عاجل الى كل ربات البيوت :كيف تقضين يومك؟

كل فتاة تظل تحلم من الصغر بالزواج و شريك العمر والاحلام الرومنسيه اللى كلنا طبعا عشناها وعارفينها كويس و بتكون راسمه لحياتها صوره ورديه ومثاليه جدا هوا طبعا لازم يكون فيه جانب رومانسي الى جانب المسئوليات والالتزامات الكتيره جدا
لكن هل سألتى نفسك فى يوم انا فين من كل دا؟
هل انتى كان كل حلمك انك تكونى زوجه وبس؟
هل ليكى دور ايجابى فى حياة اطفالك ,زوجك
طيب بلاش كل دا بتعملى ايه عشان تسعدى نفسك؟ايوه ما هو لما تعملى حاجه بتلاقى نفسك فيها هتحسي بالسعاده ودا طبعا هينعكس على بيتك و اولادك
على فكره انا كلامى دا من واقع تجربه شخصيه لانى عشت فى فترة ما حياة الفراغ و الاكتئاب طبعا كل ازواجنا مشغولين فى حياتهم العمليه ربنا يعينهم فكان ان بدأت اكمل حياتى العمليه وابأ فى الدراسات العليا وفعلا نجحت فى الحصول على الدبلومه (جيد جدا) واشعر بسعاده بالغه وانى اكتسبت ثقه اكبر بنفسي
طبعا مشبقول ان كل الستات لازم تدرس لكن دا مجرد مثل وعلى فكره انا عندى طفلين عمر 6سنوات و عبد الرحمن 3 سنوات

ممتاز والى الامام
يجب الا يقف اي شئ عائق امام طموح المراة او الرجل
على فكرة ده احساس ناس كتير سيدات ورجال متزوجون وغير متزوجين

الله عليكى يا ولاء

موضوعك ده بيلمس كل المتزوجين حديثاً

وبالقطع هايفيد المقبلين على الزواج

الجميع لديه أحلام المملكة بعد أن كان مجرد فرد فى مملكة أبيه وأمه

وتمر الأيام بالزوجه حتى تنسى ما درسته وتصبح الأيام التى تمر بمثابة فقدان لما حصلت عليه طيلت حياتها

أحييكى بشده وأدعوا كل الإخوه للإقتداء بهذا المثل الحى الذى إن دل يدل على الإصرار والعزيمه

أشكركك للتنويه والنصيحه لهذا الأمر الهام جدا

وتقبلى منى صحبة ورد

[ندعوك للتسجيل في المنتدى أو التعريف بنفسك لمعاينة هذه الصورة]

تحقيق الذات ان عمل الانسان لاى شى هو يحبه او ان يرتبط بشئ وهو لايحبه ولكن مطالب بالنجاح فيه هو تحقيق لذاته انا موجود انا انجز انا انجح فى الاختبارات التى امر بها سواء صعبة او سهلة والسعادة وتحقيقها فى داخل الاسرة هو اختبار للزوج والزوجة وتحقيقه من اصعب الامور لانه عندما يتحقق تنتقل السعادة من داخل الاسرة الصغيرة الى الخارج فى عمل الزوج وحياة الزوجة وعملها ايضا وعلاقتهم بالاخرين واعتقد واحسبهم كذالك بسم الله ما شاء الله ان الاخت بامر الله قادرة على تحقيق معادلة السعادة الزوجية لافراد اسرتها مما يجعلها قادرة على تحقيق الذات الذى اصبح ذات جماعى للاسرة وليس خاص بها فبارك الله فى هذه الاخت واسرتها

اناسعيده جدا بردودكم و تفاعلكم مع الموضوع وحاسه انى قدرت اوصل وجهة نظرى وشكرا لاهتمامكم جميعا
وعلى فكره دى كانت اول مساهمه لى فى المنتدى

وأنا سعيد جدا بأن تكون مساهمتك الأولى فى المنتدى العام

وعقبال ما تملى المنتدى كله بمساهماتك

شكرا لتفاعلك وننتظر المزيد

المنتدى العام وجميع أقسام المنتدى الأخرى ترحب بك

[ندعوك للتسجيل في المنتدى أو التعريف بنفسك لمعاينة هذه الصورة]