 18 سنة)

يا راجل ( 40 سنة)

ياعم الحاج ( 50 سنة)

ياراجل يا عجوز مناخيرك أد الكوز ( 60 سنة)

الاجابة واضحة جدا ايهما أسعد
طبعا الولد أسعد
ام البنت فهى
سعيدة او مسعدة او سعدية
وبطلوا حقد بقى

هههههههههههههههههههههههههههههههههههه
والله دمك زى العسل يا بوحميد
وفعلا ده اللى بيحصل البنات ممكن تمشى اى حاجة بالعياط
انما احنا ربنا يكون فى عونا معندناش حاجة نمشى بيها حالنا خالص

ربنا ما يجعلنا جار وليه عنين
على فكرة انت نسيت حاجات كتير
مثلا
البنت بتروح الشغل وترجع تطبخ وتغسل والولد بيروح الشغل ويرجع ياكل على الجاهز
البنت بتحمل وتتعب وتولد والولد بيروح يسجل شهادة ميلاد البيبي
البنت بتحمي وتغير وتفلى وتأكل وتنيم والولد بيقول تصبحوا على خير
تحب أكمل والا بلاش ؟
[ندعوك للتسجيل في المنتدى أو التعريف بنفسك لمعاينة هذا الرابط]

صلى على النبى يا ام عمار واكفى على الخبر ماجور

وانت يا عم احمد بلاش تفتح علينا بابا احنا مش قدة

على فكرة يا أحمد الكلام اللي أنت بتقول عليه لاغبار عليه ( هي الأسعد ) ..
لغاية ماتطلع من بيت أبوها لبيت جوزها
ثم ينعكس الحال وييجي جوزها والعيال ويوروها اللي عمرها ماكانت تحلم تشوفه
بس المشكلة ان آدم ياعيني عليه لا بيشوف سعادة لا قبل ولا بعد الجواز
قلبي معاكم.....

[ندعوك للتسجيل في المنتدى أو التعريف بنفسك لمعاينة هذه الصورة]

شكرا لمروركم جميعا على الموضوع،

و تعليقاتكم الرائعة،

و ما تزعليش يا أم عمار،

الحكاية هزار في هزار،

و عندك حق يا منى ان البنت هي الأسعد لغاية ماتطلع من بيت أبوها لبيت جوزها ثم ينعكس الحال،

بس الحقيقة مش بينعكس قوي يعني،

شوية كده و شوية كده،

و في النهاية برضه هي الهانم، أم العيال، ست الكل

[ندعوك للتسجيل في المنتدى أو التعريف بنفسك لمعاينة هذه الصورة]

رووووووووووعة اخى الغالى احمد

والله موضوع جميل والاجمل هو تفاعل حواء

والبنت ممكن تكون سعيدة لو البيت كله سعيد

لكن الولد ممكن يكون سعيد او احمد او مودى هههههههههه

زى اخونا محمود الزهار ههههههههههههه

تقبل اخى تحياتى ومرورى

[ندعوك للتسجيل في المنتدى أو التعريف بنفسك لمعاينة هذه الصورة]

ما انا قلت قبل كده

اسم الجمعية ايه يابو حميييييييد

واضح انك انت رئيسها

وارجو من السادة الاعضاء

احمد ابو زيد

محمود الزاهر

اسامة ( ابو مودى )

الاجتماع لترشيح نائب الرئيس

يامصطفى ..أنا عضو جديد معاكم اسمي
على على على
ممكن تعينوني أمين سر الجمعية

الحقوا منى عايزة تبقى امين سر الجمعية
يعنى مسكوا القط مفتاح القرار

يامحمود يازاهر.. أنت واضح انك محتاج دروس محو أمية
مين منى دى !!!
أنا اسمي ( علي علي علي )

يا ستى احنا عندنا جهاز مخابرات
بجيب التايهة وجاب البصمة الوراثية
بتاعة سيادتك
والعبى غيرها
وقبول الطلب او رفضه دى من اعمال السيادة
وطلبك مرفوض يا سى على
وبعدين على على على ده عارفين يبقى مين
ده رشدى اباظة فى فيلم نجاة الصغيرة