[اقتراح] بخصوص منتديات التقنية والتكنولوجيا

الحقيقة كتبت الموضوع ده لما كنت عايز اكتب موضوع وملقتش ليه مكان في المنتدى
ببساطة شديدة انا مش بستخدم الويندوز الا للشديد القوي انا مستخدم لنظام مفتوح اسمه لينُكس
وكنت عايز اعرف الناس بالنظام ويعني ايه مصدر مفتوح فكنت هبدأ اكتب سلسلة في المواضيع ديه
او مثلاً اكتب عن حلول لمشاكل عويصة بتقابلنا في الويندوز
الصراحة ملقيتش مكان للحاجات دي
اصلها مش لغة برمجة عشان اكتبها في الـ programming languages ولا هي برامج حصرية ولا شبكات .. الخ
فا لو نهتم شوية بالجزء ده وخصوصاً انه بقى جزء مهم من حياتنا الا وهو الكمبيوتر
يعني مثلاً قسم لانظمة التشغيل وقسم لاخبار التقنية وقسم عام للتكنولوجيا وهكذا
طبعاً القسمين الاول والتاني مفهومين
اما التالت فهو مثلاً ان الاعضاء تتطرح مشاكل او تساؤلات والاعضاء برضه هي اللي تحلها لبعضها
و لو واحد عايز ينشر موضوع لحل مشكلة معينة برضه وهكذا
او مثلاً نعرف الناس بقدرات خفية لخدمة احنا بنستخدمها ومش عارفين قدراتها كاملة زي جوجل مثلاً
وبعدين فين اقسام تطوير الويب يا جماعة

انا عارف ان بعض الاقسام ممكن مش تبقى مهمة للاعضاء عشان كده انا عايز رأى الأعضاء وقصدت اني محطش اقتراح لاقسام معينة بعينها عشان يبقى الكلام مفتوح للجميع والافكار اكتر ومش محكومة باقتراح قسم معين
على فكرة انا مش دماغي جزمة فرأيي صواب يحتمل الخطأ ورأي غيري خطأ يحتمل الصواب
عشان كده متقبل فكرة رفض الاقتراح بوجه عام بشكل كويس جداً
انا عارف اني طولت عليكم يا جماعة وعارف انكم عايزين تضربوني بالنار من ساعة ما جيت بس معلش استحملوني اصلي رخم شوية وشبه الكورة اللي بتلعب ديه <<

انا حتى درسته بس نظرى ففعلا كلامك مش صداع ولا حاجة ده مهم جداااا.......ومدام مستر ميمو قال انه هيهتم بالموضوع ده يبقى هيهتم