إغلاق المدارس المصرية فى حالة انتشار أنفلونزا الخنازير

القاهرة : أكد الدكتور يسرى الجمل وزير التربية والتعليم المصري، أنه اتفق مع الدكتور حاتم الجبلى وزير الصحة، على وضع عدة خطط لمواجهة مرض أنفلونزا الخنازير فى حالة ظهوره بالمدارس، وتتدرج تلك الخطط لتبدأ بإلغاء إجازة السبت الأسبوعية، مروراً بتقسيم الطلاب إلى مجموعتين كل مجموعة تحضر إلى المدرسة 3 أيام، وإعادة نظام الفترتين إلى المدارس، وتنتهى بإغلاق مدرسة كاملة أو مجمع من المدارس بقطاع تعليمى معين.
وشدد الجمل على أن تنفيذ تلك الخطط متوقف على الوضع الوبائى للمرض على المستوى المحلى داخل كل مديرية تعليمية، وليس على مستوى مصر، بحيث يتم التعامل مع كل مدرسة باعتبارها حالة منفردة.
وأكد الجمل بالاتفاق مع الدكتور حاتم الجبلى وزير الصحة، أن اتخاذ قرار بإغلاق فصل بإحدى المدارس أو تطبيق نظام الفترتين أو إلغاء الإجازات، يتوقف على رأى المحافظين والمديريات التعليمية بكل محافظة بالتنسيق مع مديرى مديريات الصحة، أما قرار إغلاق مدرسة أو مجمع مدارس فهو من سلطة وزارة التربية والتعليم بالتنسيق مع الدكتور حاتم الجبلى وزير الصحة.
وأوضح الجمل أنه لن يتم تأجيل بدء الدراسة بسبب أنفلونزا الخنازير، حيث قررنا أن يبدأ العام الدراسى فى 26 سبتمبر المقبل بعد انتهاء شهر رمضان وعيد الفطر.
وأضاف الجمل أنه قرر تخصيص الأسبوع الأول من الدراسة والحصة الأولى فى كل يوم دراسى بالكامل للتوعية بالمرض وطرق الوقاية منه، كما سنلزم مديرى المدارس بتوفير تهوية جيدة فى الفصول وتنظيف أسطح المدارس ومقاعد الطلاب، مع العمل على توفير غرفة لعزل المشتبه فى إصابتهم بالمرض فى كل مدرسة حتى تتم إحالتهم للمستشفى، فى حين سيقوم التأمين الصحى بالفحص الظاهرى على المعلمين والطلاب بشكل يومى وتوفير جرعات كافية من عقار "التاميفلو" المقاوم للمرض بكل محافظة، وستتولى هيئة الأبنية التعليمية التفتيش على نظافة حمامات المدارس.
وأكد الجمل أن وزارة التربية والتعليم تدرس اقتراحاً بتقسيم وقت الفسحة المدرسية على عدد من المرات خلال اليوم الدراسى، فى حين تم التنبيه على مديرى المدارس بأن يتم تفريق الطلاب على دفعات أثناء الانصراف من المدرسة للقضاء على الكثافة الطلابية بكل مدرسة مع توفير "ماسك" واقى لكل طالب"، مؤكداً أن الإدارة العامة ستعمل على تخصيص فترة زمنية أطول لامتحانات نصف العام، مع عقد امتحانات صباحية وأخرى مسائية لتقليل كثافة الطلاب

خلو بالكم من اولادكم عشان ده هيبقي وباء.

شكرا بس انا عايز اعرف هل فى دواء لهذا المرض

عايز اقولك يا دون دون
ان ده اسعد خبر ممكن يسمعه اى طالب او تلميذ فى حياته
لان المدرسة بالنسبة للمصريين
هى عقاب
من شنط تقيلة تكسر الضهر
لمناهج عقيمة ملهاش علاقة باى شىء
وفى الاخر كل الدراسة بتعتمد على الحفظ مش الفهم
انا حاسس ان كل طلبة المدارس هيقدمو جواب شكر
لكل من
وزير الصحة ووزير التربية والتعليم
بس مكنش الحوار ده اتعمل والواحد لسة فى الدراسة

الهـــــــــــــــــــم ارفــــــــــــــــــع عنـــــــــــــــا البـــلاء والوبـــــــاء عــن بلادنــا
فـــــأنت علــــــــــــــى كــــــــــل شـــــــــــىء قـــــدير
الهــــــم احفـــــــــــظ اولادنا من كــــــل مكــــــورة وســــــــــــــــوء

فعلا دا اسعد خبر لاى طالب او طالبة

يا جماعة لازم تخافوا على اولادكم لو بجد المرض ده انتشر في المدارس انا عن نفسي مش هروح المدرسة والايام الاولى في المدرسة لازم نلبس كمامة هى صحيح ملهاش لزمة اوى بس بردوا

بصى يا دوندون

فعلا الحرص واجب

مش بس على الأطفال لأن إحنا نفسنا ممكن نكون مصدر للعدوى

لذا يجب علينا جميعاً إتخاذ الإجراءات الوقائيه ضد إنتشار مرض الإنفلوانزا H1-N1

والتى أزاعتها وزارة الصحه فى جميع وسائل الإعلام

وبالنسبه Mazan

يوجد دواء وهو عقار التاميفلو وهو علاج فعال جدا

وبتجربه لأحدى صديقاتى وكانت مصابه بالمرض وهى فى المملكه العربيه السعوديه وتم حجزها خمسة أيام فى المستشفى وتعاطت التاميفلو والحمد لله هى بخير حال الآن

المهم عند ظهور الأعراض التوجه فوراً لمستشفى متخصص مثل الحميات

والسبب فى عدم توافر العقار فى الصيدليات أو المستشفيات الخاصه هو أن إنتشار إستخدام التاميفلو من قبل غير المرضى بغرض الوقايه سوف يدفع الفيروس للتحور وإنتاج شكل جديد من فيروسات الإنفلوانزا الأكثر تعقيداً والتى من الممكن أن نعجز فى علاجها

وأفتكر إن خبر إغلاق المدارس ده ما يفرحش ولا حاجه لأن إغلاق المدارس يعنى إنتشار المرض ويمكن تناقله من أى مكان عام آخر غير المدارس.......مثل النوادى والسينما وغيرها من المنتزهات

وأخيراً علينا أن ندعوا الله أن يرفع عن مصرنا البلاء والوباء

شكرا لك يا استاذ طارق
شكرا لك يا حكيمنا الكبير
شكرا لك يا ميرو
Mazanشكرا لك يا

شكرا ليك يا عمو طارق الوقاية طبعا للكبار والصغيرين اه لكن للصغيرين لازم تبقي اكتر لان الاطفال مناعتهم بتكون ضعيف فبالتالى بيستقبلوا اى مرض لكن الكبار اكيد عندهم مناعة فلازم كل واحد يحاول يقوى مناعه طفلة وشكرا ليكم

اقتباس :

فعلا دا اسعد خبر لاى طالب او طالبة

ربنا يستر علينا يا رب

انا شهادة . وعايز ان شاء الله اخش مدرسة المتفوقين يعني مش ناقصة عطلة هي

محبكتش تتقفل الا وانا في شهادة

والله المستعان

معلش يا هيما معلش متخفش احتمال كبير متتقفليش

هيما شهادة يا ناس

ايوا قوليلهم عليهم يحسوا

بس انا عايز اخد اجازة يعني

بجد الناس محتاجة توعية واللى بيوصل للناس كلام عن وباء عن خطر مفيش حد بيقول العلاج ايه فربنا يكفينا شر الوباء

يارب يا فوفو ميرسي جدا نورتى المنتدى ونورتى صفحه موضوعى
والله يا اختى الناس مرعوبة
وتم تاجيل المدارس الى 3 اكتوبر وبعدها اتاجلت ل 13 اكتوبر والله احنا مش عارفين اى حاجه
دا غضب ربي وربك
وربنا يعفو عننا وشكرا لكي اختى الغالية

آخر الأخباريا دوندون

[ندعوك للتسجيل في المنتدى أو التعريف بنفسك لمعاينة هذا الرابط]