هانطبخ إيه أول يوم فى رمضان؟؟؟

السلام عليكم ورحمة الله وبركاته

كل عام وأنتم بخير

أعاد الله الشهر الكريم علينا وعليكم بالخير والبركات إن شاء الله

وأدى الشهر حل علينا ويا رب نكون جاهزين

مش جاهزين؟؟؟؟

مش عارفين هانطبخ إيه أول يوم

إيه الحيره دى؟؟

طب ياللا نقترح هانطبخ إيه فى أول يوم رمضان

ونفيد بعض ده إحنا هانعمل 30 أكله إن شاء الله طول الشهر

عشان كده التوبيك ده ممكن يكون مفيد لينا كلنا

تحياتى ليكم

وكل عام وأنتم بخير

أنتظر مساهماتكم

ان شاء الله اول يوم

هنطبخ

محشى

وحمام

ولازم القطايف

وطب ماله الفوووووووووووووووووووووول

برجــــــاء الاهتمــــــــام بالغذاء الروحــــــى والنفســى قبل الاهتمام بالغذاء المعدى
فهــذة فرصـــة كبيرة عينا ان نغتنمهــــا
عزيزى الغالى طارق كـــل عـــام وحضــرتك بخيـــر

اقتباس :: من طرف [ندعوك للتسجيل في المنتدى أو التعريف بنفسك لمعاينة هذا الرابط] اليوم في 5:06 pm[ندعوك للتسجيل في المنتدى أو التعريف بنفسك لمعاينة هذا الرابط]
----
[ندعوك للتسجيل في المنتدى أو التعريف بنفسك لمعاينة هذا الرابط]

برجــــــاء الاهتمــــــــام بالغذاء الروحــــــى والنفســى قبل الاهتمام بالغذاء المعدى
فهــذة فرصـــة كبيرة عينا ان نغتنمهــــا
عزيزى الغالى طارق كـــل عـــام وحضــرتك بخيـــر

معاك حق يا باشا والله

مصطفى ابو النجا كتب:: ان شاء الله اول يوم

هنطبخ

محشى

وحمام

ولازم القطايف

واضح إن المحشى ده مقرر

كل الناس عامله محشى أول يوم

عشان كده رفضت كل العزومات اللى فيها محشى

وقررت أفطر فى البيت أول يوم محشى

كل سنه وإنت طيب يا درش

وبالهنا والشفا

ashrafkandiel كتب:: وطب ماله الفوووووووووووووووووووووول

واللا البتنجان يا أستاذ أشرف

الحكيم الكبير كتب:: برجــــــاء الاهتمــــــــام بالغذاء الروحــــــى والنفســى قبل الاهتمام بالغذاء المعدى
فهــذة فرصـــة كبيرة عينا ان نغتنمهــــا
عزيزى الغالى طارق كـــل عـــام وحضــرتك بخيـــر

أستاذنا ومعلمنا الحكيم الكبير

كل عام وأنت بخير وبأحسن حال إن شاء الله

وبارك الله لنا فيك

وأشكرك من كل قلبى على تهنئتك التى أسعدتنى كثيراً

ما قولتليش بقى هاتفطر إيه أول يوم

كل عام وأنت بخير

مساء الخير على أحلى أعضاء

وكل عام وأنتم بخير بمناسبة شهر رمضان الكريم

طبعا كالعادة في أول كل رمضان كان عندى عزومة النهاردة
وربنا يديم العادة الجميلة دى علينا..
بس المشكلة اني من شدة حرارة المطبخ كنت عطشانة جدا من أول النهار..

المهم ..دى الأصناف اللي أنا عملتها النهاردة

- محشي بأصنافه ..ذى مصطفى وطارق

- أرز بالخلطة
-فراخ بالبصل والتوابل في الفرن
- ملوخية بالأرانب
- - سمبوسك باللحم المفروم
- ( بيكاتا ) شرايح من صدر الديك الرومي
- كفتة الملضومة بالخضار
- - شوربة ( منى ) الخاصة برمضان ..بالطماطم ومكعبات اللحم وحمص الشام ولسان العصفور والبقدونس...( روووووووعة )
- سلطات منوعة

الحلو: كنافة – قطايف ( بالعجوة – وبالمكسرات )
وخشاف أكيد....

وعشان خاطر عيونكم ..حقولكم طريقة البيكاتا ..وأى صنف آخر عاوزين طريقته ...أنا تحت أمركم..

( بيكاتا ) شرايح من صدر الديك الرومي
................

المقادير :
جبنة رومي مبشورة أو بارميزان – 3 بيضة – نصف كوب لبن – بقدونس مفرى – زعتر وكمون وملح وفلفل
نضع شرايح الديك في الخليط ونتركه فترة من الزمن ليتشرب كويس
ثم نضع الشرايح في الدقيق من الجهتين
طاسة تيفال ساخنة بها قليل من الزيت والزبدة ونحمر الشرايح من الجهتين
وتجمل بالبقدونس المفرى وتقدم..

وطبعا نصيحتي لكم جميعا طوال شهر رمضان
ننوع في الأصناف..لكن نقلل في الكميات

شكرا لك ياطارق على موضوع الجميل ..لأنه حيساعدنا اننا نستفيد من أفكار بعض
في تشكيل سفرة جميلة ..لأن موضوع حنطبخ ايه النهاردة ده
محيّر جدا ..وخاصة في شهر رمضان
لأنه بيحتاج على الأقل كل يوم صنف جديد وجميل على المائدة ..

تحياتي لك ..وفي انتظار جديدك

طبعاً بعد كل أصناف المحشى دى كلها أفتكر انه هيكون صعب عليا أخرج عن المألوف
أنا كمان فطرت محشى بجميع نواعة طبعاً
حمام محشى بالفريك
شوربة فريك
أرانب
ملوخية بمرقة الأرانب
وفريك بالخلطة
جولاش جميل أوى "من عند فاروق بتاع العباسية طبعاً "
سلاطة خضراء
وطرشى بلدى
وطبعاً أجمل العصائر الجميلة بتاعة رمضان
بصراحة اليوم كان جميل أوى
ربنا يديمها علينا

[ندعوك للتسجيل في المنتدى أو التعريف بنفسك لمعاينة هذه الصورة]
[ [ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذه الصورة]
وسع وسع يا عسل

المحشى كله وصل

ملك الطعام هو المحشى

وبما انى اتعزمت اول يوم عند حماتى

فكان الطعام لذيذ وشهى ولكن بدون محشى

والمحشى ان شاء الله غدا عندنا

هو وجميع انواعه على رأى اخونا احمد ابو زيد

وطارق تيتو فتح الموضوع ده عشان يجرى ريقنا

هههههههههه

وكملت بأختنا منى والطعام الجميل

والبيكاتا بالديك الرومى

وبونا بيتى للجميع

ومنور يا درش

انت والمحشى ههههههههههه

[ندعوك للتسجيل في المنتدى أو التعريف بنفسك لمعاينة هذه الصورة]

ramadan mobarak

الحكيم الكبير كتب:: برجــــــاء الاهتمــــــــام بالغذاء الروحــــــى والنفســى قبل الاهتمام بالغذاء المعدى
فهــذة فرصـــة كبيرة عينا ان نغتنمهــــا
عزيزى الغالى طارق كـــل عـــام وحضــرتك بخيـــر

الحكيم الكبير ..كل عام وأنت بخير
صدقت فيما تقول
فلابد أن نهتم بالغذاء النفسي والروحي أكثر من الغذاء المعدى
ولكنها من عادات أغلب مسلمي العالم
الاهتمام بالغذاء المعدى وخاصة في العشر الأوائل من رمضان
فرحة بقدوم هذا الشهر الكريم ..ولزوم العزائم والذى منه..

وربنا يجعلنا جميعا من الفائزين الرابحين برحمته
فهو أرحم الراحمين
وصلى الله على سيدنا محمد وعلى آله وصحبه وسلم
وسبحانك اللهم وبحمده
أشهد أن لا اله الا انت استغفرك وأتوب اليك

لك تحياتي وتقديرى.....
ورمضان كريم

farah كتب:: ramadan mobarak

شكرا لمرورك الجميل يافرح
وكل عام وأنتِ بخير

ايه ده فعلا هو المحشي ده مكرر انا كل ما اسال حد يقولى فطرت محشي وانا كمان فطرت محشي بانواعه ولحمه وشوربة وطبعا السلطات والحاجات ديه وطبعا عصير مانجو وجوافة وصنيه بسبوسة عسل

رمضان كريم