ستاد بلدنا ونادى النصر

صرح الدكتور عمرو عبد الحق فى برنامج ستاد بلدنا بتاريخ 8/5/2009 بالآتى :-

· الخلاف الذى يقع بين نادى النصر واتحاد الكرة بشأن المادة 18 ليس الهدف منه الصعود للممتاذ ولكن الهدف الحقيقى هو الاصلاح الذى سوف يعود للكرة المصرية بأكملها حيث أكد أنه اذا استمر الحال على ما هو عليه سوف نرى النادى الاهلى والزمالك والاسماعيلى وجميع الاندية الجماهيرية سوف تلعب مع نادى النصر فى دورى المظاليم 0

· نحن تعايشنا مع الواقع وجهزنا أنفسنا أننا العام القادم فى الممتاذ ( ب ) ولن نصعد الممتاذ ( أ ) إلا بالملعب وليس بالمادة 18 0

· النصر لا يقف أمام أى لاعب قد يحصل على فرصة للأنتقال الى نادى يلعب فى الممتاذ ( أ ) بشرط أن يكون عرض يعود بالمنفعة على اللاعب نفسه وأيضاً الى النادى 0

كما صرح المهندس هشام قطب أنه حتى اليوم لم يأتى عرض يستحق الدراسة لأى لاعب

وبالنسة لأحمد عطا فقال أنه باقى مع نادى النصر للموسم الجديد حيث أنه مرتبط مع النادى بعقد لمدة 3 سنوات ومر منهم سنه واحدة فقط وعندما سأله مقدم البرنامج عن أحلامة فقال أنه يتمتنى دائماً أن يكون فى الأضواء

أتمنى أن يكون هذا التقرير الأخبارى قد أعجبكم

الله ينور عليك يا أبو حميد كلام د. عمرو يستاهل كل التقدير و موضوعك بالكامل أضاء الطريق بعيداً عن الشائعات

صحيح أنا سمعت إن حمام السباحه بدأ عمله هذه الأيام ما تعرفش قوانين تنظيمه إيه بالنسبه للأعضاء و مواعيده؟

شكرا يا طارق على مرورك العطر وان شاء الله اجاوب على اسألتك
فى الحقيقة موضوع الاشاعات كان عامل تخبط كبير بين الاعضاء من محبى كرة القدم وبرد الدكتور عمر والمهندس هشام واللاعب احمد عطا قطع كل الشائعات

أما بخصوص نظام تشغيل حمام السباحة فهى كالآتى
يفتح حمام السباحة من الساعة 10 ص حتى الرابعة عصراً فقط ودة طبعاً يسبب اعتراض كبير من أغلبية الاعضاء
اما بخصوص المقابل المادى لإستخدام الحمام فهى كالآتى
يتم دفع مبلغ 30 جنية عند تجديد الاشتراك السنوى وذلك لجميع العائلة دون التقيد بعدد الاسرة أو مرات الاستخدام

أو دفع مبلغ 2 جنية لكل فرد عند كل مرة أستخدام

أرجو ان اكون قد وضحت لك النظام المتبع لإستخدام حمام السباحة

الله ينــــــــــــــور عليـــــــــــــــك يـا استـــــــاز احمــــــــــــد على معلوماتــــــــــك القيمـــــــة

شكرا على مجهودك يا بو حميد،

في الحقيقة أنا شايف ان كلام الدكتور عمرو واقعي جدا،

و ربنا يوفق الفريق الموسم القادم و يصعد للدوري الممتاز،

ده طبعا لو مانجحش الموضوع بتاع المادة 18،

لأننا ممكن نستفيد برضه من هذه المادة،

و في كل الأحوال احنا بنفتخر بفريق الكرة

الحكيم الكبير كتب:: الله ينــــــــــــــور عليـــــــــــــــك يـا استـــــــاز احمــــــــــــد على معلوماتــــــــــك القيمـــــــة

شكرا لمرورك يا حكيم ودة اقل بكثير من معلوماتك القيمة

ahmed_ays22 كتب:: شكرا على مجهودك يا بو حميد،

في الحقيقة أنا شايف ان كلام الدكتور عمرو واقعي جدا،

و ربنا يوفق الفريق الموسم القادم و يصعد للدوري الممتاز،

ده طبعا لو مانجحش الموضوع بتاع المادة 18،

لأننا ممكن نستفيد برضه من هذه المادة،

و في كل الأحوال احنا بنفتخر بفريق الكرة

واللهى يا احمد انا مش متفائل نهائى بموضوع المادة 18 لأن دة بيحتاج قضية مش شكوى فى الاتحاد الدولى وانت عارف طبعا انه لما يتحكم فيها هيكون فات على الاقل 6 ، 8 شهور
وبردة احب اسمع رأيك يا احمد لأنى اقدر وجهات نظرك جدا

معلومات ومتابعه جيده يا استاذ احمد...بس كده حمام السباحه مفتوح للاعضاء ولا لسه فى شهر 6؟؟

ahmed_abouzid كتب:: واللهى يا احمد انا مش متفائل نهائى بموضوع المادة 18 لأن دة بيحتاج قضية مش شكوى فى الاتحاد الدولى وانت عارف طبعا انه لما يتحكم فيها هيكون فات على الاقل 6 ، 8 شهور
وبردة احب اسمع رأيك يا احمد لأنى اقدر وجهات نظرك جدا

انت طبعا عندك حق ،

علشان كده بقولك ان الكلام الواقعي اننا نجهز أنفسنا للمشاركة في الممتاز (ب) الموسم القادم،

و لكن في نفس الوقت يجب أن نسعى في موضوع المادة 18 حتى النهاية،

فقط حتى لا يكون هناك شعور بالتقصير تجاه حقوق النادي،

لكن لازم نعترف ان الموضوع ده صعب شوية

Mr:MeMo كتب:: معلومات ومتابعه جيده يا استاذ احمد...بس كده حمام السباحه مفتوح للاعضاء ولا لسه فى شهر 6؟؟

واللهى يا حودة انا سمعت من كابتن فوزى أنه بعد الانتهاء من اختبارات النجمة سوف يبلغ ادارة النادى لتجهيز الحمام للفترة الحرة للأعضاء

ياريت والله يا استاذ احمد يفتحوه بدرى انا سمعت انهم هيفتحوا 1/6 بس مش عارف اكيد ولا
وكان قرار جميل عندما استجابوا لمطالب الاعضاء وقاموا بفتحه يوم شم النسيم للتنفيث عن الطلبه قبل الامتحانات

انت طبعا عندك حق ،

علشان كده بقولك ان الكلام الواقعي اننا نجهز أنفسنا للمشاركة في الممتاز (ب) الموسم القادم،

و لكن في نفس الوقت يجب أن نسعى في موضوع المادة 18 حتى النهاية،

فقط حتى لا يكون هناك شعور بالتقصير تجاه حقوق النادي،

لكن لازم نعترف ان الموضوع ده صعب شوية[/quote]

بص يا احمد فى برنامج هنا القاهرة قام مقدم البرنامج بالاتصال بالدكتور عمرو وقال له هل يوجد اتحاد بينك وبين حسن فريد رئيس نادى الترسانة بشأن المادة 18

فكان رد الدكتور عمرو بالايجاب

وقال انه قرأ رد الفيفا بشأن المادة وترجمها للغة العربية واكتشف ان سمير زاهر لم يقدم الترجمة الحقيقية فى المؤتمر الصحفى وانه ترجمها ولكنه لن يفصح عن نواياه على الهواء ولن يكشف اوراقة التى سوف يستغلها فى قضيته أمام الاتحاد المصرى

شكراً صاحب الروائع احمد ابو زيد

بس موضوع المادة 18

هياخد وقت كبير

لان اتحاد الكرة عايز يبين نفسه انه هو الصح

ولازم الدكتور عمرو يقدم الاوراق كامله للمحكمة الرياضية

وياريت الاندية الشعبية تتحد مع الترسانة والنصر

تتصوروا انه فيه حوالى 9 اندية شركات وهيئات فى الدورى الممتاز

يعنى كمان 3 سنين هيبقى الدورى كله شركات

ahmed_abouzid كتب:: شكرا يا طارق على مرورك العطر وان شاء الله اجاوب على اسألتك
فى الحقيقة موضوع الاشاعات كان عامل تخبط كبير بين الاعضاء من محبى كرة القدم وبرد الدكتور عمر والمهندس هشام واللاعب احمد عطا قطع كل الشائعات

أما بخصوص نظام تشغيل حمام السباحة فهى كالآتى
يفتح حمام السباحة من الساعة 10 ص حتى الرابعة عصراً فقط ودة طبعاً يسبب اعتراض كبير من أغلبية الاعضاء
اما بخصوص المقابل المادى لإستخدام الحمام فهى كالآتى
يتم دفع مبلغ 30 جنية عند تجديد الاشتراك السنوى وذلك لجميع العائلة دون التقيد بعدد الاسرة أو مرات الاستخدام

أو دفع مبلغ 2 جنية لكل فرد عند كل مرة أستخدام

أرجو ان اكون قد وضحت لك النظام المتبع لإستخدام حمام السباحة

مش عارف أشكرك إزاى على إجاباتك السريعه يا أستاذ أحمد ودى عامةً أخبار كويسه لأن الواحد عامةً بيفضل زيارة النادى صباحاً قبل الزحام والاستمتاع بجماله قبل ما الناس غير الملتزمين يزعلوه مننا و يبتدى يكشر فى وشنا

شكراً لتوضيحك ... ممكن سؤال كمان؟؟؟ أسئلتى كترت مش كده؟

هو التجديد السنوى تقريباً فى شهر 6 زى ما مكتوب على الكارنيه؟ وهو كام مبلغ التجديد لكل فرد؟

شكرا مقدما لإهتمامك

اجواب انا المرادى بيبقى حوالى 130 جنيه للاسرة بس ممكن تفرق عدد الاسرة حجات بسيطة اوى بس هو فى الرينج ده

شكراً مستر ميمو لأجوبتك السريعه ونردهالك فى الأفراح إن شاء الله

كلامك مظبوط يا حودة بس بعد اذنك انا عايز انبه جميع الاعضاء الى معلومة مهمة جداً
أنه يتم دفع الاشتراك السنوى بالمبلغ الذى اشار اليه محمود ومواعيد الدفع من أول شهر 6 حتى اخر يوم فى شهر 9 وذلك بدون غرامة
اما فى حالة الدفع بعد ذلك الميعاد يتم اضافة غرامة بنسبة 50% من قيمة الاشتراك السنوى على كل عضوية وذلك تنفيذاً لقرار المجلس القومى للرياضة الجديد والصادر فى العام الماضى بشأن اللائحة الجديدة للاندية

أشكرك بشده أستاذ أحمد على توضيح المعلومه

احمد عطا طلائع الجيش تدخل الصفقة فى وقت حرج وفى طريقها لانهاء صفقة عطا و.............الا

حمام السباحة رسميا 1/6