الحب الاول

يا قلب قد نضب المعين و اصاب حبى الحاقدين
فلا تياسى يا نفس فالحب سلوى العاشقين
دنيا الغرام بعد الهوان تبدلت بل اصبحت قبر لعين
كل المودة و السماحة بيننا اصبحت حقدا ضغين
هل كان جرمى حب عمر اضعت لة حلو السنين
ام ان قدرى لم يشا ان يسعد القلب الحزين
هل كل قلب يهوى املا يصبح القلب المهين
ـــــــــــــــ لا ـــــــــــــــ
لن اخوض حبا بعد حب امات فى قلبى الحنين
ـــــــــــــــ لا ـــــــــــــــــ
لن اخوض حبا بعد حب انطقنى آهات الانين




بقلمى

مصطفى ابو النجا كتب:

صاحب الاحاسيس المرهفة

تحية من القلب اليك

اسلوب غاية فى الروعة



بس الاحاسيس دى مع اول حب ؟

ده اول حب !!!!

محدش ينساه

وممكن نكره الشخص لفترة مش طويلة

بس بنحن له حتى لو مافيش رجوع

واعتقد انك لو شفته امامك

هتنسى كل اللى قولته فيه

قول يا حبيبى قول كمان

دا انت مليان مشاعر و شجون

الاخ الحبيب مايسترو المنتدى

مرور رائع و تعليق اروع

كلنا هذا الرجل يا درش و الحب الاول هذا محتاج ان ملكة المنتدى تفرد لة موضوع مستقل لان فية كلام كتير جدا

تحياتى و شكرى الجزيل على مرورك العطر و تعليقك

TITO كتب:

الله عليك يا حسام

الحمد لله إن القصيده مش أطول من كده وزى ما أنا طلبت منك واحده واحده

والله يا حسام كل كلمه فيها أصابت قلوبنا وذكرتنى أنا وأخى مصطفى(ياما تحت الساهى دواهى) بأحلى الأيام

على رأى الست أم كلثوم

أمر عذاب وأحلى عذاب عذاب الحب

والله عليك فى أخر عباره لن أخوض حباً بعد حباً أنطقنى أهات الأنين

ولو إن العاشقين عمرهم ما يتوبوا يا حسام إنت بس كنت مشدود لحظتها وأنا متأكد زى ما قال مصطفى إن الشعور ده زال منك

فيه كلمات لهانى شاكر فى أغنية الحب مالوش كبير بتقول

عارفه يا حبيبتى ليه ما أحناش قادرين نتوب وبنستنى القمر لما يهل الغروب
علشان العاشقين دايما متعودين
ع القسوه والحنين ويا الهوى

عشان خاطرى يا حسام إنت ومصطفى إدخلوا إسمعوها على اللينك ده

http://www.mawaly.com/file/play/14659.html

وأشكرك بشده يا صاحب الأحاسيس المرهفه والخواطر على هذه المساهمه الت أثرت فينا جميعاً

تيتو يا غالى

ارجو ان تكون هذة الخواطر على مستوى لائق لمشاعركم الرقيقة و تذوقكم العالى

اصدقك القول تلك الكلمات لم تمسها يد التعديل او التنقيح لانى مقتنع تماما بان الكلمات وقت كتابتها تحمل فى طياتها مشاعر جميلة و صادقة فان حاولت ان تصحح فيها حتى تكون فى سياق افضل افسدت جمالها و شجونها

و عموما دة اول السيل قطر كما يقولون
فبعد تلك المعاناه بشهور قليلة عدت و كتبت

ابشر يا قلب بعودة الروح


لكن انا مش حابب اخلى الامور صعبة خلينا ماشيين واحدة واحدة زى ما اتفقنا



طارق سمعت الاغنية و كما علقت على موضوع اختنا ام عمار فان كل منا لدية ملكات و قدرات من الجائز انة لم يفكر للحظة ان يضعها فى اطارها الذى تستحقة لكن مع توافر مناخ رائع كما هو الحال فى منتدانا الجميل و صحبة طيبة مثل سيادتكم يا امير المنتدى و المايسترو و ابو مودى ابو الروائع و الرجل الخلوق احمد ابو زيد و القدير احمد عيسى و جلالة الملكة و باقى الاحبة اعضاء و رواد المنتدى يستطيع كل شخص ان يبث افكارة و خواطرة و احلامة

تحياتى و وعد بان نواصل

بصراحة اعجبنى قدرتك على تملك المعنى قبل المفردة وكأنك اخرجت من الكلمة التى نعرفها ونعرف معناها معنى جديد لم يمر علينا والاعجب هو توظيف هذا المعنىوتناسقه مع اشقائه ليصدر الينا المعنى الكلى للشعر بفكرة واحد وهذه هى صعوبة الشعر وليس التقيد بالبحور وما شابه والله الموفق

الاخ الحبيب محمد رسمى

شكرا لمرورك و تعليقك

لكن دى كانت ايام زمان


تحياتى