وطى صوتك إنت فى مارينا

مقاله من روائع يوسف معاطى

[ندعوك للتسجيل في المنتدى أو التعريف بنفسك لمعاينة هذه الصورة]

حاضر. خلاص. فلقتوني.. و.. ذهبنا
الي مارينا.. ولأنني لست مارينيا اصيلا كنت مضطرا الي التنكر في هيئة
مارينية حتي لا أكسف المدام والاولاد أمام المارينز أعني المارينيين..
ارتديت شورت بلو بتلتميت جنيه علي تي شيرت روز.. مع شبشب ستايل ونضارة..
وكاسكيتة
باختصار الطقم الذي ارتديته هذا
كلفني ما يوازي بالضبط راتبي في الاهرام عن كتابة مقالات لمدة سنة ونص..
كان الشاطيء الذي قبلني علي مضض شاطئا خاصا يقف علي بابه بودي جاردات
يتأملون الداخلين.. ودخلت المدام بكل ألاطة.. وخلفها ابنتنا.. والاصدقاء..
وما ان جاء دوري أنا حتي وجدت يدا تنزل أمامي.. ويسألني صاحب الذراع
القوية.. الباشا داخل لمين ؟

يبدو ان شكلي برغم التنكر كان يبدو
عليه البيئة برضه.. الراجل ده عبيط ولا ايه هو مش شايف الشورت, ولم ينقذني
من الموقف إلا البودي جارد الآخر الذي كان عنده خبر بي.. وقال لزميله سيب
الباشا ده تبع شريف بيه.. وشريف بيه صديقي الذي عزمني هو ماريني قديم غارق
في مارينيته يحب دائما ان يلم حوله صفوة المجتمع, ويبدو أنه اعتبرني ولا
اعرف لماذا اعتبرني واحدا من الصفوة فدعاني إلي الشاطيء الخاص.. وسمعت
البودي جارد الذي منعني من الدخول يقول لزميله مندهشا.. ده يوسف معاطي!!
أنا معرفتوش.. يبدو أن تنكري الذي تصورت انه سينفعني هو الذي كان العقبة
في دخولي

والحقيقة.. الشورت ما كانش
بتلتميت جنيه هو كان في حدود متين وخمسين!! قالت لي المدام وهي سعيدة
بالمكان كان بيقولك ايه البودي جارد, قلت لها لا بس كان عاوز يتصور معايا
انتي عارفة المعجبين ورذلتهم بأه.. نظرت نحوي بغيظ ثم قالت.. طلع الفانلة
برة الشورت.. قلت لها.. بس عشان ماركة الشورت تبان.. ده انا دافع دم قلبي
فيه.. جلسنا تحت الشمسية وانخرطنا بسهولة بين المارينيين حتي لو انك كنت
معنا لم تكن تستطيع مهما أوتيت من قوة الملاحظة ان تفرق بيني وبينهم
لا اريد أن أذكركم ان الشورت لوحده بمتين جنيه

فهذه معلومة وصرتم تعرفونها جيدا..
كانت المايوهات البكيني تمر أمامنا.. كأسراب الحمام واحدة تلي الأخري في
ايقاع متناغم وكأن جاد شويري

هو اللي قال لهم يعملوا كده.. قالت
زوجتنا( وهي مارينية التوجه) متأففة وهي تنظر حولها.. لأ.. الشاطيء ده لم
خالص.. بأه بيئة قوي.. حدجتها بنظرة من طرف المبروكة( عيني) إذ لا أعرف
لماذا شعرت انني المقصود بتلقيح الكلام ده.. واطمأن قلبي حينما وجدتها
تنظر نحو بعضهم وقالت.. لبسهم رخيص قوي..

قلت لها.. هو فين لبسهم ده.. أنا
مش شايف حد لابس اي حاجة.. قالت.. ما انا باتكلم عن المايوهات.. مر بائع
الفريسكا.. وهتفت أبنتنا كالعادة.. عاوزة فريسكا
وجاء الرجل من نفسه كده دون ان
أدعوه واعطاها للبنت كأنه بابا نويل.. و.. لكن بابا الحقيقي الذي هو أنا
يجب ان يدفع.... كام يابابا ؟! ثلاثين جنيه.. قبل ان أهم بان افاصل الرجل
الحرامي.. زغرت لي زوجتي وهمست في غيظ.. خللي بالك.. انت في مارينا..
حاضر.. ومر بائع البطاطس.. وهتفت ابنتنا.. عاوزة بطاطس.. وفي ثانية كان من
نفسه كده يدس قرطاس البطاطس في يد البنت.. و.. عشرة جنيه.. ثم ساندوتشات
سوسيس.. وخمسين جنيه... هكذا.. ولا تأكل ابنتنا سوي قضمة صغيرة من كل حاجة
ثم تنفلت بحركة مارينية اصيلة وتترك كل هذا او تجري علي البحر.. وأنا كان
دوري أن آكل بقايا المفعوصة مش نعمة دي

فيه ناس مش لاقية العيش
الحاف.. همست زوجتنا في اذني بحدة وطي صوتك.. أنت مش قاعد ع القهوة.. انت
في مارينا.. وفجأة مرت أمامنا امرأة ومعها رجل ماريني.. قالت زوجتنا.. دي
سوزي.. صاحبتي.. وما ان رأتها سوزي حتي عانقتها. وأزيك.. وعامله أيه..
وكله كويس.. وانجوي بأه.... وموبايلات والحاجات دي.. ثم قدمت لنا الرجل
الماريني.. الذي كان مرتديا شورت نسخة طبق الاصل من شورتي ابو مية وخمسين
جنيه وقالت لنا اشرف جوزي. ولما كانت سوزي في العام الماضي قد قدمت لنا
رجلا آخر بنفس الصفة

همست لزوجتي.. هي مش كانت
متجوزة واحد تاني طلع امتي ده.. فنظرت نحوي بغيظ وقامت.. وطي صوتك.. انت
في مارينا.. جاءت ابنتنا تجري من البحر وخاطبتني بانجليزية سليمة متأثرة
بالجو المحيط بها.. بابي آي ونت بي نت.. يعني عاوزة فول سوداني.. وردت
عليها امها بانجليزية اغاظتني قليلا.. اوكيه دار لنج.. لاحظوا اني كل ده
قافل بقي.. ثم فجأة مر بنا رجل ماريني ومعه امرأة رائعة.. وجاء نحوي وسلم
بحرارة انت مش فاكرني.. أنا عصمت جوز سوزي.. اللي قابلتك السنة اللي فاتت
اقدم لك هايدي مراتي

همست لزوجتي.. هو عصمت وسوزي
بيصيفوا هما الاثنين في مارينا وكل واحد معاه فردة جديدة.. صرخت زوجتي
وقالت.. وبعدين.. انا قلت أيه... وطي صوتك.. انت في مارينا.. وأخيرا جاء
الرجل بتاع البي نت اللي هوه السوداني ليأخذ حسابه.. كام ياعم.. قال
أربعين جنيه.. صرخت فيه بأه ما انا كاتم في قلبي من الصبح شوية سوداني قد
كف البت بأربعين جنيه ليه كيلو السوداني لما يضربه الدم يعمل كام ياعم
الحاج

والتف حولنا المصطافون وأنا كأني
ماسورة وانفتحت.. توترت زوجتي.. وأخذت تشدني من الشورت ابو اربعين جنيه
ولما فاض بها الكيل.. صرخت.. قائلة.. فضحتنا.. اقعد بأه ـ وامسك لسانك
ده.. أنت ايه.. هنا.. همست لها بحدة.. وطي صوتك.. انتي في مارينا.. و..
عدنا

يوسف معاطى

الله يجازيك يا طارق انت مفترى يا ابنى واللهى
واللهى يا طاروقة انا فطست من كتر الضحط
بصراحة جميلة جداً ويوسف معاطى دة طلع قنبلة
شوفت حكاية الشورت اللى كان بتلتميت جنية وفجأة نزل لأربعين جنية
والا حكاية الراجل المارينى دة
بصراحة المقالة كلها تحفة
تسلم ايدك يا عسل

هههههههههههه هههههههههههههه

والله يا تيتو مقالة رووووووووووووووعة

والاروع هو من وضعها لنا هنا يا تيتو يا غالى

وكعادتى معك ومع اى اخ او اخت

اننا بنكمل بعض هههههههههه

خش على مارينا وجمالها

[ندعوك للتسجيل في المنتدى أو التعريف بنفسك لمعاينة هذه الصورة]

والنبي لما يوسف معاطي يحصل له كل ده في مارينا
أمال احنا حيحصل لنا ايه لما نروحها...
لأ...وأبو مودى بيقول لنا ياللا بينا نروح مارينا
روحها لوحدك ياابو مودى ..
احنا غيّرنا رأينا وحنكتفي بالصور الجميلة الحلوة اللذيذة .. اللي انت نزلتهالنا
بس أتوقع انك حتيجي من مارينا بمقالة ..
عنوانها "اسكت خالص ..انت في مارينا "
ههههههههههههههههههه

تحياتي لك ياطارق ..يامشرف يارائع
وكل الشكر لأبو مودى على الصور الجميلة اللى كملت الموضوع

لكما تحياتي وتقديرى ..

[ندعوك للتسجيل في المنتدى أو التعريف بنفسك لمعاينة هذه الصورة]

حقيقى موضوع طريف ولى هدف وبجد يوسف معاطى ده مشكله
موضوع جميل اخى الغالى طارق وبعدين ما ينفعش كده وطى صوتك يا أستاذ طارق احنا فى ماريناودائما فى انتظار جديدك
وانا هعمل زى الملكه وهكتفى بالصور بتاعة الزعيم أبو مودى
وتحياتى اليكم جميعا

موضوع رااااااااائع جدا وطريف
بس بجد م تيجي نروح مارينا
Very Happy

ahmed_abouzid كتب:: الله يجازيك يا طارق انت مفترى يا ابنى واللهى
واللهى يا طاروقة انا فطست من كتر الضحط
بصراحة جميلة جداً ويوسف معاطى دة طلع قنبلة
شوفت حكاية الشورت اللى كان بتلتميت جنية وفجأة نزل لأربعين جنية
والا حكاية الراجل المارينى دة
بصراحة المقالة كلها تحفة
تسلم ايدك يا عسل

والله يا أبو حميد الموضوع جامد جدا

ويوسف معاطى طول عمرى باحب مقالاته

أنا بس قولت أنقل لكم حاجه بسيطه من كتاباته

شكرا يا أحمد لمرورك العطر

abo mody كتب:: هههههههههههه هههههههههههههه

والله يا تيتو مقالة رووووووووووووووعة

والاروع هو من وضعها لنا هنا يا تيتو يا غالى

وكعادتى معك ومع اى اخ او اخت

اننا بنكمل بعض هههههههههه

خش على مارينا وجمالها
[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

الله عليك يا أبو مودى يا عسل

والله شوقتنا للبحر

جميييييييييييييله قوى الصور يا أستاذنا

ودايماً تتحفنا بإضافاتك

شكرا يا غالى لمرورك

[ندعوك للتسجيل في المنتدى أو التعريف بنفسك لمعاينة هذه الصورة]

بارك الله فيك يا امير المنتدى

موضوع رائع بجد و الاروع الرساله التى يريد الكاتب ان يوصلها لنا

اللهم لا اعتراض

لله فى خلقه شئون

و خلينا فى صور ابو مودى و الجزيرة بتاعة مصطفى فاكرها و الا نسيتها

احنا كنا حاجزين يا ترى مصطفى لسه جاد فى كلامه و الا نوديه مارينا هههههههههههههههههههههههههههه

تحياتى

على فكرة يا تيتو انا سحبت منك التصريح اياه

فاكر ولا ناسى

عمال تقول وطى صوتك .وطى صوتك

مالها الجزيرة اللى انا كنت جايبهالكوا

سعر رخيص . ..... تصرخ للصبح

تعمل اللى انت عايزه

كويس يا باشمهندس انك فكرته

على العموم

يوسف معاطى ده دمه زى العسل

وانت دايماً مواضيعك

زى العسل

شكراً يا طارق

وعلى صوتك مايهمكش

انت فى اسكندرية

تروح وترجع بالسلامة

وتنور النادى والمنتدى والدنيا كلها

mona kabara كتب:: والنبي لما يوسف معاطي يحصل له كل ده في مارينا
أمال احنا حيحصل لنا ايه لما نروحها...
لأ...وأبو مودى بيقول لنا ياللا بينا نروح مارينا
روحها لوحدك ياابو مودى ..
احنا غيّرنا رأينا وحنكتفي بالصور الجميلة الحلوة اللذيذة .. اللي انت نزلتهالنا
بس أتوقع انك حتيجي من مارينا بمقالة ..
عنوانها "اسكت خالص ..انت في مارينا "
ههههههههههههههههههه

تحياتي لك ياطارق ..يامشرف يارائع
وكل الشكر لأبو مودى على الصور الجميلة اللى كملت الموضوع

لكما تحياتي وتقديرى ..

[ندعوك للتسجيل في المنتدى أو التعريف بنفسك لمعاينة هذه الصورة]

معلش يا ملكه ردى متأخر حبتين

بس باقولك إيه أنا لسه واحد صاحبى راجع من مارينا

وزوجته مارينية الأصل متملقه

ويتميز أولاده بالسمات المارينيه الأصيله بحكم المدارس الأجنبيه اللى بيدرسوا فيها

بس يا ولداه

فقد النطق خالص

ربنا يلطف بيه

taher كتب:: حقيقى موضوع طريف ولى هدف وبجد يوسف معاطى ده مشكله
موضوع جميل اخى الغالى طارق وبعدين ما ينفعش كده وطى صوتك يا أستاذ طارق احنا فى ماريناودائما فى انتظار جديدك
وانا هعمل زى الملكه وهكتفى بالصور بتاعة الزعيم أبو مودى
وتحياتى اليكم جميعا

بص بقى يا طاهر

بلاها مارينا خالص يا سيدى

هو إحنا هانوطى صوتنا فى البيت وفى مارينا كمان؟

تحياتى ليك يا صديقى الغالى طاهر

وربنا ما يحرمنيش من مرورك الكريم على موضوعاتى

The Prince كتب:: موضوع رااااااااائع جدا وطريف
بس بجد م تيجي نروح مارينا

لا يا عم روح لوحدك

مش هالعب مع العيال الوحشين دول

تحياتى يا برنس

Hosam Ibrahim كتب:: بارك الله فيك يا امير المنتدى
موضوع رائع بجد و الاروع الرساله التى يريد الكاتب ان يوصلها لنا
اللهم لا اعتراض
لله فى خلقه شئون
و خلينا فى صور ابو مودى و الجزيرة بتاعة مصطفى فاكرها و الا نسيتها
احنا كنا حاجزين يا ترى مصطفى لسه جاد فى كلامه و الا نوديه مارينا هههههههههههههههههههههههههههه

تحياتى

ما هو مصطفى خلع كالعاده

دايماً يسخننا ويهرب

إنت فيييييييييييين يا مرزوق ....أأأأ يا مصطفى

هى التصاريح والجزيره كانوا أوهام والا ايه؟

شكرا يا باشمهندس حسام لتواجدك الدائم بموضوعاتى

مصطفى ابو النجا كتب:: على فكرة يا تيتو انا سحبت منك التصريح اياه

فاكر ولا ناسى

عمال تقول وطى صوتك .وطى صوتك

مالها الجزيرة اللى انا كنت جايبهالكوا

سعر رخيص . ..... تصرخ للصبح

تعمل اللى انت عايزه

كويس يا باشمهندس انك فكرته

على العموم

يوسف معاطى ده دمه زى العسل

وانت دايماً مواضيعك

زى العسل

شكراً يا طارق

وعلى صوتك مايهمكش

انت فى اسكندرية

تروح وترجع بالسلامة

وتنور النادى والمنتدى والدنيا كلها

يا رب يبارك لك يا مصطفى

وشكرا لتعليقك الجميل

بس فين يا عم الرحله اللى كنت عازمنا عليها فى الجزيره إياها

انت طلعت بتاع كلام

حبيبى يا درش

ربنا ما يحرمنيش منك أبدا

ويخليلك أولادك

انا اصلا بحب يوسف معاطي وبقرأله كتب كتير اوي

هوا فعلا راجل كوميدي ..

وموضوع جميل ..

تقبل مروري ..

hema كتب:: انا اصلا بحب يوسف معاطي وبقرأله كتب كتير اوي

هوا فعلا راجل كوميدي ..

وموضوع جميل ..

تقبل مروري ..

ويوسف كمان بيحبك يا هيما

زى ما كلنا بنحبك

شكرا لمرورك يا هيما