يوميات المفتش كورمبو لأحلى اعضاء ....شاركونا الحلقة الثالثة

السلام عليكم ورحمة الله

النهاردة جايب لكم لعبة حلوة كتير كتير

وممتعة جدا

اللعبة هى ان هيكون واحد مننا اتسرق

واللى سرقه هيكون واحد من ثلاثة اعضاء مننا

واول واحد يقول اسم اللى سرق

وايه الدليل

هو الكسبان

الجوايز : ذهب و كمبيوتر و لاب توب و تليفزيون وموبايل وجوايز كتير كتير

بس المهم انكم تشاركوا

[ندعوك للتسجيل في المنتدى أو التعريف بنفسك لمعاينة هذا الرابط]

بس ما أحد يزعل لو طلع حرامى

نلعب أزاى ...أنا مستعده للمشاركه

و أنا كمان معاكو فى اللعبه

بس قول هنبتدى ازاى ؟

هو انا مش هبتدى دلوقتى

بس كويس كده معانا اتنين

متشكر جدا لمشاركتكم معايا

يا سامي عايز تعمل ايه في اعضاء المنتدي؟؟؟؟؟؟؟؟

انا هجرب المرادي اشترك معا صديقاتي ..بس موعدكش المره الجايه لو الموضوع( كده كده ) بس ربنا يستر .. لما نشوف كرومبوا بتاعك!!!!

عندي تعليق صغير بلاش كلمه الي سرق او لص علشان تلاقي اعضاء اخرين يشتركوا معاك ممكن نسميه مين الي هيخدع الاثنين التانيين..

اشكرك.. و السلام عليكم و رحمه الله و بركاته..

ياريت تشرح اللعبة بوضوح أكتر ياسامي

يمكن نفكر نشترك

هى حاجة كده زى لعبة او مسابقة

المهم هى فعلا لعبة المفتش كرومبو

يعنى ايه ؟
يعنى هنحط حكاية عن حد ضاع منه اى حاجة

وكان فى المكان تلات اشخاص

وكده يعنى زى كرومبو الحقيقى بالظبط

بس الفرق انه هيكون العضو اللى اتسرق والاعضاء التلاتة م المنتدى

وطبعا هيكون كل تلات ايام حلقة جديدة

وطبعا الجوايز معانا كتييير

زى فلوس

[ندعوك للتسجيل في المنتدى أو التعريف بنفسك لمعاينة هذه الصورة]

أو دهب

[ندعوك للتسجيل في المنتدى أو التعريف بنفسك لمعاينة هذه الصورة]

او كمبيوتر

[ندعوك للتسجيل في المنتدى أو التعريف بنفسك لمعاينة هذه الصورة]

او لاب توب

[ندعوك للتسجيل في المنتدى أو التعريف بنفسك لمعاينة هذه الصورة]

وجوايز كتير

بس اهم حاجة تقولوا ايه الدليل

الحلقة الاولى

[ندعوك للتسجيل في المنتدى أو التعريف بنفسك لمعاينة هذا الرابط]

اهلا بيكم

النهاردة حصلت حاجة غريبة اوى

أم زيزو اشترت 2 كيلو برتقال ابو صرة علشان عندها شوية برد

ولما وصلت بيهم لباب العمارة إفتكرت إنها نسيت تشترى الجبنه فرجعت تشترى الجبنه وسابت البرتقال جنب باب العمارة

وكان واقف أمام باب العمارة على الرصيف التاني 3 من اعضاء المنتدى

نهى حسين:اللي كانت بتقرا في الجرنان

سامى : اللى كان واقف بيتكلم فى الموبايل بقاله ساعة

ولاء: اللى كانت بتشرب عصير قصب فى المحل اللى قدام العمارة

ولما إشترت أم زيزو الجبنه ورجعت ملقاتش كيس البرتقال

فأتصلت على طول بالمفتش كرومبو

ولما سأل التلاته إذا كان حد فيهم شاف كيس البرتقال بتاع أم زيزو قالوا

نهى حسين: بجد حاجه موش ممكن كيس برتقال ايه وبتاع ايه انا كنت بقرا مقال مهم جدا عن اسعار الدهب...... مش عارف الدهب بقي بكام دلوقتى

اما سامى: هههههههههه برتقال اية اللى انت جاي تقولى علية كل ده علشان شوية 2 كيلو برتقال ابو صرة لو لاقيتة هاتلى واحدة

ولما سال ولاء قالت ....لا انا مشفتش اى أكياس برتقال خالص انا واقفة بشرب العصير حتى لسه مخلصتهوش .. تاخد شوية .

أم زيزو معرفتش مين اللى اخد البرتقال

بس انا عرفت
لو انت كمان عرفت اتصل

علي زيورو تلات اصفار صفرين

وابقو قابلونى الحلقه اللى جاية

مع تحيات المفتش كورومبو

أعتقد والله أعلم ان اللي أخد كيس البرتقال
هو

( سـامي)

مع الاعتذار لأبو السـوم

لأنه عرف منين ان البرتقال ....بصرة

وابقى قابلني الحلقة الجاية ..هههههههههههههه

أيوا هى هتكون كده بالظبط

بس ما احد يزعل لو طلع المتهم

المفروض ان انا استنى اجابات تانية من باقى الاعضاء

بس علشان مافيش حد يتمل

هضع الفائز هى الاستاذة منى

واتفضلى جايزتك

[ندعوك للتسجيل في المنتدى أو التعريف بنفسك لمعاينة هذه الصورة]

بس انا عايز اعضاء كتير يشاركوا معانا

علشان فيه حلقات اكبر من دى بكتير

اخي الكريم سامي

متهيألي اللعبه دي مش محتاجه اعضاء تشارك باسمها علشان تتلعب.. من الافضل اتخاذ اسماء وهميه.. و يبقي دور اعضاء المنتدي هو معرفه الفاعل.. ايه رأيك ؟؟ مش كده افضل!! و بالتالي هتلاقي اعضاء كتيير ممكن تشترك معاك في الحل..

اللعبه كلها من اولها الي اخرها بتكون تقريباً قصه بوليسيه من تأليفك.. يعني تقريباً محدش بيلعب فيها غيرك.. علشان كده الافضل ذي ما قلتلك.. و هي ان يكتفي الاعضاء بمعرفه الفاعل من خلال اسماء و هميه بمعرفتك بعيد عن اسماء اعضاء المنتدي..

أشكرك و في انتظار التعليقات من الاعضاء علي كلامي هذا..
تحياتي..و السلام عليكم و رحمه الله و بركاته..

ماشى اختى الفاضلة هضع اسماء وهمية

بس انا كنت حابب ان الاسماء تكون من الاعضاء

مش مشكلة

ــــ الحلقة الثانية ـــــــــــــــــــــــــــ

[ندعوك للتسجيل في المنتدى أو التعريف بنفسك لمعاينة هذا الرابط]

كرومبو كرومبو كرومبو

مع المفتش كرومبو

النهارده حصلت حاجه غريبة

أستاذة ولاء كانت واقفة ادام العمارة بتاعتها و فجأة جيه حرامي و سرق دهبها

و هي علي طووووووووووووول ماتتوصاش راح صوتها جاب أخر الشارع

بس الحرامي ده مالحقش يهرب فطللع جري عالعمارة

و طبعا وهي واقفه بتصوت عدت أستاذة منى واستاذة ام زيزو و لقوها في حاله لا يرثي لها

قالولها مالك يا ولاء

قالتلهم ألحقووووني دهبي و تحويشت عمري راح

انا اتسرقت و اللي سرقني طلع العمارة

و شكله غريب عن سكان العمارة

وكان لابس حاجه علي راسه مش عارفه ان كان راجل ولا ست الله يسامحه

الهى يارب مايلحق يتهني بيهم

فحاولوا يهدوها و قالولها طيب خلاص ماتخافيش

هو يعني هايروح فين هيطلع عالسطح مش هيعرف يهرب من فوق

هو نازل لقدره يعني نازل لقدره

و كان في العمارة 4 أشخاص غرباء عن العمارة

و لما سألنا ال4 أشخاص قالوا

سامى
انا جيت لزيارة ابن أخويا ايلى كان مريضً وكان ساكن في الدور الحادي عشر أي قبل الأخير لكنى ملقتوش وجارة قالى انة اتنقل المستشفى ولما نزلت من الشقة لقيت موضوع السرقة دة

ومحمد قال

أنا بشتغل دليفرى عند أحد مطاعم البيتزا التي يوجد بها خدمات التوصيل إلى المنازل وكنت بوصل وجبة للشقة رقم تسعة وثلاثين وولما نزلت فوجئت بالجريمة.

ونهى قالت
انا جيت ازور صديقتي ايلى ساكنة في الشقة رقم واحد وعشرون وهي الشقة الأخيرة في الدور السابع واليوم عطلة فى الشغل وقد اتفقنا على الخروج معًا.

ومحمود قال

أنا سواق طلب مني زبون انى استناة لما يجى ولما اتاخر رحت اتفرج ع العمارة عادى يعنى

ولاء ماعرفتش مين اللي سرق

بس انا عرفت

لو انت كمان عرفت

اتصل علي زيرو تلات اصفار صفرين صفر

و ابقوا قابلوني لو كسبتوا

مع تحيات

كرومبووووووووووو

أنا عرفت الحل ياسامي

بس مش حكتبه عشان أدى فرصة لغيرى في حصد الجوايز

وعموما حكلمك على

زيرو ثلات اصفار صفرين صفر

وأقولك الحل....

بسرعة ياجماعة منتظرين الحلول

ماشى يا سمسم
مش ام زيزو قلتلك اسماء وهميه
اوكيه
ماشى .....ماشى
[ندعوك للتسجيل في المنتدى أو التعريف بنفسك لمعاينة هذه الصورة]
طلعتنى أنا اللى ---- مش هقول
[ندعوك للتسجيل في المنتدى أو التعريف بنفسك لمعاينة هذه الصورة]

انا عرفت الحل يا سامى
السارق هو محمد عامل الدليفرى

لانه قال انه كان بيوصل دليفرى للشقه رقم 39
و العماره 12 دور كل دور فيه 3 شقق فقط
اذا لا يوجد شقه رقمها 39

صح و اللا غلط

انا مستنيه الجايزه

ماشي يا لولو علي الجوايز .. بس ما تبقيش تنسي تعطينا شويه..

Noha Hussein كتب:

هههههههههههههههههههههههههه
ههههههههههههههه

معلش يانها خللي روحك رياضية

ههههههه

بعدين احنا كلنا الدور جاى علينا واحد واحد

وخاصة أم زيزو .هههههه

اللي عمّالة تهرب ....وخايفة الدور ييجي عليها

ربنا يستر عليا ..لحسن آخرة ضحكي ده مش كويسة خالص

كرومبو مش حيسيبني..

حياتي لكم

يا استاذه مني يبقي حضرتك كده معرفتيش مين الي اخد الدهب

مش نهي.. ده عامل الدليفري.. مهي ولاء حلتها و كسبت الجائزه.. بس سامي لسه مسلمهاش حاجه باين عليه مش معانا النهارده و له ايه؟؟؟ Very Happy

علي العموم يا استاذه ربنا يستر.. Very Happy

مساء الفل ياام زيزو

أنا مع ولاء في ان اللي سرق عامل الدليفرى

لأن العمارة مفروض فعلا 36 شقة

وفين جايزة ولاء ياسامي

ماتغيبش علينا ..لأن المسابقة جميلة ومشوّقة

وفي انتظار الحلقة الجديدة باذن الله

معلش يا جماعة اتاخرت عليكم

قلت لنفسى مش هفتح النت غير لما اخلص المادة مرتين

والحمد لله كله تمام

معلش يا استاذة ولاء اتاخرت عليكى فى الجايزة