رحمه ربنا

نسمة هوا في يوم حر رحمة
وبق مية والدنيا زحمة
ونقطة مطر تخرج من الأرض خير
ومابين أيد ربنا جناحات الطير
والشمس طالعة تدلنا على الضل
وبالليل القمر على الدنيا بنوره يهل
وعبد قايم بين ايد ربه
طالب قربة
مستشعر حبه
جنبه ... مجافيه النوم
وفي وقفته مستشعر لذة القوم
بسرعة اتسحر عشان حايصوم
ويصلى الفجر ويبدأ اليوم
وهو نازل يزكي بالمال
في السر من غير حتى ما تعرف ايده الشمال
ويحمد ربه ويشكره على كل حال
ويحس برحمة الرحمن
أصلها واسعة في كل مكان
ويتقن عمله
وفي رضا الله أمله
لو حد ما يعرفش ضايقة يقوله سلام
أصله من القرآن اتعلم أحلى كلام
عارف ان الأمن طريقه الأيمان
ويعامل أمه وأبوه بإحسان
ويضم مراته وولاده بمودة وحنان
يغير الغلط لما بعينه يشوف
وبالحسنى ينهى عن المنكر ويأمر بالمعروف
لسانه لازم الاستغفار
في نص الليل وفي طرف النهار
بذكر الله دائما مطمئن
لقربه دايما بيحن
وعلى رسوله يصلي ويسلم
وبحبه يعيش ومنه يتعلم
ويحيي سنته
وينصر أمته
ده ربه اللي نشر الرياح من بين ايد رحمته
وتمت كلمته
وفي الكون بانت قدرته
اللي جرت السفن في البحار
ومن بطنها جابو اللؤلؤ والمحار
وفجرت من الحجر أنهار
وأوحى للنحل يعمل عسل من الأزهار
وعلم النمل
يبني بيوت من حبات الرمل
ورفع السماء ومدها بالعرض
ومن تحتها فرشلنا الأرض
ده هو اللي لو كتبنا كلامه بالبحر تخلص بحور
وتتملي بالكتب السطور
هو ربنا الرحمن الرحيم
اللي داق رحمته عرف النعيم

الله الله عليكي ربنا يكرمة تحفة طبعا الى الامام
بحب انا القصائد اللي من النوع دة جدا
رمضان كريم عليكو كلوكو

تسلم ايدك يارب
الحمد لله انها عجبتك

الله الله يسلمو يديك جميل جدا شكرا اللهم اهدنا فيمن هديت

وتولنا فيمن توليت

وقنا واصرف عنا شر ما قضيت

إنك تقضي بالحق ولا يُقضَى عليك

إنه لا يُذَل من واليت ولا يُعَز من عاديت

تباركت ربنا وتعاليت

لك الحمد على ما قضيت

ونؤمن بك ونتوكل عليك

أنت القوي ونحن الضعفاء إليك

أنت الغني ونحن الفقراء إليك

اللهم تب علينا مما نحن فيه

الهم ارزقنا الهدى والتقى
ياااارب

استغفر الله العظيم

تسلمى يافرح منورانى والله

الله الله على كل ده الجمال
لما شبابانا قلبه بذكر الرحمن شغال
ولما حسن الكلام يكون من فتاة تملك
حسن الخصال
والعفه والطهارة ليها الغاية والمنال
حتلاقى ربنا انعم عليكى بحسن الخلقه
واطيب الخصال
ويكملك بجمال الروح هبة الرحمن
ويجعل ميزان حسناتك بالخير مليان
ـــــــــــــــــــــــــــــــــــــــــت
اطيب تحياتى ابنتى العزيره مى داعيا الله ان يتم عليك نعمة

الله الله الله
حلوة اوى اوى الدعوة دى
ربنا يكرمك يارب
وجود حضرتك منورنى والله
تسلم ايدك