النادي و القطط

الاستاذ محمود

الاستاذه مني

الاستاذ احمد ابو زيد

اشكر حضراتكم علي الاهتمام و المتابعه و المحاوله الناجحه باذن الله للوصول الي الحل الاكيد لهذه المشكله ان شاء الله..

و انا مع الاستاذه مني في موضوع النظافه.. و عدم القاء اي طعام علي الارض للقطط و ايضاً عدم ترك مخلفات الطعام علي الترابيزات..

و نظراً لان معظم اعضاء النادي ليسوا اعضاء علي المنتدي.. اقترح وضع بعض اللافتات في الاماكن المختلفه بالنادي بهذه الارشادات ليكون التعاون جماعي ليس مقتصراً علي اعضاء المنتدي فقط..

ولي اقتراح اخر.. بطبيعتنا كمصريين( قله و لا اقصد كثره) مع احترامي لكل المصريين الي انا واحده منهم- اننا لا ننفذ التعليمات الا تحت التهديد فاقترح عرض الارشادات مع بعض العقوبات التي يمكن ان تطبق علي مخالفها .. مثال اذا تم القاء مخلفات الطعام للقطط يقوم النادي بمنع العضو من دخول النادي مده اسبوع او الغرامه الماليه -هذا علي سبيل المثال-وهكذا حتي نضمن السيطره علي الوضع من جميع الجهات..

مره تانيه اشكر الجميع علي هذا التعاون الجماعي.. و الهدف الاساسي هو ان نفتخر بنادينا الذي نمكث فيه في ايام العطلات اكثر من المنزل

تحياتي للجميع و تحياتي للدكتور عمرو

و السلام عليكمو رحمه الله و بركاته

رورا كتب:

انا المشكله ده والله والله خليتني ما بحبش اجي النادي
ولو جيت عمري ما افكر اكل في النادي لاني عندي فوبيا من القطط
وبخاف منهم بشكل مش طبيعي والله

شكراً يا رورا علي المشاركه معنا .. و بعدين انا كده حسيت بالذنب علشان موضوعي كان مصدر قلق لكي و فعلاً زعلتيني اوي بس و الله الهدف هو المصلحه العامه ان شاء الله..

مره تانيه اشكرك و ان شاء الله الموضوع يتم حسمه قريباً علشان متكونيش زعلانه مني..

تحياتي لكي و السلام عليكم و رحمه الله و بركاته..

زززززززمان كانت هناك هيئه للقضاء علي الحيوانات الضاله والان انقرضت
ياتري هل يمكن ان تعود للقضاء علي الحيوانات الضاله بس المره دي تبقي القطط
وبطريقتها وبكده نتخلص منها بسهوله وبدون مشاكل
مجرد فكره

موضوع اكثر من رائع يا طنط ام زيزو
انا دلوقتى القطط بيجوا يعدوا تحت الترابيزة تقولوا لهم هش وتزايهم برجلك بردوا ميتحركوش
وانا بخاف من القطط اساسا
والقطط ف النادى شفت قطتين منظرهم قبيح جدا جدا
قطة مرة فضلت واقفة وقولنا للعمال كان منظرها وحش جدا (قرفوا) زى ما تقولوا كده ومحدش جه جنبها وسبوها لحد لما هى زهقت ومشيت
لا وهى مش زى القطط منظرها مقزز

alhady كتب:

زززززززمان كانت هناك هيئه للقضاء علي الحيوانات الضاله والان انقرضت
ياتري هل يمكن ان تعود للقضاء علي الحيوانات الضاله بس المره دي تبقي القطط
وبطريقتها وبكده نتخلص منها بسهوله وبدون مشاكل
مجرد فكره

شكراً علي المتابعه و الاهتمام بالمشاركه.. و نتمني ان يكون لهذا الموضوع صداه ان شاء الله

anozae كتب:

انا متابع لهذا الموضوع منذ ان اثير في بدايته ورغم اننى اعلم مدي الضيق الذي نعانيه جميعا ولكن بالطبع البت في امور كثيره يستلزم الانتظار طويلا كبقية امر حياتنا وفالفتره التى مرت لم تكن كافيه لان نتوصل لحل ولعلنا يجب ان ننتظر حتى يأتى لنا الحل من السماء او نكتفى بالكلام والكلام كما اعتدنا في امور حياتنا

اشكر حضرتك علي هذا الاهتمام الملحوظ.. و اتمني ان يكون الحل قريباً من جهه الاداره و لا يكون الموضوع مجرد كلام في كلام ان شاء الله..