قبل ما توافقى على عريسك

السلام عليكم
دى نصايح قريتها وعجبتنى
وبما أنى بحب أقدم لكم كل ما هو مفيد
وطبعا معانا بنات زى العسل
فى طريقهم لاختيار شريك الحياة
عوزاهم يختبروا عريس الهنا
ويعرفو طبعه من أسلوب أكله
يعنى

1- إذا كان عادي يعني لا بياكل بسرعة ولا ببطء ولا دايمًا شبعان ولا
مفجوع على طول..

يبقى شخص معتدل في عواطفه
وقراراته ويبقى ده آخر
الرجال المحترمين..
كلبشي.. واستعجلي الزفاف والحياة هتبقى بمبي

2- إذا كان بيحب الأكل زي عينيه.. وأول ما يدخل من الباب وقبل ما
يقول لك ازيك يقول لك ريحة التقلية تجنن ياروحي إنتوا عاملين ملوخية
علىأرانب؟؟.. أموت أنا.. ويقعد ياكل ويحشر لحد ما يغمى عليه..

يبقى إنسانطفس.. وهوائي..
وطايش.. وأوعي تتجوزيه أحسن ياكلك وانتي نايمة....؟؟

3- أما إذا كان مش مهتم بالمرة.. لايقولك ده حلو ولا ده عادم ولا
مالح ولا مستوي ولا لسه ني ولا بيعلق أي تعليق.. وعمره مايقولك جعان
أوشبعان

يبقى إنسان مالوش لزمه.. وزي قلته.. وأنصحك بدل ما تتجوزيه إتبنيه..
وهاتعيشي إنتي الراجل والست ف وقت واحد واعملي حسابك هاتركبي وتدلدلي
رجلييكي.

4- أما إذا كان بياكل زى مايكون حد بيجري ورااااهوساعة الأكل
بيجيله حالة صرع معوي.. ويقوم من ع الأكل قبل أي حد تاني.

يبقى متسرع.. ومتهور في اتخاذ قراراته وممكن بعد الجواااز يكتشف إنك
لستى ملهمته..ولستى فتاة أحلامه ولستىِ حلمه.. ويروح مطلقك بالتلاتة..
إخلعي إنتي بدري أحسن لكرامتك.

5- أما إذا كان بياكل علىمهله.. ويمزمز.. ف كل صنف لوحده.. ويسأل
عن كل صنف إيه مقاديره ومعمول إزااايويقعد يستطعم ف الأكل من العصر
للمغرب .

حاسبي منه يا اختي ده النوعاللي له مخ.. وبيوزن الأمور بطريقه تفقع
المرارة.. ولو في يوم طلبتي منه يقولككلمة حلوة هايقولك مش عامل
حسابي ويقعد يفكر 3 سنين وبعدين يقول لك بحبك ويقعديشوف وقعها عليكي
إيه؟؟
نظااااام شلل رعاش

بدري.... بدري....

إخلعي يا أمي...

6- أما إذا كان بيقعد يقطع ف الأكل زيمايكون ف خناقة ويخبط ف الطبق
من الغل.. ويقطع حتة اللحمة زي ما يكون بيدبحها.. ويتفتف.. ويتكلم..
طول ماهو بياكل لما يغرق وشك أكل..

ده شخص عصبيجدًاااا.. ومع أول خناقة هايروح مناولك بالكرسي ف راسك أو
بالسكينة ف عينك يعمللك عاهة مستديمة وبعدين.. يهدى.. ويقول لك:
"سوووري يا روحي هي جت فيكي.. ماعاليش"

""ماعاليش برَّه يا حبيبي وخد الباب ف أيدك""

7- أما إذا كان دايمًا قرفاااان دايمًا مش عاجبه العجب ولا الصيام ف
رجب.. يع..

الملوخية تقيلة.. ياي.. السمنة كتيرة على وش الشوربة.. ياساتر.. دا
محشي ولا صوابع
مووووز.. أووووف.. الرز محصويل.. يامَّه المكرونة
معجنة..

إذا كان كده توكلي على الله وهاتي أحمى ساطووووور عندك وأناأعرف لك
واحد محامي هايطلعك منها زي الشعرة م العجيييين

[/size]

عايز اعرف حاجة واحدة بس

لما السفيرة عزيزة هترفض كل دول

طيب هى ناوية تتجوز امتى بالظبط

يا ست الكل هو حد لاقى عرسان دلوقتى

تقريباً بالطريقة دى 99.9% من الرجالة مش هتتجوز

[ندعوك للتسجيل في المنتدى أو التعريف بنفسك لمعاينة هذه الصورة]

الله عليكى اختى وفاء
[ندعوك للتسجيل في المنتدى أو التعريف بنفسك لمعاينة هذه الصورة]

تسلم والله ايديكى وعنيكى

[ندعوك للتسجيل في المنتدى أو التعريف بنفسك لمعاينة هذه الصورة]

موضوع رائع وجميل

[ندعوك للتسجيل في المنتدى أو التعريف بنفسك لمعاينة هذه الصورة]

وشوية نصائح تودى المطعم

[ندعوك للتسجيل في المنتدى أو التعريف بنفسك لمعاينة هذه الصورة]

ههههههههههه

[ندعوك للتسجيل في المنتدى أو التعريف بنفسك لمعاينة هذه الصورة]

اختي الكريمه بارك الله لكي علي نصائحك الغاليه..

فعلاً معاكي حق في كل الي قولتيه( خلي بالكن اوي يا بنات و انتن نختارن العريس) لحسن مرايه الحب ساعات تبقي عميه..

و انا مش عرفه الاستاذ احمد زعلان ليه من الكلام ده ( خلي روحك رياضيه زي ابو مودي) يعني علشان لقينا حد يقول نصائح لوجه الله هنتريق علي السفيره عزيزه و له ايه (ملقوش في الورد عيب قالو احمر الخدين ) نصائح زي الفل.. مش احسن ما تتدبس و بعدين تخلع.. لا الاحسن تخلع من الاول بقي..ههههه

تحياتي للجميع.. و السلام عليكم و رحمه الله و بركاته..

دة كدة مفيش اى حد هيتجوز

وبعدين على فكرة ممكن يبقى واحد فيه كل الحاجات دى بس الحالة المزاجية الى بتفرق

يعنى مفيش جواز يعنى مفيش جواز

ahmed_abouzid كتب:

هههههههههههه
أيه مزعل نفسك ليه
أحنا مقلناش هترفض كل دول أحنا قلنا تختار المناسب
يرضيك يعنى نسيبهم يدبسوا
ثم وهى الرجالة بيهمها ماهو بيعمل زى فريد شوقى السبحة فى ايده وعن أذنك ياعمى الحق العشا
هههههههه
وبعد الجواز يبان على حقيقته
شكرا أستاذ أحمد لمرورك وتعليق الطريف
نورتنى والله

abo mody كتب:

يادى النور أيه الفلاشات الحلوة دى
نورتنى والله أبو مودى
يعنى عجبتك النصايح بجد والا بتتريق
عموما اسعدنى حضورك ولطافة ردك

ام زيزو كتب:: اختي الكريمه بارك الله لكي علي نصائحك الغاليه..

فعلاً معاكي حق في كل الي قولتيه( خلي بالكن اوي يا بنات و انتن نختارن العريس) لحسن مرايه الحب ساعات تبقي عميه..

و انا مش عرفه الاستاذ احمد زعلان ليه من الكلام ده ( خلي روحك رياضيه زي ابو مودي) يعني علشان لقينا حد يقول نصائح لوجه الله هنتريق علي السفيره عزيزه و له ايه (ملقوش في الورد عيب قالو احمر الخدين ) نصائح زي الفل.. مش احسن ما تتدبس و بعدين تخلع.. لا الاحسن تخلع من الاول بقي..ههههه

تحياتي للجميع.. و السلام عليكم و رحمه الله و بركاته..

الله عليكى يام زيزو أيوه كده شجعينى
احنا ولايا ملناش غير بعض
ملقناش اللى نصحنا ننصح احنا الغلابة اللى هيتجوزوا
ههههههههههه
نورتينى واسعدتينى بجد
مودتى

Mahmoud HoTa كتب:: دة كدة مفيش اى حد هيتجوز

وبعدين على فكرة ممكن يبقى واحد فيه كل الحاجات دى بس الحالة المزاجية الى بتفرق

يعنى مفيش جواز يعنى مفيش جواز

هههههههههههه
ياربنا هو أنا ضغطت عالوجيعة والا أيه
مالكم يا جماعة
الموضوع أثر معاكو أوى
تصدق أستاذ محمد
أن فعلا الأكل بيبن طباع الواحد
ملهاش دعوة بالمزاج دى
ثم وهى البنت هتشوفه من مرة واحدة وهو بياكل؟
طبعا لأ لازم تشوفه أكتر من مرة عشان تحكم
بس عارف انا هنصح شباب المنتدى أنهم ما ياكلوش مع اللى هيتجوزوهم ههههه
عشان يضمن أن الجوازة تعدى
بجد فرحتونى أوى بردودكم العسل
وبانتظاركم دايما
فتحتوا نفسى والله للمواضيع الحلوة
تحيتى للجميع