اكيد محدش هيرد على موضوعى ... بس مش مشكله :)

اتردت كتيييير اوى .. اكتب موضوع ؟ لأ مكتبش .. اكتب ؟ اه اكتب اكتب
و ديه كانت النتيجه انى بكتب دلوقتى .. بعيدا عن الخواطر الى جتلى المهم انى كنت بدور على منتدى لنادى النصر و افتكرت انى كنت كاتبو فى ورقه كده ... لما رحت النادى من سنه تقريبا

المهم طلعت الورقه و دخلت و قريت موضوعات كتير اوى .. واضح انكم ناس محترمين جدا و انا سعيد و الله انى معاكم فى النادى ...

انا بقى اسمى عبدالرحمن و برحب بنفسى فى المنتدى بما ان انى قريت كذا واحد طلب الترحيب بس مكنش فيه نصيب فا الموضوع ده ترحيب منى ليا انا مبسوط انى دخلت هنا

اهلا و مرحبا بك بين اخوانك
للاسف هذه الايام معظم الساده الاعضاء و المشرفين لديهم ارتباطات اما امتحانات اولادهم او هم نفسهم فى امتحانات او مصايف
للكن عموما اهلا بك و منور

و نسعد دائما بوجودك و مداخلاتك

يا سلام والله انا مبسوط جدا بالرد ده

[b][center]اخونا عبد الرحمن

اهلا بيك فى منتدانا الجميل

نورت النادى والمنتدى

بس معلش زى ما الباشمهندس حسام

هى ظروف وان شاء الله

تمر على خير وهتلاقى ترحيب جامد جداً

انا فعلا و الله ندمت انى اترددت , النهارده يوم 28-6-2011 و انا فى ثانويه عامه و النهارده انا عندى امتحان chemistry كمان نصف ساعه و كنت خايف بس و الله انا دلوقتى مش خايف بعد الردود الجميله ديه .. الحمد لله ... هو فى الحقيقه انا مُقدر طبعا كل الظروف و الله و انا مش مضايق بالعكس ... انا فعلا مكنتش بروح النادى عشان الدروس بقى و كده بس خلاص ده آخر يوم انشاء الله يجى الامتحان حلو و اعرف احل انا و كل صُحابى انشاء الله و افضل اروح بقى على طول ... بس انا نفسى اعرف اعمل توقيع :$ و مش عارف بيتعمل اذاى ؟؟؟ ...

و ما شاء الله والله المنتدى حلو جداً .. و صبعاً انشاء الله هدعو صُحابى و المنتدى منوّر بيكو والله