خطوات الخطوبة

[ندعوك للتسجيل في المنتدى أو التعريف بنفسك لمعاينة هذا الرابط]
[ندعوك للتسجيل في المنتدى أو التعريف بنفسك لمعاينة هذه الصورة]

بصوا بقى .. [ندعوك للتسجيل في المنتدى أو التعريف بنفسك لمعاينة هذه الصورة]

النهاردة هقولكم على الخطوات.

اللى لازم العريس يتبعها

وهو رايح يخطب

[ندعوك للتسجيل في المنتدى أو التعريف بنفسك لمعاينة هذه الصورة]

بعد الشر عنكم يعنى طبعا زى ما كلنا عارفين

الشاب منكم

اد ايه ما بيحبش يقدم

على الخطوة دى اللى بتجيبله قشعريرة فى جسمه ..

وسكر وضغط وفقر دم وفقر جيوب ..

[ندعوك للتسجيل في المنتدى أو التعريف بنفسك لمعاينة هذه الصورة]

لكن فى ناس بتبقى مضطرة تعمل الخطوة دى

واللى يحصل يحصل وده بيبقى

نتيجة لسبب واحد ..

[ندعوك للتسجيل في المنتدى أو التعريف بنفسك لمعاينة هذه الصورة]

وهو انه يلاقى والدته طول النهار قاعدة نايمة

رايحة جاية عمالة تعيط وتنهنه وترزعه

كلمتين فى العضم من اللى يجيبوا هشاشة عظام ..

وتقوله :

" نفسى افرح بيك قبل ما اموت يا ابنى "

" نفسى اشوف عيالك بيجروا حواليا واشيلهم

على كتفى " او انها تكون محتاجة واحدة تشيل

وتحط وتنضف وتطبخ ببلاش ..

[ندعوك للتسجيل في المنتدى أو التعريف بنفسك لمعاينة هذه الصورة]

وتقوله :

"نفسى تجيبلى عروسة بنت حلال

وتشيل عنى بقى وتريحنى من قرفك "

فى الحالة دى بس بيضطر الابن

يتنازل عن حريته ..

ويضحى علشان الام تعيش وبينتحر

وامره الى الله ..

[ندعوك للتسجيل في المنتدى أو التعريف بنفسك لمعاينة هذه الصورة]

ويقول :

لامه من غير نفس شوفلنا واحدة تعيش

وابقى اعملى فيها اللى انتى عايزاه ..

وربنا يقدرنا على فعل الخير ..

[ندعوك للتسجيل في المنتدى أو التعريف بنفسك لمعاينة هذه الصورة]

النهاردة بقى اليوم اللى هتروح فيه مع ماما

علشان تتخطب ..

اقصد تخطب ..

حاول تعتمد على نفسك وتطلع هدومك بنفسك

وتوفق الالوان مع بعض من غير كل

شوية ما تنادى على ماما وتعلها اكتر

ما هى معلولة منك ..

وحاول انك تبعد عن لبس البدل

والقمصان والكرفتات

والبس الهدوم النيو لوك اللى بنات اليومين

دول بتتهوس بيها ..

يعنى مثلا شورت وفانلة مقطعةاو فانلة

عليها رسومات ميكى ماوس وقطط وكلاب

..

يعنى ده دليل على انك شخصية ليفة ..

" اقصد أليفة "

[ندعوك للتسجيل في المنتدى أو التعريف بنفسك لمعاينة هذه الصورة]

وابعد خالص مالص عن الشرابات والجزم

الحاجات دى ..

بقت موضة قديمة بتطلع روايح مش

مستحبة ..

حاول تلبس صندل بتاع الناس اللى بيبيعوا

عرقسوس ..

او سليبر وده اسم الدلع ..

واياك وان ..

[ندعوك للتسجيل في المنتدى أو التعريف بنفسك لمعاينة هذه الصورة]

تحذير هام انتبه ..

" السليبر يرجع الى الخلف" يا سلام لو

كان بينور تبقى ايه ..

منتهى الشياكة ..

وكده هتبقى راجل شيك بس من غير رصيد ..

كمان ما ننساش الشعر يضرب فى الخلاط ..

شوية جل على حبة صابون غسيل على كيسين

كلور الوان وشوف النتيجة ..

هتلاقيه زلبطة ناصعة البياض ايون الزلبطة

اليومين دول موضة ..

الشعر موضة قديمة واللى عنده شعر يا ياخده

موس زيرو ..

يا يحط شوية جاز على حبة اوكسجين ويولع ..

خلصنا من الشعر وبقينا تمام

[ندعوك للتسجيل في المنتدى أو التعريف بنفسك لمعاينة هذه الصورة]

نلبس حظاظة ..

ولو معندناش نجيب حتة قماش من بتوع المطبخ

ناخد منها حتة ونربطها على ايدينا

تبقى حظاظة ..

نحط بقى كولونيا خمس خمسات وكده نبقى

بقينا عال العال ..

وتخرج تاخد ست الحبايب انججيه ..

( يعنى ايد فى ايد )

وعلى بيت العروسة عدل ..

[ندعوك للتسجيل في المنتدى أو التعريف بنفسك لمعاينة هذه الصورة]

اول ما تلاقى ابو العروسة تسلم ..

وكلك ثقة واستعمل الفاظ اليومين دول ..

اللى بتخلى البنات تقول ان الشاب ده ،،

استايل وابن ناس ..

يعنى" هالو اونكل" ،، "هالو تنت "

"هاو ،، ار ،، يوووووه عليكم وعلى ريحتكم "

كده يعنى وبلاش سلام المعلم طربقها

وشغل الجزراين ده ..

ساء الخير يا مودام .. ساء الخير يا عمى ..

" دستور يا اهل الدار "

لحسن يتصدموا ويفتكروا انك عليك عفريت

ولا حاجة ..

[ندعوك للتسجيل في المنتدى أو التعريف بنفسك لمعاينة هذه الصورة]

ادخل برجلك الشمال ..

لان اليمين بطلت وبقت" اولد فاشون "

الشمال بتاعة السليبر ،، اما اليمين بتاعة

البولغ والبنص ..

اول ما تقعد تحاول تقعد قعدة جديدة بلاش

ام رجل على رجل دى ..

أحسن العروسة تقول عليك من ايام

عبد الوهاب والابيض واسود ..

غير ،،

[ندعوك للتسجيل في المنتدى أو التعريف بنفسك لمعاينة هذه الصورة]

احنا بقينا فى عصر ال" l c d " ابو سبعة

وتلاتين بوصة ..

تجنب الوشوشة كل شوية مع الست مامتك

علشان ما يقولوش ابن امه ..

وبلاش فى كل حاجة يقولها ابو العروسة

تبص لمامتك وتغمزلها ..

اتكلم انت وخليك جرىء ..

حتى لو مامتك معجبهاش الكلام ..

براحتك ،،، وابقى اترزع فى البيت عادى

دى ماما ..

المهم يبان ان عندك شخصية ،، معملية

مستفزة اقصد " فزة "

[ندعوك للتسجيل في المنتدى أو التعريف بنفسك لمعاينة هذه الصورة]

واول ما تلاقى العروسة خارجة

بصينية المشروبات ..

بلاش تبحلقلها وبص فى الارض ..

عارفين انك بجح وعينك يدب فيها

60000 رصاصة ..

بس معلش تعالى على نفسك

ولم عينك وبحلق فى السقف ..

واعمل خجول بدل ما العروسة ،،

تتلخم وتوقع الصينية عليك ..

وتبوظلك الطقم او يقوم ابوها يلكملك ..

[ندعوك للتسجيل في المنتدى أو التعريف بنفسك لمعاينة هذه الصورة]

كمان مش عايزين طفاسة ..

ولا عايزين طقم الاسنان يبان خالص ..

يعنى هما شفطتين عصير وبس ..

ولو كان فيه جاتوه او اى حاجة حلوة ..

سيب الطبق مكانه واكبح مشاعرك

الطفسية والمطبخية دلوقتى

وبلاش تمسح الاطباق مسح ..

علشان ميقولوش عليك مفجوع ومشفتش

الحاجات دى فى بيتكم ..

لازم تبين ان عينك مليانة ..

[ندعوك للتسجيل في المنتدى أو التعريف بنفسك لمعاينة هذه الصورة]

اول ما ابو العروسة يبتدى كلامه بجملة ..

( نيجى للمهم )

تعرف علطول انه هيبتدى الامتحان ..

ولازم تركز وتجاوب بتقدير جيد مع مرتبة

وملل الشرف ..

ومش اى مرتبة مرتبة اسفنج مش تنجيد ..

[ندعوك للتسجيل في المنتدى أو التعريف بنفسك لمعاينة هذه الصورة]

( الشبكة )

اول ما تسمع الكلمة دى ..

ما تفتكرش شبكة الصيد ..

لا هو يقصد شبكة للقرش اللى هيجوز

هالك ..

يعنى الدبل والمحبس والحنفية اللى هتفضل

تنقط وتخر على نفوخك ومش هتلاقى

جلدة تسد بقها بيها ..

[ندعوك للتسجيل في المنتدى أو التعريف بنفسك لمعاينة هذه الصورة]

ابعد عن الاجابة بتاعت :

(( انا تحت امركم ))

لحسن ساعتها هتسمع انواع من المعادن غريبة ..

وعمرها ما مرت على ودنك ..

زى الالماظ ،، والسولتير ..

ساعتها ما توافقش وافتكر زمان ايام

الشبكة اللى كانت طقم حلل نحاس ..

وقلهم مفيش داعى للمصاريف ..

الشبكة دى هدية من العريس للعروسة بقيمتها ..

وطبعا انت عارف قيمتها عندك اد ايه ..

وكل واحد وتقديره ..

[ندعوك للتسجيل في المنتدى أو التعريف بنفسك لمعاينة هذه الصورة]

نيجى ( للشقة )

تسمع ابراج ،، فيلل ،، شقة بجنينه ..

اعمل فيها عبيط وطنش ..

وقلهم عندى شقة بمنافعها ..

اوضتين ،، وصالة ،، وعفشة ميه ..

يعنى هما هينهبوا

اهو على الاقل انت هتبقى طورت" نظرية"

عش العصفورة ..

[ندعوك للتسجيل في المنتدى أو التعريف بنفسك لمعاينة هذه الصورة]

( العربية )

اول ما يسالوك على العربية ..

قلهم ناوى ادخل جمعية بنفرين واقبض الاخر ..

واشترى واحدة بالقسط 27 او سيات ..

ولو مش عاجبهم ..

يبقوا يركبوها تاكسى على حسابهم ..

واتحجج ان البلد بقت زحمة ومفيش اكتر

من المواصلات والعربيات الكارو ..

[ندعوك للتسجيل في المنتدى أو التعريف بنفسك لمعاينة هذه الصورة]

( الفرح )

هنعمله فين ؟؟

قلهم السطوح عندنا كبير ويساع بدل

من الواحد الف ..

حاسسهم انهم هيعملوا فرح بنتهم

فى "الاستاد "

ولو ام العروسة اتحشرت وقالتلك :

بنتى لازم يتعملها فرح فى دار ،،

او فندق ،، او نادى ..

ولا كانها الاميرة ديانا ..

قلها بس بس طلبك عندى ..

" مركز الشباب اللى جنب بيتكم "

وكام لمبة على كام كرسى بقى فرح ..

ولو اتكلمت قلها ان المنظرة ملهاش داعى ..

[ندعوك للتسجيل في المنتدى أو التعريف بنفسك لمعاينة هذه الصورة]

واول ما تلاقى ابو العروسة بيرفع ايده

وبيقول سمعونا زغروطة ..

تعرف انك عريس لقطة وقعتلهم من السماء ..

وساعتها بص للعروسة واعمل فيها توم كروز ..

توم ،، مش بصل كروز ..

ولو انها يا حسرة عليها ( بصل ،، توم )

.. هتعيط يعنى هتعيط ..

[ندعوك للتسجيل في المنتدى أو التعريف بنفسك لمعاينة هذه الصورة]

وابقوا اعزمونى فى الفرح انا بس ..

لولولولولولولولى

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

هههههههههههههههههه
موضوع رائع
انا مش عايز اقدم على الخطوة دى خااااااااالص
يا ابومودى
بس بقا دى سنة الحياه نعمل ايه
Very Happy

ههههههههههههههههههه

"
وهو انه يلاقى والدته طول النهار قاعدة نايمة

رايحة جاية عمالة تعيط وتنهنه وترزعه

كلمتين فى العضم من اللى يجيبوا هشاشة عظام .. "

انت فعلا حاسس بيا

بس نسيت حاجة

العيال مين هيشيلها ... دى نقطه ضرورية جدا لازم تتفق عليها من الاول :d

هههههههههههههههههههههههههههههههه

هو طبعا انا المفروض مردش على الموضوع ده علشان مبوظش خطط الشباب

بس بجد التوبيك ضحكنى اوى اوى اوووووووووى والله

حلو بجد وعاجبنى ردوده اوى على اهل العروسة

Very Happy

:d

فعلا ياابومودى أنا شفت حاجة ذى كده قصادى
واحد في التلاتينات اتقدم لبنت في اوائل العشرينات
وسيم ومركز محترم وشخصية ممتازة
رفضته .زقلنالها ليه
قالت
عشان مش استايل ومابيلبسش على الموضة

زمان كان العريس اللي بيترفض هو اللي بيلبس ع الموضة
وملمع ومدلع نفسه
ولسه ياما حنشوف

سبحان الله....ربنا يهدى

لك تحياتي ايها الرائع..أبو مودى

[ندعوك للتسجيل في المنتدى أو التعريف بنفسك لمعاينة هذه الصورة]

ههههههههههههههههههه
هههههههههههه
كده يا استاذ ابومودي اهه محمود اتعقد اهه من اولها وقلبت المواجع عند عمرو هههههههه
موضوع جميل ورائع كالعاده
وفعلا هو ده اللي بيحصل زي ما ذكرت استاذه منى
شكراااااااااااااااا على الموضوع الرائع