رئيس استثمار نجاح منتخب مصر الأول

قبل تولى الكابتن سمير زاهر اتحاد الكرة كان اسمة اتحاد الكرة المصرى وهو الأب الشرعى لكرة القدم "معشوقة البيت المصرى "
ولكن
بما أن الكابتن سمير ليس لديه الوقت الكافى للتطوير أو التحديث ركب نجاح
منتخب مصر الأول وهو نتاج شغل اللواء الدهشورى حرب "جيل اللاعبين" وأختيار
الكابتن عصام عبد المنعم لحسن شحاتة المدير الفنى والذى على يديه تحقق
النجاح طيلة 5 سنوات بأستثناء حلم الوصول لكأس العالم وطبعا فى هذا النجاح
الكابتن سمير زاهر أم العروسة وخالتها كمان أستثمره ليحل جميع مشاكله هو
وليست مشاكل الكرة المصرية وسوف أذكركم ببعض ما قاله الكابتن سمير بكل ثقة
وشموخ لنا فى الماضى والحاضر وردى عليه بكل أسى وحزن رئيس استثمار نجاح منتخب مصر الأول Dsc_0378

رئيس استثمار نجاح منتخب مصر الأول Dsc_0378

1- هيكلة الأتحاد والتعاقد مع شركة عالمية بالملايين لأعادة الهيكلة .... وده معناه انه سوف يترك لنا الأتحاد هيكل عظمى
2- دعم الأندية الفقيرة..... وده معناه المساندة الأيجابية للحفاظ على فقرها بل وزيادتها كمان
3- أنجازى غير مسبوق غير مسبوق غير مسبوق ..... ومين يقدر يسبقك وأنت لوحدك
4- نعم
انسحبنا من أتحاد شمال أفريقيا .... وبعد رؤيتنا للمهندس محمود الشامى
والكابتن أحمد شاكر فى الجمعية العمومية لهذا الاتحاد الوهمى طلعت المشكلة
فى عنينا لأننا لم نرى الكابتن سمير وهو بيعض على شفته وبيقول كده كده
خليك فريش يا أخى احنا فى اتحاد الكرة الزاهر
5- لا لا لعمل مدربين
المنتخبات فى الفضائيات ... وبعد رؤيتنا لجميع المدربين فى الفضائيات طلعت
المشكلة فى فهمنا وليس فى كلامه أكيد كان يقصد الفضاء وليس الفضائيات
6- نعم
اعترف وليه الشرف بأننا اتحاد بيزنيس .... طبعا على اساس أن الكابتن سمير
شغال مدير عام فى هيئة الاستثمار أو وكيل وزارة فى وزارة التجارة
واى حد يقول طب الكرة فين ؟؟ أقوله يعنى ايه ؟
يقول
يعنى تطوير وتحديث اللعبة وخلق مستقبل كروى يليق بمواهبها ومكانتها ..
أقول ايه الكلام الفارغ ده أهم حاجة الفلوس وده طبعا الهدف الأساسى اللى
الكابتن سمير جاى علشانه يرد علية الشخص الجاهل ويقول طيب الفلوس اللى
الكابتن سمير عملها بفكره الفريد عمل بيها ايه لصالح الجمعية العمومية أو
ملاعب الأندية أو للكرة المصرية ؟؟؟ وأنا بالنيابة عنه ارد وأقول منين يا
حسره دول يا دوب يكفونا سفريات وبدلات وأنتقالات مكافات ومعسكرات ومرتبات
وحوافز ومكالمات دولية ومصاريف لجان متطوعة ده طبعا غير فلوس الدخان .
7- اتمنى
انى اعيد هيبة الأتحاد المصرى أمام العالم العربى مرة اخرى ..... طيب هو
مين اللى ضيع هيبتنا ومين اللى جرسنا, يا كابتن سمير احنا شعب طيب ونسينا
العلبة اللى سيادتك اتشرفت وقبلتها بمنتهى العزه والكرامة والعالم العربى
كلة واحنا كمان أتفرجنا عليك وأنت بتقبلها رغم أنك متطوع والمتطوع لا
يتقاضى أجر أو هدية أو حسنة أ نفحة
هل تعتقد أن العالم العربى بما
فيه اللى عطف عليك وحن عليك واداك العلبة أياها الطلبات اللى مبتخلص
نسى.... ياكابتن مفيش بعد مد اليد هيبةوبمناسبة
اليد فاكر يا كابتن لما مديت ايديك فى السودان أمام كل العرب والرئيس
السودانى وللأسف رجعت فاضية والغريب أنك عادى جدا ضحكت واتعاملت مع الحدث
كأنه حصل فى البدروم ومحدش خد باله اين الحياء ده يا كابتن سمير .... وأنا
اقصد حياء من تمثلهم ألا وهم المصريين لأنك بمنتهى الأمانه كنت تمثلهم فى
السودان ومكنتش رايح فرح بنت أختك
8- الدورى السنه دى أسمه دورى الملايين ولا للتوقفات ...... أعتقد بأنه كان بيقصد الدورى السنه دى أسمه دورى المليون توقف
9- لا
صوت يعلو فوق صوت كأس العالم شعارنا معا الى جنوب أفريقيا لتشجيع مصر
..... وللأسف صوتنا وطى وأتكتم وتتحرق أى قضية تخص الاندية وفى الأخر
هنسافر الى جنوب أفريقيا لتشجيع الجزائر
10- بعد النجاحات المتتالية
أصبحنا حديث العالم ..... طبعا والدليل على ذلك أن المحكمة الرياضية فتحت
فرع فى مصر لأن معظم القضايا الرياضية تأتى من مصر لأن الكابتن سمير
بيشتغل فى الأتحاد مدير الكرة للمنتخب الاول" لأن السبوبه كلها فيه " أما
فيما يخص الاتحاد بمشاكل حكامه ومسابقاته ومناطقه وبراعمه وناشئيه وانديته
تولع بجاز نضيف
11- سافرت الى السعودية ومعى حازم الهوارى لأنه حريف
أنتخابات ويعلم كل شئ عن الأتحاد العربى ...... وبلا فخر الكابتن سمير
يطلع قبل الأخير ولا يجرؤا على منافسة محمد الراوراوا والذى هزمه فى جميع
المواقع الخارجية وأنا اقول للكابتن سمير والكابتن حازم هو انتوا عندكم
وقت لبلادكم لما تروحوا الاتحاد العربى واللى والحمدلله اندية مصر لا
تشارك فى مسابقاته وتطمعوا فى مناصب بأسم مصر الغالية .... أعتقد أنك كنت
تمثل نفسك فقط وليس مصرنا لأن مصر عربيا رقم 1 وليست قبل الأخير
ما
كتبته عينة بسيطة من بعض ما قاله كابتن سمير معتمدا على طيبتنا متصورا
بأنه طول ماهو راكب نجاح المنتخب الاول محدش يقدر يجيى جنبه واللى يجيى
جنبه يبقى مش وطنى وعدو للنجاح .... أعتقد يا كابتن بأننا أصبحنا حديث
العالم فى قضايانا الغير محسومة والمسيسة لأنك غير قادر وغير مؤهل على
أتخاذ قرار لوجه الله بدون أى تعليمات ولكن هناك دائما أعتبارات أخرى
وأعتقد أن شعارك فيما يخص أندية مصر الغلابة " كما قالت أم علاء ولى الدين
حين تم سؤالها عن فوفا فى فيلم الناظر " تتحرق فوفا أكتر ماهى محروقة