للى عايز يتعلم لغة معينة يطلب .

اهلاااااااااااااااااا :
اهلا طبعا بكل الناس اللى على المنتدى الجميل ده...............وده اول موضوع لى علشان كدة لازم يكون حلو علشان كدة انا بس فكرت لننا نعمل كل مدة استفتاء على اللغة اللى احنا عايزين نتعلمها من لغات البرمجة و ابتدى فيها ددروس علشان انا معلوماتى كويسه على بعض اللغات بس بجد اتمنى ان الناس تستفاد من الدروس ديه
و لو هنبتدى دلوقتى يبقى قدمنا فى المقدمة :
لغات النت و هى :
html
java script
front page

غير طبعا لغات البرمجة العادية زى:
c++
java
c#و ده بجد صعبه اوى
و حبه كمان.... بس بجد هى ديه اللغات اللى انا عارفاها لحد دلوقتى لو عرفت حاجة تانيه هبقى اقولكوم بس ياريت نبدا الفوت بدرى علشان نلحق قبل الامتحات الفينل نكون خلصنا جزئ منها .

فكرة جميلة وانا دراستى فى الغات دى والسنادى بدرس c#

السلام عليكم و رحمة الله و بركاته

انا داخل المنتدى مخصوص عشان الموضوع ده

انا نفسى اتعلم php او asp2.net

و شكرا جدا على التوبك

بس هو المنتدى بتاع نادى النصر فعلا و لا اسمه بس

اقتباس :

لا المنتدى بتاع نادى النصر اللى فى مصر الجديده وان شاء الله بانسيه اكيد هتشرح الحاجات دى

منا عارف انه ف مصر الجديدة انا عضو فيه على فكرة

اقتباس :

عموما منور المنتدى يا حوحا

ربنا يخليكى

انا مش قادر اقولك : هو انتى ورايا ورايا .... عشان انا اللى مسجل بعدك يا ست المشرفة

و بجد انا مش كنت اخدت بالى انك انتى اوبرا عشان كنت داخل موبايل ف الاوتوبيس

هو انا بنص جنيه لب... اسليكى ايه عموما مقبولة

بعدين ادخل كتير ايه هو انا فاضى زيكوا انا بدخل على النت كله زيارة خفيفة كده

المهم بقى .. يا ريت يا بانسيه تنزلى دروس على php عشان انا هموت و اتعلمه

خلاص يا بتنسيه ماتنزليش اى دروس علشان حوحا مش فاضى

ايه الشر ده

تقريبا بانسيه مختفيه عامله بتذاكر بقى
اصلا هى بتقول انها لسه مخدتش لغه حوحا دى يعنى استناها السنه الجايه

ايه ده يعنى انا اتسوحت كده ما خدتش اللغة لسة يا نهااار ليل

بص طبعا ديه تانى مرة ادخل او تالت مرة ادخل من اول ما سجلت بس بجد مش لقيا وقت ادخل فيه بس على العموم زى ما اوبرا قالت انى مش عارفة اللغة اللى عايزها يا حوحا بس انا هتعلما علشان انا اساسا حباها قوى فتقريبا على الاجازة هبقى اتعلمتها ......و ان شاء الله انا بجد ههتم بالموضوع ده فى الاجازة و انا بجد بجمع حاجات ليه علشان يبقى بجد موضوع كامل .........استنونى بعد سنه و 11 شهر و مش عارفة بالضبط

[b]السلام عليكم ورحمته الله وبركاته


أحببت أن أعطيكم هذا الموقع لما رايت فيه من الفائدة


والموقع يمنحك فرصه التعلم بالصوت والصورة لأغلب اللغات الاجنبيه الرسميه والاكثر استعمالاً


ومن اللغات الموجوده به الانجليزيه والفرنسيه والروسيه والاسبانيه واليابانيه والصينيه وغيرها من اللغات المهمه
ارجو منكم زيارة الموقع والاطلاع عليه
لزيارة الموقع


من هنــــــــــــا

[/b][center][b]

ياجماعه انا معاكم فى الدروس دى لانى محتاجاها جدا فى شغلى ورغم ان الموضوع بتاريخ قديم بس ارجو ان يكون لسه عندكم حماس

والله هى بانسيه نسيتنا بس متخافوش انا وراها على الاقل تنزل لغه او اتنين

هو مبدئياً انا مجال دراستي بعيداً جداً عن مجال التقنية ده
لكن للاسف هاوي الكلام ده وبشكل مرضي مخليني مبلط في الخط في كليتي
المجال ده انا بشتغل فيه كـ freelancer او عمل حر
بس بجد لو هتعملوا دروس ودورات تعليم انا مستعد اشارككم
مجال خبرتي
في التصميم تقريباً تسع سنين على برامج

• Adobe Photoshop CS3
  
• Flash Professional CS3
  
• Illustrator CS3
  

وفي تطبيقات الويب

• HTML - Hypertext Markup Language
  
• PHP - PHP Hypertext Preprocessor
  
• CSS – Cascading Style Sheets
  
• AJAX – Asynchronous JavaScript and XML
  
• JavaScript
  

وفي ادارة قواعد البيانات

• SQL Server
  
• MySQL
  

وكمان لو عايزين دروس في ادارة انظمة التشغيل لينكس توزيعات اوبنتو وفيدورا وكي اوبنتو انا برضو موجود لاى استفسار
مش هطول عشان مش تقولوا بتفزلك عليكم
بس لو احتجتوني في اي حاجة انا موجود وفي الخدمة وجاهز وصايع ومستعد
اي حاجة سواء كانت دروس او اساعدكم في حاجة
مثلاً نقل المنتدى ده لمنتدى كامل منفصل بدومين مجاني .co.cc
او نفضل عادي على eg.vg بس يبقى المنتدى برضو عليه ويبقى زيتنا في دقيقنا
يلا سلام بقى

طب ما ايه رايك تبدا تعلمنا دروس فى اى حاجة انت تختارها واهو زيتنا هيكون فى نفس دقيقنا برضه



وبجد ما شاء الله عليك
ومتخافش مش بنقول بتتفزلك ولا حاجة

ها هتبدأ تعليمنا من امتى
؟؟؟


دبستك صح

لا تدبيس ولا اي حاجة

هي الفكرة ان بيبقي في اجزاء كتيرة من المواقع مجهولة للمستخدم العادي فا
بدل ما مثلاً يجي وقتها في كيفية عملها ونقعد ندشها والناس متفهمش حاجة
يبقى الاول الناس تفهمها كمستخدمين وبعد كده نفهمها كمطورين في شكل كيفية
عمل آلية الخدمة نفسها
مثلاً ممكن نبدأ الاول مثلاً بحاجة سهلة زي بنية المواقع التحتية اللي تفيدنا كمتابعين لمواقع واللي بيبقي اسمها الخلاصات او الـ feeds واللي هي بتساعد المستخدم العادي انه يتابع جديد المواقع زي كأنه بيصحى الصبح يقرا الجورنال هي هي نفس الفكرة ولما نفهمها ونفهم ازاي نتابعها هتبقى مفيدة في المستقبل لما نتعلم نعملها مثلاً في دروس المواقع
ونبدأ نعرف ايه هو مثلاً المتصفح او الـbrowser وهتفرق في ايه اننا نستخدم اكسبلورر او فيرفوكس وكده (كمستخدم ويب عادي ثم كمصمم ويب)
وبعد كده نبدأ حبة حبة في ايه هو الموقع وبيتكون من ايه ويعني ايه cpanel وايه الفرق بين الـ cpanel و ال vpanel وهكذا
انا عن نفسي مش هزهق المهم انتم مش تزهقوا
بس هاتولي حتة اكتب فيها الكلام ده هههههه