دجاج محشي على الطريقة التركية

الدجاج المحشي على الطريقه التركيه

**********

[ندعوك للتسجيل في المنتدى أو التعريف بنفسك لمعاينة هذه الصورة]

الـمـقـاديــر :

1حبه دجاج كبير
كوب أرز مصري
2 /1 كوب زيت نباتي
2 كوب ماء مغلي
1 بصل
2 ملعقة طعام صنوبر
2 ملعقة طعام زبيب
1 ملعقة شاي نعناع مجفف
1 ملعقة شاي قرفة ( دارسين )
ملح + فلفل أسود
(ممكن وضع البسلة حسب الرغبة)

طـريقـه الـتحـضيـر :

1- نغسل الدجاجة جيداًمن الخارج والداخل ثم نتبلها بعصير الليمون والملح والفلفل الأسود ...

2- نضع الزيت في قدر على النار ونضيف له البصل المفروم ونقلبه حتى يصبح لونه ذهبي ..
.
3- ثم نضيف الأرز بعد غسله ونضيف البهارات والزبيب والصنوبر ونقلب المحتويات على نار متوسطه ...

4- نضيف الماءالمغلي ونتركه حتى ينضج ...

5- نحضرالدجاجه ونحشيها بالرز ثم نغلق الفتحه بأعواد الأسنان ...

6- بعد ذلك نضعها في كيس الفرن وندخلها في فرن حرارته 160 درجة مئويه ونتركها لمدة ساعة حتى تنضج تماماً ..

7- نخرج الدجاج من الفرن وننزع عنه الكيس ثم نضعها في طبق التقديم مع البطاطس المقليه والخضار المسلوقه ..

......................

وبألف هنا وشفا
تحياتي.....

الطريقة دى جميلة جداً يا منى
انا مجربها اكتر من مرة بس بإختلاف الحشو لأنى بعمل نفس الخلطة اللى قلتى علينها لكنى بأضيف لحم مفروم
لكن مؤكد انها هتكون جميلة من ايدك

أكيد يا أحمد باللحم المفروم حتكون رووووعة
لكن أنا بصراحة ماجربتش الطريقة دى..
غالبا بحشيها رز وفريك ....باختلاف الطريقة كل مرة
لكن أنت كده حتخليني أجرب أحشيها لحم مفروم ..وأقولك رأيي !
لكن ايه الاضافات على المفروم غير البصل والتوابل..يعني بتحط بسلة برضه !

متشكرة يااحمد على مرورك .. وعلى الفكرة الجميلة اللي قلتهالي
لأن أنا بحب في أكلاتي دايما التنوع وتجديد الأفكار..

[ندعوك للتسجيل في المنتدى أو التعريف بنفسك لمعاينة هذه الصورة]

اه واللهى بحط بسلة بتكون روعة وممكن قطع صغيرة جداً من الجزر
على فكرة انا بعمل كوبيبة كمان وبتكون بنفس الحشو دة
جربى الكوبيبة بنفس الحشو وهتعجبك

والله أنت رائع يا أحمد
قلتلي على صنفين جداد لاااااااااااااانج بالنسبة لي
وبخبرتي ..بقولك من قبل مااعملهم انهم حيكونوا حلوين جدا
بس أنا باذن الله حنفذهم ..ويمكن كمان أصورهم..وحقولك أكيد رأيي !

ربنا يخليك يا أحمد ..ومايحرمناش من مرورك
اللي دايما بيثرى المواضيع ..وبتفيدنا كتير مناقشاتك ومشاركاتك

لك سلامي وتحياتي وتقديرى ..

ربنا يخليكى يا منى انتى طول عمرك مجاملاتك لطيفة
ودايماً بتتقبلى الافكار بتاعتنا من غير ما تضايقى

طيب اقولك على فكرة تانية
بصى انتى ممكن تعملى نفس الحشو دة لحمة مفرومة وبسلة وجزر صغير مش مبشور لأ صغير ويكون نفس الخلطة اللى قلتى عليها وتحطى عليهم بيض مخفوق وتحشى بيها
/
/
/
/
/
/
/
تحشى بيها جلاش على شكل مربعات مقفولة من الأجناب ويكون كل مربع لوحدة
وطبعاً انتى عارفة هتجيبى الجلاش منين
من عند فاروق بتاع العباسية
مش انتى من العباسية بردة

هتعجبك اوى ان شاء الله

ههههههههههههه
حيطلع أحلى جلاش ده يا أحمد عشان من عند فاروق بتاع العباسية

أنا على فكرة بعمل الجلاش بالخلطة دى ..بس الجديد عليه البيض ..
وأكيد حيديله طعم لذيذ مختلف

بس أنت أفكارك رائعة يا أحمد ..وواضح انك متذوق تمام للأكل
فياريت ماتسيبنيش لوحدى في القسم ده
ابقى عدى علينا ..عشان نستفيد من أفكارك الجميلة ...
وكمان تدوق الأكل اللى بنعمله وتقول لنا رأيك...!!!!

اكله جميله أستاذه منى وشكلها جميل ويجوع بجد دائما اكلاتك شهيه وتفتح النفس
وما شاء الله انت والأستاذ احمد شاطرين جدا
وبجد فوجئت اما لاقيت الأستاذ احمد شاطر كده
ايه رايك يا ملكه ندبسه فى اكله فى اللقاء الجاى هههههههههههههه
وتحياتى اليكم

استاذتنا العظيمه منى

ارى انك ضد الريجيم و بعدين خلى بالك يا منى احنا طماعين

و كل ما هاتوصفى حاجة هانقول مش متخيلينها خلينا نجربها

انا بس خايف عليكى

اما استاذ احمد ابو زيد فهذا اكتشاف جديد لجانب من جوانب تميزه فواضح انه بيفهم فى موضوع الاكل كويس جدا

عموما من دواعى سرورنا استكشاف المواهب و القدرات فى السادة اعضاء و مشرفى المنتدى

كما اكتشفنا موهبة الشعر فى مصطفى ابو النجا و اوبرا فها نحن نكتشف موهبة التذوق فى اخونا احمد ابو زيد فاهلا به مشاركا و مضيفا لهذا القسم الذى يشرف بادارتك له و ننتظر موضوع جديد بوصفه جديده من الاستاذ احمد ابو زيد

و عاوزين نشوف تيتو بعد ما ياكل وصفة احمد ابو زيد هايقول ايه تسلم ايدك يا منى برضة و الا تسلم ايدك يا احمد عموما هايبان عليه النتيجة

تحياتى

taher كتب:: اكله جميله أستاذه منى وشكلها جميل ويجوع بجد دائما اكلاتك شهيه وتفتح النفس
وما شاء الله انت والأستاذ احمد شاطرين جدا
وبجد فوجئت اما لاقيت الأستاذ احمد شاطر كده
ايه رايك يا ملكه ندبسه فى اكله فى اللقاء الجاى هههههههههههههه
وتحياتى اليكم

ربنا يخليك ياطاهر
وماشاء الله شايف أحمد طلع أستاذ ..خلاص راحت علينا ياطاهر....
بس بلاش ندبسه والنبي لحسن مايعديش علينا في قسم المطبخ تاني
يقولك كل تعدية بتدبيسة ...بلاش منها

بس بجد أحمد طلع أستاذ كبير ...

تحياتي لك ..وربنا مايحرمنيش من مرورك

[ندعوك للتسجيل في المنتدى أو التعريف بنفسك لمعاينة هذه الصورة]

Hosam Ibrahim كتب:: استاذتنا العظيمه منى
ارى انك ضد الريجيم و بعدين خلى بالك يا منى احنا طماعين
و كل ما هاتوصفى حاجة هانقول مش متخيلينها خلينا نجربها
انا بس خايف عليكى
اما استاذ احمد ابو زيد فهذا اكتشاف جديد لجانب من جوانب تميزه فواضح انه بيفهم فى موضوع الاكل كويس جدا
عموما من دواعى سرورنا استكشاف المواهب و القدرات فى السادة اعضاء و مشرفى المنتدى
كما اكتشفنا موهبة الشعر فى مصطفى ابو النجا و اوبرا فها نحن نكتشف موهبة التذوق فى اخونا احمد ابو زيد فاهلا به مشاركا و مضيفا لهذا القسم الذى يشرف بادارتك له و ننتظر موضوع جديد بوصفه جديده من الاستاذ احمد ابو زيد
و عاوزين نشوف تيتو بعد ما ياكل وصفة احمد ابو زيد هايقول ايه تسلم ايدك يا منى برضة و الا تسلم ايدك يا احمد عموما هايبان عليه النتيجة
تحياتى

والله بجد .. أنتوا تؤمروا وأنا أنفذ ...وحكون سعيدة جداااااااااااااااا
وأحمد أبو زيد ده ..طلع حدوتة كبيرة..ماشاء الله عليه
وماتتصورش ياحسام أنا ببقى سعيدة أد ايه لما ألاقي الشباب بالذات بيدخلوا المطبخ وبيفهموا في الأكل
برافو عليه أحمد... لأنه حيكون قدوة جميلة لكل شبابنا
وفعلا عاوزين أحمد يشاركنا بوصفاته الجميلة ..
تحياتي لك ياحسام..وفي انتظار مرورك دائما..

[ندعوك للتسجيل في المنتدى أو التعريف بنفسك لمعاينة هذه الصورة]