أمي بتسلم عليكم ....

[ندعوك للتسجيل في المنتدى أو التعريف بنفسك لمعاينة هذا الرابط]

حين طرق باب بيتنا.. ليقول لي ابن الجيران
ماما بتسلم عليكم وبتقول عندكم ملح و شوية .......!!

ابتسمت من قلبي وقلت له عندنا
مرحبا بالجار الصغير....

منذ متى لم يطرق بابكم أحد الجيران ليطلب كذا ..أو كذا....

ربما يقال أننا في خير ونعمة ..ولم يعد الطلب من الجيران له ضرورة..
ولكن أعتقد فقدنا الطلبات الصغيرة بين الجيران..
فقدنا طعم الجيرة ..

كان الجار يطلب من جاره بصل..وبعدها يرسل له طبق من طعامه..
الآن تعد الطلبات بين الجيران عيب كبير...
وقد تستغرب أن يطرق جارك باب بيتك بدون موعد أو اذن مسبق
أو اتصال .. وقد تجيبه بفتح الباب أو لا تفتح...
وقد نتهم الجار بالجنون لو طلب منا شيئا...!!!

زماااان لم تكن الحالة الاقتصادية كماهي عليه الآن ...
اليوم فواتير وديون وأقساط وأسعار مواد غذائية مرتفعة ..
وعيب نطلب أو ندق باب الجيران..!!

زمان حياة بسيطة وقلوب أبسط جميلة
حتى في حالة موت أحد الجيران - كانوا الجيران يطهون لأهل المتوفي الطعام
افتقدنا هذه العادة - الا من رحم ربي - من سكان الأحياء الشعبية..

وجملة ماما بتسلم عليكم وبتقولم عندكم بصل !!
ما أجمل هذه العبارة ...
فيها جمال البساطة ..والمحبة ..وجمال الروح التي تجمع الجيران
كنا بيت واحد ..وطعام واحد..
فالأسر قديما كانت تشعر بأهمية مدى حاجتها لبعضها..
وترسل له الطعام من غير طلب...!
واذا راعي البيت قضى لأهله شيئا ..لا ينسى جيرانه فيه..
واذا بقى شيئا من العشاء ..فيرسل للجيران..
أما الآن ..نقلق من بقايا العشاء ونعتبرها فضلات..وقد تلقى أحيانا بالقمامة
فكل العيب أن نقدمها لجيراننا...

ليست المسألة مجرد الطلب..ولا عبارة أمي بتسلم عليكم وبتقول عنكم كذا...!!
ولكن العلاقة نفسها فقدت طعمها وفقدت دفئها...فقدنا حب جميل كنا ننام ونصحو عليه
حبنا لجيراننا وحب جيراننا لنا.. ..
لم تعد الحياة لها طعم بعد الاستغناء عن بصل وملح وخبز الجيران..
أحيانا أتمنى عودة تلك الأيام
جيران ترسل وتسأل وتطلب..بدون قيود حياة مملة ورسميات قاتلة..

أحضرت الملح لابن الجيران ..وابتسمت من قلبي وقلتله..
قول لماما طنط بتسلم عليكي..وأى حاجة تانية أنا في الخدمة ..

وخرج الصغير ..وأنا أقول له :
شكرا لك ..عشت معك لحظات أصبحت مفقودة في زمن أصبحت أيامه مملة ومتشابهة
زمن لم يعد الجار يعرف جاره..!!

وأخيرا فأمي تسلم عليكم .. وتقول لكم ..
ألا لبت الزمان يعود يوما لأخبره ماذا فعلت بنا التكنولوجيا والتقدم الأعمى ..

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذا الرابط]

الله عليكى يا ملكة

فعلا اصبحنا نفتقد هذة المعانى الراقية و الترابط الوثيق بين جيران البيت الواحد و الشارع الواحد و الحى الواحد

و اذكر ان امى كانت تعد لنا الملوخية و ما الذها و كان لدينا طبق صاج ابيض متوسط الحجم و كان هذا الطبق مخصص لارسال الموخية الطازجة السخنة لاحدى جاراتنا و اجمل ما فى هذا الموضوع هى علامات البشر و السعادة على وجة امى حين ترسل هذا الطبق للجارة

تحياتى لكى يا استاذة على استدراك الزمن الجميل

و اخيرا ماما بتسلم عليكى و بتقولك معندكيش صينيتين مكرونة بالباشميل زيادة ههههههههههههههههههههههههههه

ههههههههههههه
ياجار ياطماع..صينيتين مكرونة بحالهم..أمال حتخليلنا ايه..!!
أنا حجيبهم ونيجي ناكل عندكم ..أحسن ..

والله ياحسام وانت بتتكلم عن والدتك كأنك بتتكلم عن والدتي بالظبط
كانت بتبقى سعيدة جدااااا وهي بتقدم للجيران خدمة أو حد منهم يطلب منها خدمة ...
ياااااااااااااااه ..
عارف ياحسام احنا في عمارتنا في العباسية ( كانت ست أدوار )..مش حتصدق لمااقولك
ان مش أقل من اسرتين ثلاثة منهم كل اسبوع مجتمعين وسهرانين معا..غير ان الجيران
كلهم في البيت تحس انهم اسرة واحدة ..وان مافيش ابواب تقدر تحجزهم او تمنعم عن بعض..
زمن جميل ...راح وانقضى
وفقدوا اولادنا حلاوة ولذة الحب الكبير اللي بيجمع الجيران مع بعضها

شكرا جزيلا على مرورك..

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

بسم الله الرحمن الرحيم
اللهم صل على محمد وعلى آله وصحبه أجمعين

هذا مقياس لمعرفة الإحسـان من الإسـاءة
وهذا معيار لمعرفة ما إذا أحسنت أو ما إذا أسأت

وهذا المقياس وذلك المعيار جعله من لا ينطق عن الهوى صلى الله عليه وسلم
فقد جاء رجل إلى رسول الله صلى الله عليه على آله وسلم فقال : كيف لي أن أعلم إذا أحسنت وإذا أسأت ؟
قال : إذا سمعتَ جيرانك يقولون أن قد أحسنت ، فقد أحسنت ، وإذا سمعتهم
يقولون قد أسأت ، فقد أسأت . رواه الإمام أحمد وغيره ، وهو حديث صحيح .

قال عمر : إذا كان في المرء ثلاث خصال فلا يُشك في صلاحه : إذا حمده ذو قرابته ، وجاره ، ورفيقه .

وقال صلى الله عليه وسلم : ما زال يوصيني جبريل بالجار حتى ظننت أنه سيورثه . رواه البخاري ومسلم.

وعلى فكرة يا ملكة احنا جيران عشان كنت قاعد فى الكرسى اللى جنبك يوم المقابلة

يعنى عايز عشوة تمام

مش صنيتين مكرونة تضحكى بيهم علينا

والله يا ملكة انتى فكرتينى بايام جميلة

لسة يوم عاشورا والدتى بعتت لواحده جارتنا طبق عاشورا

الجارة اتكسفت تنزل الطبق فاضى

بس مش هاقولكوا بعتت ايه ....!!!!!!

بس عمّال تقوللي جارك وقاعد جنبك...وماتدوقنيش العاشورا
ماتخافش ماكنتش حنزلك الطبق فاضي..بس مش حقولك كنت حبعتلك ايه !!

وبعدين عشوة ايه اللي بتتكلم عليها يامصطفى .. حسام بعد مافكرته بحكاية
ماما بتسلم عليكي...نفض لي البيت ...
.يعني عشايا أنا وانت يامصطفى عليك يارب...

تحياتي لك..أثريت الموضوع بمرورك الجميل

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

الله عليكى اختنا الرائعة الكريمة
فكرتينى بأحلى ايام عمرى ودى كانت من زمن بعيد
يعنى كدة من 25 سنة قبل رحيل امى رحمها الله

والله اختنا الغالية واخوتى فى الله كانت امى يوم ان
تذهب للسوق وانا معها لشراء الكرنب والذى منه لعمل
احلى محشى كلته فى حياتى كان بيطلع عينى م الشيل

وتعمل الله يرحمها الحلتين الكبار
ونيجى ساعة الاكل الاقيها الله يرحمها بتفتح
باب الشقة من الجانبين لدخول جيرانا وحبايبنا اللى فوق

واتذكر البصل والثوم كانت تعلق بين شقتنا وشقة الجيران
ورغم بساطة اكلها الله يرحمها الا انه له مذاق تانى
لازال طعمه فى فمى رغم فراق السنين لدرجة تشعرك بأن الطعام
معمول باللحم الضانى من ريحته ونكهته

وايام دخول العيد والكعك والزحمة فى شقتنا الصغيرة
والدفء بين الجيران يالها من ايام وهل انساها

قلبتها لكوا حزن معلش وانا مش هاطلب مكرونة ولا عشا كل طلبى
ان ترجع ايام امى بتسلم عليكم

[ندعوك للتسجيل في المنتدى أو التعريف بنفسك لمعاينة هذه الصورة]

ابو مودى يا غالى

ممكن يرجع زمن امى بتسلم عليكى

و لازم نبدأ بانفسنا من منا يحضر لابناء جارة حلوى و لو مرة كل شهر ؟

من منا يستفسر عن جارة ان لم يره حتى فى صلاة الجمعة ؟

ابو مودى ممكن نعملك تطبيق عملى على اخوانك الغلابة فى المنتدى

اصل منى عملت نفسها مش واخده بالها لما طلبت فتة كوارع و لحمة راس و ممبار خلينا نخرجك من جو الحزن شوية و الا الدفع كمان بيبقى نكد ؟؟؟؟ ههههههههههههههههههههههههههههههههههه

تحياتى لملكة المنتدى صاحبة الموضوع و لابو مودى صاحب الروائع و لك من شارك فى هذا الموضوع الشيق

انا الحمد لله .. العمارة كلها بتاعتنا وساكن فيها معظم اقاربي

واكيد مفيش حد هيتكسف من حد

وياسلام كدا اول يوم في رمضان من كل سنة .. العمارة كلها بتفطر مع بعض

اللهم بلغنا رمضان

وموضوع جميل جدا يا استاذة .. انا افتكرت حاجة عن فيلم .. مهمة في تل ابيب

ههههههههههه

abo mody كتب:: الله عليكى اختنا الرائعة الكريمة
فكرتينى بأحلى ايام عمرى ودى كانت من زمن بعيد
يعنى كدة من 25 سنة قبل رحيل امى رحمها الله

والله اختنا الغالية واخوتى فى الله كانت امى يوم ان
تذهب للسوق وانا معها لشراء الكرنب والذى منه لعمل
احلى محشى كلته فى حياتى كان بيطلع عينى م الشيل

وتعمل الله يرحمها الحلتين الكبار
ونيجى ساعة الاكل الاقيها الله يرحمها بتفتح
باب الشقة من الجانبين لدخول جيرانا وحبايبنا اللى فوق

واتذكر البصل والثوم كانت تعلق بين شقتنا وشقة الجيران
ورغم بساطة اكلها الله يرحمها الا انه له مذاق تانى
لازال طعمه فى فمى رغم فراق السنين لدرجة تشعرك بأن الطعام
معمول باللحم الضانى من ريحته ونكهته

وايام دخول العيد والكعك والزحمة فى شقتنا الصغيرة
والدفء بين الجيران يالها من ايام وهل انساها

قلبتها لكوا حزن معلش وانا مش هاطلب مكرونة ولا عشا كل طلبى
ان ترجع ايام امى بتسلم عليكم

[ندعوك للتسجيل في المنتدى أو التعريف بنفسك لمعاينة هذه الصورة]

والله باابو مودى كانت أيام جميلة فعلا...
لو تفتكر .. تلاقينا كنا بنحب جيراننا أكثر من قرايبنا
لأنهم معانا ليل ونهار ..
وذى ماانت قلت الزحمة واللمة في رمضان لتجهيزالكحك والبسكوت
وحلل المحشي الكبيرة عشان نطلع أطباق للي فوق
وننزل أطباق للي تحت
هي دى الحياة .. هي دى السعادة

وأمي بتسلم عليك يا أبو مودى ..

[ندعوك للتسجيل في المنتدى أو التعريف بنفسك لمعاينة هذه الصورة]

Hosam Ibrahim كتب:: ابو مودى يا غالى
ممكن يرجع زمن امى بتسلم عليكى
و لازم نبدأ بانفسنا من منا يحضر لابناء جارة حلوى و لو مرة كل شهر ؟
من منا يستفسر عن جارة ان لم يره حتى فى صلاة الجمعة ؟
ابو مودى ممكن نعملك تطبيق عملى على اخوانك الغلابة فى المنتدى
اصل منى عملت نفسها مش واخده بالها لما طلبت فتة كوارع و لحمة راس و ممبار خلينا نخرجك من جو الحزن شوية و الا الدفع كمان بيبقى نكد ؟؟؟؟ ههههههههههههههههههههههههههههههههههه
تحياتى لملكة المنتدى صاحبة الموضوع و لابو مودى صاحب الروائع و لك من شارك فى هذا الموضوع الشيق

والله ياحسام فكرة ممكن نجرب ونبدأ بنفسنا ..
يمكن نقدر نرجع شئ من الزمن الجميل ده ..
شئ افتقدناه .. واشتقناله كتير ...

وماتخافش ليكم عندى أكلة ممبار .. لكن كوارع لأ .. مش بحبها ..

وشكرا لك على مشاركاتك .. وأفكارك ..الجميلة
وتقبل تحياتي وتقديرى ..

[ندعوك للتسجيل في المنتدى أو التعريف بنفسك لمعاينة هذه الصورة]

hema كتب:: انا الحمد لله .. العمارة كلها بتاعتنا وساكن فيها معظم اقاربي

واكيد مفيش حد هيتكسف من حد

وياسلام كدا اول يوم في رمضان من كل سنة .. العمارة كلها بتفطر مع بعض

اللهم بلغنا رمضان

وموضوع جميل جدا يا استاذة .. انا افتكرت حاجة عن فيلم .. مهمة في تل ابيب

ههههههههههه

بتبقى حاجة جميلة فعلا يا هيما ان الأقارب تسكن مع بعضها
بتشعر ان كل الشقق .. شقتك
وتشعر فعلا بالروح الجميلة اللي بنتكلم عليها في موضوعنا
دمتم بخير .. وربنا يقربكم ما يبعدكم أبدا

وأمي بتسلم عليكم ياهيما ...

لك مني أحلى تحية وتقدير....

[ندعوك للتسجيل في المنتدى أو التعريف بنفسك لمعاينة هذه الصورة]