الديك الرومي ..بطريقتي الخاصة

[ندعوك للتسجيل في المنتدى أو التعريف بنفسك لمعاينة هذه الصورة]

النهاردة باذن الله حقدم لكم صنف راقي وشهي جدااااااااااااا
طلبه مني أخي وصديقنا العزيز / طارق ( تيتو )
وهو طريقة

عمل الديك الرومي

الحشو :

2 كوب ارز مصرى - 6 فص ثوم - 2 م.ك. زنجبيل -
1م.ك.بهار - نصف كوب صنوبر أو لوز مقلي- نصف كوب جبن مبشورة
بقدونس مفرى - 2 صفار بيضة - بابريكا ( فلفل أحمر بارد بودرة )-
حبهان - زبدة - 4 ملعقة دقيق

الطريقة :

- نغسل الأرز وننقعه ربع ساعة
- نصف كوب زيت في حلة على النار يسخن - ثم نضيف ربع كيلو لحم مفروم ( يمكن استبداله
بكبدة الديك والقوانص )
- نقلب ثواني على النار - ثم نضيف ثوم وبصل كمية كويسة ونقلب حتى يتشرب السائل كويس
-نضيف الرز المتصفي على اللحم - ثم نضيف 2 كوب ماء ( نفس مقدار الأرز )
- أضيف البهارات ( بابريكا - بهار حلو - كركم - ملح - فلفل اسود-جوزة الطيب )
- بعد مايستوى الأرز نحط عليه البقدونس والجبن المبشور واللوز وصفار البيضتين ( لتماسك الحشوة )
- تتبيلة من ( الزبدة والبهارات حسب الرغبة ) وندهن بها الديك من الداخل والخارج وبين الجلد واللحم
بحيث لا نقطع الجلد - يمكن اضافة ( قليل من المستردة وعصير برتقال وليمون وبشر برتقال وملح وفلفل للتبيلة
حسب الرغبة )
- نحشي الديك بحشوة الأرز من الداخل نملأه ..ونحشي الرقبة ضرورى
- بعود اسنان ( خلة ) أضم رجليه على بعض والأجنحة
- تحت الديك في الصينية اضع خليط من خضار مشكل بالبصل
ويغلف الديك بالصينية بالفويل ونتركه بالفرن حتى تمام النضج
ثم نكشف الفويل ليكمل تحميره من كل الجهات تحت شواية الفرن
مع ملاحظة كشفه اثناء السوى مرة مرة لنسقيه بالسوائل التي تنزل منه في الصينية
- يدخل الفرن - الساخن 170 درجة - كل كيلو من الديك يحتاج لنصف ساعة في الفرن
-
ملحوظة : لا يقطع الديك وهو ساخن..يترك قليلا ليفترثم نبدأ بتقطيعه..
وصدر الديك نقطعه طرنشات ( شرائح )

يقدم الديك في صينية كبيرة..وحوله أرز

طريقة الأرز :

مكسرات بندق ولوز مسلوق ومقشر نحمرهم في السمن
-كبد وقوانس مسلوقة او كبدة فقط حسب الرغبة ومتحمرة في السمن
- نغسل الأرز ونحمره في السمن
-نحلط كله مع بعض مع اضافة الماء والبهارات ( قرفة وبهارات وملح وفلفل وزنجبيل ودبس رمان أو صويا صوص)
- ونساوى الأرز عادى

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

دى طريقتي الخاصة ياطارق في عمل الديك الرومي
يارب ينال اعجابك ...وبألف هنا وشفا

[ندعوك للتسجيل في المنتدى أو التعريف بنفسك لمعاينة هذه الصورة]

الله الله الله عليكى وعلى جمال اكلاتك الشهية

اختنا الحنونة منى

عشرة على عشرة

والله حاسس ان الديك هاينطق هههههههه

ويقول خلصونى وبالهنا والشفا كلونى
[ندعوك للتسجيل في المنتدى أو التعريف بنفسك لمعاينة هذه الصورة]

وماشى يا تيتو انت تطلب واحنا ناكل هههههههههههه

ربنا يبارك فيكى اختنا الرائعة منى

ومايحرمناش منك ولا من اكلاتك الشهية

يابنت الجود واالكرم يا اصيلة

ورمضان كريم عليكى وعلى احبابك

وبونا بيتى للجميع

[ندعوك للتسجيل في المنتدى أو التعريف بنفسك لمعاينة هذه الصورة]

يا رب يخليكى لينا يا أستاذه

دايماً كده داوشينك بطلباتنا

بس أنا خفت أضيع الديك وأنا باعمله عشان كده قولت أستعين بمدرب أجنبى

الديك شكله يجننننننننننننننننننننننننننننننننننن

أشكرك لشرحك الطريق بالتفصيل

ويا رب أمسك نفسى وما أعملش زى المكرونه البشاميل

هههههههههههههههه

الله عليكي يا منى وتسلم ايديكي
كل سنة وانت طيبة

الله عليكي يا استاذة منى فعلا جامد جدا
تسلم ايدك
مشكورة على هذة الوصفة الجميل
تقبلي مرورى
[ندعوك للتسجيل في المنتدى أو التعريف بنفسك لمعاينة هذه الصورة]

على فكرة انا نفسى بجد فى الديك اللى فى الصورة
اصل اكيد لو الواحد عمله مش هيعرف
احنا بحب اكل على الجاهز
تسلم ايدك مدام منى

إدعى لى يا منى أحسن الديك قرب

آخر الأسبوع إن شاء الله