ازاى تعرف انك بتتفرج على ماتش مصرى

ازاى تعرف انك بتتفرج على ماتش مصرى



[]1- لما تلاقي الجماهير هاجت مرة واحدة لما الكاميرا تيجي عليهم

2- لما تلاقي المشجعين خياليين جدا " وتوقعاتي إن شاء الله هانغلبهم ستة وعشرين"

3- لمل يجري اللاعب اللي جايب الجون زي التور الهايج..وزمايله في الفريق رايحين يهنوه يقعد يبعد عنهم كأنه رايح
يتخانق

4- لما يعيد المخرج الجون اللي يجي في اي فريق تسع مرات وفي الفترة دي يكون جه جون تاني ومتقدرش تشوفه الا بعد فقدان الامل انك تشوفه اساسا ..

5- لما الحكم يحسب اوفسايد اللاعب يقعد يتنطط كأن حماته ماتت ويبص لحامل الرايه كأنه هياكله

6- لما تسمع بعد الماتش إذا فاز المنتخب ببطولة اغنيه " المصريين أهمه " أو " الليلة عيد " أو " يادنيا لفي وطوفي تعالي شوفي الكنز اللي اسمه المصريين " ....... وطلع لنا فى المقدر جديد اغنية نانسى عجرم انا مصرى واغنية حماده هلال عملوها الرجاله

7- لما يتغير اسم المنتخب فجأة من المنتخب القومي إلي المنتخب الوطني .... " معاهم حق تحس إن المنتخب القومي ده معناه أن الفريق تبع المدعي العام الاشتراكي "

8- لما تشوف نوعاً من اللاعبين " يتشنكل وهو اساسا مضروب فرجله يروح ماسك وشه " وهو نفس اللاعب اللي يفضل يتمرمغ في الأرض من الوجع " لما يشوف عربية الإسعافداخله الملعب يروح قايم مرة واحد كأنه " سبايدر مان"

9- لما تشيل عربية الإسعاف لاعب لبرة الملعب ولما تعدي الخط يروح السواق يرمي اللاعب كأنه شوال جوافة
ويطلع يجري علي مكانه

10- لما ييجي لاعب يخرج من الفريق المهزوم يزفوه بالطبول والزمامير ويغنوله اغنية "اتمختري يا حلوة "

11- لما يصدق المعلق نفسه انه عرف تشكيله الفريقين بعد تلات دقايق من بداية الماتش

يبقي اكيد بتتفرج علي ماتش مصري