تعالوا بسرعة " واحـــد من الشعـــب " متجــــدد

ملكة المنتدى

اعود و اسال مرة اخرى

و ارجو الا اكون قد اثقلت عليك

كم من المواقف السعيدة التى مرت بك فى حياتك

هل لنا ان نعيش معكى احدى هذة المواقف بوصف جميل الشعور و روعة الاحساس بالسعادة و وقعها على نفسك

تحياتى

من المواقف السعيدة

حصول ابني ( كريم ) على مجموع - ماشاء الله - كبير في الثانوية العامة ( القسم العلمي - لغات )
وللعلم كريم لم يكن من المتفوقين في صغره.. كان طالب مستواه الدراسي متوسط
ولم يحصل على أى دروس عمره..

حتى جاءت مرحلة الثانوية العامة ..وبدأت أعطيه دروس لأول مرة في حياته..كعادة كل الآباء حتى لايأتي اليوم لألوم نفسي وأشعر بأني قد قصرت في حقه .. .ولكنه لم يكن سعيد بذلك لأنه لم يتعود على دروس خصوصية عمره..

وكنت قد عزمت مع نفسي أن أكون بحانبه في أغلب المواد .. أذاكر له ..,أشرح له أى نقاط مستعصية عليه في الفهم.. .. ..أفاجئه بامتحانات وأسئلة لأعرف مستواه وأقيّمه من وقت لآخر.. ...

حتى أيام الامتحانات .. رفض في بعض المواد .. أن يذهب لمدرسين أو مراكز للمراجعة وطلب مني أن أراجع له بنفسي ..
وكانت مسئولية كبيرة ..وخفت أن أتحملها وحدى .. فعرضت عليه أن يذهب للمدرسين يراجع .. ثم اراجع له أنا مرة أخرى ..
ولكنه رفض..وصمم أن أراجع له أنا فقط دروسه....
وقلت بيني وبين نفسي .. ربنا يستر .. .
لأن لو ماجابش مجموع في مادة .. مش حيقولوا الامتحان كان صعب .. حيقولوا اني فشلت معاه..

وعدّت الامتحانات على خير .. وطبعا كنت براجع معاه أسئلة الامتحانات وتوقعت له مجموع كبير
نوعا ما ..

وجاء يوم النتيجة ..وظهرت من الساعة العاشرة مساءا .. ولكن ابني لم يدخل النت ليراها الا الثانية ليلا
ليه !! معرفش ..خوف ... قلق .. مش عارفة !

المهم فجأة لقيته بيقول ( ماما .. تعالي .. ايه ده .. فيه ايه .. مجموعي ده .... الحقيني بالآلة الحاسبة )..
وفجأة رمى بالآلة .. وقاللي 99% ياماما ...

وأحسست أن الدنيا تدور بي وأنا أبكي من الفرحة..ولا أردد غير.. ..
ماشاء الله ....... الله أكبر
برافو عليك ياحبيبي ربنا يحميك ...

فتخيلوا كم كانت سعادتي وفرحتي.!!!!!!!!!!!
فرحتي بنجاح ابني وتفوّقه.. وفرحتي بنجاحي أنا في مهمتي معه
والتي كانت أصعب من مهمته بكثييييييير..

بس ما أكذبش عليكم .. بعد العلقة دى .. قعدت فترة طويلة مش قادرة أفتح أى كتاب أو حتى جريدة أتصفحها
فييييييييييييييييييييييييييين لما رجعت لحالتي الطبيعية .. وحبي للقراءة
الله يكون في عون المدرسين.....

شكرا ياحسام لأنك رجعتني لذكرى أيام وأحداث سعيدة جدا على نفسي
وشكرا لسعة ورحابة صدركم في ان تعطوني جزء من وقتكم لتسمعوني
وتعيشوا معي فرحتي..

وربنا يسعد أيامكم جميعا يارب
ومايحرمنيش منكم أبدا ..يا أجمل صحبة ...

اقتباس :: حصول ابني ( كريم ) على مجموع - ماشاء الله - كبير في الثانوية العامة ( القسم العلمي - لغات )

ربنا يخليه لحضرتك

اقتباس :: المهم فجأة لقيته بيقول ( ماما .. تعالي .. ايه ده .. فيه ايه .. مجموعي ده .... الحقيني بالآلة الحاسبة )..
وفجأة رمى بالآلة .. وقاللي 99% ياماما ...

بسم الله ما شاء الله .. عقبالنا

انا شايف كدة اننا بنتعب حضرتك كتير .. ده كفاية الكتابة (كتابة الاجابات ) .. يا ريت تكون اسئلة الجميع سهلة شوية يا جماعة .. مش عايزين نتعب استاذتنا

اشكر لكى بساطة حديثك و سلاسته فتلك هى الشخصية المصرية الطيبة

بارك الله لكى فى ابنائك و جعلهم الذرية الصالحة التى تقر بها عينك

اعتذر عن كثرة الاسئلة لكن ابو مودى و ملكة المنتدى فتحوا الباب

لى عودة بسؤال جديد ابسط و اسهل حتى لا نثقل عليكى

تحياتى

hema كتب:

اقتباس :: حصول ابني ( كريم ) على مجموع - ماشاء الله - كبير في الثانوية العامة ( القسم العلمي - لغات )

ربنا يخليه لحضرتك

اقتباس :: المهم فجأة لقيته بيقول ( ماما .. تعالي .. ايه ده .. فيه ايه .. مجموعي ده .... الحقيني بالآلة الحاسبة )..
وفجأة رمى بالآلة .. وقاللي 99% ياماما ...

بسم الله ما شاء الله .. عقبالنا

انا شايف كدة اننا بنتعب حضرتك كتير .. ده كفاية الكتابة (كتابة الاجابات ) .. يا ريت تكون اسئلة الجميع سهلة شوية يا جماعة .. مش عايزين نتعب استاذتنا

ابني الغالي الجميل هيما..
- ماشاء عليك وعلى أسلوبك الجميل الراقي ....وربنا يخليك لينا أنت كمان ياحبيب قلبي..

- ان شاء الله تجيب مجموع كبيييييييييييييير في الثانوية العامة وتدخل الكلية اللي بتتمناها..

وذى ماانت شايف من موضوع كريم .. ان المستوى الدراسي قبل الثانوية مش مقياس للتفوق في الثانوية
..يعني ممكن يكون مستوانا عادى جداا.. ونتفوق في الثانوية العامة ..
- بس أهم حاجة تنظيم الوقت ..والمذاكرة أول أول ..الرغبة في التفوق..لو فيه أى حاجة مش فاهمها ..ماتتكسفش .. أسأل فيها مدرسك ..أو أصدقائك ..أو أى فرد من العائلة عنده القدرة على توصيل المعلومة وشرحها لك

- وأهم حاجة ما أدخلش على الثانوية العامة وأنا مرعوب وخايف....بالعكس .أستقبلها ذى أى سنة عادية ..ولكن مع زيادة التركيز والتنظيم من البداية ..

والأسرة في البيت عليها عبء كبير .. عليها توفير الهدوء ومفيش داعي لتوتر الطالب بتذكيره طول النهار بأنه في ثانوية عامة ..أو منعه نهائي من أى وسائل ترفيه لأنه في ثانوية عامة أيضا ..كل ده خطأ كبير ..

طالب الثانوية العامة ذيه ذى أى طالب له الحق في الترفيه عن نفسه وفي أى وقت .. طالما يؤدى ماعليه ولا يقصر في واجباته ومذاكرته..

وأكيد ربنا ان شاء الله حيكون معاه ..وحيكون التفوق حليفه..

- وأخيرا .. فأحب أشكرك جدااااااااااااااااااا لأنك خايف عليّ ومش عاوز تتعبني ..

بس صدقني ياهيما أنا بكون في قمة سعادتي وأنا بينكم وأتحدث معكم ..لأنكم جميعا غاليين على نفسي جدا ..
بس ياريت مااكونش ضيفة تقيلة عليكم ..ويجد كل منكم في كلامي ولو جملة يستطيع أن يستفيد منها..

ربنا مايحرمني منك أبدا ياهيما ياغااااااااااااااالي
ودمت بخير .. ولاحرمني تواجدك ولا مشاركاتك الأكثر من رائعة
مع احترامي وتقديرى ...

[ندعوك للتسجيل في المنتدى أو التعريف بنفسك لمعاينة هذه الصورة]

اقتباس :: س ياريت مااكونش ضيفة تقيلة عليكم ..ويجد كل منكم في كلامي ولو جملة يستطيع أن يستفيد منها..

يا ريت احنا اللي نكون خفاف علي حضرتك ..

وطبعا انا بستفاد من كل ردود حضرتك ..

على فكرة يا جماعة أنا باتابع الموضوع يوميا،

و مستمتع بيه جدا،

و مكتفي بالأسئلة اللي بأقرأها،

و مستني أقرأ المزيد

تقبلوا تحياتي ..

ahmed_ays22 كتب:: على فكرة يا جماعة أنا باتابع الموضوع يوميا،

و مستمتع بيه جدا،

و مكتفي بالأسئلة اللي بأقرأها،

و مستني أقرأ المزيد

تقبلوا تحياتي ..

أحمد .... أنت فين ! ..بقالنا مدة مش شايفينك !!

فرحت بمشاركتك وبرأيك الجميل في الموضوع جداااااااااا

بس ماينفعش انك تستمتع لوحدك..
لازم احنا كمان نستمتع بوجودك معانا في الموضوع
وبمشاركاتك وأسئلتك..

ربنا مايحرمناش من مرورك أبدا يا أحمد

وتسافر مرسى مطروح وترجعلنا بألف سلامة...
ويارب تقضي أوقات سعيدة هناك..

سلامي وتحياتي وتقديرى ....

الاستاذة العظيمة منى

اعود و اطرح سؤالا جديدا

قد لاحظت و اعتقد ان اعضاء المنتدى ايضا لاحظوا اضافة الزهور الى صفحاتك بشكل شبه ثابت

ما هو سر حبك للزهور ؟

و ما هو احب انواع الزهور اليك ؟

و ما افضل الوان الزهور لكى ؟

ارجو الا اكون قد اثقلت عليكى

تحياتى

بجد يا ابو مودى تسلم على الموضوع حلو اوى اوى والاحلى من كده اختيارك لاستاذ منى كمان كلكو اسئلتكو حلوة وخلتنى اعرف كتير كنت عايزة اعرفها عن استاذ منى واجابات حضرتك حلوة جداااااااانا مش شاطرة اوى فى الاسئله بس ممكن اسال سؤال :حضرتك سافرتى قبل كده ؟؟لو اه يبقى فين؟؟لو مش اه يبقى ايه البلد اللى حضرتك نفسك تزوريها ؟؟

ملكة المنتدى مختفيه شوية

يا ابو مودى الله يكرمك شوف مين زعلها

يا درش فين كراماتك شوف ايه الموضوع

نحن فى انتظارك يا ملكة المنتدى

تحياتى

Hosam Ibrahim كتب:: الاستاذة العظيمة منى
اعود و اطرح سؤالا جديدا
قد لاحظت و اعتقد ان اعضاء المنتدى ايضا لاحظوا اضافة الزهور الى صفحاتك بشكل شبه ثابت
ما هو سر حبك للزهور ؟
و ما هو احب انواع الزهور اليك ؟
و ما افضل الوان الزهور لكى ؟
ارجو الا اكون قد اثقلت عليكى
تحياتى

- سر حبي للزهور ..أني أراها كائن حي ..رقيق ..حساس ..ساحر ..فتان..أشعر وكأنها تشعر بي وتتحدث اليّ..وتعاتبني اذا سهوت عنها...

ولقد حدث معي موقف من حوالي اسبوع..أني كنت في محل لأسماك الزينة والزهور ..لأشترى طعام للأسماك..وأهداني صاحب المحل وردتين بلدى رائعتين لأني زبونة دائمة للمحل....
المشكلة اني بسبب الوردتين لم أشترى باقي مشترواتي وفضلت العودة للمنزل بسرعة لأضعهما في اناء به ماء يليق بهما..وطول الطريق وأنا أثني ذراعي وأتركهما يناما عليه وكأني أحمل طفل رضيع..أخاف عليه من أى وضع آخر قد يؤلمه ....
ولا تتصور مدى سعادتي بهذه الهدية التي يراها الكثيرين انها بسيطة ..ولكنها كانت مصدر سعادة كبيرة لي...مع العلم بأن الزهور والنباتات الطبيعية تملأ كل ركن عندى بالمنزل...

وللدلالة على مدى حبي للزهور..فقد كان من بين الأسباب لأن أتخلى عن قطي الغالي ( Jolly ) بسبب شقاوته ومداومته على اتلاف النباتات والزهور..

ونصيحة مني لكم جميعا ..اللي يلاقي نفسه فقد القدرة على ممارسة حياته بصورة طبيعية وأن هناك شئ ما يضايقه بدون سبب واضح.. فليذهب مسرعا لأقرب محل زهور..وأنا أؤكد له أنه سيخرج منه بمشاعر متجددة وأحاسيس مختلفة..
فالمكونات الموجودة بروائح الزهور عموما لها تأثيرات كيميائية سريعة على المخ...

- أحب أنواع الزهور اليّ الورد البلدى والفل
والقرنفل..والياسمين وخاصة الياسمين الهندى ..
.

وهذه أجمل زهور القرنفل ..باللون الجميل الـ pink
الذى أعشقه ...
هدية مني اليكم جميعا..

[ندعوك للتسجيل في المنتدى أو التعريف بنفسك لمعاينة هذه الصورة]

- أحب كل ألوان الزهور..وخاصة الـ Pink
والأحمر بدرجاته ..والأصفر

كنت معكم لدقائق بسيطة ..ولكنها بعثت في نفسي شعور جميل بالتفاؤل والأمل والحب
شكرا لك ياحسام

شكرا على تواجدك بالموضوع ..وشكرا على أسئلتك العطرة التي جذبتني للحديث
عن أجمل الأشياء المحببة الى نفسي ..عن الزهور

opra كتب:: بجد يا ابو مودى تسلم على الموضوع حلو اوى اوى والاحلى من كده اختيارك لاستاذ منى كمان كلكو اسئلتكو حلوة وخلتنى اعرف كتير كنت عايزة اعرفها عن استاذ منى واجابات حضرتك حلوة جداااااااانا مش شاطرة اوى فى الاسئله بس ممكن اسال سؤال :حضرتك سافرتى قبل كده ؟؟لو اه يبقى فين؟؟لو مش اه يبقى ايه البلد اللى حضرتك نفسك تزوريها ؟؟

بالنسبة للسفر يابوسي..فأنا من عشاق السفر..
فلقد زرت من الدول العربية ..ليبيا وتونس وسوريا
والأجنبية ..لندن ومالطا
بعضها تكررت الزيارة لها ..وبعضها كانت مرة واحدة..

أما حاليا ..فاذا سنح لي الوقت والظروف بالسفر ..فسيكون داخل مصر
ومصر ..فــققققققققققققــط
لأن مصر بها من الأماكن السياحية الجميلة مايفوق الخارج روعة وجمالا وسحرا..
والكثير منها لا نعلم عنه شئ..
وخاصة بعد ماعقدني أبو مودى بجولاته الجميلة الشيّقة في شتى أنحاء مصر..
والتي اكتشفت اني لا أعرف الكثير عن معظمها..

أسئلتك عسولة ذيّك يابوسي..
ميرسي لمرورك حبيبة قلبي..وميرسي لذوقك وتعليقك الرقيق..
وبقولك كنتِ ضيفة خفيفة ولذيذة
وربنا لا يحرمني منك أبدا...

وتقبلي تحياتي وحبي وورودى...

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذا الرابط]
[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذه الصورة]

الله عليكى يا مصر
الله على شعبك يا مصر
الله على شبابك يا مصر
الله على موضوع واحد من الشعب يا مصر
الله على جمال النصراوية يا مصر
تحيا مصر
تحيا أبومودى يا مصر

أبومودى يا نصراوية
لا تنسو أبومودى يا نصراوية
لا تنسو الاصالة المصرية

[ندعوك للتسجيل في المنتدى أو التعريف بنفسك لمعاينة هذا الرابط]
أبومودى رجل مصرى أصيل مخلص لأبعد الحدود
صاحب صاحبة بمعنى الكلمة إذا قرأت ما يكتبه بالمنتدى تشعر بالعزة والفخر تجاه بلدك
إذا إستمعت لصوته عن طريق الهاتف تسمع صوت مصرى أجش قوى صاحب شخصية حنونة عاقلة
وإذا جلست معه وقابلته وجهاً لوجه تشعر بأحسيس كثيرة مختلفة بخفة ظل مصرية لذيذة تحس أنك جالس على قهوة بلدى فى حى شعبى بصحبة أجمل الاصدقاء
تحس أنك تعامل أخيك الاكبر وفى نفس الوقت تشعر أنك تتعامل مع اخيك الاصغر أنه شئ غريب وعجيب هذا التناقد فى احاسيسك ومشاعرك تجاه
أبومودى
صاحب الطلة البهية صاحب الخلق العالى صاحب التغيير الهائل فى هذا المنتدى من وقت انضمامه إلينا صاحب أجمل موضوع بالمنتدى

[ندعوك للتسجيل في المنتدى أو التعريف بنفسك لمعاينة هذه الصورة]

يا أحلى نصراوية حان الوقت لرد الجميل
لأروع الشخصيات بهذا المنتدى لكى نضعه أمامنا بل بيننا
ونوجه اليه ألطف الاسئلة وأجمل المناقشات حول شخصيته الجميلة والرقيقة
فهيا بنا نبدأ كما بدأنا مع أختنا الغالية منى كبارة ونعطيه حقة لأنه يستحق الكثير والكثير منا
[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

بحبك يا مصر
بحب شعبك يا مصر
بحب شبابك يا مصر
بحب موضوع واحد من الشعب يا مصر
بحب جمال النصراوية يا مصر
بحب أبومودى يا مصر

اخى الغالى الجميل استاذنا الرائع احمد ابو زيد
[ندعوك للتسجيل في المنتدى أو التعريف بنفسك لمعاينة هذه الصورة]
اتقدم لك بالشكر من اعماق قلبى

لما المسه من محبة فى الله بيننا جميعاً

ادام الله علينا نعمة الحب فى الله
[ندعوك للتسجيل في المنتدى أو التعريف بنفسك لمعاينة هذه الصورة]
ولكــــــــــــــــــــــــــــــــن

ولكــــــــــــــــــــــــــــــــن

اخى احمد
[ندعوك للتسجيل في المنتدى أو التعريف بنفسك لمعاينة هذه الصورة]
لازال الموضوع والحوار مفتوحاً ومستمتعين

مع

اختنا الاستاذة منى كبارة

وان شاء الله بعد اختنا الرائعة منى
[ندعوك للتسجيل في المنتدى أو التعريف بنفسك لمعاينة هذه الصورة]
يشرفنا ان

نستضيف

اخونا الغالى طاهر
[ندعوك للتسجيل في المنتدى أو التعريف بنفسك لمعاينة هذه الصورة]
فأعتذر لك واتأسف جدا اخى وحبيبى احمد

وان شاء الله دعوتك الكريمة بعد انهاء الحوار الجميل

لاختنا المتألقة منى
[ندعوك للتسجيل في المنتدى أو التعريف بنفسك لمعاينة هذه الصورة]
واترك لك اخى احمد توجيه الدعوة

لااخونا الطاهر طاهر

[ندعوك للتسجيل في المنتدى أو التعريف بنفسك لمعاينة هذه الصورة]

بحبك يا مصر
بحب شعبك يا مصر
بحب شبابك يا مصر
بحب موضوع واحد من الشعب يا مصر
بحب جمال النصراوية يا مصر
بحب احمد ابو زيد يا مصر

[ندعوك للتسجيل في المنتدى أو التعريف بنفسك لمعاينة هذا الرابط]

اهلا وسهلا باستاذنا الغالي : طاهر

اكيد طبعا عايزين بطاقة تعارف عن حضرك ده اولا بس

الاخ الحبيب احمد ابو زيد

اخونا و ابننا الحبيب هيما

الموضوع ممتع جدا و لم نستكشف بعد جميع جوانب شخصية ملكة المنتدى

فتلك الشخصيه لديها العديد من الجوانب و حتى الآن لم نرى منها الا الجانب الاشرافى و مازلنا فى تحاورنا الذى لم يعطن حتى الآن مفتاح هذة الشخصيه الفذه

ما شاء الله المنتدى زاخر بشخصيات تباينة عظيمة تحتاج كل منها لصفحات و صفحات كى نستفيد جميعا من خبراتهم و صفاتهم الشخصية و النفسيه و الفكريه

دعونا نجرب مفتاح جديد لشخصية ملكة المنتدى لعله يكون هو المفتاح السحرى لتلك الشخصيه

ثم نعود مع صاحب الروائع ابو مودى ليختار واحد من الشعب

تحياتى

أخى الغالى اسامة لقد أحرجتنى يا أخى لأننى لا أعرف أنه يوجد ترتيب لإستضافة الاعضاء ولا أعرف أننا ماذلنا فى نقاش مع أختنا الغالية منى أسف أخى ولكنى فى اشتياق خاص للإستمتاع بوجودك فى موضوع واحد من الشعب

أعتقد أنه لابد من وضع بعض الترتيبات للتعامل مع موضوع واحد من الشعب ومنها
أن يوضع خطة مرتبة وتتالى للأعضاء اللذين سوف نستضيفهم فى هذا الموضوع
أن يكون هناك حد أقصى لعدد المساهمات وعلى سبيل المثل عشرة مساهمات وبحد أقصى مساهمة واحدة لكل عضو ويمكن طرح كل ما يريد من أسئلته داخل مساهمته
بمعنى أننا لو استضفنا تيتو فإنه مسموح بمشاركة عشرة أو أكثر من الاعضاء وكل عضو من حقة مشاركة واحدة فقط ومن خلال هذة المشاركة يمكنه طرح ما يريد من أسئلة

وبهذة الطريقة أعتقد أننا سوف نزيل اللبس بين الاعضاء
أرجو دراسة هذا الاقتراح وابداء آرائكم

ahmed_abouzid كتب:: أخى الغالى اسامة لقد أحرجتنى يا أخى لأننى لا أعرف أنه يوجد ترتيب لإستضافة الاعضاء ولا أعرف أننا ماذلنا فى نقاش مع أختنا الغالية منى أسف أخى ولكنى فى اشتياق خاص للإستمتاع بوجودك فى موضوع واحد من الشعب

إلى : صاحب القلب الكبير

صديقي وأخي الغالي

احمد ابو زيد

سلام على الدنيا إذا لم يكن بها

صديق صدوق صادق الوعد منصفا

نعم سلام على الدنيا
..
إذا مضت بي الحياة بدونك ياصديقي

أني أتحمل مسؤولية ما حدث

كان واجباً من البداية ان احدد معايير

للبرنامج والشخصية التالية

ولكن الست معى اخى ان استضافة

شخصية جميلة مثل اختنا الرائعة منى

انستنى ذلك لما لها من بريق وتألق

ويشهد على ذلك جميع الاخوة وانت اولنا

واعتذر منك اخى الغالى الحبيب احمد

والله لم اقصد ابداً تعريضك انت

او اى اخ للاحراج لا سمح الله

والله انت اخ غالى فى الله

صديقي العزيز .. ليتني كنت شاعرا

أو كاتبا مبدعاًُ لأنثر لك مشاعري

اليائسة والنادمة على ما تعرضت

له اخى الغالى احمد

ارجوك اخى احمد سامحنى

[ندعوك للتسجيل في المنتدى أو التعريف بنفسك لمعاينة هذه الصورة]

ازيكم يا جماعه الخير انا شاكر ليكم ولكن انا طلبت من أبو مودى اعفائى من هذا البرنامج عشان انا مش بعرف ارد كويس على الاسئله ولكن البرنامج جميل وشيق وانا متابع له جدا وفعلا أبو مودى صاحب الأفكار الرائعه والجميله ومعلش يا نصراويه وبعدين فى ناس كتير تستحق الدعوه وانا اضم صوتى للأستاذ احمد أبو زيد ان يكون الاستاذ أسامه هو الشخص القادم فى البرنامج وشكرا ليك يا هيما وشكرا لكم جميعا وتحياتى اليكم

انا برضو اضم صوتي للأستاذ احمد ابو زيد

taher كتب:: ازيكم يا جماعه الخير انا شاكر ليكم ولكن انا طلبت من أبو مودى اعفائى من هذا البرنامج عشان انا مش بعرف ارد كويس على الاسئله ولكن البرنامج جميل وشيق وانا متابع له جدا وفعلا أبو مودى صاحب الأفكار الرائعه والجميله ومعلش يا نصراويه وبعدين فى ناس كتير تستحق الدعوه وانا اضم صوتى للأستاذ احمد أبو زيد ان يكون الاستاذ أسامه هو الشخص القادم فى البرنامج وشكرا ليك يا هيما وشكرا لكم جميعا وتحياتى اليكم

أخى وحبيبى طاهر
صدقنى يا أخى أنا ليس على علم أنه تم توجيه الدعوة لك بعد أختى منى
ولو كنت على علم بذلك لكنت وجهة دعوتى اليك كما فعلت مع ابو مودى
أرجو يا اخى الا أكون قد وضعتك فى حرج
وأنتهز هذة الفرصة يا اخى طاهر لكى أوجة اليك دعوة الاشتراك معنا فى برنامج واحد من الشعب
ومن الممكن أن نحجز مكان لأعز الناس أبومودى من بعدك مباشرةً

الاستاذة العظيمة منى

اعود و اسال مرة اخرى

هل ترين ان القيم و الاعراف و الاخلاق و المبادىء فى الاجيال السابقه بقيت دون زعزعة او تغيير فى عصرنا الحالى ؟

و هل لذلك اثر على الشباب و تفاعلهم مع المجتمع ؟

تحياتى

أستاذتنا وملكة المنتدى منى

سؤال صغيور قوى

إيه القرار اللى أخذتيه وندمتى عليه؟؟ وهل تعترفين بخطأك بسهوله؟