روشنة شباب الجامعة على الفيس

ليه البني ادم بيذاكر؟

عشان يمتحن..

وليه البني ادم يمتحن؟

عشان يدخل مرحله جديده ..

.........ويذاكر فيها برضو ..

طب ولما يدخل المرحله الجديده يعمل ايه؟

يذاكر بقي عشان يوصل للي بعدها!!

مين اللي اخترع المذاكره؟

اكيد واحد كان بيحب يذاكر..


ومين اللي اخترع الامتحانات؟

واحد كان عايز يغيظ اللي بيحب يذاكر..


ايه الفايده من المذاكره؟

انك تخلص اقلام وورق وتشخبط ف الكتب وتعمل دواير عند الكلمات المهمه



وايه الفايده من الامتحانات؟

انك تملي ورق الحكومه وتوريهم جمال خطك



طب وهو لازم اذاكر؟

في الوقت الحالي مش لازم..بس اكيد لما تعيد السنه هتبقي عيل وترجع ف كلمتك



ليه الدكاتره بيدونا كتب ف الكليه؟

عشان نلاقي حاجه نشخبط فيها



طب وليه بيقرروا علينا مواد سخيفه؟

عشان وانت بتشخبط تشخبط بضمير





طب مهو ممكن بعد كل ده اشيل الماده؟

مانت شخبطت للدكتور ف كتابه..عايزه يسكت..قله ادب



طب اعمل ايه عشان انجح؟

امسك ورقه الاجابه وارغي



ارغي ف ايه؟

مش مهم..المهم تبقي مسطر وخطك نضيف واول سطرين كده تبع الموضوع اللي بيتكلموا فيه والباقي انت ومزاجك



طب والرغي ده مش حرام؟

يعني هو اللي بيقرروه علينا ده مش حرام



طب هو مين اللي بييجي الاول ..المذاكره ولا الامتحانات؟

يعني هو التعلب بيبيض ولا بيولد؟

ا بس التعلب مكار ممكن يعمل اي حاجه

والامتحانات كذلك



والامتحانات جت جت وف ديلها سبع لفات
...................................................................
قولو لل مش مذاكر الفينال يخااااااااااااااف ... بكره الدكاتره هتقفشوا ..

ويوم الامتحان ادي دقني لو شاف ... كلب يرضي يغششوا ..

...وناااااااااااااااااااااس تدح وتراجع ونااااس بتحضر وتتابع ..
.........
تبقي النتيجه اذن

مدبلر قاعد ف الخزن ..

و ده اللى بنقوله .. نستاهل ضرب الجزم
.............................................................
زغرطى يا ام الهنا...ده الى ذاكر ذاكر من اول السنة.
وارأعى بالصوت يا ام شهاب... انا لسة مفتحتش كتاب.
وزغرطى يا ام وائل....مش هطلع م الاوائل.
زغرطى يا ام فاروق....الناس ضايعة فى حقوق.
زغرطى يا ام رحاب....الناس لايصة ف اداب.
...وياعينى ع الى فى تجارة..دماغهم لسة ع المحارة.
زغرطى يا ام حنقوم... الناس اتجننت ف علوم.
وزغرطى يا مهيسة...الناس مطحونة فى هندسة.
تحت شعار...وايه ايه اييييييييييييه...مذاكرتش م الاول لييييييييه....


وزغروطة كمان مرة بقى لبتوع علوم .....عينى علينا شايلين الهموم
..........................................................................
صوتي يا ام منصور على مانعدي المنظور
صوتي يا بتاعة البطيخ على مانعدي التاريخ
صوتي يا ام نبيل على ما نعدي التشكيل
صوتي يا ام عطيات على مانعدي النظريات
صوتي يا دفعة و الله مانتي نافعة
...:D:D:D
................................................
شاركونا في حملة
ذااااكر
وانت ونصيبك
ذاكر ساعة . . هتكسب ولاعة
ذاكر ساعتين . . تتحول إلي تنين
...............ذاكر 3 ساعات . . هتنسا كل اللي فات
ذاكر طول اليوم . . تبتعد عنك الهموم
..................
ولو مذاكرتش حاجة . . تبقا المادة مش محتاجة
ولو قولت دي مادة سهلة . . هنعزمك ع الغدا انت ونهلة
......................................................
امتحانات وبنشلها وهنعمل اية ياقلبى فى ناس بتحط امتحانات
صعبة وخلاص مش بتحس بتعبنا...............
دى ركبنا هنربطها عشان مش صح نبقى ضعاف نبان ساعة الامتحان بنخاف
مش فارقة ذاكرنا ولا لعبنا
وعلى اية دة الامتياز راح من بدرى صدقنى دة راح من بدرى
...والفشل حسيت بية........... لية وعلى اية هنبكى على الماضى
درجات وعدت على الفاضى
والدكتوور ربنا يخلييه
....................................................
كنت رايح الامتحان في قمةالروقان
مهو قالوا جى سهل زى امتحانات زمان
وأنا موصى الكل يدعيلى ابويا وامى والجيران
مصلى الظهر والعصر والمغرب والعشاكمان
مهى دى أيام بركةوبيشيع فيها الإيمان.المهم
دخلت الكليةوالثقة عالية عمال أدور على اللجان
واثق من نفسي اووى وعمال أكل لبان
وعمال اغني وأدندن ولا اجدعها فنان
أول مبصيت في الورقةجالى حاله توهان
زى مكون اتشليت أو قرصني تعبان
دمى أتحرق وحرارتي وصلت للغليان
............................................
وبحب الناس الفاشلة
الى بتسقط على طول
اما العالم المجتهدة انا لأ
...ماليش فى دول

...وماليش فى الدح لالا
ولا فى الطلبه الشغالة
كل الى فى ورقته حاجة
اول باول يقووول
............................................
أنا مش سوبر مان
أنا طالب غلبان ... مذاكر نص المادة والربع نسيته كمان
لو قولتلي هات تعريف ... هرسملك في الورقة رغيف
هتقولي هات مزايا وعيوب ... هرسم جوا الورقة دبدوووب
هتقولي هاتلي أهمية ... ليلتك سودة
............هكتبلك أغاني عاطفية
هتقولي اذكر مفهوم هسيبلك اللجنة واقوم
أنا مش عايز امتياز ولا حتى تقدير ... أنا عايز أنجح
هو اللي طلبته دا كتير ؟