شنط رمضان .....للى عايز يعمل خير

السلام عليكم ورحمة الله وبركاتة
بسم الله و الصلاة و السلام على رسول الله،


الرسالة دى وصلتنى من جروب عالفيس بوك كانوا عاملين حملة لتجميع تبرعات لشنط رمضان فياريت تقروها .....

بجد لازم نقول لكل من ساعدنا وشارك معنا فى الحملة جزاكم الله خيرا و الحمد لله يا جماعة خلاص اليوم الى كلنا مستنينوا من أول الحملة جه..

حنبدأ التعبئة إنشاء الله يوم السبت القادم 15/8..
يا جماعة إحنا فى اليوم دا هنعمل (1000) شنطة إنشاء الله
يمكن مش كلنا بيقدر يساهم فى فلوس الشنط والى بيساهم منا من الشباب صعب يشارك بفلوس 1000 شنطة، بس لازم الكل يتأكد أن بمشاركتوا باليوم ده حياخد ثواب 1000 شنطة

يعنى 1000×5 أفراد= 5000 إفطار صائم
5000× 30 يوم=
150000ثواب إفطار صائمين
مستنينكم معانا : 0109945669

إحنا يا جماعة مش بس محتاجين فلوس بس عشان شنط رمضان إحنا كمان محتاجين وقتكم وجهدكم
فلو أى حد عنده وقت ياريت ياجى ويجيب أصحابه معاه

*أى حد حيقدر يجيب تبرعات إحنا لسه محتاجين أوى عشان لسه فى أسر كتير مش حيروح لها الشنط
قال صلى الله علية وسلم (اغتنم خمس قبل خمس اغتنم حياتك قبل موتك واغتنم شبابك قبل هرمك وصحتك قبل مرضك وغناك قبل فقرك وفراغك قبل شغلك)

مين يكون معانا فى تعبئة شنط رمضان؟
كل واحد ناوى يتعب نفسه يوم ويلغى سيئات العمر
كل واحد عطشان حنان ربنا ونفسه يعمل عمل كبير يتقرب بيه لربنا
كل واحد نفسه من غير ما يدفع فلوس يأخد ثواب مئات الصائمين مش بس صائم واحد
كل واحد نفسه يفرح قلوب أسر كتير وأطفالهم
كل واحد ماقدرش يشارك فى التبرع لشنط رمضان بس نفسه يساعد فيها
كل واحد نفسه بكل حبة رز و فاصوليا ومكرونة يعبيها حسنة والحسنة بعشر أضعاف
كل واحد ناوى يجى وهو بيقول من كل قلبه عجلت إليك ربى لترضى
كل واحد كان واحشوا شنط رمضان وبيستنى اليوم دا من السنة للسنة

إن شاء الله التعبئة للبنات يوم السبت 15\ 8

الشباب حيكون من السبت بليل الساعة 8:30 ويوم الأحد 16\8
والشباب برده محتاجنكوا ضرورى أوى يوم الجمعة من الساعة 8:30 بليل عشان تنزيل مواد التعبئة

المكان: السيدة زينب – شارع بورسعيد الرئيسى – مسجد الشيخ خلف بجوار حلوانى العبد
مستنينكم معانا : 0109945669

قال النبي صلى الله عليه و سلم:
"من موجبات الرحمة إطعام المسلم المسكين"
و يقول حبيبنا صلى الله عليه و سلم: "أحب الأعمال إلى الله عز وجل سرور تدخله على مسلم، أو تكشف عنه كربة، أو تطرد عنه جوعا، أو تقضي عنه دينا"
يلا نتقرب لربنا بأحب الأعمال إليه ولنطعم المساكين لننال رحمته عز وجل


نقاط التجمع للبنات "*أى بنت حتحتاج تيجى معانا فى العربيات عند نقط التجمع لازم تكلمنا عشان نعمل حسابها":
• مدينة نصر: مسجد رابعة العدوية الساعة 9:30 – المسؤلة نرمين: 0105768559
• جامعة القاهرة - الباب الرئيسى الساعة 9:30 – المسؤلة: وئام: 0105354502
• مترو التحرير عند بيتزا هت الساعة 10:00 – المسؤلة: إسراء: 0107645915

مين ناوى يجمع أصحابه ويعمل عمل خير ويأخد ثوابهم "الدال على الخير كفاعله"
مين متجمع معانا على الخير
ياريت تبعتو الإيميل دا لكل أصحابكم
"من فطر فيه صائما كان مغفرة لذنوبه، وعتق رقبته من النار، وكان له مثل أجره من غير أن ينقص من أجره شيء"





ياريت اللى هيعرف يساعد ميترددش

ربنا يتقبل من الجميع بأذن الله