اني أودعكم..

[ندعوك للتسجيل في المنتدى أو التعريف بنفسك لمعاينة هذه الصورة]

السلام عليكم ورحمة الله وبركاته
مساء الفل على عيونكم..

[ندعوك للتسجيل في المنتدى أو التعريف بنفسك لمعاينة هذه الصورة]الى كل أعضاء وعضوات
منتدى شباب نادى النصر
إلى كل أخ وكل أخت
أقول لكم سوف أترك هذا المنتدى من الغد
وأوجه كل الشكر والاحترام والتقدير للادارة
ولكل عضو من أعضاء المنتدى
واتمنى أني كنت ضيفة خفيفة عليكم وسلامى للجميع

[ندعوك للتسجيل في المنتدى أو التعريف بنفسك لمعاينة هذه الصورة]

كل سنه وأنتم طيبين

بكرة إن شاء الله
1أبريل
ياريت كل عضو
يدخل
ويكتب لنا موقف لهذه المناسبة

لكم خالص تحياتي..

ايه دة

بجد

طب ليه

دة حضرتك منورة المنتدى بجد ومن ارق الناس بصراحة الى شوفتهم فى المنتدى

يا ريت تفكرى تانى شوية يمكن تغيرى رايك

كذبة أبريل
كتبت الاستاذة / منى عن عزمها ترك المنتدى وذاك بدءا من
الغد الموافق أول أبريل وقد علمت من مصدر موثوق منه انه
سوف يحل مكانها احدى سيدات المجتمع الشهيرة التى تغطى
اخبارها العيون والاسماع وذاك بدءا من أول أبريل ولكن العجيب
فى الامر ان يتوافق الامرين مع اول ابريل لذا اسمحوا لى ان أوضح لماذا أول أبريل
في الأول من أبريل في كل عام تحصل مواقف كثيرة ‏ ‏معظمها طريفة وبعضها محزن جراء كذب الناس في مثل هذا اليوم. ‏ولعل السؤال الذي يطرح نفسه دائما في كل عام لماذا الكذب في أول أبريل وما أصل ‏ ‏هذه الكذبة المنتشرة في غالبية دول العالم باختلاف ألوانهم ومعتقداتهم وثقافاتهم. ‏ ‏ ذهبت أغلبية آراء الباحثين على أن "كذبة أبريل" تقليد أوروبي قائم على المزاح ‏ ‏يقوم فيه بعض الناس في اليوم الأول من أبريل بإطلاق الإشاعات أو الأكاذيب ويطلق ‏ ‏على من يصدق هذه الإشاعات أو الأكاذيب اسم "ضحية كذبة أبريل".
وبدأت هذه العادة في [ندعوك للتسجيل في المنتدى أو التعريف بنفسك لمعاينة هذا الرابط] بعد تبني التقويم المعدل الذي وضعه شارل التاسع عام ‏ ‏1564 وكانت فرنسا أول دولة تعمل بهذا التقويم وحتى ذلك التاريخ كان الاحتفال بعيد ‏ ‏رأس السنة يبدأ في يوم 21 مارس وينتهي في الأول من أبريل بعد أن يتبادل الناس ‏ ‏هدايا عيد رأس السنة الجديدة.
وعندما تحول عيد [ندعوك للتسجيل في المنتدى أو التعريف بنفسك لمعاينة هذا الرابط] إلى الأول من يناير ظل بعض الناس يحتفلون به في ‏ ‏الأول من أبريل كالعادة ومن ثم أطلق عليهم ضحايا أبريل وأصبحت عادة المزاح مع ‏ ‏الأصدقاء وذوي القربى في ذلك اليوم رائجة في فرنسا ومنها انتشرت إلى البلدان ‏ ‏الأخرى وانتشرت على نطاق واسع في إنجلترا بحلول القرن السابع عشر الميلادي ويطلق ‏ ‏على الضحية في فرنسا اسم السمكة وفي [ندعوك للتسجيل في المنتدى أو التعريف بنفسك لمعاينة هذا الرابط] نكتة أبريل.
ويرى آخرون أن هناك علاقة قوية بين الكذب في أول أبريل وبين عيد "هولي" ‏ ‏المعروف في الهند والذي يحتفل به [ندعوك للتسجيل في المنتدى أو التعريف بنفسك لمعاينة هذا الرابط] في 31 مارس من كل عام وفيه يقوم بعض ‏ ‏البسطاء بمهام كاذبة لمجرد اللهو والدعاية ولا يكشف عن حقيقة أكاذيبهم هذه إلا مساء اليوم الأول من أبريل.
وهناك جانب آخر من الباحثين في اصل الكذب يرون أن نشأته تعود إلى القرون ‏ ‏الوسطى إذ أن شهر أبريل في هذه الفترة كان وقت الشفاعة للمجانين وضعاف العقول ‏ ‏فيطلق سراحهم في أول الشهر ويصلي العقلاء من اجلهم وفي ذلك الحين نشأ العيد ‏ ‏المعروف باسم عيد جميع المجانين أسوة بالعيد المشهور باسم عيد جميع القديسين.
وهناك باحثون آخرون يؤكدون أن كذبة أول أبريل لم تنتشر بشكل واسع بين غالبية ‏ ‏شعوب العالم إلا في القرن التاسع عشر.
والواقع أن كل هذه الأقوال لم تكتسب الدليل الأكيد لإثبات صحتها وسواء كانت ‏ ‏صحيحة أم غير صحيحة فان المؤكد أن قاعدة الكذب كانت ولا تزال أول أبريل ويعلق ‏ ‏البعض علي هذا بالقول أن شهر أبريل يقع في فصل الربيع ومع الربيع يحلو للناس ‏ ‏المداعبة والمرح.
وقد أصبح أول أبريل هو اليوم المباح فيه الكذب لدى جميع شعوب العالم ‏ ‏فيما عدا الشعبين الأسباني والألماني والسبب أن هذا اليوم مقدس في [ندعوك للتسجيل في المنتدى أو التعريف بنفسك لمعاينة هذا الرابط] دينيا أما في [ندعوك للتسجيل في المنتدى أو التعريف بنفسك لمعاينة هذا الرابط] فهو يوافق يوم ميلاد "[ندعوك للتسجيل في المنتدى أو التعريف بنفسك لمعاينة هذا الرابط] " الزعيم الألماني المعروف.
والطريف في كذبة أول أبريل أنها تساوي بين العظماء والصعاليك وبين الأغنياء ‏ ‏والفقراء فقد حدث أن كان كارول ملك [ندعوك للتسجيل في المنتدى أو التعريف بنفسك لمعاينة هذا الرابط] يزور أحد متاحف عاصمة بلاده في أول ‏ ‏أبريل فسبقه رسام مشهور ورسم على أرضية إحدى قاعات المتحف ورقة مالية أثرية من ‏ ‏فئة كبيرة فلما رآها أمر أحد حراسة بالتقاطها فأومأ الحارس على الأرض يحأول ‏ ‏التقاط الورقة المالية الأثرية ولكن عبثا. ‏ ‏ وفي سنة أخرى رسم الفنان نفسه على أرض ذلك المتحف صورا لسجائر مشتعلة وجلس عن ‏ ‏كثب يراقب الزائرين وهم يهرعون لالتقاط السجائر قبل أن تشعل نارها في الأرض ‏ ‏الخشبية.
وفي رومانيا أيضا وشعبها شغوف جدا بأكاذيب أول أبريل حدث أن نشرت إحدى الصحف ‏ ‏خبرا جاء فيه أن سقف إحدى محطات السكة الحديدة في العاصمة هوي على مئات من ‏ ‏المسافرين قتل عشرات وأصاب المئات بإصابات خطرة.
وقد سبب هذا الخبر المفزع الذي لم تتحر الصحيفة قبل نشره هرجا وذعرا شديدين ‏ ‏وطالب المسؤولون بمحاكمة رئيس تحرير الصحيفة الذي تدارك الموقف بسرعة وبذكاء ‏ ‏فأصدر ملحقا كذب فيه الخبر وقال في تكذيبه كان يجب على المسئولين قبل أن يطالبوا ‏ ‏بمحاكمتي أن يدققوا في قراءة صدور العدد الذي نشر فيه هذا الخبر فقد كان في الأول ‏ ‏من أبريل ومن يومها دأبت الجريدة على نشر خبر مماثل في أول أبريل من كل عام.
وهناك أكاذيب انتشرت في كل بلد من بلدان العالم ولا زالت شعوبها تتذكرها ‏ ‏وتكررها حتى الآن مع حلول أول أبريل.
ومن أشهر الأكاذيب التي عرفها الشعب الإنكليزي الذي يعتبر أشهر شعوب العالم ‏ ‏كذبا في أول أبريل هذه الكذبة التي جرت في أول أبريل عام 1860 في هذا اليوم حمل ‏ [ندعوك للتسجيل في المنتدى أو التعريف بنفسك لمعاينة هذا الرابط] إلى مئات من سكان لندن بطاقات مختومة بأختام مزورة تحمل في طياتها دعوة كل ‏ ‏منهم إلى مشاهدة الحفلة السنوية "لغسل الأسود البيض" في برج لندن في صباح الأحد ‏ ‏أول أبريل مع رجاء التكرم بعدم دفع شيء للحراس أو مساعديهم وقد سارع جمهور غفير ‏ ‏من السذج إلى برج لندن لمشاهدة الحفلة المزعومة.
وهناك كذبة أخرى اشتهر استخدامها في أول أبريل في [ندعوك للتسجيل في المنتدى أو التعريف بنفسك لمعاينة هذا الرابط] وهو أن ‏ ‏يبعث أحد الناس بمئتي رسالة إلى مديري دور الأعمال الكبيرة يطلب منهم أن يتصلوا ‏ ‏برقم تليفون يحدده في رسائله لأمر مهم جدا ومستعجل ويحدد موعد الاتصال فيما بين ‏ ‏الساعة الثامنة والعاشرة من صباح أول أبريل وتكون النتيجة أن يظل صاحب رقم ‏ ‏التليفون المذكور في شغل شاغل بالرد على مكالمات واستفسارات المديرين طوال يوم ‏ ‏أول أبريل وقد ضربت هذه الكذبة الرقم القياسي في استخدام الشعب الإنكليزي لها.
والى جانب هذه المواقف المضحكة هناك مآس باكية حدثت بسبب كذبة أول أبريل فقد ‏ ‏حدث أن اشتعلت النيران في مطبخ إحدى السيدات الإنكليزيات في مدينه لندن فخرجت إلى ‏ ‏شرفة المنزل تطلب النجدة ولم يحضر لنجدة السيدة المسكينة أحد إذ كان ذلك اليوم ‏ ‏صباح أول أبريل.
ولعل السؤال الآخر الذي يطرح نفسه هو لماذا يكذب الناس. ‏ ‏ قال الباحث الإنكليزي جون شيمل الذي شغل نفسه بالكذب وبالبحث عن أصوله ودوافعه ‏ ‏ومسبباته "إذا كان الكذب قد أصبح صفة يتميز بها البشر عن سائر المخلوقات ‏ ‏ويستخدمونه في شتى مرافق الحياة واتصالاتهم العامة أو الخاصة فان كل الأدلة تثبت ‏ ‏أن المرأة أكثر استخداما للكذب من الرجل".
وأضاف أن السبب في ذلك "يرجع إلى عاملين أولهما عامل نفسي عاطفي فالمرأة أكثر ‏ ‏عاطفية من الرجل ولأن الكذب حالة نفسية ترتبط بالجانب العاطفي أكثر من ارتباطها ‏ ‏بالجانب العقلاني فالنتيجة الطبيعية أن تكون المرأة أكثر كذبا من الرجل".
وتابع "والعامل الثاني أن الكذب بصفة عامة هو سمة المستضعفين والإنسان غالبا ‏ ‏ما يلجأ إلي الكذب لإحساسه بالضعف من حالة من المعاناة والاضطهاد وللهروب من واقع ‏ أليم يعيشه ولأن المرأة خلقت اضعف من الرجل وعاشت على مر العصور وفي مختلف ‏ ‏المجتمعات البشرية تعاني الاضطهاد والقهر فكان لابد وأن تلجأ إلى الكذب".
كمثال لكذبة ما حدث في الخليج والسعودية على وجه الخصوص في أبريل 2009 عن وجود مادة الزئبق الأحمر في مكنات الخياطة من نوع سنجر (أبو أسد) القديمة، وأصبح الجميع يبحثون عن هذه المكنات في كل مكان ووصلت أسعارها في بعض المناطق في السعودية ما يقارب المائة ألف ريال، وحتى منتصف أبريل أغلب مواقع الانترنت تعرض مكنات للبيع بأسعار خيالية لا تقل بأي حال من الأحوال عن خمسة وعشرون ألف ريال، فهذا مثال لكذبة أبريل التي راح ضحيتها الكثير، وفي نفس الوقت غني بسببها الكثيرون
وهكذا نكون قد عرفنا نبذة عن كذبة ابريل ونشأتها ,,الا انى اختم حديثى بأن أقول
الكذاب بيروح النار

يا ريت تكون كذبة

بس متهيقلى انها كدبة فعلا

اكيد دى كذبه ابريل
مدام منى (ملكة المنتدى) عمرها ما تقدر تستغنى على المنتدى واسرته
واحنا كمان منقدرش نستتغنى عنها
و الشكر الشكر للسبع افندى صاحب المعلومات والثقافه على توضيحه لنا بداية كذبه ابريل
Very Happy

الاستاذه مني ..

بالنسبه لموقف حدث لي بمناسبه ابريل هو موضوع حضرتك ده!!!!!!

و موضوع حضرتك ده فكرني بنجوم اف ام النهارده ( ما هي العلاقه)

العلاقه هي ان القناه ازاعت خبر هروب الديناصور الاليف من حديقه الحيوان بالجيزه!! حيث انه نباتي ياكل الجزر Very Happy

الطريف في الموضوع كمان ان المزيع و المزيعه الي كانوا بيقدموا البرنامج مش همه بتوع كل يوم و كانوا اتنين تانيين خالص و بيقدموا البرنامج بدلهم بنفس اسمائهم..

و انا من اول البرنامج عماله اقول .. مين دول؟؟ مين دول؟؟ و هجنن..

بس في الاخر اعلنوا ان كل الحلقه من اولها لاخرها كانت كذبه ابريل..

تحياتي لحضرتك..و في انتظار اعلان النتيجه Very Happy

شكرا لأستاذى الفاضل السبع أفندى على مروره الجميل واضافته الرائعة

شكرا مستر ميمو على اتصالك التليفوني ومشاركتك

أم زيزو الجميلة شكرا لكِ على مداخلتك وموضوعك اللذيذ

Mahmoud HoTa

محمود الجميل أنا حبيت أعلق عليك آخر واحد عشان أقولك

ميرسي على كل مداخلاتك الجميلة

وآسفة آسفة جدا اني قلقتك وشغلتك عليا بدليل عدد مشاركاتك

ربنا مايحرمنيش من تواجدك الجميل ويوفقك في دراستك

وبشكر كل اللي اتصلوا بيا وكل اللي بعتولي رسايل

ولو ان كلهم كانوا متأكدين انها كذبة ابريل

وبالفعل هي كانت كذبة ابريل ..

وربنا يسامحنا بقى وماندخلش النار

لكن أنا مااقدرش أستغنى عنكم أبدا يا أعز الناس

وكل سنة وانت جميعا بخير وسعادة

[ندعوك للتسجيل في المنتدى أو التعريف بنفسك لمعاينة هذه الصورة]

طبعاً يا منى أحنا مع بعض بقلنا كتير

وأصبحنا فاهمين بعض أوى

يعنى الحركات دى أنا فاهما كويس

هههههههههههههه

علشان كدة انا ما اتصلتش بيكى ولا بعتلك رسايل

لكن بصراحة الفكرة خطيرة وجميلة جداً

وانا عندى قصة جميلة علشانك

كنت فى أول ابريل فى مدرستى الابتدائية

وظهرت الكذبة أن اسرائيل احتلت المدرسة اللى بجانبنا

وطبعاً الدنيا صارت فوضى بين العيال الصغيرة

وكلنا فاكرين ان الدور على مدرستنا

وكنا خايفين خالص والغريب ان المدرسة كانت بتقولنا ما تخافوش يا ولاد

اسرائيل قررت انها تحتل المدرسة التانية بس

لكن انتم فى امان علشان هى خافت منكم لأنكم اقوياء

ههههههههههههههههههههههه

حاجة عبيطة اوى مش كدة

هههههههههههههههههه

المهم رجعت البيت وحكيت لبابا عن الموضوع

وهو يبصلى ويسمع لى بإهتمام أوى وبعدها سألت عن مامى فين

فقالى ان أمك كانت فى المدرسة اللى اسرائيل احتلتها

وهى دلوقتى مقبوض عليها فى فصل تالته رابع

هههههههههههههههههه

طبعا انا كنت هتجنن ازاى دة يحصل وايه اللى ودى امى فى المدرسة دى

وليه بابا بيتكلم بهدوء كدة

فضلت على الحال دة لمدة كبيرة لغاية ما ماما نادت عليا وقالت

انت جيت يا احمد أحطلك تاكل

وبعدها طبعاً بابا فهمنى ان دى اسمها كذبة ابريل

ولازم اخد بالى فى كل ابريل من كل سنه

ان الناس بتهزر مع بعضها بكذبة خفيفة علشان نضحك ونتبسط

انا كنت متأكده انها كدبه ابريل مش ممكن استاذه منى تسيبنا ابدا
ده حتى ما ينفعش حد يسيب بيته ما عندناش حد يخرج بره بيته ويسيب اسرته ابدا ابدا
ههههههههه
كل سنه وحضرتك طيبه

وشكرا لاستاذ السبع افندي لاضافته
وشكرا استاذ احمد للحكايه الغريبه ده
بجد ضحكتني اوي

بصراحه انا افتكرت فى الاول عنوان عن قصيده شعريه
وقلت ادخل لاقيت صدمه بجد وكنت هقفل النت كله بس اول ما لاقيت 1 ابريل فرحت
وقلت يا نهار ابيض
الا الاستاذه منى
وفضلت اضحك
اصل هى المنتدى والمنتدى ما ينفعش من غيرها
اوعى يا استاذه منى مجرد تفكرى حتى فى كده
وشكر للاضافه المفيده من اخونا الكبير السبع افندى
والمداخله الححلوه لام زيزو
ومداخلة اخونا الغالى احمد ابو زيد التى اضحكتنى من القلب

[ندعوك للتسجيل في المنتدى أو التعريف بنفسك لمعاينة هذا الرابط]

وتحياتى اليكم

كل الشكر للناس الغاليين

رورا ..ميرسي حبييتي على كلامك الرقيق وفعلا صعب أسيب بيتي وأهلي وناسي
مشرفنا العزيز طاهر..كل سنة وانت طيب ..كانت كدبة بيضا بقى ياطاهر ..سماح

مشرفنا الغالي أحمد ..عسولة قوى القصة اللي حكيتها دى

بس الجماعة كده عقدوك من كذبة ابريل خااااالص

الكدبة كانت محبوكة وصعبة خالص ..الله يكون في عونك ساعتها

تحياتي لك ...ومايحرمنيش منكم أبدا..

وكل سنة وانتم جميعا بخير..

انا بقى دخلت كذا مرة المنتدى

واشوف اسم الموضوع ( انى اودعكم )

واخاف ادخل افراه

انا مش ناقص هم

وقلت شكلها كده قصيدة وداع

بس جاتلى الشجاعة النهاردة قلت ادخل

واول ما قريت تأكدت انها كذبة ابريل

لانك انتى عارفه يا منى اد ايه انتى تعبتى انتى وميمو عشان المنتدى يكون بالشكل ده

وتسيبيه بالسهولة دى

ما اظنش
على العموم لو عايزة تسيبيه يبقى حكمتى على المنتدى بالموت

لانك انتى روح المنتدى

واحنا ما نستغناش عندك

وبلاش الكدب تانى

الله عليك يامصطفى وعلى كلامك الجميل

والمنتدى ده فعلا روحي ومااقدرش استغنى عنه

ولا عنكم ..أبداااااااااااااااا

وماعدتش أكذب تاني..

أتارى الكدب ده وحش قوووووووى

تسلم على المرور الجميل ..

وكل شم نسيم وانت في أحسن حال

لك تحياتي وتقديرى ..

[ندعوك للتسجيل في المنتدى أو التعريف بنفسك لمعاينة هذا الرابط]

الاخت العزيزة مني ..لقد مررت اليوم بالمصادفة علي موضوعك ..اني اودعكم..لاني كنت مشغول بموضوع الاستاذ احمد الخاص بالمعلومات. ولاني ايضا لم اكن ادخل علي الموضوعات المثبتة لاعتقادي انها موضوعات قديمه ذات تاريخ سابق .. المهم دخلت مصادفة بعد ان عرفت انك كاتبة الموضوع .. ولان عنوانه غريب بعض الشئ .. ولاني اقدر موضوعاتك .بدون مجامله طبعا. قررت قراءته . ولن اخفي عليك ما شعرت به من صدمة وضيق شديدين علي الرغم من اني قد انضممت الي المنتدي منذ وقت ليس ببعيد .ومن الفترض اني ماذلت اتعرف علي الزملاء .ولكن اقسم بالله اني اخذت اتابع كلمات الزملاء لعلي اجد سبب لهذا الوداع. ولن اخفي عليك ان الموضوع دخل عليا بالفعل وعندما قرات كلمات السبع افندي هدأت قليلا وتمنيت بالفعل ان تكون كذبة ابريل ..وكنت كلما قرأت كلمه لاحد الزملاء الذين كانوا يتوقعون انها ستكون كدبه كنت اتمني ذلك اكثر .. وعندما قرأت كلماتك التي اكدت ذلك سعدت وتضايقت في نفس الوقت وهو شعور غريب لم اشعر به من قبل .. سعدت بالطبع لانها طلت كدبه .. وتضايقت لاني اشربت المقلب بعد قلق طويل .. والان اؤيدك في كلمتك التي ختمتي بها تعليقك علي كلمات الزملاء ..بالفعل الكدب وحش .وربنا يعطيكي الصحة والعمر العام القادم لو قررت ان تخوضي نفس التجربه عليك ان تبتعدي موضوع الانسحاب والوداع لانك بالفعل غاليه علينا جدا .. الاخت العزيزة مني لك خالص تحياتي رغم المقلب الذي شربناه وكل عام وانت بخير

أخي العزيز / علاء

ميرسي ميرسي ميرسي على كل كلمة رقيقة كتبتها

كلماتك أسعدتني جدا فكلها احساسيس راقية جميلة نبيلة

صحيح ذى مابتقول ان لك فترة بسيطة بالمنتدى

ولكنك غزوت قلوبنا جميعا

بمداخلاتك ومشاركاتك الرائعة

أهلا بك أخ وصديق عزيز

وربنا مايحرمناش من تواجدك بيننا أبدا

وأنا آسفة ان كنت ضايقتكم بموضوعي ..

هي كانت مجرد دعابة ..بس واضح انها كانت بايخة حبتين

ربنا يخليكم لي ويسعد قلوبكم دوما كما تسعدوني بصداقتكم الجميلة

لكم خالص تحياتي وتقديرى ,

ودمتم بخير

[ندعوك للتسجيل في المنتدى أو التعريف بنفسك لمعاينة هذه الصورة]