الاتصالات يفوز على المقاولون 2/1 ودياً

الاتصالات يفوز على المقاولون 2/1 ودياً

[ندعوك للتسجيل في المنتدى أو التعريف بنفسك لمعاينة هذه الصورة]
المقاولون يخسر من الاتصالات

فاز فريق المصرية للاتصالات على المقاولون العرب 2/1 ودياً فى المباراة التى جمعتهما مساء أمس، الثلاثاء، على ملعب عثمان أحمد عثمان فى إطار استعدادات المقاولون للقاء الإسماعيلى بالأسبوع الرابع للدورى العام، كما يستعد الاتصالات لانطلاقة دورى الدرجة الثانية.

أحرز هدفى الاتصالات الإيفوارى ماسا فيما أحرز هدف المقاولون محمد جمال.

يخوض ذئاب الجبل مباراة ودية أخرى مساء اليوم، الأربعاء، أمام تليفونات بنى سويف ويختتم مبارياته الودية بعد غد الجمعة أمام النصر.

واللهى يا جماعة من مش خايف من اى فريق فى المجموعة أكتر منا خايف من المصرية للأتصالات مش مهم الترسانة مش مهم الداخلية مش مهم اسمنت السويس
كل دة كوم والمصرية للأتصالات كوم تانى خالص
يكفى يا نصراوية أنهم ابقوا على جميع عناصر الفريق وكذلك الجهاز الفنى بالكامل

فينك يا أحمد عباس علشان تقول رأيك

خد بالك برضه ان نادي النصر دعّم صفوفه،

و عمل اعداد جيد للموسم الجديد،

طبعا المصرية للاتصالات مع حسام حسن حيكون لها تواجد كبير في المنافسة،

بس احنا لازم نضع في اعتبارنا كل الفرق و خصوصا الداخلية و الترسانة و أسمنت السويس،

أنا عن نفسي متفائل و شايف ان مجلس الادارة بيدعم الفريق بقوة ليصعد للممتاز،

و ان شاء الله يكون الصعود من نصيبنا رغم قوة المنافسة،

نلتقي ان شاء الله يوم الأحد القادم في مباراة النصر مع الأهلي،

و ان شاء الله تنتهي المباراة نهاية سعيدة،

للنصراوية

انا سعيد جداً يا احمد بتحليلك للأخبارك
لأنها تتسم بالفن التحليلى الراقى الواعى لجميع الاحداث
وبمناسبة مباراة النصر والاهلى
أفيدك أن الاهلى فاز على الرباط والانوار 4/1
ربنا يستر يا عم احمد

بصوا يا كباتن
احنا لو هنعمل حساب لفريق واحد ونهمل الباقى هتبقى مشكلة
لانك ممكن جدا تجيد اما اللى انت عامل حسابه ويخطفك اللى انت مطنشه ومش عامله حساب
هو اه فريق حسام حسن (المصرية للاتصالات قديما ) يتعملوا الف حساب
لكن المجموعة كلها مولعة
وناخد عبرة من الموسم اللى فات
لما الانتاج الحربى ضحك على النصر والداخلية
وهو اللى صعد للممتاز
المفروض مع التدعيم الفنى للاعيبة والجهاز الفنى
يكون فيه تدعيم اعلامى عشان اللى بيحصل فى دورى المظاليم
فيه فساد وفضائح ورشاوى لا يسكت عنها
والمفروض ده دور عبد الناصر زيدان
والمفروض يورينا همته
وربنـــــــــــــــــــــــــــــــــــا يستر

الأستاذ عبد الناصر زيدان بدأ فعلا في اتخاذ خطوات كبيرة من شأنها التدعيم الاعلامي للنادي عامة و لفريق الكرة خاصة،

و أعتقد أن آثارها ستظهر في الفترة المقبلة ..