دمعه نازله من العين

أنا دمعة نازلة من العين
بتبكى على قلب حزين
تايه وسط الناس
مش عارف رايح فين
قلب عمال بيبكى
مش عارف لمين يشكى
بيرسم لغيره الضحكة
و لنفسه عذابه بيحكى
بيصرخ دقة دقة
و دموعه دم و حرقة
عليه عمالة بتبكى

بيصرخ جواه و يتألم
بسمعه من غير ما يتكلم
هفضل أبكى عليه
طول العمر بلياليه
و على سره هسكت و أتكتم
نفسي أقدر أخليه
يخرج من إلى فيه
و الناس تحس بيه
و لا عمره مرة يتندم

أنا دمعة عين مجروحة
على قلب حزين مدبوحة
و مهما مرت سنين
هفضل برضه مجرد
دمعة نازلة من العين
بتبكى على قلب حزين
تايه وسط الناس
مش عارف رايح فين

برعايه تاكسى

رائعة بجد
بس القصيدة دي محتاجة انا اعد اشفها بيت بيت
ممتازة جدا البتين دول
و لنفسه عذابه بيحكى
على سره هسكت و أتكتم
مع انهم مش ورا بعض الا انهم متنسقين جدا جدا

و كمان
أنا دمعة عين مجروحة
على قلب حزين مدبوحة
هنا مش معروف مين المدبوح ودي اجمل حاجة يعني منكن الدمعة او الكاتب نفسة
بس كدة هنحتاج منك مناديل كلنا هنعيط ههه

جميل ابداعك انار سماء المنتدى

كلمات معبره و صادقه

تحياتى

بلاشك انها ابيات جميله لاتصلح للسكن لكنها ابيات تصلح لتكون مجري للعيون تسيل فيها الدموع لعلها تصل الى هؤلاء المحبين العطشي ولن افتي وهنا استاذ الشعر ومعلمه/حسام ابراهيم... الغالى فهو اقدر الناس على التعليق و اسداء النصح في الشعر ولاشك انه تمتع معنا وسوف نتمتع معه بكل ما تكتبينه وترسلينه من شعر جميل معبر

حلو اوى يا مى ولاوتها انها بالعامى والعامى اقوى فى حالة زى دى

تسلم ايدك

تسلمولى كلكوا يارب
انا كنت فقدت الامل ان حد يرد
بس الحمد لله
رديتوا عليا وعرفت ارائكم
ومستنيه نقدكم ليا
منورينى جدا جدا

كلمات معبره جدا وفيها حزن رهيب واحساس بالوحده
جميله جدا أستاذه مى ومنتظرين جديدك

كلمات معبرة جميلة ...
تحياتي وتمنياتي لك بالتوفيق..

تسلمولى يارب
ربنا يخليكوا كده
وتشجعونى دايما
منورنى والله