طاجن سبانخ بالبشاميل ولا أحلى .....

[ندعوك للتسجيل في المنتدى أو التعريف بنفسك لمعاينة هذه الصورة]

طريقة السبانخ بالبشاميل

فى الغالب بنلاقى الاطفال مابتحبش تاكل السبانخ بشكلها التقليدى
عشان كدة جربوا الوصفة دى و اولادكم حيحبوها خالص

المقادير:

نص كيلو سبانخ طازج مغسول و متقطع او كيس سبانخ مجمد
2 ملعقة كبيرة بصل مفروم ناعم
1 ملعقة كبيرة ثوم مفروم ناعم
ملعقة صغيرة زيت
نصف كوب كريمة لبانى
ملح
و فلفل اسمر

مقادير البشاميل:

8 ملاعق زبدة
4 ملاعق دقيق
2 كوب لبن
مكعب مرقة دجاج
ملعقتين قشطة
بيضة
ملح و فلفل اسمر

[ندعوك للتسجيل في المنتدى أو التعريف بنفسك لمعاينة هذه الصورة]

الطريقة:

1- فى طاسة كبيرة توضع ملعقة الزيت و يشوح البصل
2- اول ما يصفر شوية نضع التوم
3- نضع السبانخ عليهم سواء طازجة و مغسولة و مقطعة او مجمدة مغسولة و مصفاة
4- نشوحهم مع بعض شوية ثم نضيف الكريمة اللبانى و الملح والفلفل ونتركها حتى تستوى
5- نحضر البشاميل و ذلك باذابة الزبدة و تحمير الدقيق فيها حتى يصفر
6- نضيف اللبن شوية بشوية لحد ما نوصل للسمك اللى احنا عايزينه
7- نضع مكعب مرقة الدجاج و القشطة و الملح والفلفل
8- نرفع من على النار ولما يبرد شوية نضع البيضة (علشان البيضة ماتبقاش اومليت)
9- فى طاجن أو صنية يوضع السبانخ و فوقها البشاميل و يغطى الوجة بجبنة موتزاريللا أو حبنة جودة مبشورة حسب الرغبة

وبالف هنا وشفا

[ندعوك للتسجيل في المنتدى أو التعريف بنفسك لمعاينة هذه الصورة]

جربوها ضرورى ومنتظرة أعرف رأيكم..

مع خالص تحياتي..

الله عليكى تسلم والله ايديكى وعنيكى

وحشتينا والله ووحشنا اكلك الشهى

سبانخ بالبشاميل

اكل يفتح النفس هههههههه

جزاكى الله خيرا

ومتعكى بالصحة والعافية

وفى انتظار الاكلة القادمة

ويارب تكون محشى

هههههههههههه

[ندعوك للتسجيل في المنتدى أو التعريف بنفسك لمعاينة هذا الرابط]

حمد الله على سلامتك يا ملكة نورتى المنتدى والدنيا كلها

وجميلة جداً الاكلة الطعمة دى

انا مجربها

فى انتظار جديدك

abo mody كتب:

ربنا يخليك ياابومودى

زيارة جميلة لمطبخنا..أسعدتني جدا

ولك عندى أكلة محشي بكل أصنافه

متهيألي يااسامة المحشي ده من الأكلات اللي بنجتمع على حبها كلنا

والاختلاف بيكون فقط في تفضيل اصناف منها على أخرى

لك تحياتي ..ودايما في انتظار مرورك وتعليقاتك الجميلة

وكل الشكر على الأغاني الرائعة..

ربنا مايحرمناش منك أبدا

[ندعوك للتسجيل في المنتدى أو التعريف بنفسك لمعاينة هذه الصورة]

مصطفى ابو النجا كتب:: حمد الله على سلامتك يا ملكة نورتى المنتدى والدنيا كلها

وجميلة جداً الاكلة الطعمة دى

انا مجربها

فى انتظار جديدك

ربنا يخليك يامصطفى يامنور المنتدى كله بموضوعاتك وردودك الراقية

والحمدلله على كل حال..وسلامتكم كلكم من كل شر

وعلى فكرة انت من مناقشاتك معايا عرفت انك مش بس شاطر في التذوق

ذى أسامة

لأ..انت شاطر في طبخ وتنفيذ بعض الأصناف كمان

ذى طارق واحمد ابوزيد

يعني فيه منافسين لينا في المطبخ من الرجال ماشاء الله عليهم

لك تحياتي ..وفي انتظار أكلة جميلة تقولهالنا يامصطفى تكون بتحبها

مع خالص تحياتي وتقديرى ..

[ندعوك للتسجيل في المنتدى أو التعريف بنفسك لمعاينة هذه الصورة]