ماذا تفعل بالضبط إذا اصبت بـ الانفلونزا ؟!

ماذا تفعل بالضبط إذا اصبت بـ الانفلونزا؟؟!!

<table style="BORDER-RIGHT-WIDTH: 0px; FLOAT: left; BORDER-TOP-WIDTH: 0px; BORDER-BOTTOM-WIDTH: 0px; BORDER-LEFT-WIDTH: 0px" border=0 width="26%"><tr><td style="BORDER-BOTTOM: medium none; BORDER-LEFT: medium none; BORDER-TOP: medium none; BORDER-RIGHT: medium none">
[ندعوك للتسجيل في المنتدى أو التعريف بنفسك لمعاينة هذه الصورة]</TD></TR></TABLE>

خصص برنامج القاهرة اليوم الحلقة للحديث عن الادوية واستضاف اطباء للحديث عن اهم الادوية التى تؤخذ والادوية الخطيرة والاعمار الخ
بالاضافة الى الخطوات التى يجب اتباعها عند الاصابة بالمرض و الشك فى ذلك ، ومواعيد التحليل

د. أحمد عبد اللطيف استاذ امراض القلب بجامعة الازهر تحدث عن ترديد كلام كثير غير علمى خاصة عن وفاة الحالات المصابة وانتقد التاكيدات التى خرجت من وزير الصحة
وقال ان الادوية اللى بيحذروا منها الناس بتاخدها من خمسين سنة فاتت
والولد اللى مات ده مش عارفين عنده ايه
وهذا النوع من الانفلونزا يماثل باقى الانواع مع زيادة الاعراض شوية ، نوع عادى لكن شديد شوية ومايؤخذ له هو علاج الانفلونزا العادية ، وهناك استثناءات فى السن الصغير او المسنين ..
ومش كل واحد يسخن هنجرى بيه على المستشفى وانت لو رحت هتجيب العدوى من هناك ، وفى الزحام المستشفيات لن تستطيع القيام بعملها
وعن الكمادات قال : نكشف الدراعين والرجلين واجيب مياة عادية والتلج بيعمل انقباض فى الاوعية الدموية فيبطئ نزول الحرارة ...

أضاف :: اذا لم تنزل الحرارة نعمل الكمادات ، امتى نروح المستشفى ؟ السن الكبير والسن الصغير أوى ، والناس اللى عندهم مرض فى الصدر واللى جهاز مناعتهم ضعيف ، ولكن هناك سوء استخدام فى الفيتامينات وفى توجيه استخدامها ، والتعامل مع اى فيروس يركز على جهاز المناعة ، لأن الفيروس متكون من خلايا جسمى أنا وبناء عليه القصة كلها تخص مناعة الشخص والاهم هو تقوية الجهاز المناعى بالاهتمام جدا بمضادات الاكسدة ودى حاجات طبيعية وموجود فى الجزر وفيتامين سي فى الجوافة اعلى من البرتقال والفلفل الرومى كذلك وهناك ادوية كثيرة مضادة للاكسدة

د. أميرة ادريس استاذ طب الاطفال بجامعةالقاهرة قالت : الناس عندها قلق كبير ودورنا نخفف هذا القلق ، وهى انفلونزا لها بداية ونهاية ولها علاج ماهياش مرض سرطانى او مستحيل العلاج ...
اذا جاء الطفل عنده حرارة نتعامل بأسلوب عادى ومش معقولة كل حرارة تبقى انفلونزا خنازير ، وهى لازم تسال ابنها لوعنده اسهال او ترجيع مثلا تشوف لو أكل حاجة مش مضبوطة ونتعامل مع الحرارة بحرص ، واحنا من زمان بنتعامل مع مخفضات الحرارة عادى لكننا داخلين على جائحة ولانعرف منظومة المرض ازاى ، ومفيش قواعد ثابتة عند كل اطباء العالم ، والمفروض ناخد ادوية الباراسيتامول مثل الابيمول والسيتال والكيرال
وهناك عائلة البروفين وده بيستعمل فى كل حته وآمن جداً وغير صحيح ما قاله بعض الاطباء للبرنامج من ايام
أضافت : مشكلة بسيطة ...ست بتقوللى انا عايزة اسأل سؤال هو ليه الراجل لما بيعيي الدنيا بتتقلب ، والست لما بتعيا ماحدش بيهتم ...هى عايزة تعرف دى حالة عندها بس ولا دى حالة عامة ؟ أن الرجل لما يمرض الدنيا تتقلب والزوجة عندما تمرض يقول لها خدى اسبرينتين ؟
قالتلى عمرى ماسمعت عن ست راحت تعمل تشيك اب ؟ دايما الراجل هو اللى كل شوية يقول محتاج اعمل تشيك اب ؟ والست ماترحش الا لما بتبقى هتموت ؟
اضاف عمرو : عمرك شفت راجل بيقشر لمراته البرتقالة ؟ هل هو الراجل مابيهتمش دايما ولا دى حالة فردية ...

د. محمد النجار استاذ الادوية بدأ بالتحذير من الاسبرين بكل انواعه ، وقال ان هناك الكثير من الاسباب تؤدى الى ارتفاع درجة الحرارة ، وهناك ادوية اخرى فيها اسبرين زى الفيجاسكين وللأسف هو مركب فى الشرب مافيهوش اسبرين وفى اللبوس فيه اسبرين ، ورغم ان الباراسيتامول هو الأمان لكنه لايخفض الحرارة العالية
اضاف : لو الحرارة 38 مش من الصح انى ادى مخفض لأنها احد وسائل دفاع الجسم ، ومجموعات البروفين آلآمنة بالفعل هى الافضل ، وهناك ادوية أخرى لا تؤخذ مثل التى تعطي لحساسية الصدر
ومش كل واحد بياخد اسبرين هتحصل له مشكلة
وعن النوفالجين قال انه لا يستخدم فى العالم كله الا فى مصر وسويسرا ، وكنا قررنا نشيل الدواء من مصر وللاسف هو احد الادوية المتهمة بتثبيط نخاع العظام ، وهو يسبب الانيميا وقلة كرات الدم

ارشادات هامة يانها..بارك الله فيكِ

وربنا يقينا شر هذا المرض ..ويعدى الشهرين الجايين على خير

تحياتي لكِ

[ندعوك للتسجيل في المنتدى أو التعريف بنفسك لمعاينة هذه الصورة]

جزاك الله خيرايا نهى
على هذه المعلومات المفيده
و ربنا يعدى الازمه دى على خير
لان الكل خايف جدا
خصوصا عشان الاطفال و المدارس

ربنا يستر يا نونا و شكراً علي معلوماتك.. والله خير حافظ ان شاء الله

أستاذتى الغاليه منى كباره
أصدقائى ولاء و ام زيزو
نورتونى بالمرور بموضوعى و الحمد لله انه اعجبكم و يا رب كل من يقرأه يستفيد منه
[ندعوك للتسجيل في المنتدى أو التعريف بنفسك لمعاينة هذه الصورة]