يوميات عمر وسارة..قصة رااائعة

ليه عمرمستعجل كدةعلى كتب الكتاب
وليه سارة على طول خايفة من كل حاجة بتفرحها
مش مشكلة كل حاجة هتبان فى الجزء الجديد بس شدى حيلك انتى يا منى ونزلى الجزء الجديد بسرعة

- بصى ياسارة ما تتخضيش 00خدى وقتك وفكرى00 بس انا مش عاوز أغضب ربنا فى حاجة جوايا كلام كتير مش قادر أقوله ليكى 00 ونفسى نخرج لوحدنا نشوف العالم مع بعض بعيونا احنا بس ونخلق ذكريات خاصة بينا احنا الاتنين 00وما تفتكريش انى كده بأقيدك او بألزمك بحاجة لا يوم ما تحبى تبعدينى من حياتك ح ابعد بدون قيود

واضح يا أحمد من كلام عمر أنه شاب ملتزم ومتدين ..وتقريبا سارة عجبته في أشياء كتير
فقال خير البر عاجله .. أما تردد سارة فمتهيألي دى طبيعة في البنات كلها وخاصة لما بتكون
حتاخد قرار مصيرى ذى الجواز والارتباط.
وأنا سعيدة جدا بمتابعتك للقصة وبتعليقاتك الشيقة

مع خالص تحياتي.....

يوميات عمر وسارة..قصة رااائعة - صفحة 2 DPv96211

يوميات عمر وسارة..قصة رااائعة - صفحة 2 DPv96211

(14)
يوم شراء الشبكة

يارب اليوم ده يعدى على خير !!

امبارح زارنا عمر ووالده ووالدته وكانت زيارة جميلة أهل عمر فرحانين بى جدا

وقعدوا مع ماما وبابا وهات يا كلام وانا وعمر انتهزناها فرصة طبعا وأخدنا جنب بعيد و اديناها رغى وتهريج لحد ما لقينا صوت الكلام بين الاباء انخفض والوجوه اتوترت شوية وواضح ان فيه مشكلة فى الجو 000 وكل اللى سمعناه انا وعمر شوية كلمات زى ( لا لا ده قليل اوى !) ( لا ده كده حرام! ) وحاجات زى كده حاولنا نفهم فيه ايه مفيش فايدة 0000لحد ما والد عمر ووالدته استأذنوا فجأة بدون سابق انذار !! وعمر حصلهم بسرعة

وانا واقفة فاتحة بقى ومش فاهمة حاجة خالص !!!

وسألت ماما عن اللى حصل ماردتش على, وسمعتها بتقول وهى ماشية
( ابتدينا بقى النكد ده ايه وجع القلب ده !!

يا ما شاء الله ربنا يستر
!!

سارة

(انا مش فاهم حاجة خالص أقدر أعرف فيه ايه ؟) قلتها لأمى وأبى واحنا فى العربية اعتراضا منى على نزولهم المفاجىء من بيت سارة 000 ردت على ماما وقالت لى ( مش عاجبهم يا سيدى اننا نجيب شبكة ب5 تلاف جنية 00 قال عاوزين شبكة ب 8 تلاف قال 00 هو حد لاقى عرسان فى الزمن ده ؟ )

رد عليها بابا ( انتى كبرتى الموضوع وقلبتيه فصال وأحرجتينا مع الناس 00 ليه كده ؟ ) حسيت بخجل وارتباك كبير يا خبر ابيض دلوقتى سارة تقول علينا ايه ؟ قلتها فى سرى ولم استطع نطق كلمة لأنى لا أجرؤ حتى على الاعتراض لأنهم هم من سيدفعون ثمن الشبكة 000 اه ياربى لو كان المال مالى كنت جبت لها كنوز الدنيا 000 يا ترى يا سارة بتفكرى فى ايه دلوقت ؟؟؟

عمر

ربنا يستر البداية لا تبشر بخير انا عن نفسى مش مشكلة عندى الشبكة واصلا لا احب الذهب وافضل عليه الفضة لكن المشكلة الحقيقية ان يكون الناس دى بخلاء دى تبقى كارثة !!! طب وعمر رد فعله ح يكون ايه ؟ يا ترى حيفضل ساكت ؟ وح يوافق على كلام اهله بدون اعتراض ؟
افقت من أفكارى وماما بتفتح لى باب العربية وبتصرخ فى وتقولى ( يالا يا بنتى محل الجواهرجى اهه والناس مستنيانا جوة 00)

سارة

ياااه اول مرة أبقى خايف وانا باشوف سارة انا بجد خايف احسن تحصل مشكلة وانا مش فى ايدى حاجة اصلا 000 مديت ايدى وسلمت على الجميع سارة شكلها لم تنم جيدا واضح على وجهها الارهاق وفى عينيها نظرة تساؤل وانتظار 0000
ولاحظت علامات تحفز وعصبية على وجه حمايا وحماتى ومثلهم على وجه ابى وامى 000 دى الحرب العالمية التالتة ح تقوم ربنا يستر ياااااااارب

عمــر

انا مش عاوزة دهب ولا مشاكل انا عاوزة الموقف ده يعدى واروح وخلاص ده الجواز ده كله توتر وحواديت !!! حمايا قال لى (اختارى ياعروسة الى يعجبك ) وانا اصلا مش باعرف اقدر قيمة الدهب كويس وخصوصا انه نار الايام دى 00 مددت يدى على طقم دهب ابيض على شكل ضفيرة وبه فصوص كثيرة وقلت حلو ده
00

امتعضت حماتى وقالت ( لالالا الدهب الابيض مصنعيته غاليه اوى والفصوص بتخسر لما تحبى تبيعيه ) بصيت لعمر لقيته ساكت تماما 000 اتضايقت بس قلت عندها حق اشوف حاجة تانية
اختارت لى ماما طقم اخر وقبل ما ألمسه حماتى العزيزة قالت ( لا لا لا ده شكله تقيل وغالى جدا احنا ما اتفقناش على كده ) وعمر لا ينطق بكلمة 00 اتضايقت جدا كان نفسى يقول لها
سيبيها تختار اللى هى عاوزاه 00 لكنه صامت تماما

همت ماما بالكلام لكن بابا منعها كى لا يزيد الجو اشتعالا وقال لى اختارى حاجة تانية ياسارة اخترت واحد تانى لم يعجبنى لكن علشان أخلص وخلاص وبعد معرفة ثمنه اعترضت وقالت( لا برضه غالى !!! ) انت رأيك ايه يا عمر ؟ قلتها له وكلى ترقب لما سيقول رد على وهو يتحاشى النظر الى ( اللى تتفقوا عليه انا موافق عليه !!) ياااه هو ده اللى ربنا قدرك عليه ؟ امال امتى ح تدافع عنى ؟ قلتها فى سرى وكى لا أبكى

او انفجر فى وجهه

قلت لحماتى اختارى انتى يا طنط اللى يعجبك
!!!
وبالفعل اختارت طقم يناسب المبلغ المقدس تماما ووافقت ماما تحت ضغط نظرات بابا النارية ولم انظر الى الطقم وتركتهم يكتبون الفاتورة وجلست فى صالون بعيد فى المحل وانا اقاوم البكاء والانفجار من موقف عمر السلبى فى اول احتكاك حقيقى [ورأيته قادم يبتسم ويقول لى ( مبروك عليكى االشبكة ياعروسة ) رديت عليه والكلمات تخرج من فمى مثل الرصاص ( مبروك عليك انت انا مش عاوزاها ولا عاوزاك
!!!!)

سارة

اولا شكراً يا منى على اهتمامك واحساسك بالمسؤلية لأننا بنتابع القصة على نار
ثانياً رد سارة جارح أوى
ثالثا تصرف عمر سلبى جداً
رابعا اوعى تدافعى عن سارة وتقولى ان هى البنات كدة

أولا- سعيدة قوى يا أحمد بمتابعتك للقصة ..وده شئ يسعدني اني أشوف تعليقاتك الجميلة على الأحداث.
ثانيا- رد سارة وسلبية عمر .ده واضح جدا فعلا ..
بالنسبة لسارة فأنا شايفة ان سارة بتمثل نسبة كبيرة من بنات اليوم في طريقة التفكير والتصرف والقفشات والكلام.
أما سلبية عمر فغصب عنه لأنها ناتجة من اعتماده على أهله لأن على رأيه المال ليس ماله..
وبعدين هي غلطة الأهل برضه .. مفروض أنهم يطلبوا من الصائغ عدد من الأطقم في حدود ثمن معين متفق عليه من قبل ..ويعرضوهم على سارة لتختار بينهم , وكل ده يتفق عليه مع بعض من الأول
وبالتالي لا سارة وأهلها يزعلوا ولا عمر وأهله يتحرجوا ..
الصراحة في الأمور اللي ذى دى والاتفاق أحسن حاجة
وشكرا يا أحمد على المشاركة الجميلة
تحياتــي..

يوميات عمر وسارة..قصة رااائعة - صفحة 2 Dwc46685

يوميات عمر وسارة..قصة رااائعة - صفحة 2 Dwc46685

.

شكراً يا منى على تعقيبك على رأيى فى القصة
بس ليه انتى أتأخرتى فى عرض الجزء التالى
واللهى انا خايف يكون القصة انتهت على كدة من غير ما اعرف ايه نهاية الخطوبة
يا ترى الخطوبة هتنتهى بالانفصال ولا هتنتهى بالزواج السعيد

يوميات عمر وسارة..قصة رااائعة - صفحة 2 1cO48722

(15)

لم ارد على مكالمات عمر المستمرة وجعلت الموبيل سايلنت وجلست فى غرفتى أبكى باستمرار من موقف عمر السلبى هل سأتزوج رجل بدون شخصية ؟ هل حماتى العزيزة هى من ستتحكم فى حياتى ؟ ومن يجبرنى على هذا ؟ هل هذا موقف عارض ام ان هذه هى الحياة المنتظرة معه ؟ يارب انا فى حيرة دلنى ماذا أفعل 000 ومسحت دموعى عندما نادت على ماما ( يا سارة عمر هنا تعالى بسرعة 00!!)

سارة

جلست فى الصالون فى انتظار سارة وانا لا أجد كلام أقوله لها شكلى بجد وحش جدا 000 هى عندها حق 00 لكن لما فى أول مشكلة بيننا تقول لى انا مش عاوزاك ازاى الحياة ح تستمر بعد كده ؟؟ كان ممكن تعاتبنى او حتى تتخانق معايا بينى وبينها لكن تبيعنى كده على طول ؟ كده برضه يا سارة تتخلى عنى علشان الفلوس ؟

عمر

دخلت على عمر وسلمت عليه فى فتور وطلبت من ماما وبابا انهم يتركونى اتحدث معه بدون مقاطعة علشان ماما كانت ناوية تطلع كل غضبها فيه 000 دخلت الصالون بدون ولا كلمة وتوقعت ان يعتذر لى
عما حدث 00 فوجئت به يقول لى بغضب

( انتى مش بتردى على تليفوناتى ليه وكمان تقولى لى انا مش عاوزاك 00 كل ده علشان الفلوس
ياسارة ؟
!!

فوجئت برد فعله الغاضب هو كمان اللى زعلان ؟! ده بدل ما يصالحنى ؟ ! (فلوس ايه اللى بتتكلم عليها يا عمر ؟ 00 انت حتى مش حاسس انا زعلانة من ايه ؟ انا زعلانة لأنى كنت راسمة لك صورة جميلة فى خيالى وفجأة لقيت واحد تانى انا ما اعرفوش انسان مش بيدافع عنى فى وقت انا محتاجالك فيه 000لقيتك خايف تقول ولا كلمة ولو حتى انك تراضينى والسلام 000 وكل ده وتقول لى فلوس ؟!)

رد بغضب أشد وعصبية مخيفة : برضه ده مش مبررانك تقولى انك مش عاوزة الشبكة ومش عاوزانى !!!

فوجئت بغضبه الشديد وعصبيته الكبيرة وأحسست بخوف منه لأول مرة000 ولم أجد ما أقوله فانفجرت فى بكاء مرير

0000 فوجدته يخفض من صوته وتلين ملامحه وتتحول الى رقة شديدة وحنان كبير وكأنه اب يخاطب طفلته الصغيرة الباكية 00

( انا اسف جدا ياسارة 00 ارجوكى ما تبكيش 00 دموعك غالية على جدا 00 خلاص بقى انا غلطان 00 ارجوكى كفاية انا مش قادر استحمل 00 انا فعلا جرحتك ووضعتك فى موقف محرج بس والله غصب عنى 00 ارجوكى يا سارة عاقبينى بأى عقاب الا انك تبكى 00انا ضعيف جدا امام دموعك 00 خلاص بقى انا اسف 0اسف 00 اسف مليون اسف00!)

هدئت قليلا من كلماته الرقيقة واحساسه بالذنب وشعرت بحنانه الكبير الذى احاطنى بدفئه وقلت له بصوت متقطع : ( كان ممكن يا عمر تنبهنى قبل ما نشترى حاجة بالموقف وانا عمرى ما كنت ح احرجك واختار حاجة غالية ابدا 00 لكن لما الاقيك حتى مش بتتكلم ده فعلا صعب على .. انا طول عمرى راسمة فى خيالى صورة للرجل انه حنان واحتواء وقوة شخصية .. انا ممكن اتنازل عن اى ماديات لكن الصفات دى لا يمكن اقدر.. )

انا اسف جدا.. بس بجد ما تظلمنيش انا عمر شخصيتى ما كانت ضعيفة وعمر والدتى ما اتحكمت فى ابدا .. انا كمان فوجئت بموقفها وعاتبتها عليه فى البيت .. لكن انا مفيش فى ايدى حاجة .. هم من سيشترون وأخجل ان اطلب المزيد وأخجل ايضا ان احرج امى امام الناس لكن أوعدك الف وعد اننا سنتشارك ونتفق على كل خطوة انا وانتى بس قبل تدخل الأهل وعمرى ما ح اتخلى عنك ولا ازعلك ابدا ابدا خلاص اتفقنا ؟ ..)

يوميات عمر وسارة..قصة رااائعة - صفحة 2 BS748721

ابتسمت من رقته وصراحته وقلت من بين دموعى ( خلاص اتفقنا وانا اسفة انا كمان لو كنت جرحتك .
.. )

يوميات عمر وسارة..قصة رااائعة - صفحة 2 7Jn48721

(لما قلتى لى انا مش عاوزاك حسيت ان الدنيا خلاص انتهت وانى معقول ح اعيش من غيرك ؟ .. وانى مش قادر افكر ولا اتكلم ولا انام .. ارجوكى يا سارة اوعى تقوليها تانى ولا حتى وانتى زعلانة .. وان كان على الشبكة يا ستى انا لو كانت دى فلوسى كنت جبت لك جواهر الدنيا كلها ورميتها تحت ايديكى ولا انى اشوف دموعك الغالية دى تانى !!!)

(خلاص ياعمر انا بجد مقدرة موقفك ومفيش مشكلة خلاص )

(لا يا ستى فيه مشكلة ومشكلة كبيرة كمان ..! )
(اييييييييييييييييه تااااااااااانى ؟؟؟؟؟؟؟؟)
(المشكلة دلوقتى يا ستى انى لاحظت انك بتبقى زى القمر بعد البكاء فانا ح اضطر – غصب عنى والله – انى انكد عليكى يوميا حاليا.. وبعد ما نتجوز يمكن نوصل للقسم .. علشان أشوف عنيكى الجميلة دى بالصفاء والجمال ده !!!)

( يا خبر ايه ده كله ؟لا انت اسهل تقول لى أعيط امتى وانا اعيط من غير نكد ولا اقسام..!! )

(لسه فيه مشكلة كمان .. )
(يارب استر ايه كمان ؟؟؟؟؟؟؟؟؟)

(بصى بقى يا ستى انا اتخذت قرار لا رجعة فيه ولا جدال .. ولا حتى استعطافات .. ان حفلة خطوبتنا تكون بعد اسبوعين .. علشان تلبسى دبلتى للأبد .. واقول لكل الناس القمر ده ملكى انا .. واكتب على قلبى لوحة مكتوب فيها .. قلب مسكون بأجمل ملاك للأبد..
قلتى ايه يا حبيبتى ؟ )

(موافقة يا سى السيد )

يوميات عمر وسارة..قصة رااائعة - صفحة 2 FSA48721

يوميات عمر وسارة..قصة رااائعة - صفحة 2 MGV48722

</A>

ahmed_abouzid كتب:: شكراً يا منى على تعقيبك على رأيى فى القصة
بس ليه انتى أتأخرتى فى عرض الجزء التالى
واللهى انا خايف يكون القصة انتهت على كدة من غير ما اعرف ايه نهاية الخطوبة
يا ترى الخطوبة هتنتهى بالانفصال ولا هتنتهى بالزواج السعيد

لأ يا أحمد ماتخافش عمر عاتب سارة والحمدلله اتصالحوا والا كنت أنا كمان حزعل عشانهم قوووووى
ورايحين لهم نعرف ايه آخر أخبارهم..وانشاءالله خير
وعاوزة أعرف رأيك في باقي الأحداث..
تحياتي لك...

يوميات عمر وسارة..قصة رااائعة - صفحة 2 ELc17271

يوميات عمر وسارة..قصة رااائعة - صفحة 2 A8B14505

(16)

(ادى اخرة اللى يسمع كلام العيال 00 معقول تلحق نجهز كل حاجة فى الكام يوم دول ؟ الله يسامحك يا سارة !!) هذه كانت عينة صغيرة من القذائف التى تنهال على رأسى كل دقيقة من أمى وابى بعد ما أقنعتهم بكل وسائل الزن والالحاح المعروفة عند البنات ان تكون حفلة خطوبتنا انا وعمر بعد اسبوعين ( يعنى أكسر كلام سى السيد ؟!!!) وبعد صاعقة المفاجأة التى هبطت على رأس أمى وأبى من الميعاد المفاجىء العيالى على حد وصفهم وبعد الزن المتواصل من جانبى وافقوا على مضض على ان تكون حفلة فى بيتنا على الضيق تجمع الأسرتين فقط 000وأعجبنى الحل ده جدا لأنى أصلا لا أحب حفلات الخطوبة فى الأماكن العامة لأن العروسين لا يكونوا يربطهم شىء وفى بداية التعارف 000 يبقى ليه بقى نفرج الدنيا كلها علينا مش يمكن ما يحصلش نصيب ؟؟؟

سارة

( الخطوبة فى البيت ؟ 000 ليه بقى ان شاء الله هو احنا عندنا كام عمر ؟ ما ينفعش الكلام ده ابدا !!!) هذه كانت عينة صغيرة من القنابل التى كانت تلقيها أمى على أذنى عندما علمت بموضوع حفلة الخطوبة المنزلية 000 ولما كنت لا أريد ان تتكرر مأساة الشبكة مرة أخرى 00 أخبرت أمى انى انا وسارة متفقين على هذا ولا داعى أبدا ان تفتح هذا الموضوع معهم 00 وبعد الحاح وزن كبير جدا وافقت على مضض مشيرة الى انى من دلوقتى ح امشى ورا كلام الست هانم !!! طبعا عملت نفسى مش سامع ولا عارف مين هى الست هانم المذكورة وربنا يستر !!

عمر

بجد انا مجنونة انى وافقت عمر طب هو ح يشترى بدلة فى نصف ساعة طب وانا ح اعمل ايه فى الفستان ؟ ده حدوتة كبيرة جدا
وللأسف لم اجد فى الجاهز شىء يناسبنى 00 بعد ما تطوعت صديقة مقاتلة لى ان تلف معى على المحلات وبعد 3 ايام متواصلة من اللف المتواصل وبعد ما اصابنا كساح وشلل رباعى من كتر المشى توصلنا الى نتيجة رائعة ان كل ملابس السواريهات الان مصممة للسباحة وليس للحفلات ما شاء الله كله عريان جدا جدا وكأن الطبيعى جدا ان البنات تلبس الكوارث دى !!! وكل ما كنت أسأل على شىء يصلح للمحجبات كانت البائعة تخرج لى شىء ملائم تماما لماما أو لحماتى العزيزة لكن شىء شبابى محتشم لاااااااااااااااااا يمكن لييييييييييه مااااااااااعرفش ؟!!!!

سارة

والله ويقيت عريس يا واد يا عمر !! قالها صديقى وانا اقيس البدلة الفاخرة التى اشتريتها بتحويشة العمر00وجدناها فورا المحل الذى اتعامل معه دوما 00 بس لسه الكرافتة قال البائع انها موجودة فى الدور التانى من المحل 00 ياااه لسه ح اطلع ده مفيش اسانسير 00 الظاهر الجواز ده كله ارهاااااااااااااااااااااااااق !!!!

عمر

(خلاص بقى كفاية عياط موتى نفسك يا بنتى خلاص فصلي الفستان ويارب صاحبة الاتيليية ترضى تخلصه بسرعة !!) قالتها لى ماما بعد ساعتين من الزن المتواصل وانا احكى لها رحلتى الفاشلة اليومية بين المحلات وقد تورمت اصابع قدمى واصبحت فى حجم الكورة الشراب 00 واكيد صديقتى ح تقطع علاقتها بى بعد العذاب اللى وريتهولها والكساح الذى أصابها 000 لا وح اتفرس انى اتصلت بعمر لقيته صاحى من النوم تعبان علشان نزل اشترى البدلة فى ساعة الا ربع !!! لا صحيح بجد الرجالة دول بيتعبوا !!!

سارة

انا مش عارف سارة مكبرة موضوع الفستان ليه ما أى حاجة وخلاص صحيح البنات دول فاضيين ورايقين اوى 000 وبعدين ح تفصله اخيرا وما رضيتش تقول لى لونه ايه علشان المفاجأة ربنا يستر ويليق على البدلة أحسن يبقى شكلنا اخر بيئة 000 بجد البنات دول عليهم تقاليع عجب !!!!!!!!

عمر

أمامى ألف مجلة أختار منها الموديل وفى الاخر رميت كل المجلات وأخرجت قلم وورقة وقعدت أرسم مليون تصميم وكلهم طلعوا وحشين جدا 000 ياربى ليه البنات على طول تعبانين فى كل حاجة من ا لصغيرة للكبيرة ؟ انا ح اسيب صاحبة الاتيليية تختار حاجة مناسبة لى وخلاص هو يعنى فرح الأميرة ديانا ؟؟؟؟ قلتها فى سرى وهى تجلس أمامى من عشر ساعات تنتظر اختيارى النهائى وهى ح تطق منى 000 وبعد طول عذاب منى اختارنا الموديا انا وهى وتنفست الصعداء وهى تكاد تطردنى من المحل وتقول بابتسامة طهقانة ( والفرح امتى ان شاء الله يا عروسة ؟) رديت وانا اكاد اجرى من أمامها من رد فعلها المتوقع ( بعد عشر ايام !!!) 0000000000 اييييييييييييييييييييييييييييي ييييه مووووووووووووووووووش ممممممممممممكن ابداااااااااااااا

سارة

ح اضطر اسيب ذقنى ما احلقهاش اليومين دول ولا شعرى كمان واستحمل التريقة من اصحابى والعيلة عندنا 00 يالا اهو اااااااالواحد لازم يضحى ويتعب علشان يتجوز !!
size=21]عمر[/size]

خلصت كل انواع الماسكات والسنفرة والكريمات المعروفة والمجهولة واى واحدة تخبرنى عن وصفة للبشرة او الايدين اجربها فورا 00 واصبحت غرفتى مطبخ به اعاجيب الدنيا السبعتاشر من قشر خوخ 00بياض بيض 00جلسرين وليمون 00 زبادى وعسل واى شىء اجده فى التلاجة عند ماما انقض عليه فورا واجرى عليه تجاربى الجهنمية !! انا عاوزة اعرف كل االبنات بيتعذبوا العذاب ده ولا انا بس اللى لاسعة ... بس كله يهون علشان خاطر عيونك يا عمر .......
سارة

000وأعجبنى الحل ده جدا لأنى أصلا لا أحب حفلات الخطوبة فى الأماكن العامة لأن العروسين لا يكونوا يربطهم شىء وفى بداية التعارف 000 يبقى ليه بقى نفرج الدنيا كلها علينا مش يمكن ما يحصلش نصيب ؟؟؟

تصدقى يا منى البنت سارة دى عاقلة جداً
عجبتنى أوى العبارة بتاعة حفة الخطوبة وحسيت انها معاها حق
وده لا يعتبر تشائم منها
بس جايز انا مقتنع بفكرتها علشان ده كما رأيى
مع انى عملت حفلة خطوبة كبيرة لنفسى ههههههههههههههه
واللهى خلاص أصبحت مش عارف ايه الصح وايه الغلط

منى
اخر جزء قدمتيه عن القصة كان بتاريخ 31/3 واليوم 4/4
انتى شكلك كسلتى ولا ايه
ده حتى المسلسلات العربية بتكون كل يوم
ارجوكى شدى حيلك شوية

اهلاً وسهلاً بكى اختنا الغالية

والاديبة العظيمة

منى

اسعدتينا بالقصة الرائعة

والله اسعدتينا

وبارك الله فيكى اختنا الغالية

يا بنت مصر يا اصيلة

يوميات عمر وسارة..قصة رااائعة - صفحة 2 Get-2-2009-xff06xqk

الف شكر يا استاذة منى
ودى عايزة كوباية شاى ونقرأ بأستمتاع
بس كوباية شاى ايه دى القصة عايزة زير شاى
بس مشكور جدا وليا رد اخر بعد القراءة و ارى انها نالت اعجاب الجميع
يبقى اكيد قصة جميلة و انا لازم اقرأها كويس

ahmed_abouzid كتب:: 000وأعجبنى الحل ده جدا لأنى أصلا لا أحب حفلات الخطوبة فى الأماكن العامة لأن العروسين لا يكونوا يربطهم شىء وفى بداية التعارف 000 يبقى ليه بقى نفرج الدنيا كلها علينا مش يمكن ما يحصلش نصيب ؟؟؟

تصدقى يا منى البنت سارة دى عاقلة جداً
عجبتنى أوى العبارة بتاعة حفة الخطوبة وحسيت انها معاها حق
وده لا يعتبر تشائم منها
بس جايز انا مقتنع بفكرتها علشان ده كما رأيى
مع انى عملت حفلة خطوبة كبيرة لنفسى ههههههههههههههه
واللهى خلاص أصبحت مش عارف ايه الصح وايه الغلط

لأ..يا أحمد اللي أنت وسارة بتقولوه هو الصح
الحفلة الكبيرة مفروض في الزواج فقط ..لكن الخطوبة على رأى سارة فترة تعارف ..وممكن لاقدر الله أنهم يسيبوا بعض ومايكملوش ..وده حقهم ..فليه بقى نفرج الناس عليهم ..ونعمل هيصة جامدة
والأهالي اللي بتقول عاوزة تفرح بأولادها ..بنقولهم الفرح في القلب ..مش بالمصاريف والمعازيم..
شكرالمرورك يا أحمد ..بارك الله فيك

..

abo mody كتب:: اهلاً وسهلاً بكى اختنا الغالية

والاديبة العظيمة

منى

اسعدتينا بالقصة الرائعة

والله اسعدتينا

وبارك الله فيكى اختنا الغالية

يا بنت مصر يا اصيلة

تسلم يا أبومودى وميرسي على ذوقك وكلامك الجميل
والله أنتو اللي بتسعدوني سعادة غامرة بمروركم وتشريفكم لموضوعي المتواضع
وبيكون أكبر حافز وتشجيع لي للعطاء أكثر وأكثر
وربنا مايحرمني أبدا من مروركم..

يوميات عمر وسارة..قصة رااائعة - صفحة 2 Cq318168

ميــــــ~~Mido~~ـــــدو كتب:: الف شكر يا استاذة منى
ودى عايزة كوباية شاى ونقرأ بأستمتاع
بس كوباية شاى ايه دى القصة عايزة زير شاى
بس مشكور جدا وليا رد اخر بعد القراءة و ارى انها نالت اعجاب الجميع
يبقى اكيد قصة جميلة و انا لازم اقرأها كويس

القصة حتبقى أجمل وأجمل بمتابعتك ليها ياميدو
ومنتظرين نعرف رأيك في الأحداث القادمة ضرورى أول بأول...
ولك عندى أحلى يوميات عمر وسارة..قصة رااائعة - صفحة 2 JJn19637

يوميات عمر وسارة..قصة رااائعة - صفحة 2 JJn19637

وتقبل تحياتي

طب الحمد لله انك لحقتينى بال يوميات عمر وسارة..قصة رااائعة - صفحة 2 JJn19637

أحسن انا كنت هانام
وانا منتظر منك باقية الاحداث
لأنها فعلا قصة ممتعة ومسلية
وأجمل ما فيها انك انت اللى كتباها

(17)

ترتيبات يوم الخطوبة

يوميات عمر وسارة..قصة رااائعة - صفحة 2 Qia23420

يوميات عمر وسارة..قصة رااائعة - صفحة 2 GOz23420

أكاد افتح عيونى بالعافية وأغالب النوم بقوة وانا جالسة عند الكوافيرة !! امبارح سهرت فى الاتيلية علشان أخلص الفستان 00
وكانت خناقة كبيرة بينى وبين عمر على الموبيل لما لقانى الساعة 11 لسه ما رجعتش البيت رغم ان ماما كانت معايا وبابا وصلنا بالعربية الساعة 12ونصف بعد ما خلص الفستان اخييييييييييرا !! ورغم كده عمر كان بيتخانق بمعدل كل ربع ساعة خناقة !! ويقوللي خلاص اللى خلص من الفستان كفاية ومش مهم الباقى وكفاية تأخير !! يعنى اخده بكم اه وكم لأ ؟!! يالا اهو تغيير برضه 000 طب انا ذنبى ايه فى كل الدوشة دى ؟
هو زعلان منى ليه وعلشان اليوم ما يقلبش نكد أرسلت له رسالة قبل ما أروح للكوافير قلت له ( انا اسفة على تأخير امبارح 00 انا نفسى أكون جميلة علشان أليق بيك النهاردة !!) وطبعا اتصل بى فورا وكان فى منتهى الرقة 0000 اه من عقل الرجالة !!!

سارة

رسالة سارة الجميلة امتصت كل غضبى 00 فعلا سارة ذكية جدا وبتعرف امتى توقف المشكلة بينى وبينها 00 انا مش مصدق ان النهاردة ح ابقى عريس بجد !! أصحابى كل شوية يكلمونى و يبعتوا لى مسجات ملخصها كلها ( بكرة تندم يا جميل !!!) معقول الجواز يبقى خنقة وجحيم زى ما بيقولوا ؟ لا أعتقد 00 لأن أنا وسارة متوافقين فى الشخصية وطريقة التفكير ووو00 المشاعر كمان 00 يبقى الفشل ح ييجى منين ؟ ربنا يستر 00 قمت توضئت وصليت ركعتين قضاء حاجة ان يوفقنا الله انا وسارة طول العمر 00000000

عمر

انا بجد خلاص ح انفجر00 من 4 ساعات وانا عند الكوافيرة ولا أفعل شىء 00 المحل فيه 7 عرايس غيرى !! بجد كأننا فى سيرك الحرارة عالية جدا 00 والعرايس كلهم متوترين وخايفين يتأخروا عن ميعادهم وكلهم بيتحايلوا على الكوافيرة علشان تخلصهم كلهم مع بعض ازاى ما أعرفش !! عملت لى ماسك اول ما جيت الصبح وعملت شعرى رغم انى ح أغطيه!! يعنى باختصار لسه ما عملتش حاجة خالص والساعة 4 وعمر حييجى الساعة 7 !!! كلمنى عمروسألنى ( عملتى ايه ؟) قلت له( ولا حاجة خالص !!) وصوتى مخنوق بالبكاء قال لى (ولا يهمك انتى قمر من غير حاجة00 طيب أكلتى حاجة يا سارة ؟ ) رديت باستغراب ( أكل ؟!! 00يعنى ايه الكلمة الغريبة دى ؟ )

سارة

سارة عاملة زى الأطفال لازم حد يتحايل عليها علشان تاكل 00 اتصلت بمطعم بيتزا وأعطيته عنوان الكوافيرة كى يرسل لها طعام 00 ورأتنى أمى وأنا أرتب هذا وكادت ان تنطق بعصبية جملة بها (00 ست الحسن 000!! ) كالمعتاد 00ولأول مرة أرى فى عينيها نظرة تشبه الغيرة !! وبدل ان أعاتبها وتقلب نكد كالعادة أخذتها فى حضنى وقلت لها : ( عارفة ياماما انا باحب سارة ليه علشان نسخة منك 000 بس انتى الأصل يا جميل والباقى تقليد !!!) فوجئت بضحكتها الصافية وهى تضمنى لها وتدعو لى بالسعادة مع سارة !! ياااااااااخبر ماما بتغير على ؟؟؟؟؟؟!!!!!!

عمر

(بيتزا للانسة سارة 00 العريس باعتهالك !! ) دوت الجملة فى مركز التجميل كالرصاصة وصاحبتها همسات وضحكات مكتومة من بقية العرايس معناها ( شايفة عريسها بيحبها ازاى ؟ ) غرقت فى الخجل من نظرات الجميع 000 وفتحتها وانا اتذوق أغلى وألذ بيتزا تذوقتها فى حياتى 0000 بجد من يقول ان الحب أهم ما فى ااااالحياة لا يعرفون شىء 00 أهم ما فيها هو الحنان 000

سارة

يوميات عمر وسارة..قصة رااائعة - صفحة 2 Zlj21546

الساعة 6 وانا عند الكوافير الرجالى 00 خلاص خلصت كل شىء 00 واديتها جل على شعرى والبرفان الجامد جدا ولبست البدلة وكله تمام 00 ايه الشياكة دى يا واد يا عمر ؟ صديقى ذهب يزين العربية وسيأتى بعد نصف ساعة كى نأخذ سارة من الكوافير الساعة 7 تماما مش عاوز أتأخر عليها أحسن تزعل منى 00

عمر

(ياستى انا ميعادى كمان ساعة ولسه ما عملتش حاجة خالص !!!) قلتها للكوافيرة وانا أكاد أبكى 00 ردت على ببرود كبير معتادة عليه ( لسه 3 عرايس وبعدين انتى !! ما تقلقيش ياعروسة !!) 3 عرايس ؟!!!!!!!!!!! ده انا ح أخلص الساعة 12 ان شاء الله !! وصوت الموبيل لا يتوقف عن الرنين من عمر وماما الكل بيستعجلنى وكأن الذنب ذنبى 00 ارتديت الفستان ومن عصبيتى جزء صغير منه اتقطع من الذيل 0000 اه فعلا هذا ما ينقصنى الان !! 00 انطلقت صديقتى تبحث فى المحلات المجاورة عن ابرة وخيط بلون الفستان كأنها تبحث عن ابرة فى كوم قش00 وأخيرا جاءت وحاولنا محاولات مستميتة ألا يظهر هذا العيب 00 يارب استر يارب00

سارة

الساعة 8 ونصف وانا واقف أمام مركز التجميل انا وأصدقائى وبعض من أهل سارة 00 هم بيعملوا ايه جوة بالضبط ؟ ! ولا حظت وجود عدة سيارات مزينة وعرسان مثلى والجميع منتظر الفرج وكأننا فى كرنفال وكل ما تخرج عروسة من الكوافير الجميع يجرى عليها 00 ثم يفوز واحد بها ويتنفس الصعداء والباقى يعودون يجرون أذيال الخيبة !!! وسارة لا ترد على الموبيل ابدا 0000

عمر

أخيرا حنت على الكوافيرة وبدأت فى تجهيزى والغريب انى لم استغرق معها نصف ساعة والساعة أصبحت 9 ونصف ونظرت الى وجهى فى المراة بعد كل هذا التعب 00 وجدت الفستان أنيق للغاية 00 ووجهى لم أره بهذا الصفاء من قبل 00 خلاص بقيت عروسة ؟؟!! يارب أعجب عمر وكل الناس 00 بس عمر أهم من كل الدنيا 000

سارة

تسمرت من مكانى عندما رأيت سارة تخرج من مركز التجميل 00 ونسيت الانتظار الطويل والمكالمات الغاضبة من أهلى وأهلها على كل هذا التأخير 00 نسيت الدنيا كلها عندما رأيتها تتألق فى فستان رائع من اللون الأزرق الصافى المشغول برقة بخيوط فضية خلابة 00

ووجهها لم أرى أجمل منه فى حياتى وكأن كل نساء الدنيا تجمعت فى امرأة واحدة 00 جريت عليها وهمست لها 00 بحبك يا سارة

عمر

يوميات عمر وسارة..قصة رااائعة - صفحة 2 RTH13493

الله على الحلقة رقم 17
حلوة اوى اوى اوى
ياريت لا تتأخرى فى بقية الاجزاء

يخرب بيت سنينك يا عمر كلامك يدوخ
الواد بيجيب الكلام الحلو ده منين
وانتى يا ست منى والنبى شدى حيلك شوية ونزلى الجزء الجديد
بس بصراحة الجزء دة أكتر من رائع تسلم ايدكى واللهى

ميــــــ~~Mido~~ـــــدو كتب:: الله على الحلقة رقم 17
حلوة اوى اوى اوى
ياريت لا تتأخرى فى بقية الاجزاء

الحلو ياميدو هو متابعتك للقصة
وححاول متأخرش عليكم..لأني ماأقدرش على زعلكم
يوميات عمر وسارة..قصة رااائعة - صفحة 2 03a77664

ahmed_abouzid كتب:: يخرب بيت سنينك يا عمر كلامك يدوخ
الواد بيجيب الكلام الحلو ده منين
وانتى يا ست منى والنبى شدى حيلك شوية ونزلى الجزء الجديد
بس بصراحة الجزء دة أكتر من رائع تسلم ايدكى واللهى

انت لسه شفت حاجة ..عمر لسه ياما حيقول !!!
منور يا أحمد ال topic
أنا سعيدة جداااااا ان الجزء ده عجبكم..
(18)وحالا حنزل الجزء

يوميات عمر وسارة..قصة رااائعة - صفحة 2 50a78736

يوميات عمر وسارة..قصة رااائعة - صفحة 2 50a78736

(18)

حفلة الخطوبة

جالسة انا بجوار عمر وأشعر بمشاعر غريبة كلها متناقضة 00 فرحة وخوف وقلق وترقب 00اول مرة اكون محط انظار الجميع لدرجة التحديق فى كل تفاصيل مظهرى 00

هو شعور جميل ولكنه يدعو للقلق ولكن لا يهم المهم انى أعجبت عمر 00 وانه سعيد بى جدا وحمانى من نظرات الغضب التى هاجمتنى عتابا لى على تأخيرى 00

المنزل مزين بزينات واضواء رقيقة 00 متى زينوه هكذا ؟ وافراد الأسرتين موجودين والجميع سعيد والزغاريد لا تتوقف 00 ماعدا حماتى العزيزة بالطبع قبلتنى ببرود ولامتنى على تأخرى ولاحظت انها طوال الوقت تهمس فى أذن ماما بكلمات غريبة 00 اه لا اريد ما يعكر صفوى الان فلتقول ما تريد 00 انا وعمر معا والدنيا كلها ملكنا وحدنا 0000

سارة

سارة فاتنة هذه الليلة 00 كم احب هذه البنت الجميلة الشقية التى دخلت حياتى فجأة بدون سابق انذار فقلبتها رأسا على عقب 00 وفى اسابيع قليلة أصبحت تملك مفاتيح القلب وتطرق ابواب الروح وتتسلل الى اركان عقلى فتحتله 00كما يتسرب الماء الصافى الى الارض الجافة فيرويها 00 أصبحت أهم انسانة لى فى هذه الدنيا00

هل سنعيش معا سويا للأبد ؟ 00 اه كم اتمنى هذا 00 وهل ممكن ان يتحول هذا الحب الى مشاعر الملل والرتابة فى الزواج ؟ وكيف يقرر الانسان فجأة ان يكمل حياته كلها مع انسان واحد لم يعرفه الا من ايام قليلة 00 انه أمر صعب لو كان بيد الانسان 00 أكيد ان مباركة الله للزواج هى ما تيسر هذا وانه سبحانه وتعالى هو من يؤلف بين القلوب فيجعل الغريب حبيبا 00

عمر

الحمد لله انى أصريت على تأجيل كتب الكتاب لفترة 00 لا أتخيل ان يعقد قرانى اليوم على انسان لم اره سوى من اسابيع قليلة 00 صحيح انى أحببت عمر00 ومقتنعة به ولكن لا أستطيع حاليا تقبل فكرة الارتباط الأبدى بهذه السرعة00

الموسيقى تنساب بقوة والزغاريد تحيط بنا من كل مكان 00 شعورى لا أعرف كيف أصفه 00فعلا البنت لا تكتمل وترتوى الا فى وجود رجل يحبها 00

حانت لحظة شرب الشربات 00يارب عمر لا يسكب على فستانى منه كما أسمع كثيرا 00 الحمد لله سقانى بسلام 00 حان دورى لأسقيه انا الاخرى 00 أخ وقعت قطرات على قميصه الناصع ورمقنى بغضب شديد وصرخ فى ( مش تخلى بالك يا سارة ؟ ) !!!

سارة

أخخخ00 ماذا فعلت ؟ الجو تكهرب فجأة من صرختى الغاضبة فى سارة والجميع صمت ونظر لسارة التى تكاد تبكى من شدة الخجل والاحراج 00 لماذا تهورت هكذا ؟ أكيد سارة ح تزعل وعندها حق 00

انا اسف يا سارة 00 بجد اسف 00 سارة لا ترد على وتتظاهر بالتشاغل مع صديقاتها اللاتى أدركن الموقف وتجمعن حولها يضحكون كى يخففوا عنها الاحراج 00 لازم ابطل العصبية والتهور 00 أصبح لى شريك فى حياتى الان قد لا يتقبل كل تصرفاتى 00 خلاص يا سارة انا اسف بقى !!!!

عمر

(انا اسف يا سارة ؟!!! يا سلام بعد ما أهنتنى أمام الناس ؟ لماذا لم تمسك أعصابك أمام هذا الخطأ الغير مقصود ؟ هل هذا هو طبعك ؟ لا يمكن ان أتحمله ولابد أن تكون خلافتنا بيننا وحدنا لا أن يكون الجميع طرف بها 00 بجد يا عمر لن أتنازل عن هذا أبدا 00 )

قلت هذا لعمر وانا ارسم ابتسامة زائفة أمام الناس كى لا يلاحظوا الخناقة الدائرة بيننا 00 وبادرنى عمر بالاعتذاروعدم تكرار هذا 00 وأخذت وقت كى أظهر طبيعية 00 وحان وقت ارتداء الشبكة وأصريت ان تلبسنى اياها والدة عمر 00 من ناحية هو لم يصبح زوجى ومن ناحية أخرى انا لسه زعلانة منه !!!

سارة

يا سلام ماما هى اللى ح تلبس سارة الشبكة ؟ ايه الهنا ده ؟ يالا يبقى القميص والشبكة !!! طب مين ح يلبسنى الدبلة بتاعتى البواب؟

ألبست ماما سارة الطقم الذهبى ثم أوقفتها باشارة من يدى وأخذت دبلة سارة واقتربت منها ورجوتها وهمست لها : ( علشان خاطرى يا سارة انا نفسى أظل أتذكر هذه اللحظة وانا أضع اسمى حول أصبعك للأبد 00 أرجوكى علشان خاطرى 00 لن ألمس يدك أساسا 00 الف مبروك يا حبيبتى !!! )

يوميات عمر وسارة..قصة رااائعة - صفحة 2 6RR81132

يوميات عمر وسارة..قصة رااائعة - صفحة 2 6RR81132

]

عمر

( حبيبتى ؟ !!) اول مرة أسمعها منك يا عمر 00 والله انت اللى 00 الله الدبلة شكلها جميل جدا فى اصبعى أجمل من اى خاتم امتلكته فى حياتى 00 وكفاية ان عليها اسم عمر كى تكون أغلى دبلة فى الوجود 00 وألبسته دبلته المحفور عليها اسمى ونحن نطيرسويا فى دنيا خاصة بنا 00 ونسمع موسيقى تعزفها قلوبنا ونخطو خطواتنا الاولى نحو دنيانا الجديدة 00 دنيا محفور على بابها 00 اسمينا فقط 00 سارة وعمر 000

سارة

يوميات عمر وسارة..قصة رااائعة - صفحة 2 Vja79867

يوميات عمر وسارة..قصة رااائعة - صفحة 2 Vja79867

هى بجد قصة جميلة
بس انا زعلان منك اوى علشان مردتيش عليا فى الحاجات اللى انا عاوزها

abdelrhman كتب:: أخ وقعت قطرات على قميصه الناصع ورمقنى بغضب شديد وصرخ فى ( مش تخلى بالك يا سارة ؟ ) !!!

الواحد شكلة هيغير فكرتة عن عمر ولا ايه
يا ترى ليه عمر خرج عن شعورة بكل سهولة كدة
مع ان الموضوع ما يستهلش كل ده
انا حاسس ان امه مدلعاه شوية لأن الشاب لما يتربى على الدلع بيكون عصبى لأتفه الاسباب
وده طبعاً مجرد رأى
أما بالنسبة للجزء الجديد فأقول انك يا منى عرضتيه بطريقة جعلتنى اشعر انى احد المعازيم الموجودة فى حفلة الخطوبة
شكراً على القصة وطريقة عرضها الشيك جداً