مين فى النصراوية استاذ برامج او عايز يتعلم ؟؟

انا يا جماعة عندى خلفية شوية بالفوتو شوب ومش عارف ده ممكن يفيدكم
وانا تحت امر اى حد عايز يتعلم على اد معرفتى

انا زي ما قلت قبل كده
انا افهم الحمدلله (على قدي) في البرامج التالية
Adobe Photoshop CS3
Flash Professional CS3
Illustrator CS3
وعلى قدي بجد شوية في 3D Studio Max
وعندي فكرة سريعة عن Adobe After effects وبدأت بالفعل اقرا عنه شوية
الحقيقة في اليومين الجايين مش عارف اذا كنت هقدر اقدم دروس مباشرة في الفوتوشوب لاني واعد نفسي اخد فترة نقاهة شوية اقرا كتاب كان نفسي اقراه وبصراحة مستريح اني قاطع الانترنت ههههه بس بخش كل شوية كده اشيّك عليكم من الموبايل او غيره
انا بالفعل كاتب كام درس في الفوتوشوب في مدونتي الشخصية بس في دروس لازم اقدم خلفية عنها الاول
لو عايزني انقلهالكم هنا اوك لو عايزيني اديكم روابط الدروس على طول اوك برضه مفيش اي مشكلة بس مثلاً في دروس عن تصميمات الويب 2 ودي لازم اشرح فكرة الويب 2 اساساً كمواقع ثم شغلها في التصاميم بيبقى عامل ازاي لكن في دروس تانية بسيطة زي مثلاً [شرح] كيفية عمل تأثير الانفجار وتنضيف الوش في الفوتوشوب والكلام ده كله وكده وانا موجود معاكم اعتبروني مشارك رسمي


ملحوظة: الحياة من غير نت جامدة اخر حاجة

طب ممكن ميرو وافونا (تقريبا كاتبه الاسم غلط ) وانا نعمل كده دروس للفوتوشوب مع بعض وطبعا اى حد يحب يساعد ودى ننسقها بالرسايل علشان نبدا ومنتاخرش اكتر من كده يعنى خلفيتى انا وميرو على خبرة افونا فى تصميم المواقع اكيد كلنا على المنتدى هنستفيد

اما بقى افونا (0 برضه كاتبه الاسم غلط ) بعد ما تخلص فترة النقاهه اللى انتمديها لنفسك ايه رايك تبدا بباقى مجموعه الادوبى اللى انت عارفها وتحطها بالطريقة اللى تحبها

اوك

اوبرا ازيك
انا اولا مليش فى تصميم المواقع
انا لية فى الفوتو شوب بس العادى للاعلانات وكدة وعندى كمان سى دى
تعليمى جامد جدا صوت وصورة
يعنى شرح وكانك فاتحة برنامج الفوتو شوب وكمان صوت مع الصورة
من الاخر سى دى نار
وتقريبا ملم بمعظم شتغيل الفوتو شوب للمبتدئين
لو اى حد محتاجه انا ممكن اعمله كوبى واجيبهاله
وانا تحت امر الناس كلها واعضاء المنتدى خصوصا

ربنا يخليكي يا اوبرا على فكرة هي بس ناقصها ي هي افيونا ههههه (اسم من ايام عملي كدعم فني للعبة مشهورة على الانترنت)
مين قال اني ففترة النقاهة هوقف اهوه انا بخش كل شوية بالـ USB مع انه خانقني
ومفيش اي مشكلة استغل فترة النقاهة دي كمان في اني اكتب كام موضوع تعليمي في الفوتوشوب
خلاص ان شاء الله دلوقتي الساعة 6 صباحاً و انا عايز انام اول ما اصحى هبدأ افكرلكم في درس حلو كده يليق بيكم

السلام عليكم يا شباب
اعرفكم بنفسي
انا محمد المهدي مصمم من سنة و 7 شهور تقريبا
و عندي خبره متواضعه 4 شهور في مجال الدعاية والاعلان

بالنسبة للبرامج اللي انا بشتغل عليها

Adobe Photoshop CS4 * * * * *
Adobe Illustrator CS4 * * * *
CorelDRAW X4 * * * *
Corel Painter 11 * * *
-
Adobe Dreamweaver CS3 * *
Adobe Flash Professional CS3 * *
SWiSH Max2 * *
Html * *
-
Sony Vegas Pro 8.0 * * * *
Ulead Video Studio * * * * *

اي برنامج من دول هقدم اللي يقدرني عليه ربنا
و ده لينك للجاليري بتاعي عشان لو حد حابب يعرف اتعمل ازاي
http://mahdydesigns.deviantart.com/gallery/
و ده لينك للقناه بتاعتي فيها شويه فيديوهات عشان لو حد برضه حابب يسأل علي اي حاجه
https://www.youtube.com/mahdydesigns

ياريت بقى ننظم دروس تفاعلية لان من الواضح خلاص ان بقى في خبرة كافية من الاعضاء لعمل اللازم ..
انا عارف اني غبت عنكم بس كانت عندي كام مشكلة في الإتصال بالإنترنت و غيرها و كمان كنت مشغول بتصميم موقعي الجديد
بس إن شاء الله كل المشاكل اتحليت وانا معاكم من جديد

خلاص يبقى نتفق وننظم يا استاذى الفاضل علشان القسم اتهجر خلاص

احمد موقعك تحفة جدااااااااااااا ع فكرة

opra كتب:

خلاص يبقى نتفق وننظم يا استاذى الفاضل علشان القسم اتهجر خلاص

يتهجر إزاى وانا موجود
خلاص يبقى نبدأ في تنظيم ورشة عمل وطبعاً المشرف (اقصدك طبعأً ) ينظم ويقسم الشغل ما بيننا ويدينا كده كل واحد واجب يعني حاجة حاجة نبدأ نعملها في دروس

opra كتب:

احمد موقعك تحفة جدااااااااااااا ع فكرة

ربنا يخليكي دي حاجة بسيطة يعني اتعملت بسرعة ومبسوط جدأً إنها عجبتك