ما هو اجمل شئ فى مصر

انا بحب مصر اوووووى بس معرفش ليه ؟؟

بس ده فى الغالب علشان الناس اللى فيها لانهم فعلا مختلفيين عن الباقيين

انا بركب المترو معظم الوقت وبشوف اجانب كتير راكبين فيه وساعات بتكلم معاهم ......بس بيبقى احساسى مختلف وانا بتكلم مع مصريين .......منتهى البساطة ....الناس بتعامل بعض اكنهم اخوات حتى النماذج السيئه اللى بيحبوا يجيبوهالنا فى التى بيبقوا قله لكن حتى معاملتهم للناس اللى عارفينهم بيبقى فيها قلب .......
انا بحب بساطة المصريين ده اولا

ثانيا بحب احساس انى مصرية وانا بتفرج ع اى فيلم اجنبى او برنامجوالقيهم يجيبوا اثر مصرى خبر او كلمة مصرية بجد بيبقى احساسى حلو اوى وبتزيد حلاوة الاحساس ده لو كان نموذج مشرف زى احمد زويل ،مصطفى السيد، داليا مجاهد مممممم طبعا فى غيرهم كتيييييير من المصريين اللى مشرفينا بجد .

لما محمد حفيد الرئيس مات .....اكيد يعنى معظم الناس متعرفوش لكن فجاه لقيت الناس زعلانه بجد وناس بتعيط وانا عن نفسى فضلت يومها كله مغمومه بالخبر ده واكنه حد اعرفه .....ودى من احلى ميزات المصريين ان كلهم بجد بقلب واحد والمصيبه اللى عند جار اكنها المصيبه بتاعتى

مممممممممممم

فى اسباب كتير اوى تخلينى احب مصر ........وتخلينى ابقى عايزاها تبقى احسن بلد فى العالم ويبقى شعبها دايما مرتاح ومبيفكرش الا فى انه ازاى يطورها ويخليها احسن

باقولك يامصرى ان انت اجمل حاجة فى مصر وزى ماقال بيرم التونسى