تبادل خبرات فى البرامج المختلفه

اكتشفت اليوم واليوم فقط ان النادى بتاعنا بقى ليه موقع وحقيقى فرحت جدا خطوة تكنولوجيه هايله وراقيه
وكمان فكرت ودة اقتراح اننا نعمل ذى جمعيه رساله اننا نتطوع نعلم راغبى العلم وخصوصا برامج الكمبيوتر) لانها هتفيد ولادنا وأخوتنا الشباب فى الشغل ومحو الاميه الكمبيوتريه للكبار وطبعا ابدا بنفسى واقول انى على استعداد اعطى دورات
icdl - office - flash
ونفسى اتعلم
maya - 3dmax - fotoshop
رايكم ايه ولو وافقتم هل ممكن نطبق الفكرة دى عملى فى فصل الصيف
ملحوظةشهادةال
icdl اصبحت مطلوبه من شبابنا فى كل الكليات

انا برضه مع كلام استاذ احمد ان التفيذ هو اللى احنا مش عارفيين ممكن يتم ازاى
مع اننا ممكن نبداها بدروس على المنتدى

انا برضه اعرف الفوتوشوب واستخدامه فى عمل الاعلانات وشوية برامج تصميم مساعده
كمان طبعا الاوفيس
والسويش ماكس
برامج المونتاج
زى الموفى ميكر والفيديو ستديو والبريمير وفى برامج تانيه بسيطة بس يعتبروا دول احسنهم بالنسبه للبساط
وانا ناويه اتعلم كمان برنامج السونى فيجاس وبرضه مونتاج
الثرى دى ماكس اعتبر مبتداه بس برضه بعرف فيه شوية صغنين

وفكرتك حلوة اوى يا جيوكاندا

واحنا لو معرفناش ننفذها على ارض الواقع
ممكن ننسق مع كل اللى بيعرفوا برامج فى المنتدى وكل واحد يتخصص فى شرح برنامج من البرامج اللى يعرفها كدروس بس على المنتدى

طيب يبقى ابتداء من دلوقتى كل اللى يعرف برنامج يكتبه وياريت لو ميمو يبعت لاعضاء المنتدى ان اللى يعرف يفيد غيره
يشترك ويقول بيعرف فى اى برامج

وممكن ننسق كل ده فى اللقاء الثالث

ونسال اذا كنا نقدر نخلى الموضوع ده حقيقه فى النادى كجزء من النشاط

انا بالنسبة ليا برامج المونتاج ممكن اساعد فيها
على المنتدى واول ما نقرر ميعاد للبدء ان شاء الله هتابع فيها