عايزين نكون فريق اخبارى ...مين يساعدنى ؟؟؟؟؟؟؟؟؟

السلام عليكم :
ازيكم كلكم يا احلى نصراويه ......ايه اخباركم يارب تكونوا دايما تمام

بصوا يا جماعه انا فكرت فى فكرة حلوة اوى

وهى اننا نكون فريق اخبارى كده محترم ......

وظيفه الفريق :
-------
1- اولا جمع اهم الاخبار عن الانشطه اللى بتمارس داخل النادى .....يعنى هيكون مثلا اتنين مسئوليين عن الانشطه الثقافيه وواتني فى الكشافه وكده
المهم ان الفريق ده كله يبقى بيتجم مثلا فى النادى كل اسبوع مثلا ونجمع الاخبار ونصيغها ونديها لمستر ميمو علشان ينزلها ع الموقع وبالتالى منبقاش بنظلم اى انشطه من النادى .
2- تغطيه الحفلات والانشطه الخارجيه زى الرحلات مثلا ........يعنى تغطيه باهم الاحداث وصور .
3- صدقونى هنحس اننا بنعمل حاجه وهو نقى بنعمل نشاط جوه النادى

اللى عجبته الفكرة ونفسه يشرك معايا فى الفريق الاخبارى ممكن يكتبلى اسمه ويقولى اليوم اللى ممكن يخصصه لاجتماع الفريق الاخبارى

اللى عنده اى افكار او مقترحات للفريق ده طبعا طبعا يقدر يقول عليها

عايزة الاقى اسامى كتير

فكره رائعه والمجموعه الكشفيه باكملها
جاهزه للتنفيذ

او بمعنا تانى
ان المجموعه الكشفيه تابعه للنشاط الثقافى والاجتماعى
ممكن نجمعلكو اكبر مجموعه من النشاط على المنتدى بالجديد كله

تفكير رائع اوبرا

سبحان الله
الفكرة دى لسة كانت على بالى اليوم الصبح وقلت انها اول شئ اقترحة عليكم بس انتى الخير والبركة
نتكلم فى المهم

تعالو نقسم نشاط النادى وهو ( رياضى - اجتماعى - ثقافى ) ومن خلال هذا التقسيم نستطيع تكوين المجموعات بمعنى تكوين مجموعة افراد لكل نشاط(لاتقل عن ثلاثة أفراد) مثل مجموعة النشاط الرياضى ومجموعة النشاط الاجتماعى ومجموعة النشاط الثقافى وجميع المجموعات تتجمع فى مكان مخصص بالنادى فى يوم محدد وننتشر فى النادى للحصول على المعلومات المطلوبة عن كل نشاط ونتقابل مرة اخرى بعد تجميع المعلومات ونقوم بصياغتها بشكل جميل ونعطيها لمحمود (ميمو) لنشرها بالمنتدى

وأرجو قبولى فى مجموعة النشاط الرياضى لأنى على علاقة طيبة بأغلبية المدربين

يبقى تمام اوى كده بس عايزين ناس اكتر علشان كده هستن يومي كمان لحد يوم السبت كده

وبعد كده لو محدش جه هنبدأ باللى طلبوا الانضمام هنا وع الجروب ونحدد ميعاد المقابله والتقسيمات اللى كل واحد هيشارك فيها

وبجد شكرا اسلام واحمد على اهتمامكم بالفكرة وان شاء الله نعمل حاجه كويسه

ها ايه رايكم يا جماعه يبقى ميعاد اول مقابله يوم الخميس الجاى 19-3 الساعه 6
؟؟؟؟؟؟؟؟؟؟؟؟؟

اعتقد ان الميعاد دة لمجرد الاتفاق على طريقة العمل مش كدة

بس معلش يا اوبرا ممكن يكون الميعاد بعد الساعة 6 علشان برجع متأخر من الشغل

وعايز اعرف المكان بالتحديد علشان انتى عارفة ان مفيش حد فى المجموعة يعرف شكل التانى واحلى حاجة انه يكون فى كلمة سر للتجمع

مثلا حمبوزو لاوى بوزو أو عم شلاطة بتاع البطاطا أو سحس بومب

اى حد من العيلة اياها وخلاص

هههههههههههههههههههههه

اوك اختارلنا كلمه انت بس واحنا وراك

طب ممكن نخليها 7 ؟؟؟؟؟؟؟؟؟؟؟؟

7 كويس
على فكرة انتى نسيتى تحددى مكان التجمع

انا شايفك متواجدة لو شفتى رسالتى ردى

ازيك يااوبرا ويا احمد الميعاد جميل جدا
لان تدريب الكشافه يوم الخميس وبالمره تتعرفو على المجموعه
ولحسن الحظ ان المجموعه فى نفس الميعاد عندها تدريب شاق بسسب ان يوم الجمعه فى مهرجان جامد جدا فى نادى الطيران
انتو ممكن تيجو النشاط الاثقافى والاجتماعى منها نتعرف على بعض ومنها تعرفو اخبار عن النشاط الاجتماعى والاثقافى والحفله الى هما عملنها يوم الجمعه ومنها برده تشجعونا عشان المعسكر بتعنا وتعرفو بردو اخبار عنا وعن المعسكر

انا فى الانتظار يوم الاخميس الساعه 7م

وشكرا

طب احنا ممكن نعمل فى النشاط الثقافى مجرد زيارة علشان منعطلش الشغل بس عايزين مكان نتفق عليه ونتقابل فيه ؟؟؟

اقترحوا وانا معاكم وهقولكم الاخبار كمان ع الجروب اللى ع الفيس بوك ايه

صبرا صبرا يا اهل المنتدى لاتستعجلون على المشقة العمل جى جى

لا بس ادينا بنستعد بطريقه مصغره لاى عمل او نشاط ومنور التوبيك استاذ محمد رسمى

يا جماعه ميعاد 6 ونص ايه رايكو فيه ؟؟؟؟؟؟؟؟؟؟

صباح الخير عليكم جميعا

أولا - عاوزة أشكركم على مجهودكم وأفكاركم الجميلة

ثانيا- موضوع فريق الأخبار موضوع ليس بجديد - فلقد ناقش الأستاذ محمد رسمي معي أنا ومستر ميمو هذا
الموضوع - ولحين الانتهاء من عمل الترتيبات وأسلوب العمل فيه سوف نبلغكم كيفية العمل و وأماكن التجمع

لأننا وقبل كل شئ نحن أسرة واحدة نعمل تحت مظلة هذا المنتدى الجميل لخدمة نادينا الحبيب كفريق واحد برأى واحد ( منبثق من مناقشة جميع أراء المسؤولين والمشرفين والأعضاء )

وياريت أى اقتراحات بخصوص سير العمل بالمنتدى بترجعولنا بها- أنا أو مستر ميمو - ونحن بدورنا بنناقشها مع الأستاذ محمد رسمي - أو للأستاذ محمد رسمي مباشرة - حتى نعرضها ونقدمها لأعضائنا الكرام في أحسن صورة وبأحسن ترتيب ونقدم لهم كافة التسهيلات الممكنة من ادارة النادى

وهذا - أولا وأخيرا - فهو لصالحكم ولتسهيل الأمور بالنسبة لكم في العمل.

والاجتماعات والعمل كثير باذن الله وفي أوجه مختلفة .. ماتقلقوش مسألة وقت بسيط

وتقبلوا تحياتي

.

بصرحة يا منى انتى والاستاذ محمد رسمى خلتينا نشعر بالاحباط

احنا خلاص بدأنا التحضير وحددنا الميعاد وما ينقصنا إلا العمل

وبعد كل هذا الاستاذ محمد رسمى يقول اصبروا ولا تستعجلو بصراحة هو لم يحدد سبب الصبر ولم يطلب منا حتى اللاجوء اليه للمناقشة أو أخذ رأينا فى أى شئ

أما انتى فتقولى ( وياريت أى اقتراحات أو أراء بترجعولنا بها- أنا أو مستر ميمو - ونحن بدورنا بنناقشها مع الأستاذ محمد رسمي - أو للأستاذ محمد رسمي مباشرة )ا

معنى هذا انه لا يجوز لنا كمشرفين أو أعضاء عمل اى اجتماعات او اتخاذ اى اجراءات دون الرجوع اليكم

عفواً فهذا غير منطقى حيث ان هذة الفكرة كانت معروضة منذ يوم الثلاثاء الموافق 10/3 ولم يعترض عليها احد بعد ما اقتربنا على تنفيذ الفكرة وبعد مرور 10 ايام تقولو اصبروا

أنا سعيدة جدا يا أحمد اني أجد فيك كل هذا الحماس للعمل, وصدقني احنا كمان متحمسين جدا للعمل .
.لكن ذى ماقلت لك مسألة وقت بسيط وتنظيم للعمل لا أكثر

ان شاء الله مش تقلقوا هتبقى فى مفأجأة قريب واكيد الكل هيسعد بيعها عشان نشتغل بجد
لا تقلقوا وانا تحت امركم لو تبقى المقابله دى مقابله تعارف وده بعد اذن استاذ محمد رسمى واستاذه منى كبارة

النشاط الرياضى عندى بس حد يتصل بيه وبلاش خناق cheers

اخر كلام الفكرة كده هتتاجل يا جماعه لفترة من الوقت ان شاء الله مش هتكون كبيرة .........ويبقى مفيش اجتماع الاسبوع ده

انا معاكوا انشاء الله

اقتباس :

انا معاكوا انشاء الله

الحقيقة خطأ شاسع ميدو

فالمشيئة غير الانشاء .. فيجب عليك ان تكتب ان شاء الله

وليس انشاء الله
(لاحول ولا قوة الا بالله)

ارجو اني اكون افدتك

وان شاء الله انا ممكن انضم للفريق

لكن مش هنضم غير لما اجيب اول اجدد اخبار وبعدين تحكموا عليا