حسن يوسف ...محمود المليجى

كم أشفق على الكابتن سمير زاهر لأنه الوحيد فى مصر الذى طبق عليه بند فى
اللائحة الأ وهو لابد للمترشح أن يكون حسن السير ....محمود السمعة
هل
تتخيلوا المسئول الأول عن الكرة المصرية "وأشهر رئيس أتحاد مصرى وصاحب
أكبر أنجازات الكرة المصرية بكل محتوياتها أفريقية,خماسية, شاطئية , حريمى
والحائز على أربع أوسمة جمهورية وعضو مجلس الشعب السابق وعضو مجلس الشورى
الحالى وعضو الأتحاد العربى وعضو أتحاد شمال أفريقيا ورئيس لجنة البث
التلفزيونى " يتم أقصائه بهذه الطريقة وأستخدام بند فى لائحة العمل العام
لم يتم تطبيقه من قبل , ولو تم تطبيقه سيكون مصير معظم المسئولين نفس مصير
الكابتن سمير زاهر

ورغم أننى مختلف مع الكابتن سميرفنيا وأداريا فقط ولم ولن أتعرض الى شخصه الكريم الأ أننى أقدم له نصائح أرجو أن يقرأها الا وهى :-
1-
تخلص من حمامك القديم ... أذهب الى الأتحاد الأن وتخلص من الأدارة
القانونية والأدارية المالية وكل حاشية الشر وكل رموز الفشل واللى بالطبع
هتكمل دورها الضار من بعدك الا أذا كنت نفسك تنتقم من اللى جاى بعدك وتسيب
لهم الغام العلميين فى الأتحاد
2- الأتصال بقناة OTV ومحاولة
تسوية وضعها الرياضى وتعويضها عن الأضرار التى لحقت بها بسبب عناد غير
محسوب من أتحادك ولك أن تعلم بأن أسر كتيرة أضرت بسبب مافعله الأتحاد مع
OTV الا أذا كنت بتحب يكملوا الدعوات عليك لأنك محصن أقصد كنت محصن
3-
التنازل عن البلاغ الذى قدم ضد الكابتن أحمد شوبير والذى حاولت فيه تبليغ
رسالة الى الرأى العام بأن البلاغ جاى من فوق أوى وأنتوا يا كبدى على
عينكم تبلغوا فى اللى قاعد على كرسى الأتحاد ... وطبعا كلنا عارفين أن لا
فى توجيهات من فوق ولا من تحت وكل اللى أنتوا عملتوه نوع من أنواع الغلوشة
المعهوده منكم لألهاء الرأى العام عن الفشل ومفيش مانع يكون على حساب أى
حد لأنكم متعودوش تحاسبوا من جيبكم دايما الحساب على الحساب
4-
الأعتذار لشعب مصر عن دورك فى الأخفاق لعدم تأهلنا لكأس العالم 2010
....طالما أنك قبلت أن تفرح حدك وتقييم الزينة لنفسك وتغنى لنفسك أدحرج
وأجرى يا رمان وتنسب لنفسك أنتصارات أفريقيا وتصرف من الأتحاد أموال كثيرة
للأحتفالات وتقبل هدايا من مصريين وعرب أن الاوان أن تنسب الى نفسك أيضا
الفشل ثم تعترف به ثم تعتذر للشعب المصرى وطبعا أحنا شعب طيب وبرضه مش
هنقبل أعتذارك
5- الأتصال بكل أعضاء الجمعية العمومية ..عضو عضو
لأنه حلم من أحلامهم أن تتصل بيهم وميكونش فى أنتخابات أو تربيطات أو
عزومة فى فندق يعقبها شوية طلبات بسيطة أو يكون الأتصال فقط لشكرهم ثم
توديعهم وطبعا هيفرحوا جدا بمكالمتك ولكن برضه مش هيسمحوك على وعود الزبدة
اللى انت وعدهم بيها وطبعا كالعادة الزبدة ساحت
6- الأجتماع
الفورى مع السادة أعضاء مجلس أدارة الأتحاد المتطوعين وأقناعهم بالأستقالة
بس متنساش أستقالتك أنت أولا ..لأن أنتم فى مركب واحد ودخلتوا الأتحاد
سويا وأن شاء الله تخرجوا معا وعلى فكرة الأستقالة دى الحاجة الوحيدة اللى
أحنا هنقبلها منكم
وفى النهاية أعتقد أن الدرس كان فوق الفظيع لأنك
تغطرست على أصحاب الحقوق , وسخرت من اللى نصحوك وأهملت من ساندوك , وتوهمت
بأنك الأقوى وتوقعت بأنك محمى والسلام مش محمى بأعمالك , وخططت أزاى تاخد
مدة أخرى بعد أنتهاء مدتك القانونية كأنك فى سنترال الماظة ولم تدرك أن
هذه الأمور بيد الله فسرعان مايكون الرد الهى ومتكملش مدتك القانونية ولا
حتى ثلاثة أربع المده
طبعا النصائح اللى أنا قدمتها للكابتن سمير مش
هياخد بيها كالعادة بل هيروح لمحكمة تنزانيا ويعمل فيها أستشكال لايقاف
الحكم ويروح لترزية اللوائح ويقولهم لصالح النجاح لابد من الغاء هذا البند
اللعين مش علشان خاطرى ولكن علشان كل المسئولين الناجحين والمهددين
بالأستبعاد بسبب هذا البند الغريب ويقدم أقتراح أن يكون بدلا من
حسن السير ...محمود السمعة أن يكون
حسن يوسف ...محمود المليجى
بقلم دكتور عمرو عبد الحق