من مطبخي ..المكرونة البشاميل

[ندعوك للتسجيل في المنتدى أو التعريف بنفسك لمعاينة هذه الصورة]

مساء الفل علي أحلى وأجمل أعضاء

النهاردة كان عندى عزومة , ومن بين الأصناف صنف كلنا بنحبه
المكرونة البشاميل ..بس مكرونتي لها طعم مختلف
ولازم في كل عزومة تتطلب مني
فقلت أصورها لكم عشان تجربوها وتقولوا لي رأيكم فيها ايه !!!

[ندعوك للتسجيل في المنتدى أو التعريف بنفسك لمعاينة هذه الصورة]

المقادير:كيلو مكرونة قلم
من نصف الى كيلو الا ربع لحم مفروم
اثنين بصلة كبيرة مفرية
اثنين جزرة مبشورة
ثلاثة فلفل رومي بارد و حامي مقطع صغير
عصير اثنين طماطم متوسطة
البهارات ( ملح وفلفل اسود وجوزة الطيب ولورا وبهارات لحمة(
بيضتين
بقسماط
جبنة رومي مبشورة أو أى نوع آخر حسب الرغبة ( ويمكن الاستغناء عنها )

البشاميل :

5 ملعقة ك دقيق
3 ملعقة كبيرة زبدة أو سمن
اثنين كوب لبن
كوب شوربة ويمكن استخدام شوربة ماجي

[ندعوك للتسجيل في المنتدى أو التعريف بنفسك لمعاينة هذه الصورة]

عصير الطماطم والجزر المبشور والفلفل الأخضر المقطع صغير والبصل المبشور

[ندعوك للتسجيل في المنتدى أو التعريف بنفسك لمعاينة هذه الصورة]

طريقة عمل العصاج :زيت ذرة على النار و نضيف البصل المبشور ونحركه حتى يصفر لونه ثم نضيف اللحم المفروم ونتركها على النار مع التحريك حتى يتغير لونها ..ثم نضيف الجزر ونحركه حتى يذبل ..ثم نضيف عصير الطماطم والفلفل الأخضر و ونتركها على النار حتى تستوى اللحم ...ولا ننسى اضافة البهارات

[ندعوك للتسجيل في المنتدى أو التعريف بنفسك لمعاينة هذه الصورة]

طريقة عمل البشاميل :

نضع الزبدة في الاناء على النار حتى تسيح ثم نضيف الدقيق ونقلبه قليلا ثم نضيف اللبن والشوربة مع التقليب
ونضيف الملح والفلفل الأبيض أو الأسود وشوربة ماجي اذا أردت
مع التقليب المستمر حتى تتماسك كما في الصورة..ثم تضاف اليها بيضة مربوبة وتقلب
.

[ندعوك للتسجيل في المنتدى أو التعريف بنفسك لمعاينة هذه الصورة]

سلقنا المكرونة وتركناها جانبا

[ندعوك للتسجيل في المنتدى أو التعريف بنفسك لمعاينة هذه الصورة]

خلطنا المكرونة مع العصاج كله ويمكن ترك جزء لوضعه بمنتصف المكرونة في الصينية
ونخلط معه جزء من البشاميل ونترك جزء لتغطية الوجه
ثم نضعها بالصينية كما بالشكل

[ندعوك للتسجيل في المنتدى أو التعريف بنفسك لمعاينة هذه الصورة]

نغطي المكرونة بطبقة من البشاميل , ثم قليل من البقسماط ثم بيضة مربوبة
يمكن اضافة جبنة مبشورة على الوجه

ابقوا معنا .. لنا عودة

[center][ندعوك للتسجيل في المنتدى أو التعريف بنفسك لمعاينة هذه الصورة]

نولع الفرن من أسفل ونضع الصينية حوالي تلت ساعة ثم نولعه من أعلى ونتركها حتى يحمر الوجه

[ندعوك للتسجيل في المنتدى أو التعريف بنفسك لمعاينة هذه الصورة]

وهنا جزء منها .. بس سامحوني لأني مازوقتش الطبق بأى اضافات ولا وضعت بجانبها شوكة
لأن أختكم كانت في حالة يرثى لها .. شغالة في كذا صنف في وقت واحد

[ندعوك للتسجيل في المنتدى أو التعريف بنفسك لمعاينة هذه الصورة]

بس أهم من الزواق الطعم .. ولا ايه !!!
جربوها وقولولي رأيكم ضرورى في نفس الموضوع
تحياتي لكم

ووعد بلقاء جديد مع صنف شهي وجميل
باذن اللــه ....

[ندعوك للتسجيل في المنتدى أو التعريف بنفسك لمعاينة هذا الرابط]

[ندعوك للتسجيل في المنتدى أو التعريف بنفسك لمعاينة هذه الصورة]

تسلم ايديكي على كل الأكلات الجميلة
وبارك الله فيك

لا لا شكلها جامد اوووى تسلم ايدك يا استاذتنا مجهود رائع

شكلها واضح انها جامده يا استاذه منى .... Smile

تسلم إيد ك ياست الكل فى منتهى الروعة

على فكرة انا ما رديتش الاول

عشان كنت حاسس انك هتعمليها لينا فى اللقاء

بس حضرتك ضحكتى علينا

وجبيتيلنا بيتزا

وحاجة ساقعة بس

نسيتى المكرونة واللحمة

والفراخ

وحاجة جنبهم تفتح النفس

تسلم ايدك وعينك

اكلك فى منتهى اللذة

واللهى فعلاً جميلة اوى يا ست الكل

بس على فكرة يا مصطفى منى نسيت حاجات كتيرة اوى
المكرونة بالبشاميل
صانية الرقاق باللحمة
طاجن اللحمة بالبصل
شوربة الخضار
الفراخ البانيه
أم على
كبابا حلة
بطيخ

كفاية كدة يا مصطفى انا حاسس ان منى هتندم انها عرفت ناس طماعين بالشكل دة
هههههههههههههههههه

ما انا قلت يااحمد

حاجة جنبها تفتح النفس

اللى هى

صانية الرقاق باللحمة
طاجن اللحمة بالبصل
شوربة الخضار
الفراخ البانيه
أم على
كبابا حلة
بطيخ

مش دى برضه حاجات بتفتح النفس ( مشهيات )

على فكرة يا جماعة انتو لية مركزين على الحاجات اللى قبل العشاء

كل اللى قلتوا علية دة مسح زور تمهيدا للعشاء

تسلم ايدك يا منى و بصراحة كانت جميلة جدا و احنا فى انتظار المفيد اللى مصطفى و احمد تفضلوا و ذكروا جزء منة

تحياتى

حسام ومصطفى
بذمتكم مش ملاحظين ان منى مادخلتش على الموضوع دة تانى بسبب الاكل اللى طلبناه
وأحتمال ما تدخلش المنتدى اصلاً تانى طول ماحنا موجودين

طيب ايه رأيكم انا عدنى اقتراح بس الاقتراح دة بجد مش هزار
ايه رأيكم فى الاجتماع القادم بإذن الله احنا نكلف ومنى تبدع فى مطبخها
لكن دة مش تقليل من منى يا سمح الله لكن دائماً الحياه مشاركة
ها ايه رأيكم الموافق يرفع أيدة

لا والله يا جماعه إنتوا فاهمين منى غلط

هى بس تلاقيها مشغوله شويه

وأرجوكم ما تتسرعوش المره دى

أحب أقولكم خبر جااااااااااااااااامد جداً

إنتوا عارفين مبدأى ما باردش على أكلات منى إلا بعد ما أجربها لما المدام أكرمها الله تعمل الأكله وأتذوقها لحد ما أخلصها كلها وبعد كده أديها رأيى

بس للأسف المره دى غير كل مره

ما كنتش أتوقع كده خالص يا منى

عامة معلش وتعوضيها فى أكله تانيه

أصل المره دى الأكله كانت

:
:
:
:
:
:
:
:
:
:
:
:
:
:
:

حلوه جداااااااااااااااااااااااااااااااااااا

أنا أكلت مكرونه بشاميل كيتير وقليل وكنت متوقع إن أخر الوصفات اللى إحنا بنعملها هى أخر حاجه

بس المره دى كانت هايله وأدعوكم جميعا تجربوها بالطريقه دى

اللى مش هايجربها هايندم

بس خللوا بالكم إوعوا تقعوا فى الغلطه اللى أنا وقعت فيها
:
:
:
:
بعد ما مراتى عملت المكرونه بطريقة منى
وأكلناها وطلعت رائعه
روحت قايل

تسلم إيدك يا منى

وعاديك على اللى حصل هههههههههههههههههههههههه

بس حقيقى تسلم إيدك يا منى ومش مهم اللى حصل

الأكله المره دى تجنن

الف هنااااااااااا و شفااااااااااااااا

عقبال كل مرة ههههههههههههههههههههههههههههههههههه

Hosam Ibrahim كتب:: الف هنااااااااااا و شفااااااااااااااا
عقبال كل مرة ههههههههههههههههههههههههههههههههههه

حياتك الباقيه يا هندسه هههههههههههههه

ميرسي لكل من تكرم بالمرور على الموضوع

مصطفى وحسام وأحمد أبو زيد
أنا تحت أمركم .. أنتم تؤمروا وأنا أنفذ..
ولايهمكم .. والله حكون في منتهى السعادة

أحمد أبو زيد

والأحلى من اقتراحك ده... اني أعمل لكم دورة تعليم أصول الطهي
عشان تساعدوني في تحضير أحلى الوصفات
وأبقى كسبت ثواب فيكم..

طارق

سامحني ياطارق على المشكلة اللي سببتهالك
والله ماكانش قصدى !

بجد بجد ياطارق أنا مبسوطة جدا انك بتنفذ أكلاتي فعلا قبل الرد
ومبسوطة أكثر انها طلعت حلوة وعجبتكم
وبألف هنا وشفا..

تسلمولي يارب ومنحرمش من مشاركاتكم اللذيذة خفيفة الظل

مع تقديرى واحترامي وورودى

[ندعوك للتسجيل في المنتدى أو التعريف بنفسك لمعاينة هذه الصورة]

المهم

طمنينا

فى اكل ولا لآ

اهم حاجة المشهيات

وانت يا طارق

تعيش وتاكل غيرها

تاكل المكرونة يعنى

مش ..............

بتشمت فيا يا مصطفى طب لما تدوقها وحياتك لتاكل من اللى أنا كلته......... المكرونه طبعا

هى منى السبب بأكلاتها اللى تهبل

بس والله يا مصطفى المكرونه طلعت تحفه

ماشي يامصطفى..
وحياتك حعمل لك المشهيات اللي أنت عاوزها ( باذنجان مخلل ..تاكل صوابعك وراه )
أما المكرونة ..تتفرج علينا بس وأحنا بناكلها.. مش حتاخد ولا حتة صغنتوتة..
الا لما تجربها وتقول لنا رأيك فيها
بصراحة ... وبدون مجاملة

تعرف ياطارق أنا بحاول في كل أكلاتي اني أرفع من قيمتها الغذائية..
يعني لو تلاحظ المكرونة فيها أصناف كتيرة جدا
( - زيت ذرة - زبدة -مكرونة - بيض- دقيق- لبن - شوربة - بصل - فلفل أخضر - طماطم - جزر - لحم مفروم - بقسماط)
غير البهارات المختلفة ..وفي نفس الوقت الطعم بيكون لذييييييييييذ

وميرسي لمشاركتكم اللذيذة النكهة والطعم
وربنا مايحرمني منكم أبدااااااا

مع تحياتي

[ندعوك للتسجيل في المنتدى أو التعريف بنفسك لمعاينة هذه الصورة]

mona kabara كتب:: ميرسي لكل من تكرم بالمرور على الموضوع

مصطفى وحسام وأحمد أبو زيد
أنا تحت أمركم .. أنتم تؤمروا وأنا أنفذ..
ولايهمكم .. والله حكون في منتهى السعادة

أحمد أبو زيد

والأحلى من اقتراحك ده... اني أعمل لكم دورة تعليم أصول الطهي
عشان تساعدوني في تحضير أحلى الوصفات
وأبقى كسبت ثواب فيكم..

طارق

سامحني ياطارق على المشكلة اللي سببتهالك
والله ماكانش قصدى !

بجد بجد ياطارق أنا مبسوطة جدا انك بتنفذ أكلاتي فعلا قبل الرد
ومبسوطة أكثر انها طلعت حلوة وعجبتكم
وبألف هنا وشفا..

تسلمولي يارب ومنحرمش من مشاركاتكم اللذيذة خفيفة الظل

مع تقديرى واحترامي وورودى

[ندعوك للتسجيل في المنتدى أو التعريف بنفسك لمعاينة هذه الصورة]

ملكة المنتدى

كرمك سابق و مهما قلنا لن نوفيكى حقك

سيبك من الهزار بتاعنا و قولى بجد ممكن تعملى لحمة راس و ممبار و فتة كوارع بعد مسح الزور البسيط اللى كنا بنتكلم فية و اللا هنام من غير عشاء

ههههههههههههههههههههههههههههههههههههههههههههههههههههههههههه

تحياتى

لحمة راس وممبار وفتة كوارع .....للعشاء !!!
ربنا يديكوا الصحة ...
لأ.. أنا رأيي تنام من غير عشاء أحسن ..هههههههههه

وبعدين لازم تفكرني ياحسام بالممبار دلوقتي
ماتعرفش ان أنا بموووووووت فيه !!

ميرسي على المرور الجميل
مع تحياتي

[ندعوك للتسجيل في المنتدى أو التعريف بنفسك لمعاينة هذه الصورة]

mona kabara كتب:: لحمة راس وممبار وفتة كوارع .....للعشاء !!!
ربنا يديكوا الصحة ...
لأ.. أنا رأيي تنام من غير عشاء أحسن ..هههههههههه

وبعدين لازم تفكرني ياحسام بالممبار دلوقتي
ماتعرفش ان أنا بموووووووت فيه !!

ميرسي على المرور الجميل
مع تحياتي

[ندعوك للتسجيل في المنتدى أو التعريف بنفسك لمعاينة هذه الصورة]

تصدقى انا فعلا هاعمل بنصيحتك و انام من غير عشاء

تحياتى

برافو ياحسام
جوعـوا ...تصــحوا

اولآ : لعزيــزى طــارق ان مشـــاعرك تجــاة المكـرونة كانت سريعـة فكان عليــك التئنى ولو للقليل من الوقت
فى التعبيــــر امام الللللللللللللللللمكرونة من شعورك ...
بس اقــــولك الصــــراحة صديقتنا العزيزة اكلها كلة حلو ويجب الهبير عنة بسرعة ....
على العمــوم تعيش وتاكــل مكككككككرونة تانــى ..
الحكيــــم الكبيــر

الاستازة منى لكى التحيــة
على فكــرة انا بحـــب المكــرونة البشاملى جدأ
وكرونتــك تحتــوى علـــى كل ما هــو مفيــد
تسسسسسسسسسسسسسسلم ايـدك
الحكيــــــــــــــــــــــــــــــم

انــا ملاحــــظ ان فتــــــرة انقطــاعى عن المنتدى
كانــت فرصـــــة لتقــدم أشـهــــى المئكـــولات لاعضــاء المنتدى على العمــــوم بألف هنـــا وشفـــــا........
وتسلــــــــم ايــــــدك .. برجاء قبول المشاركة
الحكيـــــــــــــــــــــــــــــــــــم