قلة اعضاء ال chating والمنتديات تقريبا مهجورة

طلب بس من مشرفين الاعلانات في النادي لازم تزودوا الاعلانات عن الموقع ده في النادي بدل ما هو اعلان واحد جنب الباب بس وانا ها اعمل تصويت عن نوع الاعلانات ديه

عفواً
انت تتحدث فى عنوان هذا الموضوع عن الشات وعن هجرة الاقسام داخل المنتدى
وبداخل موضوعك تتحدث عن الاعلان عن المنتدى بالنادى
ارجو تحديد طلبك بطريقة اوضح

انا برضو استغربت

في انتظارك

وكل سنة وانتوا طيبين

ههههههههههههههههو مكن يبقى كان بيكتب الموضوعيين مرة واحده علشان كده اتلخبطبس عن حكاية الشات انا دخلت كذا مرة بس كنت ببقى CHAT ALONE:D

اولا شكرا علي مروركوا بس لما يزيد الاعضاء في المنتديات ها تلاقي اعضاء الشات زادت ديه وجهة نظري

فعلا اوقات كتير
الاقسام بتبقى مهجورة وعدد الاعضاء المشاركين ميزدش عن 30 او 40 عضو
فلازم يبقى فيه تفاعل وده بيبدأ من ادارة المنتدى والحس على القيام باشياء تعمل على مشاركات اكثر وتفاعل اكثر
وايضا تفاعل الاعضاء
وده مش هيجى الا بالتشجيع من ادارة المنتدى بالافكار والمواضيع

ان شاء الله قريب هيتم عمل مسابقات تشجيعيه لزياده عدد الاعضاء
ومفيش حاجه بتيجى مرة واحده المنتدى ده كان عدد اعضائة لا يتعدى الى 100 عضو احنا انهارده فوق ال 600 عضو

مساء الخير عليكم
ياجماعة مش كل حاجة نقول ادارة المنتدى
فين دوركم انتم كاعضاء في الدخول للأقسام والموضوعات المختلفة والتفاعل
معا والردود على الموضوعات والمناقشات الجادة
وأنا شايفة الحمدلله فيه مجموعة من الأعضاء الجدد ماشاء الله لهم مشاركات
ومواضيع وردود في كل أقسام المنتدى
أتمنى ان باقي الأعضاء يحذو حذوهم ولايكونوا مجرد متفرجين فقط

وبالنسبة للمسابقات يامحمود فأنا اقترح نظرا انها ستكون بجوائز قيّمة
أن نضع حد معين للمشاركات للعضو حتى يتسنى له دخول المسابقة
ولا يكون مسموح الاشتراك بها لمن لديه اقل من هذا العدد من المشاركات
فده حيكون دافع لتفاعل الأعضاء أكثر وزيادة مشاركاتهم
وحتى لا يدخل اعضاء لمجرد حل المسابقة والفوز بالجوائز ثم لا نراهم مرة اخرى بالمنتدى
ولا نجد لهم اى مشاركات بالمنتدى
مجرد اقتراح للمناقشة ..ولكم تحياتي

مضبوط كده يا أستاذه منى

أحب أضيف شىء بسيط

إن إدارة ومشرفى المنتدى دورهم الرئيسى هوالإشراف على مساهمات الأعضاء ووضع أسس وقوانين للمشاركات والذى من دوره الإدلاء بالرأى فى الموضوعات والبعد عن بعض الآراء التى تحدث أى نوع من البلبله

وليس لأنى مشرف بل لأن مجهود إدارة المنتدى والمشرفين واضح للجميع

ربما غير واضح للأعضاء الجدد وغير المنتظمين وده بقى السبب الرئيسى لقلة المساهمات

هناك أكثر من 600 عضو فى المنتدى

والفعال منهم لا يتعدى 20: 30

وأقسام المنتدى أمامكم خير دليل

أما إدارة المنتدى فموجودون بشكل يومى لأنهم مخصصيين من وقتهم ما هو لخدمة ناديهم

لذا أضم صوتى لصوت أ منى وأقول أن الحل بأيدى الأعضاء حتى نصل إلى المرجو منا

فالمنتدى لن يكون منتدى بالأداره والإشراف فقط إنما بتفاعل الأعضاء معنا

لكم جزيل الشكر

صح جدا كلام الاستاذة مني والاستاذ طارق

وانا اعتذر عن اي تقصير مني

طبعا احنا عارفين رمضان بقي وكدا وان شاء الله اكون نشيط من العيد كدا ان شاء الله

اسف بجد